再去歷史博物館. 其實我鍾意去museum ga, 可以增廣見聞. 這個展覽睇過幾次lu, 最有興趣是四億年前ge香港. 泥盆紀時期, 香港是河谷平原......直至冰河時期完結, 新形成的山谷遭海水淹沒, 造成現在的海岸線, 海灣和島嶼. 我覺得好奇妙, 我覺得人真係好渺小. 這個比喻幾好...如果地球是1小時前誕生, 香港就係5分鐘前形成, 人ge存在還不夠1秒. 天大地大, 人小我小...好多事其實都只係一件小事.

我想起geography...我介意自己的a-level成績, 我覺得辜負了老師, 辜負了她的悉心教導...她付出的力氣一定比其他老師多......

同個client傾到6點, 意想不到其背景會如此複雜. 唉, 家家有本難唸的經......

係不斷做, 係逐漸接近目標, 但仍然覺得好虛. 沒有把握的感覺極不良好!

不去計較和爭取公平...兩者能否並存?

做攰要撐

不斷做做做, 繼續攰攰攰, 我要撐撐撐......哈...哈...哈...

今日勁食糖, 好肥啊. 小心...小心...

由人轉境

節錄自某email: 同一件不幸事你可以怨天尤人, 痛罵社會, 甚至自責無窮, 但事情卻不因這些而改變, 這一切只改變了你和日後的生活, 負著疤痕的活下去。 反之, 放下仇怨恨和懼怕, 放下過去, 勇敢的活下去, 事情的境況原來並不如想像中壞, 這就是Proactive Behavior, 也就是我們所說的由人轉境, 而不是被外界事物牽走。

三日假期, 有努力ga, 不過尚有一個target未完成. 唔緊要, 繼續努力la.

慶祝鬼節

又係節日消費ge日子.

今晚, 我哋同亞L出去食飯, 當慶祝halloween. 我哋帶晒道具出街ga喇, 原本以為新城市會有d嘢搞, 點知都只係好普通ge表現. 反而慢慢散步回家仲開心, 或者, 就係一點點親情已勝過刻意營造的物質享受.

取消有線

1003的新娘改了聽日才約睇相, 於是今日留在家苦幹. 進度滿意...陣間睇番場紐卡素獎勵自己.

已經決定cut有線. 無咗舒利亞, 真係無咁投入lu. 真係咁鍾意佢? 還是自己根本不再熱衷足球?

好似又諗多咗lu...

首次面試

雖然話係long weekend, 但係我都帶咗唔少嘢返屋企做, 希望真係可以完成la. 最遲下星期要清晒d存貨, 最後幾日諗下俾mug嘢人哋睇...希望順利過渡la. 按部就班, 應該ok ge, GO GO GO!

亞L聽日interview喇. 這是他人生中第一個interview...姑媽支持你...相信眾"姐姐"也會支持你.

又做姐妹

A叫我1227做姐妹, 應承咗lu. 原來數下數下, 計埋1227都只係8次而已. 好, 又有keep fit目標lu.

我同"C觀點"的看法一樣: 既然無可選擇, 怨天怨地也沒有意思, 只會令自己的情緒更加低落, 不如接受現實, 在實際的處境裡尋找空間.

應該向前看......

北韓瞎子

1117就比賽喇...有d失預算...通常都11月尾或12月頭gama...唯有趕快練習! 那個星期又多一樣嘢忙, 之後又少一日假期lu.

pth03有d同學仔唔多識尊重人, 傾偈大大聲...仍然覺得以前嗰班開心d! C同我改咗一個同學ge花名做"北韓瞎子", 因此佢對眼超矇, 矇到好似盲人一樣, 於是提議叫"瞎子", 但我地驚太明顯, 於是想, 不如改個"XX瞎子", 扮深田恭子, 松田聖子之類, 最後覺得"北韓核子"夠hit, 就決定叫佢做"北韓瞎子". 如果四個字太長, 簡稱"北韓"都ok ge...睇怕無人估到係佢喇啩! 改花名, 強項la. 唉, 苦中作樂都要ge.

突然諗起''la gea''...永遠懷念佢. 記得這個名ge由來嗎?

巴黎症候

聽聞每年有十幾個日本人去完巴黎觀光之後, 都要接受心理治療, 因為他們都患上"巴黎症候群"! 當遊客對某個地方的認知與事實產生衝突時, 或會引致危機, 而脆弱的遊客更有可能因此而發狂. 小心小心.

