都算係慶祝一下la...同K去咗唱K.
我哋先去澳洲牛奶公司食個lunch. 好多年無去過lu, 記得上嗰兩次都係K帶我去ge. 仍然係好多人, 今次仲排到出街, 證明間野幾受歡迎. 例牌食個快餐...叉燒通粉+火腿炒蛋+厚多士+熱holick...24大元. 質素唔錯ga, 蛋同多士都好味, 今次略嫌鹹咗啲. 這裡的特色是"快", 伙計好efficient, 俾位你之後, 就好快幫你落單, 食物又好快上枱, 總之見你食完一碟, 就即刻幫你收野, 又即刻同你寫野飲. 你自自然然, 就會跟住一樣快. 我哋坐低至食完, 唔駛廿分鐘.
之後就落去安達唱K. 宜家逢星期六, 日, 加$12有tea buffet tim, 睇落都ok ga. 因為太飽, 我們淨唱. 1500-1900, 四個鐘都似啲樣. 好耐無唱"人間"喇, 一樣咁好聽...首歌. 宜家反而仲記得"難忘你"...曾話過再也不想你......
仲未收到醫生的電話, 好, no news is good news!
邪唔邪, 又見到啲咁ge資料! 由最初同事贈送我的leaflet, 到booklist上看到的書名, 到有關的新聞報導和講座宣傳, 到世界紀念日, 到這份從email收到的資料, 短短十日, 令我對這個問題有更深入的認識和體會. 各位, 多多小心和保重. <-- click嚟睇就清楚好多gala.
剛打咗電話, 姑娘話報告已到, 但醫生較忙, 遲啲就會打番俾我. 我即刻問係咪即係有事, 姑娘話唔會, 因為有事的話, 我就會即刻收到電話. 再放心一點lu......
陣間會出去唱個K. 夜晚返嚟, 再報告下個報告ge情況la.
1330打去問報告, 姑娘話未送到, 叫我聽日再問. 唔好意思, 又要大家擔心多一日. 好, 聽日等我ge消息la.
如果每個星期五都可以著便服返工都幾好吖, 個人都輕鬆啲. 你有壓力, 我有壓力...千祈唔好咁緊張, 會死ga.今日收到transcript喇. 之前上網都知晒所有成績, 宜家有份野揸手, 感覺又真係實在好多. 只係唔滿意0405 term1 嘅成績, 有個B-, 好似唔係咁好睇(hehe, 同其他科目相比!). 不過, 那一個term真係幾辛苦...讀四科, 又要面對許多其他ge問題. 唔計xmas前的功課和test, 我記得嗰年, 23/12, 28/12, 30/12就要交3份功課...十日做三份功課wor!!! anyway, (忙)碌過就算lor, 總之grad.到就得la.三日假期, 休息吓喇(=.=)
聽日應該有報告gala. 可能預咗今日未必有, 所以噚晚都無mug野. 不過, 宜家又開始有少少緊張lu...take it easy...relax...don't be afraid =)
多謝各方靚女支持, 有你地撐, 點都撐落去. 今日幾攰, 可能噚日喊過, 雙眼還有少少澀. 今次我話咗俾好多人聽. 令各位擔心, 唔好意思. 不過, 我深信你們每一個都會支持我, 我地係真朋友, 所以我都唔怕講. 事實上, 有你地ge支持, 感覺的確良好許多許多.真係好感恩, 有好的家人, 同事, 朋友...少咗個另一半, 真係無mug所謂.
