漢堡包

同C慶祝生日...去到APM, 正懊惱唔知食mug, 壽星女提議食漢堡包, 於是我哋兩個就去了MOS. 這是一間日式漢堡包店, 係整個food court最受歡迎的店, 人最多, 排長龍. 我就覺得都係好普通, 只係個包好味d. 雖然這餐生日飯好似寒酸咗d, 不過, 能夠滿足b'day girl ge生日願望, 我都算做件好事la.

其實, 都想叫埋其他team-mates, 不過......

仍然忙碌

努力...我知終點在望!

忙碌

Good Luck to You

原本諗住今日停稿一天, 實在太忙了.

不過, 我的同事太好lu, 要在此再多謝佢哋. it's really a surprise! 真的開心, 真的感動. 好公平ge, 我機構的確有唔少問題, 但我的好同事就無懈可擊. 等我中勁d ge六合彩la, 我就可以帶埋你哋走.

祝我好運! 祝你都好運!

珍惜每一天

完成唔到自己ge目標, 惟有喺lei幾日努力番la. 宜家真係一放假就唔多想做嘢, 好!!!

凍喇, 著多件衫lu. 之前熱咗太耐, 又覺得自己好似耐寒過以前, 好恨快d凍. 不過, 這兩天出街, 俾d風吹到震震下, 都唔多好受. 我都係鍾意暖d, 20度會啱我多d. 聽朝會有幾寒呢? 緊張.

今日去探亞嫲...想到生老病死的問題. 明白這些都是人生必經的階段. 珍惜每一天.

終於大尾篤

可能起身著唔夠衫, 凍親, 有點頭痛. 吃了止痛藥, 希望聽朝起身無事la.

最後改了去大尾篤BBQ...仲好, 近好多嘛. 1227的婚禮, 兄弟姐妹及工作人員的陣容的確鼎盛, 簡直人才濟濟. 不得不佩服A的辦事效率, 要好好學習. 希望真係幫到手la...不過先要諗下粉紅色衫, 有d難度ga.

大尾篤真係幾好. 有海景, 有雲石爐, 雲石櫈, 雲石枱, 有日落鹹蛋黃, 交通也方便. 七年前去過, 計埋我, 四個同事入去踩單車和BBQ. 還記得一邊食一邊飲紅酒, 超寫意. 宜家, 佢哋都已為人父, 已為人母lu. 我呢? 仍然係集可愛和高貴於一身的單身貴族lor!

有好多人都在這裡踩過單車......

又到星期五

上次仲諗SF會唔會去畢業禮, 原來佢26號就生咗lu, 恭喜佢做新媽咪. 越來越多人係工作至最後一刻就生...SF的maternity leave在27號才開始, 同事Y都好似係第一日maternity leave就生lu...都好吖, 十個星期都可以陪住bb, 可以見多幾面.

放工, 見時間尚早, 去新城市走了一轉. 終於見到我ge dream boots, 沒有我ge size, 試38號就大咗d, 算lor, 唔駛買. 其實真係幾鍾意, 不過成千蚊, 唔係咁捨得買; 宜家擺明唔啱, 唔駛再心大心小, 都好! 好多事, 係唔係都要嘗試? 只有試過, 啱又好, 唔啱又好, 人才會心息呢?
行返屋企. 行城門河好舒服...又諗番以前每日行路返學, 行路放學的情景. F6之前, 我哋會5個人夾分坐的士回家, 最記得一句: 唔該轉彎過燈位落, 咁樣的士就唔會跳錶, 每人都只係夾1蚊! 快過和平過搭巴士.
始終想食珍珍薯圈...一邊行一邊食, 輕輕鬆鬆, 優遊自在. 一定要俾d位自己輕鬆下!!!

太平飽飽

去太平館慶祝K的生日. K, 祝你1201生日快樂...終身美麗!

好飽呀! 有湯, 沙律, 瑞士汁肉片炒粉, 瑞士雞翼, 燒乳鴒, 小蛋糕, 熱飲及...人..頭..疏..乎..里! 每次都話減肥, 不過, 每次都一樣叫好多. anyway, 生日飯係應該飽飽ge! 許多好朋友都係12月生日, 仲有節日, 假期, 飲宴, 一定成日出街食飯lu. 小心小心.

本應想買對boots, 卻遇不上我的目標. 慳番d lor. 見到好多金色ge衫, 鞋, accessories...都想一一擁有...不過銀兩有限. 無可否認, 宜家係鍾意金色, 盲目地喜歡金色. 不過, 請注意, 只限於顏色, 要送禮物ge話, 我都係鍾意鑽石多d.