近日心情有d低落, 總覺得自己肥咗, 重咗, 攰咗, 殘咗...這就是我XX症候群的現象.

儘量笑下la...想起一個笑話: 仁兄和仁姐只是一線之差......

忽然重視

突然話要focus inspection. 嘩, 點解係我哋呀? 唉, 要prepare喇!

又有外遇

又聽到d老公有外遇ge事件. 唉, 都一把年紀喇......

點解仲要用一d自以為堂而皇之ge藉口去掩飾呢? 一切所謂ge道理都係歪理!

有點勉強

我覺得一號有d想搞強政勵治, 所以在suppliers面前, 要擺出強勢領導ge姿態, 不過, 強得嚟有d勉強......

如果仲記著d衰ge人, 仲記著d唔開心ge事, 即係自己懲罰自己. 無理由要自己承受double penalties. 盡力而為!

順便OT

返屋企又即刻瞓番陣...真係好攰, 好眼瞓. 莫非因為XX症候群?

聽日下晝要OT. 為咗令自己好過d, 特別搞個K局. 咁樣, 聽日出街就只係順便開工, 我哋ge主要目的係唱K至真, 感覺都好d!

睇番以前北海道ge旅行報告...想起政壽司, 想起美瑛, 想起函館...好想飛呀!!!

非常疲倦

今日好眼瞓, 搞到個人都無mug心機. 於是夠鐘即刻走, 返屋企即刻瞓.

又覺得自己肥咗, 感覺不良好!

又開課了

pth03悶好多wor. 可能先入為主, 總覺得02開心d, 輕鬆d, 親切d. 或許我也需要一些時間適應吧. anyway, 一星期一晚點都舒服d ge. 努力la.

運動半天

都鍾意運動日ge, 起碼唔駛返大本營, 人都輕鬆d. 不過, d暗曬搞到唔多舒服. 幸好, lunch(其實係下午茶市)之後無事lu, 今晚仲去食buffet. 雖然唔多嘢食, 但宜家仲好飽. 幾晚110之後, 睇怕今晚可以112都偷笑lor. 每年都負責做time-keeper. 我鍾意ga, 唔悶, 幾好玩吖. 原來, 有些時間是做出來的. 又有d clients見到個時間就歡喜若狂, 其實個時間可能唔多準確呢. 同一條lane, 都可以唔同時間. 好似我同bt只相差百分之十八秒都算難得gala. 記得yr1那年, 都有做inter-hall athletics meet ge helper...有d畫面仲隱約記得.

一個小結

"正音朗讀"正式完結lu. 其實有許多同學會喺下一班再見, 到時再一齊學習學習la.

都有丁點進步ge, 繼續努力la. 還要多謝C...多謝你送我一個ah O水壺, 讓我休息ge時候, 都可以有啖水飲. 有你在旁, 的確無咁悶. 仲有, 有你哋ge順風車返屋企, 快好多啊!

起舞弄清影 何似在人間

在blog的世界, 好流行影子相片. 我諗我哋影lei幾張相, 都玩咗五分鐘. 非常享受拍攝過程, 非常滿意照片效果.

每月一動之二

應該係半動之真. 1700在西貢市中心集合, 行吓海傍, hea吓鋪頭, 就去食海鮮.

叫咗個二人餐, 348蚊, 可以選四款海鮮+菜+糖水. 我們order咗龍蝦, 炒蜆, 魚和炒蟹(左圖). 食得好飽, 好滿足. 問店員可否全選龍蝦, 佢唔駛考慮就話唔得, 因為會蝕本, 所以要揀下其他, 拉上補下. 再問佢可否全選炒蜆, 佢就話要問下老闆, 可能得ga. 哈...哈...這就是做生意.

飯後閑逛一下, 再去食糖水(上三圖)...芒果撈河粉+白雪公主+玫瑰湯丸, 邊食邊研究那些明星留言和相片. 撈粉一定要share, 否則又會羊粉肚...白雪公主少了山竹, 水準還可以...湯丸ge糖水加咗玫瑰, 反而無咁甜...款款都唔錯la!

最後再走出碼頭發發夢, 吹吹風, 和訂定下次的活動方案. 是次活動正式結束.

只要每月有一動, 日子點都變輕鬆. 有盼望, 有希望. 互勉之.

初次見面

星期五去咗探S和小吉. 初次見面, 小粉團都幾可愛, 頭髮多多, 有d包包麵...佢媽咪就差唔多修身成功lu...因為炒咗個菲傭, 獨力照顧BB實在太辛苦lor. 做媽媽, 太偉大喇!!!

