愛護眼睛

對眼好澀, 點解呢? 無晒迷人眼神喇!!!

兩全其美

ot咗兩日, 今日都係抖抖. 放工即散, 行街逛逛!

去先施買咗d嘢. 宜家買滿$150, 可以抽一粒即開殼ge珍珠, 每人每日最多抽兩粒. 我先後抽咗兩次, 工作人員都話我抽到大粒, 應該整番d首飾, 否則會好浪費. 其實抽珍珠係噱頭, 想做生意為實呢! 唔好意思lor, 你遇到我...就算你多費唇舌, 我都無咁容易心動ge.

除咗熱之外, 天色和空氣都幾好. 聽講係幾星期吹住南風, 因為風從海吹來, 不帶懸浮粒子等污染物, 所以空氣"清新"許多! 好想再行龍蝦灣, 睇清楚青山綠水, 但係咁熱, 點行山呢?

好難兩全其美!

幾時上岸

兩日都ot, 清埋d幾個月ge存貨lor.

未完ga, 還有許多許多......算la, 起碼見到岸la ma.

幾時可以正式上岸呢? 今晚有六合彩!!!

芒果布丁

林太整芒果布丁, 梗係益埋我哋la.

好味...不過, 又有增肥ge機會lor.

盲目喜愛

唐唐話, 香港係一個多元ge社會, 所以, 唔會所有人都有同樣ge意見...啱聽!

ocean's 13就快上映...唔係想睇. 不過, 想起自己就係喺ocean's 11上畫ge時候, 開始覺得brad pitt好型. 記得02年ge年初一, 喺sogo等細佬, 準備一齊睇賀歲盃. 對面黃金商場掛住好大的ocean's 11宣傳海報...望下望下, 越睇越掂, 從此, 就開始鍾意睇佢嘞.
http://exquisite.beautifulone.net/bradpitt/about.php

鍾意係無得解釋ge, 等如我喜歡聞淡淡ge天拿水一樣. 最近, 鄰居裝修, 一出lift就聞到陣味, so good.

十面埋伏

原本諗住同亞L游水, 但係遇著黃色暴雨. ok, 下次la.

最近, 頻頻碰到許久不見的朋友. 好開心, 因為久別重逢, 大家仍然可以暢所欲言, 不是寒暄幾句了事. 同意師妹說, 我哋的確有緣份又啱傾. 惜緣, 所以我珍惜她和你們每個朋友.

突然想起陳奕迅ge十面埋伏. 最近, 勁聽這首歌, 覺得好正, 特別鍾意最後幾句: 分開一千天　天天盼再會面 只怕是你先找到我 但直行直過 天都幫你去躲 躲開不見我
http://www.haoting.com/htmusic/86867ht.htm

首次酷熱

首個酷熱警告! 買咗兩盒雪糕, 希望可以降降溫la.

回港放假

海外留學ge都陸續返嚟放暑假lu...佢哋好有心, 每次返嚟, 都叫我吃飯傾偈.

今日, 就去咗和民lunch. 可能天氣熱, 那個海鮮麻醬冷麵特別好味. 都鍾意同佢哋見面, 大家好似朋友一樣...聽下佢哋喺外國ge生活, 亦可以增廣見聞. 其實, 幾羨慕佢哋可以出國留學...可以學多d英文, 擴闊自己眼界, 的確係難得ge經驗. 希望大家都努力, 可以更上一層樓!!!

特別多謝ww, 每次都整cookie俾我. 今次佢有新嘗試, 係有杏仁ge綠茶蛋糕. 對佢ge整餅技術有信心, 加上點點心意, 一定好食!!!

炎熱序幕

的確熱咗好多, 不過, 這只是開始, 六月...七月...八月...炎熱程度會更加嚴重!

