兩全其美

ot咗兩日, 今日都係抖抖. 放工即散, 行街逛逛!

去先施買咗d嘢. 宜家買滿$150, 可以抽一粒即開殼ge珍珠, 每人每日最多抽兩粒. 我先後抽咗兩次, 工作人員都話我抽到大粒, 應該整番d首飾, 否則會好浪費. 其實抽珍珠係噱頭, 想做生意為實呢! 唔好意思lor, 你遇到我...就算你多費唇舌, 我都無咁容易心動ge.

除咗熱之外, 天色和空氣都幾好. 聽講係幾星期吹住南風, 因為風從海吹來, 不帶懸浮粒子等污染物, 所以空氣"清新"許多! 好想再行龍蝦灣, 睇清楚青山綠水, 但係咁熱, 點行山呢?

好難兩全其美!