小山

這是我平常走的那座小山. 通常會走四次, 差唔多一個鐘gala. 好鍾意行嘅時候可以聽到蟲鳥的聲音; 旁邊全是樹和草, 差啲忘記出面就係馬路和住宅. 超鍾意有好多梯級, 可以當做steppers; 越喘氣越開心, 覺得自己消耗梗卡路里. 總之, 天氣好啲, 又覺得自己太hea, 都會出去行行. 一邊行, 一邊諗吓嘢, 是個有益身心的活動.

難得正常

如果我係李超人, 我都唔介意捐咁多ga. 係呀, 人間有情嘛. 我信, 施比受更有福.

剛看完"最愛女人購物狂". 裡面有一句好深刻: 都市人有壓力, 因為有壓力變得少少唔正常係好正常嘅. 哈, 所以, 以後唔好歧視嗰啲唔多正常嘅正常人, 佢哋都唔想ge. 同埋, 喺唔多正常嘅環境裡面, 自己都仲幾正常, 算好彩gala.

下星期今日就開工喇, 話咁快又最後倒數......

又一個原因

和一個今年u-grad的ex-client食lunch. 談了許多許多, 很暢快. 他以前是學生, 後來是師妹, 現在更是同工, 感覺好奇妙. 唔可以唔認老喇......雖然睇落都唔係咁老!=D

她叫我努力(搵番個), 我說笑佢應該努力就真, 因為喺我哋ge年齡層, 男女比例都好啲, 佢哋嗰層嘅比例就更加懸殊. 佢話佢都明白, 但, 更要命嘅係佢哋嗰批, 好多都gay ga!!! 佢剛剛散嘅男朋友以前係gay, 佢嘅同學又有啲係gay. Oh, my god, 白白剝奪四個人嘅幸福! 何必呢? 何必呢?

更明白點解有咁多相同身世嘅姊妹喇!

女人的養老金--張小嫻(明報9-8-06)

一個女孩子問我﹕　「要是知道自己將會孤獨終老，朋友都一個一個嫁出去，該有什麼心理準備﹖」　這個女孩子未免太憂鬱了。　不到老的那一天，誰又知道自己是不是會孤獨終老﹖　此時此刻身邊有伴的，難道就永遠不會分開嗎﹖萬一那麼倒楣，老了才分開，不也是會孤獨終老嗎﹖　相反，此時此刻孤伶伶的，看著朋友一個一個嫁出去，有些還不只嫁一次，誰又敢說老了不會枯木逢春，不用孤獨終老﹖　要是害怕孤獨終老，該有的不是心理準備，而是現實的準備。　人是不會突然孤獨終老的，而是一步一步走在那條路上。不是突然而來，到時候自然會慢慢接受。　要擔心的反而是錢。　香港女人出名長壽，孤獨終老，說的是隨時活到九十歲，甚至一百歲。那就是說，你要有一筆活到那麼老的錢。　一想到錢，人就難免發愁。年輕的時候忙著儲「養老金」，省吃儉用過日子﹔要是最後不用孤獨終老，當作中了頭獎也罷了。萬一活不到那麼老，豈不是虧了本﹖　然而，若是等到五六十歲，眼見勢色不對，這輩子將要孤獨終老了，這時才開始儲「養老金」，也許已經太遲。　我的格言，是不要去想那麼多﹔反正，我們每一個人，終歸也是會孤獨終老的。

RE-U

與大學姐妹聚會......待嫁新娘子s, 準媽咪, 可愛小女孩, 幸福母親s......還有高貴的單身貴族. 看看婚紗照, BB寫真, BB超聲波相片, 談天說地, 咁又一day.

預祝大家開工大吉. 事事順心, 時時順利.

關心

亞寬話: 間接的關心，已是最好。
默默地祝福你。永遠。

小禮物

與幾個ex-clients茶敘, 這是他們送給我的生日禮物. 物輕情意重.

過了廿四小時, 一切仍然正常. 好!

我都做得到

輸一粒蜜糖, 但是贏大方.

剛才表現好好. 大有進步!

一個日子

十週年紀念日.
能夠相遇, 能夠相識, 已經是一種緣份. 天佑你.