咁都得

最後幾個都出戰喇! 唔駛再練喇! 雖然唔係出好多力, 不過都付出唔少時間ga ma...心情輕鬆唔少, 本應想買包珍珍薯圈獎勵自己, 可惜, 沿路走了幾間7-11和ok都見唔到. 算la, 慳番d卡路里!

宜家d人真係好自我中心. 我機構對面ge民居, 竟然有人寫信兼影埋相俾一號, 請佢考慮轉換外牆ge顏色, 因為白色太反光, 令他們朝早飽受"反射之苦".

唉, mug嘢事都可以發生......

開始聖誕佈置lu

一返屋企...wow, 媽咪已經佈置聖誕lu. 好似早咗d, 不過, 快d有節日氣氛都好. 聖誕樹係聲控ge, 大聲叫或大力拍手就會著燈, 亞L不斷嗌佢識得ge人...爺爺, 嫲嫲, 姑媽, 媽媽, 爸爸, TY, HC, 哥哥...佢好開心, 見到佢開心, 我哋都好開心!

明明好攰, 返屋企之後, 輕鬆好多, 放鬆好多. 我愛我的家!!!

講真, 少了時間空間同你哋溝通, 都有d唔開心ga. 仲有, 見到d clients呆呆滯滯, 都好懊惱, 已經好盡力去做, 許多仍然打盹, 心不在焉...我要再反省嗎?

肝鬱

這是上次講肝鬱ge剪報, click大d嚟睇, 參考參考.

今日都有d鬱>.< ...去博物館, 因為有一group人被安排參加導賞團, 他們於是無mug咗時間睇應該睇ge嘢. 我驚佢哋無得睇, 就逐塊展板影相, 希望佢哋點都有d嘢睇番la. 最後真係只剩五分鐘, 不少人已經嗌晒, 有兩個一邊趕住抄資料一邊嘈. 我好聲好氣講: "唔駛抄喇, 已經影咗相, 不如趕快看看其他展品la"" 這兩個人唔啋我不特止, 仲黑住面走開. 我罄喇...叫佢哋返轉頭, 問佢哋做mug咁ge態度. 佢哋狡辯話唔知我同佢哋講, 好自然, 我話"對唔住lor, 無嗌你哋名同你哋講嘢", 然後即刻走. 宜家反省, 我覺得自己無好好控制情緒, 不過, 當時真係好嬲好嬲. 我最憎人無端端俾黑面我睇, 我無做錯事wor. 我諗我因為這件事起碼鬱咗30分鐘.

以前覺得你對人好, 人就一定對自己好. 工作多年, 其中一個深刻體會係以上看法其實只是自己一廂情願. 要慢慢學習, 自己一心一意為人付出, 別人不領情, 也不要失望和上心. 總之, 我問心無愧.

其實咁樣算唔算斤斤計較呢?

藍天與白雲

整個星期陰陰沈沈, 今日算係最長時間好天ge一日lu. 有個藍天, 有d一笪笪ge雲. 其實我最憎這種雲, 不過, 好耐未見過白雲lu...照殺la, 一樣有開心ge感覺.

忽然又見到飛機飛過...假期...旅行...希望暑假真係可以去法國la.

LC表哥結婚

表哥結婚, 算是天公造美吧. 表哥搵律師在婚宴上證婚, 我覺得效果麻麻, 好多人都自己傾偈, 根本唔知發生mug嘢事, 失咗"請在座各位見證"的意義. 中途, 表哥揀咗"今生今世"唱俾表嫂聽...這真是一首好歌. 雖然佢唱得情深款款, 但搞笑ge形象實在太深入民心lu, 我哋笑佢多過欣賞佢lor. 不過, 我信佢係用心演繹, 真係有heart ge, 有人為自己唱這首歌, 點都甜死la.

今晚, 食炸子雞都忍住口, 因為前日食咗幾件kfc, 食雞ge quota已用晒. 咦, 星期四去太平館, 會唔會叫swiss wings呢?

都係嗰句, 宜家好飽. 唉, 幾時瞓好呢?

藍色新版面

期待藍天, 所以換個藍色版面. 幾靚!

唱歌比賽開始變質了...可能柴娃娃真係幾開心, 不過, 唱歌比賽就係比賽唱歌, 玩搞笑, 玩無聊, 玩出位, 似乎無mug謂. 好在我d clients正正經經咁唱, 好在佢哋第五隊出場, 我唔駛留咁多.

