辦公室紛紛討論一件事: 貼錢打工事件.
14及15號兩晚有表演晚會, 我們一班小職員睇怕都要輪流當值. 有關方面又話, 一號榮休, 最後一晚有少少歡送儀式, 非常歡迎同事及家屬出席, 每張門票150元正. 如果14號當值, 15號就又要買飛睇, 俾錢出席俾面派對. 如果15號當值, 駛唔駛又買飛on duty, 變相貼錢打工呢? 未清楚了解箇中情況前, 暫時還沒有人簽那張cirrcular. 其實想我捐錢, 想我做多晚, 直接講就得喇, 搞到好似我好想睇要撲飛一樣. no喇.
眾人都擔心, 在未來一號的管理下, 情況只會更惡劣. 有人分析, 就是因為他寂寞, 他更加有時間空間去耗盡其他人的時間和空間. 唔好喇, 最討厭人跟我計較. 不介意付出, 但我們付出的同時, 請不要繼續懷疑或假設我們懶惰. 越來越多有心人覺得問題嚴重了. 出路? 不知道. 唯有彼此互相扶持, 苦中作樂吧.
原來孤獨唔緊要, 寂寞卻大件事, 分分鐘累人累己.
No comments:
Post a Comment