壽司定食

不會特意幫襯澄 ... 證明今日要返敝公司執下手尾.
或者這樣說, 我只不過是順便, 因為真正目的係跟同事食飯.
難得不用趕, 可以慢慢影. 這就是我平時最常叫的sushi set($90). 今日的前菜包括這款蘿蔔絲 ...
還有例牌的沙拉 ...
滑嘟嘟的蒸蛋 ...

主菜就是這七款壽司 ...
味噌湯 ...
最後是tea/coffee或雪糕. 我必定選雪糕, 今天, 是綠茶味(不要芝麻和紅豆, 想延續日本回憶!).

不忘是忘

不忘是忘(明報, 0811)
想盡快忘記一個人，最佳辦法是告訴自己，此生此世也不會忘記他。　
要相信他會長留你的記憶之內，每分每秒都會想起，日後必須這樣過日子。　
有了心理準備，人自然變得堅強起來，舊情難忘，依然正常生活，根本不會構成騷擾。有這信念，就能抵擋情傷。

不會忘記, 只會祝福.

簡簡單單

Happy Birthday!
新一年, 新開始. 加油! ^_^

母子禮物

今日L和L媽參加親子蛋糕製作班, 做了這兩個cheese cakes.
我當是我的b'day cake ga la! 一款攪勻材料 ...
一款無攪勻材料 ...
兩個都好好味! 他們兩母子還送新電話給我, 好喜歡.
其實一家人, 好朋友就不要破費, 一切心照, 盡在不言中!

首天奧運

奧運開始, 我的暑期運動計劃也應該開始了. 走了5轉小山, 之後到城門河畔逛逛, 現在, 腳仍然很酸痛. 舉行馬術比賽期間, 城門河都有警察(?)在氣墊船上戒備. 我還看見聖火在燃燒.

看了不少項目 ... 單車, 舉重, 射擊, 鞍馬, 排球, 足球, 羽毛球, 游泳和盛裝舞步. 期待明天的女子雙人三米跳板跳水決賽.

J & T 的小金鼠昨天出世, 080808, 恭喜恭喜.

讓我做東

今晚去了 Todai. 因為L姨媽從日本回來, 為答謝她的幫忙, 就想請她吃吃飯. Buffet選擇較多, 又可以走來走去(取食物), 相對輕鬆點, 不會太拘謹. 最後選了Todai, 經濟實惠(始終有6個大人wor). 唉, 之後有少少後悔, 因為Todai是比較日式的buffet, 似乎稍欠特色.

我吃了許多, 以下只是我的部分食物. Parma ham ... 長腳蟹, 個個人都話必食, 但我覺得一般而已.
天婦羅, 芝士焗生蠔, 芝士焗大蝦.
其實不打算吃壽司, 無謂浪費quota, 不過看見海膽幾像樣, 又吃了兩件.
這個烏冬不是我的, 見幾靚, 影一影.
芝士焗龍蝦 ... 要排隊啊.

除了多款小cake之外, 還嚐了蜂蜜蘆薈, 雪糕, 薄荷芝士 ...
朱力慕絲, apple crumble, 小小朱力 ...
香蕉pancake
梳乎厘
今晚吃了許多, 吃得太多, 之後都幾辛苦. 難得高興, 算, 豁出去! 跟L姨媽傾傾上次日本之旅, ok. 至於他的日裔男友, 我不懂日文, 只知道見面講konnichiwa, 收禮物後講arigato, 拜拜就講sayonara. 其實大家都沒有很多交流, 只是間中一兩個簡單英文, 少少微笑. haa, 我好想講"還我釣魚台"呢!

終於開幕

北京奧運開幕了!

差不多到中國進場的時候, 我們才開始看直播. 中國運動員進場, 我都不禁鼓掌支持. 看著火炬手在場內傳聖火, 心情已變得興奮. 再看見李寧升上半空, 飛跑去燃點聖火, 我更覺激動. 因為當時鳥巢頂部不斷投射出的祥雲火炬的圖案, 就好像打開祥雲火炬捲軸, 我們可以重溫過去傳聖火的片段, 經過風風雨雨, 聖火終於順利傳到北京. 那一刻, 覺得好欣慰. 祝願今屆奧運成功!

好可惜, 今晚預錄失敗, 未能重溫開幕式的精彩片段, 或許又要靠youtube喇.