Ah O in Shek O

跟An和BT一齊去石澳hea了一個下晝. 租一把太陽傘($25), 艷陽底下, 食吓, 講吓, 瞓吓, 總之享受一下所剩無幾的悠閒和寫意, 爽! 以後的日子會怎樣? 無論點樣, 都要積極, 都要努力, 開開心心過自己想要的日子!

鳴謝An和BT借出玉手幫助拍攝!

不會有下次

G, 我都想去轉深圳, 多謝你的有用連結. 星期三6至7呀!
http://hk.knowledge.yahoo.com/question/?qid=7006061200888

上了四堂pth喇, 真係好興趣班. 輕鬆有輕鬆ge好. 不過, 因為輕鬆就覺得自己放肆了一點. 有一次自己都覺得好衰, 有個同學仔讀得不太標準, 我竟然忍唔住想笑出來, 為了掩飾, 只好扮咳, C都話見到我震. 唉, 好無禮貌啫! 下次一定唔會!

聽聞機場出現不明來歷的污穢物體, 嘩, 好失禮呀, 好丟臉呀. 不明白, 不明白, 點有可能ga? 我想起許多地方都不是理所當然的清潔的, 例如......

幾個教練

休息了幾日, 今日再走了四轉山. 每當跑步或者做運動做到好辛苦的時候, 我就會想起yr2的coach K. 以前練跑, 我總跑最尾, 他就會陪我一齊跑, 在旁邊鼓勵我說"挺直啲跑埋佢喇". 直到宜家, 每次跑到想放棄嘅時候, 都會浮起佢那句說話, 然後繼續完成為止. 多謝佢的說話讓我受用至今.

yr2的ex-coach"X谷"教識我怎樣做一個好的team-captain. 記得第一次做team-cap, 不懂得在比賽休息時鼓勵隊員, 佢就話咗我幾句, 佢又話隊員失球的時候, 不應說"無壞", 應該講"good try", 讓我明白encouraging嘅說話點都會好啲.

yr3的coach"X青"令我見識一些"旁門左道"嘅技術. 佢話對手順利連取幾分的時候, 就要扮綁鞋帶叫暫停, 挫佢銳氣. 雖然如此, 佢其實好有料, 我覺得跟佢練波, 自己的水準是提升得最高的. 不過, 那一年打hockey傷了腳, 無得打squash嘅champion fight, 勁可惜! X青還是一個特別嘅大學生, 佢食煙, 走堂去做領隊, 是一個非典.

yr4那個, 無謂講喇.

Ah O in Huangshan 2006 (part 1)

出發lu.











懶惰的O在湖南書院內, 表情異常痛苦.









特色燒餅, 味道無mug特別.








宏村內的私人泳池











ah O在宏村的小巷內.












有時也要靠這根杖輔助上山.

Ah O in Huangshan 2006 (part 2)

背後是壯麗的黃山風光, 不過只有ah O的close-up.











典型曾到此一遊的照片












奇松是黃山的特色, ah O都要在某松樹上留影.









黃山獅林酒店, 設備比山下的桃源賓館好, 起碼食得好啲, 有多啲電視頻道.









挑夫每日拾級而上.








很喜歡這個景, 一層一層伸延開去.











回憶是紅色天空

Ah O in Huangshan 2006 (part 3)

旭日初升








朝陽在眼前, 莫名震撼.








千古之謎--花山謎窟








O在老街








在第一樓品嚐老街徽菜風味宴








一元五角的新鮮蓮蓬, 蓮子幾好味.

讓你跟我走

今日起身, 窗外又是藍天白雲, 好彩, 已經去咗兩次旅行. 8月15喇, 仲有半個月咋, 唉......