之後, 就同K, J及其夫婿T去元市中食日本菜. 味道唔錯, 最難忘是cheese cake, 我們試了tiramisu和blueberry cheese cake, 好滑, 餅底又脆, 好味! 忘記了影相...因為噚晚狀態麻麻地...又係頭痛>_< ! 出去接K ge時候, 仲喺元市中兜咗幾個圈. 唉, 好少唔認得路ga ma!

煲完一瓜

pth老師好似唔多捨得我哋wor...話我哋用功, 融洽, 關心別人, 仲話下堂影告別相tim...眨眼就三個月lu. 唔知下一班會點呢?

專業表現

朝早仍然頭痛, 仲有d想嘔tim, 可能有d凍親. 同自己講無事ge, 著番件衫, 食番粒葯, 好多了, 幾專業! 不過, 狀態始終欠佳. 晚上同G食完飯, 行一小陣, 歸家lu. 過埋聽日, 又可以抖抖, 正!

早閃半天

有d頭痛, 唔知係唔係去完seminar, 覺得有d疲勞轟炸. 不過, 可以早閃半日都非常開心.

壽司旺旺

L的姨媽寄來一份非常精緻的禮物...並不是真壽司, 只是包裝得如壽司一樣的零食. 唔捨得拆嚟食tim.

壓力測試

以上都是靜止的圖片 ,據心理醫生說，圖片與心理承受力有關， 你的心理承受的壓力越大， 圖片便會轉動得越快。美國曾經以此作為犯罪嫌疑人的心理測試，他看到的圖片是高速旋轉的，而大部分的兒童看這幅圖片是靜止的。 你是否應該讓心情休息一下? (click大張啲睇會好啲)

寫聖誕卡

起身之後, 收拾下, 執下垃圾, 咁就四點lu...最有意義係寫咗張xmas card俾我喺菲律賓ge仔, 為整靚張card, 我都搞咗個幾鐘ga. 佢今年13歲, 讀中一. 睇番佢今年ge相, 的確大個仔好多lu, 希望佢俾心機讀書, 有好ge前途, 可以過豐盛充實ge人生.

十六最圓

這是昨晚10時53分，即迎月夜最圓一刻的月亮。去年中秋是「十五的月亮十五圓」，今年中秋則是「十五的月亮十六圓」，即月亮最圓的時間在農曆八月十六。內地天文專家說，從今年起，連續5年中秋都會是「十五的月亮十六圓」，要到2011年才會有「十五圓」的中秋。(明報)

終於等到今晚lu...終於可以瞓個夠lu...不過, 宜家仲飽飽地, 瞓唔瞓好呢?

賞月回想

仲係好攰wor, 睇怕聽晚ge中秋活動, 就係早啲瞓, 補番吓.

淨係眼瞓啫, 既然無mug精神做嘢, 就快啲走. 1800返到cu, 決定行上本部. 見到月光lu, 我一邊食麵包, 一邊賞月, 幾寫意. 我想到sandy bay...記得有一年臨近中秋, 我哋成班人練hockey, 月亮好低好低, 就好似啱啱喺個海上面, 又圓又大.

聽聞明晚月球是9年來最接近地球的. 對, 我記得97年的中秋月亮又係又大又亮...我哋去咗長洲camp, 第二日一齊飲早茶, 之後再出中環食飯.

人月倆團圓!

確定良性

醫生話確定是良性...以後, 自己就多啲留意吓, 大約半年就去照吓超聲波, 又注意吓飲食, 唔好食白鳳丸, 燕窩, 雪蛤, 當歸之類富雌激素的食物...終於舒一口氣lu.

昨日absent, 原來我部分clients幾擔心, 以為我的報告出現什麼問題, 於是今日一見到我, 就上前問我有無事...總算佢哋有啲同理心. 事源佢哋有次又係呆呆滯滯, 我就想佢哋積極啲, 於是我就話自己最近都好擔心, 但我的表現還是好"專業", 希望佢哋知道任何時候都要精神, 要積極. 唔介意與他們分享生活點滴, 今次我講, 其實係想佢哋明白就算不如意, 也應該積極面對, 而且真係要注意健康.

要樂觀, 要+ve, 要珍惜, 要努力......世界有太多東西發生, 不要等到天上俯瞰.

其實今日好攰, 仲要準備pth功課, 幾點可以瞓呢?