千襾壽司

今晚去咗tst新太陽廣場的千襾壽司. 六點半, 我就看著心經講記, 坐著等team-mate C. 食物質素 ok唔錯, 不過, 我會排佢在板長及峰壽司之後. 幸好, 人不太多(至少我無需等位), 我哋兩個人坐sushi-bar, 慢慢食慢慢傾, 都唔怕阻住人做生意.
http://hk.myblog.yahoo.com/sushi-corner/article?mid=146

始終最愛壽司. 好想再去築地啊 ......

Fight well

The most important thing in the Olympic Games
is not winning but taking part;
the essential thing in life
is not conquering but fighting well.

安全要緊

開始睇奧運! 中國加油!
今晚直播女子足球, 都幾好睇, 好耐未試過嗌波喇!
尖叫, 大嗌, 拍手 ... 都唔怕嘈醒爸媽, 爽!

眨眼, 北京奧運開始. 93年申辦失敗的場面, 仍然歷歷在目.
這些年來, 國家迅速發展, 希望今次一切順利啦.
香港是協辦城市, 小妹又身處沙田, 安全最重要呀!

只好延遲

原本密謀跟姐妹K去轉三日兩夜的陽光海灘之旅, 不過, 機位好緊張, cebu之行唯有延遲. 對, 不是取消, 只是延期, 希望未來幾個月可以有一個 long weekend, 讓我實踐這個出走計劃.

在電腦前, 又坐了一整天. 胖了, 可能就是因為這個原因.
唉, 就算bikini未能出籠, 也不能放縱自己. 走脂! 走脂!
我要走脂!

清爽許多

晚晚夜瞓, 今日又6點起身, 唔係好習慣. 會議期間, 頻頻打呵欠.
搞完公事, 去咗剪頭髮. 清爽許多.
解釋得清楚d, stylist終於明白我的意思, 剪出一個較符合我要求的髮型.
應該為部相機拍拍照, 好多相都係佢影 ga.

港男選舉

第一次看港男. 其實, 一直對此都沒有興趣, 只覺得一班香港男士在台前, 在女士前, 在電視機前搔首弄姿, 幾無聊, 又覺得一班香港淑女見到男人就尖叫, 儀態盡失, 幾難睇.

今日, 嘗試放下有色眼鏡, 就覺得自己無需那麼認真. 就當是一個for女性觀看的娛樂節目就好了. 參賽者想參加, 他們全力以赴, 做到最好, 已經值得尊重, 家家有求啫. 至於那些現場女觀眾, 她們尖叫失控都可能是想搞搞氣氛, 又或者, 她們想投入d, 開心d呢.

基本上, 我都有一邊看一邊笑. 例如笑d港男扮型, 笑伍姑娘吸氧氣, 笑d前港姐無晒賢良矜持, 笑個盛年冠軍無眼 ... 一個娛樂節目啫, ok la

大致完成

大致完成, 歡迎大家瀏覽欣賞, 分享我們的喜悅.
http://ko2007.blogspot.com/

聚一聚舊

日本之行, 遇上了十年沒見的中學同學.
今日, 相約tea 1 tea. 期間, 腦海不斷浮現她當年的癲狂相.
又係十幾年前的事了 ......

pokka cafe的什麼什麼紅豆多士. 焗脆的法國麵包加上custard和紅豆. 如果少 d custard, 多 d 紅豆, 味道應該會清新一點.

戀愛戰爭

女人的戀愛戰爭(明報, 0730)
這一代的女性，得到幸福，不再如以前般從一堆追求者中選擇，是必須主動出擊。　
幸福不會送上門，好男人從天而降的機會實在太低。　
在新一代女性面前，極可能是一場又一場的戀愛戰爭。

不好戰的我們怎辦?

原來, 又八月了!
生日快樂. 34天日本之旅愉快, 順利, 平安.

小往大來

這幾天都埋頭苦幹 ... 整理我的旅行日誌!
兩晚都三點至瞓, 但我好享受!

噚日, 過cwb. 一來交report, 二來跟ex-clients食飯.
開始唔係我請, 開始唔係AA, 開始唔駛俾錢喇.
小往大來 ... 不只是錢, 還有點點心意, 謝謝妳們!

