老積說話

陪爸爸覆診 ... 情況仍然理想. 感恩!
每次到威爾斯, 都會有許多想法.
希望你, 我, 他, 大家都身體健康!

最近, L有好多老積說話. 超爆笑!
例一, 我同佢游兒童池, 佢要去BB池, 我硬要佢扶我起身, 佢就細細聲話"姑媽真係好鬼麻煩".
例二, 佢同媽咪鬥嘴, 突然會話"我唔想喺咁多人面前同你嘈".
例三, 忽然佢又同媽咪講, 話"其實我話你, 我都好心痛 ga".
例一和例二, 我都在場, L真係俾晒表情, 好似大人, 好似做戲一樣. 當然, 我哋有解釋唔好, 但實在太搞鬼, 都忍唔住爆笑一番. 佢馬上又會有點忟憎說"各位唔准再笑", 我覺得用"各位"唔多適合 lor, 不過為了尊重佢, 大家只好忍住唔笑出聲, 一齊勁震, 都幾辛苦!