宜家聽梗janice...覺得無上隻碟咁好聽. 愛才, 怪怪地lor, 唱歌好聽就鍾意人, 就死心塌地, 係唔係簡單咗d? 其實未細心聽成隻cd ge, 暫時, 未有邊首吸引我, 感動我lor. 此刻推介: 離家出走(piano version).

恭喜亞L面試成功...九月一定有書讀lu.

俾心機@.@, 支持你, always!!!

攞咗袍...的確係靚d...真係似一件袍, 有絲絨邊...唔似以前, 只係一塊黑色輕飄飄ge布.

之前, 先同E食個tea. 差唔多大半年無見lu. 能夠同佢做同學, 兩年m.ed.生涯都變得開心好多. 其實summer term開始, 大家只同修一科, 不過, 我哋仍然有keep in touch, 都算有一份友誼. 雖然佢細我四年, 但我哋都幾啱key, 我覺得佢既認真又玩得, 同我一樣:p! 佢話無特別開心興奮...其實都無話特別開心興奮ge, 有d感覺要自己營造呢! 我就覺得可以利用這個機會cheer up自己, 話晒都有付出ga ma. 搵個機會做d令自己開心ge事, 何樂而不為呢?

除了E之外, 還有一個好同學SF. 我哋只在summer term做過同學, 之後佢就完成課程, 重生lu. 我哋只共處十四天, 但之後差不多隔半年就會約下食飯傾偈. 上次六月見面, 佢啱啱pregnant...唔知佢會唔會去畢業禮呢? 或者遲d搵下佢...

這兩年都有意思ge...有一個title和兩個朋友.

真係無有線喇...朝早慣咗起身就睇9台ge新聞, 今日無得睇, 有少少失落...畢竟, 都有十年感情, 我有付出ga, 好, 慧劍斬情絲. 噚晚, 特登影下解瑪器...係呀, 宜家成日都睇11台, 爺爺嫲嫲話要錄thomas俾亞L睇wor. L, 我哋真係好錫你!

黃雨...居然黃雨. 兩三點ge時候, 天好黑, 我想起上次六月飛霜. 這兩日遲走咗, 走ge時候都差唔多天黑lu, 因為幫d solo練習...最後五日啫, 29/11又回復自由身!

就快12月lu...就快多哈亞運lu. 成日以為12月舉行, 有排la, 點知前日話進入倒數唔知十幾日, 才驚覺真係就快12月. 期待一個比往年輕鬆ge12月! 又想到08北京奧運...2008...北京...???...

12月9號行畢業禮lu, so good!!! 約咗同學仔星期三去攞袍. 上次去泰國, 已經幫亞L買咗份禮物(公仔)送俾姑媽. 我自己都買咗一些小禮物(postcard)送俾一齊畢業ge友好. 畢業lu, 恭喜恭喜!

網上日誌其實喺web log, 簡稱為blog. 其實post一些歌詞或講下自己唱K都唔係問題吖, 只要網主覺得值得講, 佢覺得有意思, 無問題ga.

G, thx for sending me One Day in June!

成個星期都陰陰天...等到我得閑d, 又唔見晒d蔚藍天空.

無mug心情做嘢. 其實都應該學下放假就放假, 認真工作, 認真休息!!!

紐卡素終於有番d成績. 雖然只有一分, 但起碼要有咁ge水準la. 下個星期應該無有線gala, 要適應無波睇ge日子lu >.< . 要睇紐卡素, 唯有睇佢地ge match report lu.

一場朋友, 你關心我, 我都關心你. 永遠.

亞L好鍾意thomas, 連底底都係火車頭.

媽咪睇梗肥田大結局, 我就對此劇無mug興趣. 無再留意許志安lu...之前, 真係好鍾意ga, 係先鍾意歌後鍾意人嗰種. 慢慢, 覺得佢唱ge歌真係好好聽, 好感動我, 佢唱live真係好投入, 好有型. 一家一減你, 半天假, 只會深愛你, 爛泥, 昨遲人等等好touching, 有段日子, 臨瞓前仲一定會聽我的天我的歌. 宜家, 對佢無mug感覺lor. 都話gala, 無永遠ge鍾意, 緣起緣滅, 隨緣la.

我哋得到第四名...同第三名差一分jar. 唔知呢, 唔可以話失望, 不過就係有d美中不足. 無高層施加壓力, 又唔係因為無獎而耿耿於懷, 不過, 佢哋ge質地應該唔錯, 後來練習卻停滯不前, 幫唔到佢哋做好d, 爭取一個名次, 我覺得自己做得唔夠. 都係E下啫, 唔會介意賽果, 因為各花入各眼, 而我哋又確實未盡善盡美, anyway, 完成一個duty已經好開心lu.