因為忘記續新約, 未來幾日未必可以上網.
唉~~

太多空白

http://www.haoting.com/htmusic/254714ht.htm

安全距離

當愛情成為藝術(明報0708) ...
迷路不辨方向時，最重要並非決定向哪邊走，是先弄清自己的位置。　
你不知自己該怎樣做時，別管其他，想想自己，最利己最自私的就是你的選擇。　
任何藝術作品都是表現作者內心的真，返璞歸真是摒棄一切矯揉做作的技巧，不作其他方面的考慮，率性而為的境界。　
當愛情變成藝術時，也應這樣。

安全距離(明報0712) ...
女人不需在行為上越軌，心態上已行。　
對她不能擁有但喜歡的男人，非情侶關係也可以，如果得到他的一點關心，在他心中佔了一個位置，已經很好。
必須找出一個安全距離，最接近但未足以被傷害的。

我回來了

我回來了!!! 過去十天, 無掛慮, 好開心.

除了例牌到涉谷, 新宿和池袋shopping外, 我們去過吉祥寺, 川越和鐮倉, 當然, 還少不了最精彩的堂島和修善寺. 十日行程, 有動有靜, 有繁華喧鬧, 有悠閒寧靜, 我們上山下海, 多角度欣賞和感受, 正! 雖然, 好攰, 尤其雙腳近乎麻痺, 但少了無謂的游思妄想, 反而輕鬆自在.

放下滿滿的行李箱, 呷一口媽咪為我準備好的涼茶, 爽! 我會努力, 繼續過我的好日子. 我, 回來了.

@ Tokyo

HI there everyone! I am in Tokyo right now.
Just finished the trip to Izu. It is great and really FUN.
We did all-day shopping at Shinjuku and Shibuya ... very very tried.
Just 3 days to go ... I'll be back. I'll enjoy as much as I can in the remaining days in Tokyo.
No need to miss me ga! See ya soon!

雙重開始

終於18/7喇! 開始放假! 開始日本之旅!
我要好好休息, 享受假期.


晚上, 會跟好姐妹farewell食飯. 為了消磨幾小時, 決定去睇batman.
其實對其故事, 不太感興趣, 只不過, 想看看西片怎樣拍香港. 可惜, 香港的部分太少, 少許失望.
故事內容, 有點跟不上, batman殺joker, joker殺batman, 幾殘忍. 我會鍾意超人多d. 152分鐘, 太長喇, 證明唔多吸引我.


歡送晚宴在警官俱樂部舉行, 難得去見識見識. 我有打乒乓, 打麻雀, 大家傾下偈, 活動多元化, 連K都無唱. 其實, 沒有太大的送別feel, 雖然不再並肩作戰, 面對種種奇人奇事, 但以後各自努力, 有空出來吃喝玩樂, 友誼還可以繼續至永遠的. 總之, 盡力而為, 問心無愧, 我絕不會讓工作負擔影響我的生活質素! 我會睇開一d, 隨緣一d, 避開自己的死穴和盲點. 緣督以為經!


見到遊艇, 好想去玩! 警官級人馬的地方, 應該好安全.
好多年無打牌, 已經唔多記得怎樣數番.
開席前 ......
兼慶祝同事生日. 蛋糕好好味!!!

倒數一天

其實還未有放假的興奮. 點解?
或許, 過埋聽日, 正式開始假期,
我就會好開心吧!

通脹猛於虎!
少少糖碎 ... 問你要唔要?

舊物再用

舊物再用, L以前的奶樽成為透明潮花樽.

還有兩天 ...
就開始我的假期,
就展開我的旅程.
不要工作,
不再傷, 不再痛.
放下, 全部放下,
徹底放下.

賞赤壁上

遙想公瑾當年 ... 終於看了赤壁!

意料中的戰爭大場面 ... 戰爭策略, 排行陣式, 千軍萬馬, 殘酷殺戮. 不斷想, 為什麼要打仗? 無論古或今, 和平都應該是最重要.

江山如畫, 一時多少豪傑 . 不只周瑜, 諸葛亮, 電影裡每個人物都吸引, 所以, 兩小時的戲, 一點也不覺得悶. 個人認為, 梁朝偉演諸葛亮較好, 始終覺得他文質彬彬, 好像少了那種"雄姿英發"的感覺. 不過, 無問題, 一樣接受這樣柔的武將! 反而喜歡諸葛亮 ... 靈活, 聰明, 深藏不露(略懂其實是精通!), 還有幽默(劇情塑造). 好多笑位都由諸葛亮而起, 活潑的諸葛亮也不錯.