黃山之旅順利完成! 四日裡面, 當然最精彩就係喺山上嘅行程喇, 全日差唔多行咗6個鐘. 山上好舒服, 唔太熱. 好多梯級, 但慢慢行, 還是可以應付的. 風景好靚, 我們看了奇松, 怪石, 連綿起伏嘅山勢, 黃昏晚霞, 日出, 一切一切, 現在仍然很難忘. 天氣太好了, 錯過了雲海, 就是有少少失望. 除了爬黃山, 也到過宏村(卧虎藏龍拍攝場地)和宋代老街(古建築及買手信). 我們也自費見識一下花山謎窟(http://www.huashanmiku.com.cn). 撇除那些迫人買嘢位, 如果可以齋黃山就更perfect! 有機會, 一定會再去, 在山上住兩三日, 人都輕鬆啲, 還要早早到獅子峰霸好位睇日出!

出發那天有段小插曲. 我們坐A41去機場, 落車時竟發現一件行李俾人拎咗. 嘩, 點算呀? 由於相信只係攞錯, 就只好留在落車處等. 幸好, 那個人好快就拎番返嚟, 否則真係唔知點算! 那個亞叔原來和我們同一團tim, 真有緣. 唉, 豈不是又side咗啲緣份? anyway, 巴士有得鎖行李的, 就真係鎖住啲行李, 而且整啲大大個嘅標記, 咁就安好多喇.

爸媽都欣賞山上的風光, 雖然有啲辛苦, 都算不枉此行, 都值得ge. 趁還有機會, 還有時間, 我希望可以多跟他們到其他地方走走. 俾我中六合彩啦, 今晚miss咗4800萬, 下期好運!

thank you so much

thank you all for being with me always!!!

wish us all the best!

殊途同歸

又放榜lu. 回頭睇番, 會考成績真係唔係咁重要, 它只決定你下一步應該點做. 成績理想, 可能條路順利啲; 成績欠佳, 可能行得迂迴一啲. 不過, 殊途同歸, 只要肯努力, 一樣可以入大學.

佢哋ok喇, 73人當中, 有兩個中文唔及格. 唉, 一個預咗佢唔讀, 另一個作文攞U, 都無說話好講, 只恨我未嚐過100% pass嘅滋味. 唯一較開心是有7個攞A, 我算破紀錄gala. 當然, 佢哋攞A唔關我事(同樣, 唔合格都唔關我事!), 無A我亦不會唔開心, 但有好過無喇. 領導都開心, 因為我哋嘅A, 首次高過另一語文組. 我大部分clients會直上中六, 其他或者搵出面的機構, 希望佢哋個個有著落.

唉, 咁又兩年. 好想知道下一批人會點. 有心理準備對啲極品......隨遇而安吧.

唉唉, 一號風球喇, 千祈唔會影響星期五的行程呀!

願唔願意?

多謝你哋喎, 我可以又食又拎, hehe...

各位友好不妨試試加連威老道側邊的韓國街(正確街名有待考證). 我哋今晚就試了其中一間店, 點了一個甜酸辣冷麵, 一個石頭雜錦飯, 一個泡菜炒年糕, 加上送嘅前菜, 三個人食200蚊都幾ok, 味道仲幾正添. 下次再去, 我想試吓啲湯麵!

我哋又玩無聊假設問題. 如果你變成200磅, 但你以後可以唔駛做, 可以過安穩舒適嘅生活, 例如一年可以有兩個月去旅行(在外國200磅都唔算太肥ga)......你願唔願意?

b p m f...

普通話開課了. 偷看name-list, 全班最多廿人, 今日返了十幾個吧. 有兩個亞婆級, 佢哋話自己有孫lu喎; 有一個媽媽級, 最細嘅仔女都讀梗大學; 有四個老師; 其餘的都因為工作常要講普通話而報讀這個課程. 全班只有一個唔係俊男嘅男丁咋! 老師就係一個超過六十五歲嘅婆婆. 經過過去兩年的訓練, 覺得這個班超輕鬆. 就當是一個興趣班吧, 盡量爭取聽和講的機會. 目標成績, 二級乙!

看林語堂一篇文章寫道: ''一個女子最好的心靈美, 就是高貴的品性, 廣博的學識, 善良的心地, 純潔的靈魂, 待人和藹誠摯, 坦白的胸懷, 偉大的愛心和純正的節操, 這都是心靈美所不可缺的條件.'' 唉, 有幾多男子識欣賞和敢欣賞這樣有心靈美的女子呢?