即刻唱個K慶祝下...如果你知我苦衷, 何以沒一點感動, 誰想到這樣凝望你, 竟看不到認同...宜家唱K, 多數都唱金曲ga lu. 新歌...唔多識, 有d甚至係拒絕認識...代表我老了嗎?

態度決定一切, 講得好.

守住110 ge關口十一日, 噚晚終於111, 今晚仲112. 也許, 今日真係吃得太多. lunch食咗吉祥ge天婦羅定食, 夜晚就去德興打邊爐. 好飽...未敢瞓.

噚晚夜咗一個鐘瞓, 宜家都仲有少少頭痛.

聽日放假, 唔駛早起. 下午出戰, 之後可以輕鬆下lu...yeah!

落雨lu...濕咗又凍咗. 放工後, 決定都係返屋企添衣, 才返cu. 食個媽咪煮ge"極辛豬骨湯出前一丁", 雖然好辣, 但真係食得好爽, 正! 今晚pth, 少咗北韓一黨, 少咗後排勁瞓的三位小姐, 整個氣氛都好d, 我覺得時間都過得快d. haha...我喜愛的回憶...我喜愛的職業至真!

再有同工疑因不堪工作壓力自殺...世衛都話我哋ge行業係自殺高危族...珍惜生命! 今晚朗讀課文, 最後一段這樣寫:
影響一個人快樂的, 有時並不是困境及磨難, 而是一個人的心態. 如果把自己浸泡在積極, 樂觀, 向上的心態, 快樂必然會佔據你的每一天.
ying3xiang3 yi1 ge4 ren2 kuai4le4 de, you3shi2 bing4 bu4 shi4 kun4jing4 ji2 mo2nan4, er2 shi4 yi1 ge4 ren2 de xin1tai4. ru2guo3 ba3 zi4ji3 jin4pao4 zai4 ji1ji4, le4guan1, xiang4shang4 de xin1tai4 zhong1, kuai4le4 bi4ran2 hui4 zhan4ju4 ni3 de mei3 yi1 tian1.

互勉之.

inspectors做埋報告lu...意見可參考. 領導會點做follow-up呢? 最想知道!

搭火車ge時候, 浮起這幾句:
when the dog bites
when the bee stings
when i'm feeling sad
i simply remember my favourite things
and then i don't feel so bad!

無feeling sad, 只不過想起自己ge favourite, 所以想起這首歌.

天氣涼咗d, 著多件衫!

練習仲係差一點點...有d唔想練lor. 你喉嚨痛就唔練得, 我喉嚨痛卻唔抖得. 真係好攰, 好喘氣..."你緊我唔緊"仍然係最大ge問題. 仲有四日.

上個星期, 月光特別猛烈, 好多時候, 五點多就照醒我...唔駛驚, 一定可以繼續瞓. 星期五0600起身, 第一時間就想到要影下個月亮. 天黑黑...開始進入起身都未天光ge日子了!

唔知d夏天衫, 仲可以著到幾時呢?

唔知凍ge時候, 會凍成點呢?

搭車返屋企, 無無聊聊, 無mug嘢做, 影咗這張相.

自評: 幾靚.

哎呀, 紐卡素好唔掂wor, 點算??? 我睇到下半場多d就唔想睇lor, 從未試過ga!

參加同事的婚禮...又見證一對新人結為夫婦. hehe, 好耐未見過(外表)有質素ge新郎, 今日嗰個算唔錯lor. 總之, 願天下有情人終成眷屬.

之後去了1003新娘ge新居睇相. 又話要就多d人, 所以約今日...上到去咪又係得我和上次唱K ge兄弟. 我都算醒目, 因為覺得同佢哋一般好玩, 一早話約咗人要6:30走. 不過, 實在頂唔住要捱兩個鐘, 一直想辦法再早d閃. 幸好, 救星到...媽咪call我, 話會夜d食飯, 叫我唔駛咁趕...我於是乘機推說約會提早, 5:30就要走. 好, 成功提早離開! 其實這個同學同佢夫婿都算有心, 準備了一份小禮物送俾每個姊妹(草莓蛋糕盒), 不過, 一份小心意夠喇, 唔駛其他lu.

明年打工仔料加薪3%...我有無得加呢? 減又減咗喇, 係時候跟大隊加番d la wor!

這個weekend要抖抖lu, 一於mug都唔做!

這首日本歌幾好聽, 雖然唔知講mug, 但我覺得旋律及歌聲好似為你打氣一樣.
http://www.youtube.com/watch?v=1_jGZzf1RlM

今日係亞L的兩歲半生日...買咗新出的四款西餅當慶祝.
之後仲要食腐竹雞蛋糖水. 明明好飽, 都要食...媽咪話飯後一齊食碗糖水至溫馨. 好, 我食... 咁樣媽咪就開心, 我做.