唔係討厭或憎恨, 不過, 面對一些人, 明知係好假, 都要假下去, 我覺得有d唔舒服. 見到佢避我, 我反而閃得更快, 一來我都唔想見到佢, 二來我想做俾佢睇, 我避你快過你避我, 請你知道我都唔想見到你. 這個想法, 這個做法, 係好幼稚, 但係我真係控制唔到自己咁做. 順其自然la...只不過, 有時, 我覺得對唔住其他無問題ge人. 出道十年, 從來沒有覺得自己表現欠佳, 但係今年真係唔多滿意.

今日都有單搞笑嘢...有人做錯事要向我解釋, 佢竟然笑住道歉, 我問佢做mug笑, 佢話這是"抱歉的微笑"! oh, my god...要忍住笑, 我即刻話無此需要. 可能真係天真無邪, 但係唔識分析形勢, 我覺得好愚蠢, 好危險lor.

四點幾之後, 一號打我手提. 嘩, 唔打去office, 梗係以為我走咗la, 不過, 今日我未走wor. 好! 快閃形象鮮明, 深入民心.

火車鐵路

去鐵路博物館走走...

亞L鍾意thomas, 所以帶佢去睇火車. 舊式火車, 我都坐過, 不過, 印象好模糊lu. 見到d火車, 都勾起一點點童年回憶. 其實顧住同佢影相, 都無mug認真睇d展品. 宜家同亞L影相, 超困難!!! 永遠唔望鏡頭, 只好狂影, 希望總有幾張ok.

唉, 唔知點教亞L. 佢野蠻起嚟, 真係無佢符. 管教細路, 唔係易事, 都係高深ge學問.

重見光明

陰咗幾日, 今日見番陽光, 唔多適應lor, 好似吸血殭屍見光死咁.

唔知點解, 覺得眼好攰, 腳都好攰. 行一陣就要返屋企lu.

原則問題

你減, 我減. 你加, 我都應該加啫. 這是原則.

今晚試扭扭批...都ok好食, 不過, 邊邊ge粒粒唔夠脆, 個feel似麵包多d, 我覺得芝心批ge質感好好多.

難得精神

成日落住雨...都無影響我心情, 難得星期一都精精神神, hahahaa.

sunday brunch資料:

http://hk.where.yahoo.com/a/article.html?id=133

肩頸痛要多運動:

http://www.chiropractors.com.hk/neckshdpn.htm

與人相處

唔好意思, 因為打唔到電話俾我, 結果半動告吹. 下次滿記, 我ge!

睇"龍鳳鬥", 又係講夫妻相處. 可能, 講大話都係為對方好, 不過, 大前提係個大話永遠都不會被揭穿, 否則, 對方會一樣傷, 一樣痛. 與人相處係一門學問, 因為涉及另一個人, 變得更加非自己所能控制和把握.

免費娛樂

恭喜南華成為三冠王. 好耐無睇波lu, 睇場電視直播ge香港足總盃滿足下都好.

一早起身, 就睇mr. & mrs. smith, 我鍾意睇brad pitt嘛. 佢真係幾型wor. 我覺得齣戲有個message, 就係夫妻二人應該坦白, 否則婚姻好難美滿...that's marriage.
http://www.mrandmrssmithmovie.com/#

hee, 多謝G經常幫我安排dvd娛樂...下個目標係相思光年!

花的姿態

陳綺貞的演唱會cd!

有d想買, 不過, 好多歌都有wor...再考慮下.

記得那時候, 很喜歡"靈感", 覺得好touching.

http://www.haoting.com/musiclist/ht_8262c92e0beebd9d.htm

飢寒交迫

始終避唔過場大雨...

ok啦, 我有自私傘, 不過, 放工時候, 過海巴士full晒, 唔想淋住雨等車, 迫住上182, 結果七點半至返到屋企. 又攰, 又凍, 又餓, 好可憐啊!

我要走脂

開始熱喇!

噚晚ge薯條仲喺肚裡面...我要做走脂派!!!