心太軟

唱K竟然早五分鐘cut我機, 點解做生意咁唔均真ge? 而且兩個鐘太少喇, 我唱慣四, 五粒鐘ga嘛.

與K和J食晚飯...多謝你哋請我喎! 時間過得很快, 大家相識於微時, 咁就廿年lu. 每次食飯傾吓偈, 飯後行吓街, 平凡但溫馨. 還有G喇, E喇, 總之好開心有你們這班老朋友!

***老, 不是年紀老, 而是存在時間長久的意思.***

中途見到F和B都算意外收穫. 你哋都老, 不過十三年無咁老而已. 88再見.

偶一為之

黃山成團lu. 不太滿意要我等三個半鐘才可交尾數, 最後都向職員發了少少脾氣. 喂, 我知你哋好忙, 但做唔到就唔好應承我喇. 人善被人欺, 有時候係要發吓火至得.

***小妹只係迫不得已才會發脾氣, 許多時候, 我還是非常溫文爾雅的!***

暑期無休

明報載: "中學暑假無休密集補課 殺校陰影下 辦各類活動示誠意". 七、八月本是學生的暑假，但近年的新趨勢，中學會舉辦各類補課班，校園大門天天開，教師及學生均要上學，暑期不歇暑。張文光認為，縮班殺校陰影下，學校為了不落後於人，「不做到車輪轉，就好似很不努力」，因此提供大量活動，結果「難為了老師」。政府應停止殺校，令學校安心，學生與教師才能「上學時讀書，放假時休息」。

從沒想過老師也會如此難做. 我明白老師需要為莘莘學子, 為教育工作承擔重任. 但有人在乎這班前線教育工作者的感受嗎? 其實許多老師都不望大富大貴gala, 只要有時間空間做好他們嚮往的教育工作, 可以讓他們過充實平衡的生活, 他們就已經心滿意足. 點解連暑假抖一抖的機會都無埋呢?

欲速不達

哎呀, 中大排名高過港大呀. 母校要加油呀!
http://www.webometrics.info/index.html

三號風球lu. 今日行了兩轉山就落雨, 只好轉移陣地, 去1樓跑吓步. 來回共五次, 希望聽日再跑多啲! 之後去會所沖涼, 焗吓steam, 咁又半日啊.

欲速則不達, 只要有恆心, 鐵柱定能磨成針, 減肥都一樣. 聽講有兩個運動好有用, 有時間就做吓喇.
http://www.youtube.com/watch?v=of2hlDgYeLo
http://www.youtube.com/watch?v=GDTL6Hu1nY8

踏入八月了

多謝G的讚賞. 好, 下次帶埋亞O爬黃山!

履行諾言...今日開始做吓運動. 我到附近公園的小山丘走了四轉, 一小時裡面, 又上落樓梯, 又上落斜, 都流了少少汗. 真的覺得自己多了許多肉, 唔減唔得; 尤其踏入八月, 不斷出街食飯, 更要多加警惕. 今晚揭幕去麻布茶房都好小心gala.

原來, 已經8月1號, 我想起......

Ah O in Bangkok 2006 (part 1)

O乘坐KA280直飛Bangkok. (27/7)
O下榻於lebua At State Tower的5412房. (27/7)
O在Central的Food Hall吃第一頓午餐.(27/7)
O參拜四面神. (27/7)
O在Erawan Tea Room沐浴於各種泰式美點當中.(27/7)
meun(27/7)

Ah O in Bangkok 2006 (part 2)

O攝於Grand Palace內的本朝藏佛閣(28/7).

O在Grand Palace見識金碧輝煌的殿閣. (28/7)O在Mango Tree享受泰菜. (29/7)
站在熙來攘往的行人天橋上, 看見車, 看見人, O更明白閑適的可貴. (30/7)
O非常欣賞這碗實而不華的魚丸湯粉. (30/7)
O不願離開, 滿腦愁思, 流下離愁之淚.(30/7)

O在KA283機艙靜待起飛. (30/7)

Sawadee...

昨晚11時55分終於降落香港機場, 又要做番香港人喇. 幸運趕上N42, 1:45就返到屋企, 不過mimi-mormor, 始終四點幾先瞓. 只要唔係做唔想做嘅事, 幾夜都ok.

