也談德國

德國得到第三名. 至於誰是冠軍, 今晚才知曉. 我應該會起身睇, 見證06世界杯結束.

從沒想過支持德國, 今屆卻對他們刮目相看. 撇開他們以前是英格蘭的死敵外, 總覺得他們好老, 好悶. 喜歡德國的人就會說球隊防守性強, 有紀律, 踢法機動, 不過我唔識欣賞. 但今屆從揭幕戰開始, 就覺得他們幾好睇. 球員的外型平均質素有所提升之外, 他們的確有許多靚入球, 踢得好睇, 而且上下一心, 好團結. 奇連士文更投入, 每次鏡頭映著他, 他不是拍手振奮隊員士氣, 就是興奮緊張到彈起, so real. 哈, 我們都算一同成長, 以前都是做細的, 現在就帶領住一班人. 我都要做個好領隊!

下屆世界杯在南非舉行, 聽聞直播時間會怪怪地, 香港人會食住早餐睇波. 慘喇, 唔駛返工咩? 再俾四年時間自己中六合彩, 希望到時唔駛做, 可以安坐家中, 或者直接飛去南非!