薯條夠了

噚日話想食薯條, 所以今晚去咗ruby tuesday. 叫咗好多好肥, 好炸ge嘢食, 因為太想食, 特別加多個四安士ge薯條. 宜家要飲d秋梨枇杷蜜滋潤番下! G, 努力la, 快快做完功課, 我哋就去食brunch, yeah!!!

搭火車, 聽到一對應該係讀大專ge男女同學的對話, 我覺得有d唔妥. 例如個男同個女講: "我無話俾你聽我住邊咩? 我住喺XX中心XX閣XX樓X室, 上嚟強姦我呀笨!". 講笑啫, 但都諗到強姦, 思想有d污穢. 可能我太serious, 可能我以偏概全, 但, 這就是部分未來社會主人翁的言行. 都係這一句...擔心!

午餐新點

去一個新地方lunch...之前以為係貴嘢, 又覺得好似多數係foreigner幫襯, 所以一直無考慮過.

原來$68加10%, 價值幾合理. 可能人唔多, 都坐得幾舒服, 最緊要係以後有多個選擇. 每個set lunch都有一杯cocktail, 然後揀湯或沙律, main course有五款選擇, 最後有tea或dessert. meun每月更改, 期待下個月再有薯條, 聽講好好味ga.

816之後, 大把機會試盡我工作機構附近的美食. 好? 好過唔好la.

繼續情色

仍然留意情色風波...

當中學到兩個英文字: 情色(Erotica)與色情(Pornography)。據明報論壇一篇文章, 情色有別於色情以撩動人的性慾為目標, 它更是為展現美學(aesthetic)的觸感。故此, 肉體不過是手段, 美感才是終極目標。最為人爭議的問卷調查究竟展現什麼美學? 有關內容究竟有何美感? 情色? 色情? 根本不用深究。香港的德育有問題, 美育更有問題.

文匯報評論引述德國哲學家康德說：「有兩種事物，我們愈是沉思，愈感到它們的崇高與神聖，愈是增加虔敬與信仰，這就是頭上的星空和心中的道德律。」我覺得人要尊重宇宙, 尊重道德。就如評論本身所言, 情色版的內容違反人類文明經過長期發展形成的倫理道德。這就是問題所在。

不是要學生認錯, 但希望他們會深刻反思. 如果他們反思之後, 仍然覺得自己百分百無錯, 我真係擔心...

慶母親節

祝天下母親日日都快樂.

我哋都無特別慶祝, 都係喺屋企食飯, 無謂同人迫la. 媽咪精心炮製是日晚餐...我尤其喜歡生炒排骨, 大家慢慢一邊食, 一邊睇下電視, 輕鬆溫馨, 仲好(媽咪話!). 食完飯, 抖陣, 又食西餅和沙律, 六點半食到九點半, 好飽. 其實夏天已到, 唔可以暴飲暴食gala.

情色風波

情色版風波升級...

無看過有關內容, 但單就意見問卷其中兩個出位問題而言, 我就覺得幾離譜. 學生的反駁更過份, 解釋什麼「批判現今社會單線, 扭曲的情慾想像, 營造開闊討論情與慾望的空間」. 難道對父母, 對兄弟姊妹, 對動物, 作這方面的無聊, 無恥, 無謂的情慾想像就很有意思嗎? 這個開闊的討論空間令我覺得好庸俗, 好不安, 好噁心.

唔係色情刊物, 唔係風月版, 係大學學生報, 應該有道德操守. 言論自由都應該有底線.

似乎, 學生還未明白問題所在. 叫人擔心!

愛上一刻

0507明報, 阿寬話...