check過lu, 多數無事ge, 不用替我擔心. thank you all for your continual supports and deepest sympathies!!! really really appreciate!!!醫生幫我檢查, 提議再去做個超聲波. 照到一個水瘤, 一個纖維瘤. 水瘤應該無問題, 但為咗肯定纖維瘤係良性, 都係抽組織再化驗一下. 醫生話95%無事, 不過, 安全啲, 都係驗埋la. 依家等星期四聽報告. 有消息再講.抽完組織之後, 忍唔住喊咗出嚟. 唔知係驚, 定係痛, 定係因為鬆咗啲, 好自然, 先眼濕濕, 然後嗚咽, 再流大大滴ge眼淚. 醫生可能想安慰我, 就話不要太擔心, 總之, 以後多定期檢查, 注意飲食...我喊住走, 然後再喊住話俾媽咪聽無事, 叫她不要擔心. 為咗令自己心情好啲, 專登去sogo買朱古力食, 之後再去買六合彩, 希望可以贏番$3800(診金+超聲波+抽組織+化驗組織的費用). 唉, 3800去到轉泰國lu. hehe, 我識得咁計, 証明我ok la.宜家都仲痛痛地, 不過, 無事的話, 都值得.
為免因為陌生的環境而產生不必要的疑慮, 特別打聽一下診所的setting如何. 我會盡量做一啲野令自己安心一點. 有個同事在旁講了一句: 原來你都係驚ge. 我開心, 因為我在佢心目中是一個tough和積極樂觀ge人. 但我心諗, 俾你都驚la.其實都有啲驚ga. 不過, 知道驚係解決唔到問題, 知道自己驚反而令身邊ge人擔心, 我會叫自己放鬆, 所以, 我暫時仍然食得落, 瞓得好, 識得笑, 做到野. 一切都安好. 不過, 無可否認, 今日係擔心咗啲. 因為朝早睇am730, 又有相關ge報導. 好邪啫!今晚同ex-formteacher食飯前, 遇上ex-client. 感覺幾得意, 我哋又約之後食飯lu.
L一過嚟, 完全做唔到野. 不過, 都歡迎佢, 咁姑媽又可以有一個偷懶的藉口!唔知呢, 收到ex-clients啲emails, 都未想覆佢地. 可能一諗到自己的近況, 就只想星期二後才reply, 咁可以清清楚楚話自己"everything is alright". 唔駛擔心, 我唔係驚, 不過硬係有啲野釣住, 總係有啲不自然.
多謝各位ge支持!!! >3<今日同K一齊睇"prada"...都幾好睇...唔知呢, 可能我ge工作環境還未至於有這樣的上司, 所以感受唔到那種"下屬被上司欺壓"的痛苦. 不過, 的確好多靚衫睇, 睇住andy由6號變4號, 打扮一下, 真喺靚好多. 同埋, 唔好話啲名牌"咁貴咁無野, 俾都唔買", 其實有好多details係自己唔識欣賞啫, 人哋背後都花咗好多心血. 好, 以後我會appreciate...雖然我都一樣唔會買(中咗六合彩另計). 我開始覺得, 打扮其實唔係代表貪靚, 不著重內涵; 打扮也可以是尊重別人, 寵愛自己的表現. 內外兼備就最好la!
話咗俾媽咪聽lu...佢反而叫我唔好記住, 話宜家好多人都係咁. 其實我都真係無咁上心, 話晒驚都無謂. 總之下星期快快檢查, 知道下一步點做就好了.
今朝起身, 覺得身上多咗啲野. 我會去check下gala, 希望只係小事la. 其實都有少少擔心, 不過, 樂觀啲, 積極啲, 我諗, 任何事都會好啲.報讀了下期pth lu, 如果有得讀, 以後應該一星期一晚, 希望會舒服啲la. 交表之後, 沿住cc個church那邊斜路上, 都可以上本部啊. 行少少斜路, 然後搭某building ge電梯, 15分鐘以內一定到. 小息時候, 又遇上預科的班主任. 她讀完phd之後, 今年轉去cu做......幾上進, 不過, 我諗我學唔到lu.身體安康.
返到屋企, 竟然有黑森林食, 喜出望外. 即刻上磅, 111, 希望瞓覺前都只喺111.今日講到"勿以小善而不為, 勿以小惡而為之", 立刻想起我好尊敬的一個人. 離開三年了, 願她安好.
