每週一動

每週一動, 重新展開. 對, 係每週一動, 因為要補番暫停了數次的每月一動. 好想到郊外走走, 不過, 炎熱天氣唔多適合, 都係睇戲, 閑逛同食la.

先食個tea. 這個二人tea set都幾豐富, 有鹹點和甜點, 唔會咁單調.

之後去咗睇韓片200 pounds beauty(唔知中文譯名). 女主角全靠整容, 由肥醜變到瘦索. 整容整得靚的確會增加自信心, 但如果"重新做人"ge同時, 已經忘記自己本身ge一切, 這個人根本就係另一個人, 佢根本已經於人世消失. 還有意思嗎? 另外, 女主角由幕後代唱變為真正的歌星, 看著她表演, 我反而係想到唱歌. 之後要K番夠本!!!

跟住落銀行中心搵下旅行資料. 可能七月尾可以出發啊. 突然間好似多咗好多選擇...日本la, 韓國la, 法國la, 東歐la, 不過, 大前提還是銀兩是否充足. 錢, 對無錢ge人係幾重要ga!!!

差不多九點, 要食嘢la. 池記都幾有水準. 我叫咗雲吞粥, 好得意, 白粥再加雲吞. 一向都鍾意食街ge白粥, 加埋雲吞就可以豐富d. 不過, 都係泥鯭粥鮮甜許多. 食完當然要行下消化下, 由12樓行番去地下. 12樓有人唱歌, 唱不拖不欠, 唱多得他...我都好想唱呀!

雲吞粥=4粒雲吞+白粥

一桶鮮甜泥鯭粥
好喜歡後面ge燈泡堡壘