該發生而未發生的感情，通常雙方已有傾向性，炸藥早已埋好，只等待那一點點的小火花來引爆。　

蓄勢待發的感情，令每次見面都充滿張力，雙方心裏都清楚，只要偶然做對了什麼，期待的事情，便會發生。　

男女之間這種等待感情爆發的過程，是最令人心動的。　

不是每段期待的感情都會爆發，這才是最微妙之處。　

或許在多年之後，你會發覺曾經期待過的某段感情，從未發生，但比發生過的更美麗。

兩份禮物

母親節快到, 一直想著應該對媽咪有什麼表示. 看到明報介紹hku的藏書票...只要捐$200(原價$500), hku就會把一張印有捐款者及其摯愛名字的藏書票, 貼在一本新購藏書的扉頁上, 於是靈機一動, 決定憑書向媽咪寄意.

幾有意義, 幾有紀念價值, 真有意思! 無理由只掛住媽咪, 唔理爸爸ge, 所以爸爸都有份, 順便提早送埋父親節禮品. 雖然我明偏心媽咪, 但實際上, 在我內心深處, 我係兩個都錫ga!!!

爸爸媽咪都好開心, 都覺得咁樣做幾好. 你們快樂, 所以我快樂. 有機會就借這兩本書看看吧!

Democratic schools : lessons in powerful education / edited by Michael W. Apple & James A. Beane. (2nd ed.) (dedicated to mummy)

Anatomy of deceit : how the Bush administration used the media to sell the Iraq war and out a spy / Marcy Wheeler. (dedicated to papa)

http://lib.hku.hk/friends/honourwithbooks/

一點聯想

去咗大少爺食lunch. 這碗泰式湯河($28)令我想起泰國的魚蛋粉, 想起旅行, 想起放假......

我要努力

兒童跳樓機...亞L玩咗三次.

舒服番d, 人都精神d, 心情都好d.

始終藥力發作, 大約12點就會眼瞓. 眼瞓? 瞓lor, 瞓醒再食lunch.

已經報名暑假考pth. 我要努力!!!!!

逐漸康復

終於覺得好d喇!!!

最後一醫

都係睇番西醫...真係要好番喇!!!

咳得好唔尋常, 有d擔心, 要知道發生咩事. 醫生話, 上次ge感冒菌未殺死晒, 於是落咗去氣管; 氣管受到感冒菌ge刺激, 變得敏感, 所以咳得這樣厲害. 細菌太強? 還是自己孱弱?

今次有七種藥: DHASEDYL(止咳水), KENAMOSE(感冒/止痛), CODAEWON(止咳/化痰), COLDRIN(止咳), AMOXIL(消炎), SLOW-THEO(鬆氣管, 可能輕微手震心跳)和DIAZEPAM(幫助睡眠). 醫生話食d鬆氣管藥, 條氣就會順d, 舒服d. 至於食幫助睡眠藥, 瞓覺就無咁容易咳醒. 唉, 好多都會令人有睡意. 唔駛做咩? 想瞓無得瞓, 好慘ga! 仲有, 醫生話講少d嘢都有幫助. 你話, 有無可能呢?

睇咗這個醫生幾年. 覺得佢個樣好似施永青. 佢好鍾意一邊講開咩藥, 一邊問你好唔好. 喂, 你係醫生我唔係, 我點知我應該食咩藥呢! 除這些說話廢廢地之外, 我都算夾佢, 所以仍然一直幫襯佢. 希望今次都一樣, 可以真正斷尾la!

三歲生辰

我的至愛~亞L的舊曆生日! 後日正日, 佢會去海洋公園, 今晚, 我哋就簡單慶祝一下.

thomas車車係佢爸爸買ge, 我就送他thomas間尺和thomas擦膠筆(總值$10!)...同埋, 大利是一封!

我將所有祝福都送給L. 希望L可以成為一個至開朗的人!!!

L, 錫晒你!!! >3<

運動治療

噚晚三點至瞓. 原因有二.

其一, 唔知係唔係咳傷咗喉嚨...覺得痛痛地, 又覺得好乾好涸, 要成日飲啖水溼下喉嚨, 而且, 條氣唔多順, 驚住又會咳, 所以無mug瞓覺意欲.