光頭到老

這對公仔超搞笑, 居然連頭髮都飛起, 寓意這對新人打風都打唔甩吧! 祝福你們.

很喜歡玫瑰堂, 簡約而莊嚴. 在教堂行婚禮幾正. 我唔想入教, 或者寄望識番個天主教徒, 都可能有啲機會!

今天遇上一個中法混血兒, 超級靚仔. 我都好主動邀請佢, 同我在結婚蛋糕前影相. 哈哈, 好耐無見過俊男lu...唔知十年後, 十七歲ge佢, 仲會唔會咁吸引呢?

Good days are coming

恭喜P媽媽! 我哋又有個爸爸喇. 祝你們甜蜜, 美滿......

十一有國慶, 十二有媽媽結婚, 都算喜事重重, 喜氣應該陸續有來.

十月點都好過九月ge...yeah!!!

愛國份子

國慶日...祝願國家國運昌隆. 中國好, 香港好, 自己都好.

過去幾年的十一都會喺窗台擺支小國旗, 今日卻發現支旗唔見咗, 無得擺. anyway, 我仍然係愛國份子嚟ga!

唱K慶祝

都算係慶祝一下la...同K去咗唱K.

我哋先去澳洲牛奶公司食個lunch. 好多年無去過lu, 記得上嗰兩次都係K帶我去ge. 仍然係好多人, 今次仲排到出街, 證明間野幾受歡迎. 例牌食個快餐...叉燒通粉+火腿炒蛋+厚多士+熱holick...24大元. 質素唔錯ga, 蛋同多士都好味, 今次略嫌鹹咗啲. 這裡的特色是"快", 伙計好efficient, 俾位你之後, 就好快幫你落單, 食物又好快上枱, 總之見你食完一碟, 就即刻幫你收野, 又即刻同你寫野飲. 你自自然然, 就會跟住一樣快. 我哋坐低至食完, 唔駛廿分鐘.

之後就落去安達唱K. 宜家逢星期六, 日, 加$12有tea buffet tim, 睇落都ok ga. 因為太飽, 我們淨唱. 1500-1900, 四個鐘都似啲樣. 好耐無唱"人間"喇, 一樣咁好聽...首歌. 宜家反而仲記得"難忘你"...曾話過再也不想你......

太過巧合

仲未收到醫生的電話, 好, no news is good news!

邪唔邪, 又見到啲咁ge資料! 由最初同事贈送我的leaflet, 到booklist上看到的書名, 到有關的新聞報導和講座宣傳, 到世界紀念日, 到這份從email收到的資料, 短短十日, 令我對這個問題有更深入的認識和體會. 各位, 多多小心和保重.

<-- click嚟睇就清楚好多gala.

唔會有事

剛打咗電話, 姑娘話報告已到, 但醫生較忙, 遲啲就會打番俾我. 我即刻問係咪即係有事, 姑娘話唔會, 因為有事的話, 我就會即刻收到電話. 再放心一點lu......

陣間會出去唱個K. 夜晚返嚟, 再報告下個報告ge情況la.

報告未到

1330打去問報告, 姑娘話未送到, 叫我聽日再問. 唔好意思, 又要大家擔心多一日. 好, 聽日等我ge消息la.



如果每個星期五都可以著便服返工都幾好吖, 個人都輕鬆啲. 你有壓力, 我有壓力...千祈唔好咁緊張, 會死ga.

今日收到transcript喇. 之前上網都知晒所有成績, 宜家有份野揸手, 感覺又真係實在好多. 只係唔滿意0405 term1 嘅成績, 有個B-, 好似唔係咁好睇(hehe, 同其他科目相比!). 不過, 那一個term真係幾辛苦...讀四科, 又要面對許多其他ge問題. 唔計xmas前的功課和test, 我記得嗰年, 23/12, 28/12, 30/12就要交3份功課...十日做三份功課wor!!! anyway, (忙)碌過就算lor, 總之grad.到就得la.

三日假期, 休息吓喇(=.=)

少許緊張

聽日應該有報告gala. 可能預咗今日未必有, 所以噚晚都無mug野. 不過, 宜家又開始有少少緊張lu...

take it easy...relax...don't be afraid =)

感激支持

多謝各方靚女支持, 有你地撐, 點都撐落去. 今日幾攰, 可能噚日喊過, 雙眼還有少少澀.

今次我話咗俾好多人聽. 令各位擔心, 唔好意思. 不過, 我深信你們每一個都會支持我, 我地係真朋友, 所以我都唔怕講. 事實上, 有你地ge支持, 感覺的確良好許多許多.