第一時間上磅, 可能未換衫, 又飲了一大碗媽咪靚湯, 竟然115, 心諗已經一日兩餐, 兼喪行唔坐, 不但唔瘦, 仲重咗, 嚇死我. 幸好, 沖涼之後變番112, 無重到就算吧. 明天8月1日, 要積極keep fit. 努力.

今次買了許多自己喜歡的東西, 你哋知喇, shopping一直唔係我強項嘛. 幾鍾意Grand Palace, 好thai feel, 見到那些佛閣寶殿, 聽到陣陣風鈴聲, 感覺良好!我們又去過Erawan Tea Room嘆泰式high tea和到Mango Tree食泰菜, yummy!

其實四日Bangkok的確唔多夠, 我哋仲未上Skybar, 仲未自己整冬蔭公, "泰"快完喇. 美中不足是State Tower質素下降, 風筒唔掂, 熱水唔夠熱. 我已經12點才沖涼, 但仍然未儲好熱水. 不過, 我可以獨自佔有一個"房間", 有床, 有大梳化, 有電視, 有無窮的私人空間任我晚晚兩點先瞓. thx, F and B, 我的最佳旅友!

http://www.palaces.thai.net

啟晴

0805起飛喇.

飲過廿四味, 感覺是好一點. 看朋友forward的email, 說到「你想病，就會病」. 我覺得在上班時候, 的確可以盡量利用"念力"令自己好過啲. 不過, 好像我今次嘅case, 既然就快收爐放假, 就俾佢發出嚟, 無需壓抑喇, 只可惜今次拖了差不多三個禮拜啫. 大家即管看看email的部分內容:

近年綠色思想開始恢復普遍，世人逐漸悟出身心靈合一的道理，知道原來我們生病、康復，都是與自己的「心」有關的。連主流醫療也重視「心因性」的病患。不過西醫講的「心因」是「心理因素」（psychosomatic factors），綠色思想的「心」倒包括了情緒（emotional）、存在（existential）、靈性精神（spiritual）的整體狀況。簡單一點說，綠色保健的基本概念就是：「你想病，就會病」。這個口號包括3層意義：
1. 生病，往往是因為一個人希望生病，潛意識中相信生病對自己有利。（所謂「意外」，例如滑倒、交通失事、廚房中菜刀斬傷手指等，都很多時是同一道理）。
2. 一個人越去想（掂掛、提起、擔心）自己的病，只會越病得厲害，病越難好。
3. 一個人不想再病，改變了「心」，肯定不需要生病，不再依賴生病來達到目的，病往往奇蹟般消失。「心」不變，甚麼醫藥都繼續白做。

anyway, 珍惜身體, 珍惜時間, 珍惜未來一個月. 等我返嚟再講. c u.

工作愉快

算不算是"六月飛霜"呢? 昨日風雲變色, 明明熱到死, 四點幾突然陰雲密佈, 還落起冰雹. 天文台解釋，炎熱天氣令氣流上升，配合其他因素形成對流雲並產生雷暴，在過程中亦形成冰雹。希望我的日誌具教育意義, 特別post明報有關冰雹的形成圖. 學嘢喇.

睇am730的"C觀點"標題是"工作不愉快, 生活難愉快". 施永青認為工作不愉快是資本主義社會的一種普遍趨勢, 亦是現代人快樂不起來的基本原因. 暫且不作深究, 不過, 仍然是那一個看法, 不要將工作當作生活的全部. life should be balanced. 平衡的人生, 就是快樂的人生.

抖擻精神

斷斷續續瞓了三日. 夠了, 暑假已經開始了! 究竟是因為極度炎熱的天氣, 還是病後初癒的身子, 我仍是全身乏力. 特別是一雙手, 好像握不緊任何東西.

今天, 刻意早點起床, 開始執拾行李. 明天, 報黃山團, 兼取bangkok機票. 星期三, 跟同事打羽毛球. 星期四, leaving to bangkok......越來越精彩啊!