其二, 可能因為成個禮拜都瞓瞓瞓, 其實都幾精神, 同埋, 唔想難得放假, 都係瞓, 無其他生活. 於是, 上床聽歌! 聽咗劉若英, 許志安, 陳綺貞, 一邊聽, 一邊望住街. 無帶眼鏡, 遠處都模糊一片, 只見到附近大廈ge燈火, 街燈, 車燈...朦朦朧朧. 一首歌, 兩首歌......睏lu. 三點已經有雀仔叫聲lu, 我...瞓覺!

陣間打算行下小山, 做下運動, 可能吸番多d氧氣會好d. 唔可以再死下死下喇!!!

羅崗應子

今次鍾意用嘉應子送苦茶, 原來嘉應子是用李子乾制成的. 上網找到這些資料:

嘉應子原產福建嘉應,有幾百年歷史,在清朝時已經很出名,仲曾經是貢品。 不過, 這個說法只對了一半，就是嘉應子是福建特產，但嘉應不在福建，是粵北地名，清朝時稱嘉應州，即現今廣東梅州，是客家人聚居地。

李子乾制成蜜餞通稱嘉應子，通常連李子果核，但現代化的嘉應子多數已經去核，去核者稱化核嘉應子。「化核嘉應子」外觀為啡黑色，味甜甘，因為材料除子李子之外，還有白砂糖和少許藥材，具開胃、止咳的功效。

樣樣試下

原本以為舒服d, 就執下間房, 點知......

可能吸咗唔少塵, 又咳番喇! 其實係從來未好過? 唉, 好似沒完沒了咁, 幾時至好呀?

開始食幸福百咳素lor!

仍然唔妥

噚晚2059上床...我病嘛, 梗係早d休息la.

不過, 今日反而差咗. 咳到我好唔舒服...咳到頭痛, 喉嚨痛...結果都係去灣仔睇下中醫. 醫師話感冒lor, 所以咳, 喉嚨痛, 頭赤赤, 沾寒沾凍. 執咗兩包藥, 希望唔好咁難飲la, 我最憎帶酸味的啡褐色苦茶, 黑色勁苦反而頂得住. 戒下口lor, 唔好食凍嘢, 糖水, 菜(湯?), 橙, 香蕉.

好希望快d好番, 因為真係好唔舒服!!!

卅四周年

看看日曆, 才醒起今日係爸媽的三十四周年結婚紀念. 由於突然記起, 媽咪又話我狀態欠佳, 所以今晚唔食飯慶祝lor, 或者過幾日, 等堆亞L生日一齊搞la.

食晒d藥, 精神好多lu. 不過, 仲係咳, 仍然有d唔自在.

身體健康好重要!!!

懷念昨天

懷念昨天...食完藥, 覺得眼瞓, 可以即刻爬上床, 瞓瞓瞓!

今日, 食完藥, 要盡量撐住, 最多伏一伏抖抖. 無mug精神, 人都無平時咁精靈.

食咗藥, 意志力特別薄弱. 想瞓, 就要瞓. 無得瞓, 特別辛苦.

難怪毒癮起的時候, 人特別軟弱.

三人同行

噚晚都有出去食個飯...嘩, 甜品好好味啊! 好姐妹, 一人一件, 特別好味!

要計劃一下旅行, 計劃一下每週一動喇...努力呀, 宜家可能辛苦d,

不過, 苦痛的現在是為了迎接更光榮的將來.

三人同行...天涯海角, 去邊都可以.

準備昏迷

0900, 食完藥, 趁仲未眼瞓, 寫下嘢先.

最後都係要睇醫生, 因為喉嚨真係好痛...我把聲好重要嘛, 我仲要唱K嘛. d藥好勁, 兩個鐘內, 即刻眼瞓. 共有6種藥: DEXTROCILLA SYRUP(上咳/化痰水), BECHLOMIN(敏感), LYSOZYME(化痰/消腫), KENAMOSE(感冒/止痛), AMOXIL(消炎藥)及PHARYNX(喉糖).

準備大昏迷!!!