真係好感恩, 有好的家人, 同事, 朋友...少咗個另一半, 真係無mug所謂.

應該無事

check過lu, 多數無事ge, 不用替我擔心. thank you all for your continual supports and deepest sympathies!!! really really appreciate!!!

醫生幫我檢查, 提議再去做個超聲波. 照到一個水瘤, 一個纖維瘤. 水瘤應該無問題, 但為咗肯定纖維瘤係良性, 都係抽組織再化驗一下. 醫生話95%無事, 不過, 安全啲, 都係驗埋la. 依家等星期四聽報告. 有消息再講.

抽完組織之後, 忍唔住喊咗出嚟. 唔知係驚, 定係痛, 定係因為鬆咗啲, 好自然, 先眼濕濕, 然後嗚咽, 再流大大滴ge眼淚. 醫生可能想安慰我, 就話不要太擔心, 總之, 以後多定期檢查, 注意飲食...我喊住走, 然後再喊住話俾媽咪聽無事, 叫她不要擔心. 為咗令自己心情好啲, 專登去sogo買朱古力食, 之後再去買六合彩, 希望可以贏番$3800(診金+超聲波+抽組織+化驗組織的費用). 唉, 3800去到轉泰國lu. hehe, 我識得咁計, 証明我ok la.

宜家都仲痛痛地, 不過, 無事的話, 都值得.

預先打聽

為免因為陌生的環境而產生不必要的疑慮, 特別打聽一下診所的setting如何. 我會盡量做一啲野令自己安心一點. 有個同事在旁講了一句: 原來你都係驚ge. 我開心, 因為我在佢心目中是一個tough和積極樂觀ge人. 但我心諗, 俾你都驚la.

其實都有啲驚ga. 不過, 知道驚係解決唔到問題, 知道自己驚反而令身邊ge人擔心, 我會叫自己放鬆, 所以, 我暫時仍然食得落, 瞓得好, 識得笑, 做到野. 一切都安好. 不過, 無可否認, 今日係擔心咗啲. 因為朝早睇am730, 又有相關ge報導. 好邪啫!

今晚同ex-formteacher食飯前, 遇上ex-client. 感覺幾得意, 我哋又約之後食飯lu.

偷懶藉口

L一過嚟, 完全做唔到野. 不過, 都歡迎佢, 咁姑媽又可以有一個偷懶的藉口!

唔知呢, 收到ex-clients啲emails, 都未想覆佢地. 可能一諗到自己的近況, 就只想星期二後才reply, 咁可以清清楚楚話自己"everything is alright". 唔駛擔心, 我唔係驚, 不過硬係有啲野釣住, 總係有啲不自然.

內外兼備

多謝各位ge支持!!! >3<

今日同K一齊睇"prada"...都幾好睇...唔知呢, 可能我ge工作環境還未至於有這樣的上司, 所以感受唔到那種"下屬被上司欺壓"的痛苦. 不過, 的確好多靚衫睇, 睇住andy由6號變4號, 打扮一下, 真喺靚好多. 同埋, 唔好話啲名牌"咁貴咁無野, 俾都唔買", 其實有好多details係自己唔識欣賞啫, 人哋背後都花咗好多心血. 好, 以後我會appreciate...雖然我都一樣唔會買(中咗六合彩另計). 我開始覺得, 打扮其實唔係代表貪靚, 不著重內涵; 打扮也可以是尊重別人, 寵愛自己的表現. 內外兼備就最好la!

驚都無用

話咗俾媽咪聽lu...佢反而叫我唔好記住, 話宜家好多人都係咁. 其實我都真係無咁上心, 話晒驚都無謂. 總之下星期快快檢查, 知道下一步點做就好了.

多咗啲嘢

今朝起身, 覺得身上多咗啲野. 我會去check下gala, 希望只係小事la. 其實都有少少擔心, 不過, 樂觀啲, 積極啲, 我諗, 任何事都會好啲.

報讀了下期pth lu, 如果有得讀, 以後應該一星期一晚, 希望會舒服啲la. 交表之後, 沿住cc個church那邊斜路上, 都可以上本部啊. 行少少斜路, 然後搭某building ge電梯, 15分鐘以內一定到. 小息時候, 又遇上預科的班主任. 她讀完phd之後, 今年轉去cu做......幾上進, 不過, 我諗我學唔到lu.

身體安康.

喜出望外

返到屋企, 竟然有黑森林食, 喜出望外. 即刻上磅, 111, 希望瞓覺前都只喺111.