書展今日結束. 今年居然有"快閃踩場"事件. 有時覺得那些才女明星都幾無辜, 有出版社替他們出版, 有番士購買, 他們才可以出書做作家. 如果只針對他們而快閃踩場, 似乎對他們不太公平. 今年我買了三本書: 世界通史, 十萬個為什麼A, 十萬個為什麼B, 全部都是簡易的青少年版. 買"世界通史"是為自己, 後悔自己history只有中三程度, 希望可以快讀惡補. 買"十萬個為什麼"是為亞L, 恐怕他以後不斷問"點解", 所以姑媽先做功課. 其實還有許多買了沒有看的書, 幾時可以"一筆清"呢?

你又有去書展嗎?

善用假期

第一日假期. 下午跟同事吃個飯, 然後返屋企瞓一陣, 咁就一day. 要善用這個月!

***G, 所以我忘記了我們的乒乓活動. 大家都好好休養, 或者等我返嚟再見吧! 隻眼多啲休息呀.

終於收爐

終於收爐, 不過, 我又要睇醫生呀.

可能因為連續兩日食pizza, 都算熱氣; 可能這兩晚開始夜瞓, 唔夠精神; 可能又曬親, 有啲中暑; 可能開會太無聊, 悶親. 其實都唔係太嚴重, 只是喉嚨痛, 頭痛, 不過, 唔想拖, 免得影響狀態, 下星期飛la ma!

都係瞓先, 養好身體!

Superman Lives

剛看完超人回歸, ok喎, 兩個半鐘都唔太悶. 淨係覺得超人雖然幾靚仔, 不過好蠟像. 原來超人都會俾人打, 都會受傷, 都會送院搶救. 始終接受唔到超人都有私生子, 總覺得佢係正義嘅朋友, 唔會咁做. 最慘是Richard, 原來Lois還是最愛超人. 點解還未放下仍要開始? 對第三者極不公平! anyway, we need superman. 如果真的有超人拯救地球, 世界點都會太平啲. 如果俾超人抱著飛, 越過高樓, 略過海面, 都幾浪漫.

同舊clients食lunch. 看到他們各有進步, 很開心. 希望他們都前途似錦. 人的相處確講緣份, 其實當時對他們, 我已經不像以前那麼上心, 但他們仍然很錫我. 感恩! 所以, 我們的工作還是有價值的.

算吧, 各行各業總有其辛酸. 跟K食飯, 知道他也不如意. 唉, 有人的地方就會有politics, 就會有陰暗面. 如果選擇繼續留下, 就更不要用別人的過錯來懲罰自己, 切忌上心. 問心無愧就好了. K, 支持你.

所以繼續

最後兩日! 今日開會, 明天開會, 煞科日開大會. 快啲喇, 想放假呀!

再聽到未來一號的惡行. 沒有什麼大反應, 只當是多一個例證吧. 我想聽聽其他行家的苦況, 讓我知道自己其實唔係咁慘. 我還要繼續留低, 我唔想心如止水, 否則, 日子點捱呀?

突然有個想法: 繼續留低是想驗證好人會否有好報, 驗證自己是否仍然一世好運, 自己會否也被奸人推落懸崖.

anyway, 我還會樂觀面對.

風雨雷電

昨夜下了一場大暴雨, 終於為七月的香港降一降溫!

我機構的表演晚會亦於昨夜11時15分圓滿結束. 為了好好慶祝(終於結束), 於是和幾個同事到蓮園消夜, 最後還是12點半才離開. 也要感謝老天爺, 直到我踏進家門才開始灑雨. 躺在床上, 玻璃窗外白濛濛一片, 隱約看到街上的樹左搖右擺, 大大的水珠在玻璃面上滑過. 雖然關上窗聽不到風聲雷聲, 但雨水打落玻璃的滴答聲, 加上閃電激起的強光, 一樣震撼. 隔窗觀雨賞電, 另有一番情趣.

最後四日.

熱到爆炸

酷熱天氣警告至昨日已是第三天生效，天文台昨日錄得34℃高溫，是今年最高紀錄。下午3時，天文台於北潭涌更錄得36.3℃的高溫，其他地區如屯門、沙田、赤鱲角、西貢等，下午氣溫徘徊在35至36℃。

唔想同陽光玩遊戲喇. 各位想約小妹出街, 唔該盡量在五點之後. 我諗大家都會好過啲!