幾鍾意喺個房度望日落......証明自己唔駛天黑已經返到屋企, 幸福!!! 突然想起黃山的日出, 想起假期, 想起......不過, 西斜起嚟, 都真係幾熱.
收到漲卜壽司貼紙......好鬼得意, 正!好, 我ge sushi collection又豐富啲lu :P
今日無事gala, 真係, 一件小事而已, 而且, 不是第一次嘛. 我都希望佢會努力, 佢會進步, 至少都勇於承擔, 有番啲上司ge風範和風度, 唔好辜負我lay啲咁合作ge組員. 開會至1700, 放工之後, 兜去馬場行咗一陣. 睇吓人打波, 睇吓啲廣闊ge綠色草地, 淨化一下心靈都幾好. 今年要幫手負責"反射日", 嘩, 好煩ga wor. 算, 當跟高人學吓野lor. 尋晚msn, 大家傾了一陣. 有人關心的感覺非常良好, 始終, 朋友一場.
開咗一個幾無謂ge會......內容廢廢哋都預咗, 有關領導的嘴臉卻最令人討厭. 我覺得自己已經好合作咁同你開會, 但你還是齋坐發呆, 剩係識得問"點呀?", 然後等我地諗, 喂, 點都提啲意見la. 都算, 唔該唔好整啲不屑表情, 好似假設我地又唔合作, 又唔願做. 其實咁ge表現唔係第一次, 但係今次我真係有啲罄, 我覺得佢真係好低lor, 好無風度好無品lor.我知, 唔應該拿別人的問題來懲罰自己, 不過, 要繼續under佢, 就真係有啲無奈. 唔駛驚, 我不會上心, 不過, 喺我個file裡面佢又多一個reference lu.
又見番猛烈ge太陽lu =]剛剛同啲兄弟姊妹食完飯. 唔好問我啲兄弟質素如何......總之, 疊埋心水做個好姊妹就夠喇, 唔駛諗其他. 新郎哥話我聽, 咁多野搞真係好煩, 都係唔擺酒好. 其實, 有失又有得啫. 不過, 俾我都想簡單啲......不如去轉關島, 可以邊旅行邊結婚......所以, 希望大家都儲定機票錢, 就算我閃電過去結婚, 你地都可以一齊飛去, 同我開心下. 到時唔駛俾人情gala, 你地出席已經係最好ge禮物.好, 發完夢, 睇埋場波就瞓. 好好迎接未來的5 day工作.
今日聽到張信哲的新歌......立刻想到一班好姐妹, 想起以前唱K的時候, 一定有他的mtv......記得S和A很喜歡他, 我哋又話F好似佢. 我都喜歡張信哲ge歌, 最鍾意"我要讓你知道"(可能歌名有錯, 但肯定是愛如潮水cd的最後一首), 首歌好似為你唱一樣. 這首新歌都一樣, 雖然歌名坦露咗啲, 但簡單的鋼琴伴奏, 感動人的歌聲, 聽來好sweet, 好舒服. 辛苦的時候(最好係任何時候tim), 有個人唱俾你聽都幾好. 聽真人唱, 好; 聽張信哲唱, 都好. weekend喇, 好好休息一下.http://www.haoting.com/htmusic/127963ht.htm
又過咗一個星期, 可以抖抖.到目前為止, 還算感覺良好, 覺得自己尚可以handle手頭的工作. 疲累? 一定有, 但至少還未有那種"心攰", 還未極度渴望長假期ge降臨. 新工作, 邊學邊做邊適應吧. 好, 九月過咗一半喇, 以後ge日子應該好過啲, 起碼, 多一點點假期. 繼續努力, 支持你.圍城? 原本只會想到錢鍾書和方鴻漸, 宜家, 竟然同阿扁有關. 唔知最後結果會點呢?