今日講到"勿以小善而不為, 勿以小惡而為之", 立刻想起我好尊敬的一個人. 離開三年了, 願她安好.

日落聯想

幾鍾意喺個房度望日落......証明自己唔駛天黑已經返到屋企, 幸福!!! 突然想起黃山的日出, 想起假期, 想起......

不過, 西斜起嚟, 都真係幾熱.

漲卜壽司

收到漲卜壽司貼紙......好鬼得意, 正!

好, 我ge sushi collection又豐富啲lu :P

Tuesday lu

今日無事gala, 真係, 一件小事而已, 而且, 不是第一次嘛. 我都希望佢會努力, 佢會進步, 至少都勇於承擔, 有番啲上司ge風範和風度, 唔好辜負我lay啲咁合作ge組員.

開會至1700, 放工之後, 兜去馬場行咗一陣. 睇吓人打波, 睇吓啲廣闊ge綠色草地, 淨化一下心靈都幾好. 今年要幫手負責"反射日", 嘩, 好煩ga wor. 算, 當跟高人學吓野lor.

尋晚msn, 大家傾了一陣. 有人關心的感覺非常良好, 始終, 朋友一場.

一點不快

開咗一個幾無謂ge會......內容廢廢哋都預咗, 有關領導的嘴臉卻最令人討厭. 我覺得自己已經好合作咁同你開會, 但你還是齋坐發呆, 剩係識得問"點呀?", 然後等我地諗, 喂, 點都提啲意見la. 都算, 唔該唔好整啲不屑表情, 好似假設我地又唔合作, 又唔願做. 其實咁ge表現唔係第一次, 但係今次我真係有啲罄, 我覺得佢真係好低lor, 好無風度好無品lor.

我知, 唔應該拿別人的問題來懲罰自己, 不過, 要繼續under佢, 就真係有啲無奈. 唔駛驚, 我不會上心, 不過, 喺我個file裡面佢又多一個reference lu.

一個夢

又見番猛烈ge太陽lu =]

剛剛同啲兄弟姊妹食完飯. 唔好問我啲兄弟質素如何......總之, 疊埋心水做個好姊妹就夠喇, 唔駛諗其他. 新郎哥話我聽, 咁多野搞真係好煩, 都係唔擺酒好. 其實, 有失又有得啫. 不過, 俾我都想簡單啲......不如去轉關島, 可以邊旅行邊結婚......所以, 希望大家都儲定機票錢, 就算我閃電過去結婚, 你地都可以一齊飛去, 同我開心下. 到時唔駛俾人情gala, 你地出席已經係最好ge禮物.

好, 發完夢, 睇埋場波就瞓. 好好迎接未來的5 day工作.

新歌一首

今日聽到張信哲的新歌......立刻想到一班好姐妹, 想起以前唱K的時候, 一定有他的mtv......記得S和A很喜歡他, 我哋又話F好似佢. 我都喜歡張信哲ge歌, 最鍾意"我要讓你知道"(可能歌名有錯, 但肯定是愛如潮水cd的最後一首), 首歌好似為你唱一樣. 這首新歌都一樣, 雖然歌名坦露咗啲, 但簡單的鋼琴伴奏, 感動人的歌聲, 聽來好sweet, 好舒服. 辛苦的時候(最好係任何時候tim), 有個人唱俾你聽都幾好. 聽真人唱, 好; 聽張信哲唱, 都好. weekend喇, 好好休息一下.
http://www.haoting.com/htmusic/127963ht.htm

小E

又過咗一個星期, 可以抖抖.
到目前為止, 還算感覺良好, 覺得自己尚可以handle手頭的工作. 疲累? 一定有, 但至少還未有那種"心攰", 還未極度渴望長假期ge降臨. 新工作, 邊學邊做邊適應吧. 好, 九月過咗一半喇, 以後ge日子應該好過啲, 起碼, 多一點點假期. 繼續努力, 支持你.

圍城? 原本只會想到錢鍾書和方鴻漸, 宜家, 竟然同阿扁有關. 唔知最後結果會點呢?

無題

又有69個平民百姓因為教派衝突而被殺......不寒而慄.
有個"貓姐"因為無力還債, 竟然買兇殺死自己......不明所以.
***************************************************************************************
最近返pth幾開心. 時間無咁耐, 自己無咁攰, 有時同學又搞吓笑, 最好是有C和P車, 9:40前一定返到屋企. 好想多用啲時間練習, 不過......總之, 盡力而為la.