難得清閑

仍然好攰! 可能還需要多休息, 才能夠完全康復.

locker, 書枱已收拾得八八九九, 唉, 未來一星期做什麼好? 雖然有些悶, 但也要享受. 難得清閑呢!

倒數最後五日.

終點在望

拖了一個星期, 星期一晚還是要看大夫. 經過一日的休息, 果然藥到病除, 今天已經好了許多. 睇醫生嘅錢, 的確唔慳得!

clients終於放假了, 我就捱多一星期la. 終點在望.

也談德國

德國得到第三名. 至於誰是冠軍, 今晚才知曉. 我應該會起身睇, 見證06世界杯結束.

從沒想過支持德國, 今屆卻對他們刮目相看. 撇開他們以前是英格蘭的死敵外, 總覺得他們好老, 好悶. 喜歡德國的人就會說球隊防守性強, 有紀律, 踢法機動, 不過我唔識欣賞. 但今屆從揭幕戰開始, 就覺得他們幾好睇. 球員的外型平均質素有所提升之外, 他們的確有許多靚入球, 踢得好睇, 而且上下一心, 好團結. 奇連士文更投入, 每次鏡頭映著他, 他不是拍手振奮隊員士氣, 就是興奮緊張到彈起, so real. 哈, 我們都算一同成長, 以前都是做細的, 現在就帶領住一班人. 我都要做個好領隊!

下屆世界杯在南非舉行, 聽聞直播時間會怪怪地, 香港人會食住早餐睇波. 慘喇, 唔駛返工咩? 再俾四年時間自己中六合彩, 希望到時唔駛做, 可以安坐家中, 或者直接飛去南非!

完美的路上

張小嫻話:
追求完美是一種性格, 不一定是個優點; 正如要求高的人不一定比較棒。　
追求完美的人是不快樂的。世上從來就沒有追求完美而又得到過的人。所謂完美, 就是永遠不會有完美, 沒有止境; 即使感到滿足, 那滿足感也只能維持一段很短的時間。　
追求完美, 只是走在追求的那條路上, 沒法放棄心中那份傻氣的固執, 老愛跟自己過不去; 卻又明明知道, 那是永遠看不見終點的一條路。

我明白. 幾天前, 才跟同事討論過追求完美這回事. 學生時代, 從未想過科科考A, 記得以前地理老師就曾在試卷上批評我未盡全力. 工作上, 也覺得最緊要問心無愧, 絕對不是那一類"明知不可為而為之"的人. 我也接受到自己並非最聰明, 最漂亮, 最富有......不追求完美的原因有二: 一是知道自己無可能完美, 二是就算真的可以完美, 所付出的代價一定不小, 很可能會得不償失. 只要不是最差, 我寧願符合最低要求, 或者上進一些, 做到平均以上就算了.

但我不明白, 有些時候, 還是執著所謂的完美. 幾十歲人, 是否應該清醒理智一點?

忘記舊愛

節錄自"學會忽略 學會忘記" :

其實, 之所以有人終成眷屬, 有人分崩離析, 只不過是因為: 我們彼此是否合適. 而我們之所以會惦念, 是因為: 我們掉在記憶的井裡, 仰起頭也只能看到方寸天空. 我們自以為是, 想起的全是對方的好, 便以為彼此本應是天作之合.......

舊愛, 就是得不到, 而得不到的, 常常具有更加完美的想像空間......

忘記是件艱難的事情, 忘記舊愛是種時斷時續的過程. 所謂時斷時續, 就是這一秒我剛剛覺得我可以忘記你, 可是下一秒我就知道: 你, 連同你帶給我的記憶一起, 都深深鐫刻在心底的角落裡. 拂去灰塵, 便看得見如漢謨拉比法典一樣的古老文字, 痕迹清晰......

如果合適, 當初又怎麼會無法在一起?
因為, 所謂合適與不合適, 終究還是有太多既定的參數的......