整盤壽司獎下自己! 睇完喇...feedback都算ok...意見具參考價值. 其實自己又好, 整體又好, 的確需要一d衝擊, 一些真正ge意見, 要sustain ga ma. 總之, 搞掂就好lu, 又可以回復自由身, 少樣牽掛. 同Am講, 我覺得11月已過, 其實諗番又真係誇咗d, anyway, 代表我ge心情la. 雖然話晒下星期出戰, 但這正代表又完成一項任務, so good. 我開始準備12月放假喇...兩年未放過xmas...期待!!!

要著手籌備新一期ge"每月一動"lu...18/11 & 25/11 ok嗎?

揀唔中我wor...繼續準備多幾日la. 唔諗幾時到自己lu, 就當自己準備好d去迎接每一日就算. hehe, 準備咗而唔睇我都得ga. 總之, mug都好la!

收到ex-client ge email...好encouraging, 好想再做好d. 即刻睇番佢哋送俾我ga臨別贈言, 仍然甜在心頭. 我要努力!!!

感覺好好多lu...做番自己就算! 既然無mug嘢睇, 咁睇嚟做mug呢? 仲有, 最好唔好搵我interview...從來都不記小節ga ma, 可以答mug嘢wor.

多謝I俾咗張剪報我. 大家都要小心, 避免有"肝鬱"ge毛病. 日後再分享詳情, 或請自行參閱今日ge都市日報.

噚晚倒瀉支地板消毒水, 今日隻手仍然滿是消毒水ge氣味, 仲粗晒添. 玉手...無喇!

心情有d忐忑...練習進度la...inspection la...

全力以赴, 問心無愧.

起身第一眼同宜家5點半, 瞓喺床望住個天, 天色一樣咁藍, 萬里無雲...天氣又無咁熱, 涼涼地, 最好去郊外走走, 看看山, 看看水, 寫意! 不過, 我只能夠隔住玻璃窗去欣賞藍天. 快d過埋下星期la, 人都爽d!

***** ***** *****

坐火車返屋企, 旁邊有對情侶. 看他們似是斯文(兼老土), 點知談情竟然句句係粗口. 人不可以貌相, 仲要兩個都係咁, 天生一對!

***** ***** *****

我都唔希望另一半係圈內人. 同有無大志無關, 只不過, 我希望佢係一個真正ge好人, 包括對工作認真負責...咁我哋界別咁多嘢做...如果佢認真, 一定無mug時間陪我; 如果唔認真, 我又睇唔起佢...講吓啫, 如果命中注定係天意, 我都未必會逆天而行ge.

姑丈幫我班咗兩張波飛, 今日我同I及其夫婿B去旺角睇甲組聯賽. 以前只去過大球場, 去旺角場都係第一次. 繼續幫南華, 雖然都唔多識裡面d人. 到最後歐偉倫出場, 真係有d興奮, 話晒都係我哋ge年代. 南華贏2比0, 滿意!

我想起以前...南華ge榜首大戰, 盃賽大戰, 我一定會留在家中睇直播. 如果打夜波, 電視無得做, 我都會聽收音機. 我又試過寫信去球迷世界攞波飛, 睇到自己個名打在熒幕, 聽到亞叔定亞瑜(唔記得)講自己個名, 好得意.

聽日又要OT兩小時. 原本以為今日可以準備一下inspection ge嘢, 不過, 仲未有mood. 聽日再算吧.

再去歷史博物館. 其實我鍾意去museum ga, 可以增廣見聞. 這個展覽睇過幾次lu, 最有興趣是四億年前ge香港. 泥盆紀時期, 香港是河谷平原......直至冰河時期完結, 新形成的山谷遭海水淹沒, 造成現在的海岸線, 海灣和島嶼. 我覺得好奇妙, 我覺得人真係好渺小. 這個比喻幾好...如果地球是1小時前誕生, 香港就係5分鐘前形成, 人ge存在還不夠1秒. 天大地大, 人小我小...好多事其實都只係一件小事.

我想起geography...我介意自己的a-level成績, 我覺得辜負了老師, 辜負了她的悉心教導...她付出的力氣一定比其他老師多......

同個client傾到6點, 意想不到其背景會如此複雜. 唉, 家家有本難唸的經......

係不斷做, 係逐漸接近目標, 但仍然覺得好虛. 沒有把握的感覺極不良好!

不去計較和爭取公平...兩者能否並存?