下雨天

好大雨! 幸好, 出門時候都唔係咁大雨, 落車之後仲細雨好多, 未算好狼狽.

今日, 我係第一個走, 第一個走出大門口, hehe, 好有滿足感!!!

今日得著

1 要平心靜氣
2 要預先作好準備
3 不要理所當然
***************************************************************************************
一追再追, 只想追趕生命裡一分一秒......突然傳來這首歌......有一點點懷念. 其實更喜歡"今生今世"......風裡笑著風裡唱, 感激天意碰著你, 縱是苦澀都變得美. 天也老任海也老, 唯望此愛愛未老, 願意今生約定他生再擁抱.

地鐵一幕

好高興beba可以順利加入! 歡迎歡迎! 仲有無羊粉肚和羊粉胃?

****************************************************************************************
今日搭地鐵, 遇兩對母子. 兩個細路應該係同學. 佢地四個進入車廂之後, 只見細ge打機, 大ge傾偈, 無mug特別, 於是無理佢地. 後來, 一對母子快要下車了, 我感覺到兩個細路好似爭梗一啲嘢, 突然那個亞媽惡惡地話: "聽日俾番你la", 然後急急下車. 雖然看不到整個過程, 但我想, 做亞媽不應該容許個仔搶人本書, 然後講聲咁ge說話就算啩. 車門關上, 列車繼續行駛, 我又聽到另一個亞媽問亞仔: "本書呢?" 我看不到也聽不到細路有何回應, 只聽到亞媽話: "死蠢!". wa, 做亞媽ge應該教個仔禮讓, 而佢居然反鬧自己個仔. 唉, 學校做moral ed.做得幾好都無用la.

****************************************************************************************
我哋終於有爸爸喇! 恭喜P媽媽!!

打響頭炮

昨日, "每月一動"正式打響頭炮. 我和B一同為F預祝生日, 今次慶祝主題是"境外", 於是我們特地北上...深圳一趟.

1100在大學站會合之後, 行動隨即開始. 我們先到羅湖城逛逛, 哈, 我買了一對金色高跟鞋......下流的物質生活. 喪行三小時後, 我們轉移陣地, 到新書城沈浸在書海之中, 滋養一下大家的上流精神生活. 我買了一本普及版的時間簡史, 希望今次可以明白裡面的內容吧. 六時多, 我們到小肥羊打邊爐. 可能之前太肚餓, 瘋狂點了許多食物, 還是有賴侍應勸我們刪減一些, 才不致浪費更多食物(事實上, 我們己浪費了一點!). 我們三個吃了$200RMB, 算超抵gala. 飯後, 再到深圳city super行一轉, 買了一些"休閒餅干"...百力滋. 總之, 大約2300返回大學站, 歷時12小時的活動正式結束. 整天說說笑笑, 行行企企, 飲飲食食, 又以為自己去咗旅行. 唔緊要la, 努力工作, 努力玩樂, 下個月又有另一個活動. 姊妹, 有何提議?

***************************************************************************************
今日收到S的全家福, 真替佢開心; 今日又係A的生日, happy birthday.

無題

起身居然頭痛! 雖然只是隱隱作痛, 而我亦催眠自己其實無事, 但是開完會之後, 還是繼續痛. 應該是未適應吧, 始終夜睡早起, 唔夠瞓! 負痛拜訪J...900幾呎新居, 對住城門河, 夫復何求? 飯後的cheese cake, 正! hehe, 不枉我放工就仆出去買.

爸爸今日覆診, 醫生說情況頗理想. 感恩.

**************************************************************************************

同一句說話, 可以有不同的詮釋; 就算是同一個詮釋, 也可以有不一樣的感受.

無題

過埋聽日就放假喇, 努力呀! 希望個會唔好咁悶, 快快搞掂, 阿門.

新舊交接

去澄食咗開工後第一個街外lunch. 反而最欣賞那個冷烏冬...我個口仲痛梗嘛. 希望大家以後都有安樂茶飯食. 再貪心啲, 係大家都有唔會肥ge安樂茶飯食!!!
我的壽司杯要退役了......唔知點解, 佢無端端多咗條裂紋, 水一滴滴漏出來, 無辦法再用了. 超唔捨得, 話晒都陪咗我好多個年頭, 又係我親愛ge好同事送ge......唉, 總之, 忍著淚說goodbye la. 迷彩杯隨即接棒, 希望佢可以陪我一起走過開心的日子la.