所以, 忘記舊愛, 就是忘記那些自以為是的愛的痕迹. 舊愛是毒藥, 是飲鴆止渴. 之所以讓我們無法忘懷, 是因為罌粟一樣的毒: 短暫美好的幻覺, 讓我們滿足, 飄飄欲仙. 然而, 一旦上癮, 割捨的, 便是現實生活中有血有肉的幸福.
那麼, 無論曾經怎樣感天動地的愛情, 一旦失去了, 就要曉得療傷. 要相信, 總有一天, 有更加適合你的人來到你身邊......

既然已經不合適, 忘記, 就是對彼此莫大的寬容.

身體健康

見到如此耀眼的陽光, 我有點怕!!!

昨天放學回家, 進入大昏迷狀態. 依稀記得, 三點多開始瞓, 除了吃飯和沖涼, 其餘時間都係瞓. 沒有探望LL(原來LL輕微肺炎), 沒有睇波(德國又輸). 今日舒服了許多, 只是, 仍然覺得喉嚨有些痛, 掌心有些熱, 背脊有些緊, 或者要飲啲涼茶清一清. 不過, 媽咪又要睇LL, 有誰為我煲涼茶? 雖然我是獨立新女性, 但每到這些時候, 還是非倚賴別人不可. 所以一定要好好對爸爸和媽咪.

有兩首歌曾令我想到父母, 聽完竟哭了出來. 想起媽咪的是"至少還有你", 想起爸爸的是"情深說話未曾講". 現在, 我想到"身體健康".

機票confirm了. 27/7, 真的可以飛了.

我都輸了

昨晚突然喉嚨痛, 流鼻水. 今日繼續, 兼且發熱, 超疲倦. 終於抵擋不住一冷一熱的天氣, 病倒了. 其實不太嚴重, 仍然行得, 走得, 食得, 玩得, 不過, 講嘢就會好辛苦. 同事以為我因為英格蘭輸波, 心情未平伏呢. 原來我都輸了--輸給悶熱的天氣!

下午乘馬鐵回家見到彩虹. 我只見過彩虹幾次, 記得第一次是在新西蘭看到的. 照常理, 應該是在雨後陽光才出現彩虹的, 今日卻是先有彩虹, 然後才在陽光下灑大雨. 我想到, 東邊日出西邊雨......

***G, 你就好la, 有得睇珊瑚, 我都想去呀! 係咁啱gala, 放假就去玩吓. 近排唔駛睇雀咩?

無條件的單向付出

節錄自張小嫻的散文:

"無條件的愛，往往緣起於遺憾。也許是:他們相遇的時候，時間已經有點晚了，其中一方是不自由的。　或者是:他們其中一方愛得更深和更多。　這樣的愛情，已經無所謂回報了，只要能見到對方，能夠知道她好好地過日子，已經足夠。　不過，所有無條件的愛也還是會有褪色的時候，人世間並沒有哪幾個人具備聖人的條件，永遠都不放棄，不死心和不愛自己多一些。"

我信. 所以不要以為自己真的這麼偉大.

唉, 連巴西都輸埋! 總有一隊我討厭的葡萄牙或法國入決賽la, 無喇, 唯有全力"支持"德國. 時移世易, 竟然支持以前最憎的球隊.

just wait 4 years

射十二碼輸了. 對我, 06世界杯正式結束, 英格蘭始終是我心目中的冠軍! 面對逆境, 他們仍然沈著應戰, 全力以赴. 雖敗猶榮. 其實心情已不像之前那般緊張, 不斷催眠自己, 勝敗乃兵家常事, 最重要是可以看多一場英格蘭的代表作. 一直都算冷靜, 直到他們真的出局, 莫名的失落難過還是湧上心頭. 唉, 宜家都未瞓得著呢! 雖然還有聽到朋友的安慰說話, 不過, 事實始終不能改變. 再等4年吧.

book了酒店和機票. 27/7出發, 曼谷4天, 坐港龍, 早去晚返, 住state tower.

忘記悲傷, 好好計劃行程, 好好享受一下.

***多謝C和P幫我哋查詢資料. 我們會在30號偶遇嗎? 祝十週年和五週年快樂!