壓力甜品

一起身就諗: 快啲放, 食完飯就返屋企瞓覺. 於是努力應付原本擔心ge工作, 之後又因為唔去食飯住, 結果可以更早返屋企抖抖. 好! 不過, 我個口仍然好痛啊. 從星期日開始, 三笪痛楚程度不一ge患處, 一直折磨著我. 媽咪講得好: 你一返工, 個口又有事. 唉, 快啲好la!!!

stressed is just desserts if you can reverse.

G, 多謝你post這一句, 的確幾有意思, 所以搬埋嚟我地盤同多啲好姊妹分享. 真係好眼瞓啊, 瞓陣覺再開工.

有一段日子

開工喇! 個鐘竟然停咗, 要媽咪0620嗌我才知醒, 雖然比平時遲咗二十分鐘, 但我一樣可以在0630出門口. 勁唔勁? 第一日ok ga, 做吓introduction就搞掂, 反而擔心聽日! 嚟真lu wor, 但還未ready好. 睇我宜家寧願寫blog都唔準備就知la.

夜晚返pth都特別攰. 直接去到cc, 食個紅腸漢堡扒煎蛋公仔麵餐, 邊食邊望吓出面ge麻雀, 樹, 草, 水, 球場, 都還算寫意. 有啲懷念過去兩年ge日子. 那時候, 返學反覺得成個人輕鬆咗(當然唔計要present, 要test, 之後要做功課la), 總之覺得返咗學, 我又變番學生, 可以唔駛理其他煩ge嘢. 第二年返星期六仲開心. 上完堂, 同幾個同學食吓lunch, 傾吓偈, 間中出去唱吓K, 都算係在緊張工作當中抖一抖氣.

唔知幾時影畢業相呢?

難得欣賞

等E和K期間, 看到對岸的霓虹燈, 都好想做番個遊客, 影吓相, 欣賞吓真係好靚ge維港夜景. 難得有暫時的時間和空間呢!!! 唉, 真係要準備lor, 由零開始, 特別辛苦啊!

廿週年飯局

原來出席廿週年飯局的同學仔都唔係很多. 其實認識二十年, 難得聚首, 雖然不是每個人都投契傾偈, 但見到面, 感覺還是親切, 良好的. 沒有影相啊, 唔知呢, 究竟是提不起這個雅興, 還是沒有適當的時機? anyway, 有好多畫面已經入咗腦. 今晚有好多BB. 食到中段, 好多人都唔見咗, 原來係去咗換片片. 都有提吓以前ge事, 例如安仔花名的由來, 誰做過班長...不過, 比我想像中少, 大家講ge更多係生BB, 小朋友. 或者, 我們個個都大個lu, 步入新階段lu. 咁, 我呢?

依我記得, 今晚單拖出席ge有我喇, E, K, 南, 倫和輝. 情侶組合有美及其男友. 家庭組合有欣和樂(22/8出世的女兒則留在家中), 玲和森和兩歲三個月的兒子, 廷和太太和十五個月的囡囡, 賢和太太和三個月的仔仔, J和老公和十四個月的仔仔, (龜)賢和三歲的兒子(家裡還有個歲半女兒). (龜)賢ge太太係欣ge妹妹, 於是欣, 樂和(龜)賢都變埋親戚.

臨走都話廿年後再見, 之後又話十年, 最尾仲話聖誕去上水BBQ. 不過, 倫還是發揮其搞笑但自己唔笑ge本色, 佢話"聖誕燒野食, 不過無講邊年ga". 我想起以前, 佢地真係幾搞鬼......

Congratulations to S

恭喜S! 小吉出世了. 跟S談了一會, 聽她的聲線, 她的精神應該不錯. 聽講小吉的喊聲非常洪亮, 肯定跟媽咪一樣, 唱歌動聽. 以後多啲跟姨姨s唱K, 大展歌喉喇. 祝你們幸福快樂.

真係攰好多

只係行個見面禮, 講吓規矩, 和開個悶會, 我已經覺得好攰lu. 這刻, 搞完一份文件, 眼開始澀, 頭開始痛lor. 希望快快適應番la.

全group有41人. 原來都有差不多一半, 係以前無mug接觸過的, 要慢慢認識lu. 初步觀察, 還可以. 要搵"四正"ge, 卻寥寥可數. 希望個個都越來越"靚"la!

bt, 已經完咗一日lu. 聽日就放假, 好好休息la. "享受"埋下星期咋.

唔知聽晚ge廿週年飯宴會點呢?