等下集 ... 火燒連環船. 以下是主題曲:
http://www.haoting.com/htmusic/245427ht.htm

整天執拾

今日玩執拾 ... 11點執到18點, 勁.
終於將 d冬天衫放好, 攞番 d夏天去街衫出嚟.
當然, 亦有丟棄一些舊的, 一些不再喜歡的(其實從未著過) ...
總之, 不要擠迫.
家徒四壁是我的理想家居!

卸下無謂的負累,
人就能輕鬆自在.

不知紅雨

不知道紅雨, 照樣準備上班 ot. 0630, 收到同事的 sms, 幸好未上車, 於是立即折返. 醒了, 不想再睡, 開電腦看看有沒有赤壁早場. 0728, 又收到電話說要照常 ot. 少少失望, 本以為可以享受一個額外的週六早晨嘛.

召開第二次旅行 meeting ... leaving to tokyo & izu next week la!

想到另一首歌 ...

i'll be leaving you 没有什么原因

爱情有时候是恶作剧

我要自己带着孤单抗体 学习忘记

http://www.haoting.com/htmusic/110725ht.htm###

火車朋友

朝早起身, 天旋地轉, 就好似玩氹氹轉, 一切影像從左向右轉. 或許是精神不足的警號 ... 要好好休息, 身心康泰去旅行!

帶L睇 thomas & friends. 第一次去亞洲國際博覽會, 第一次坐機鐵, 我已經有點興奮. 可能是中文版, 觀眾較少, 我覺得氣氛一般. 90分鐘的表演, 有差不多15分鐘的休息時間, 雖然方便小朋友上廁所, 但表演變得斷續, 未能一氣呵成. 幸好, L都盡量投入, 有時會問我劇情點解, 有時會跟著歌曲拍和唱和. 離開時, L說"姑媽, 我想睇多次", 也好, 證明他都享受. 夜晚, 他還打電話給我 ... 姑媽, 我今日好開心, 多謝你 ... 應該是L媽教, 但至少L肯講, 我都心甜啦!

大雨洗禮

原來惡戯小僧 = 淘氣鬼, 謝謝!

今天出門, 很大很大雨, 就算撐著傘, 雨點都無情的灑在我的衣裙上 ... 盡濕! 之前, 還不斷說自己好運, 雖然差不多天天下雨, 但從來都沒有怎樣被淋濕過. ok, 我欣然接受, 今天的濕只不過是補回以前的未濕. 一點也不介意, 還可以好樂觀的面對!

好 ... 原來還能夠貫徹始終, 繼續自己的邏輯思維和實踐自己的生活哲學.

惡戲小僧

這件惡衫是L姨媽寄過來的. 還有一件白色的, L媽覺得太大, 送了給爺爺著. 亞爺只會在家穿著, 因為怕著住落街會俾人打. 其實, 這幾個日本漢字點解呢?

勉強說愁

原來下星期五就飛 lu ... 突然覺得時間過得好快.
其實, 等待假期是最快樂的.
不過, 這段日子, 好像白過了, 枉過了.
最舒服的, 就只有安坐家中 ...
享受天倫, 計劃旅行, 沈浸網海 ...

為賦新辭強說愁!

算, 忘記背後, 努力面前.

上癮可怕

這是壽司角的新的標題版面. 好滿意! 你們喜歡嗎?

36%小一生患網癮. 乍聽來, 好似好誇張, 其實電腦的普及程度真的超乎想像. 吾家小孩早就懂得開電腦, 用mouse啦. 沈迷當然不好, 所以家長就要多加輔導. 我都覺得自己有網癮. 這個月的極度睡眠不足都是因為上網所致. 明明好攰, 但都撐著眼皮左click右click. 盡時沒有工作負累,可以盡情上網, 太好喇!

上癮是一件可怕的事. 放不下, 可能就是因為戒不掉一種心癮.

伴L半天

又同L拍拖半日. 先去海運的玩具反斗城, 再坐船過海, 之後返沙田食飯. 沒有特別辛苦, 不過, 好攰好攰.

tea-time想食麥當當. 唔想食咁多, 結果, 只點了一個朱古力新地和一個麥香雞. 我想起舅父 ... 我四, 五歲的時候, 他帶我去睇醫生. 之前, 佢同我去高陞酒樓飲茶. 我哋一杯茶兩份飲, 一籠點心兩份食. 咁多年, 我都以此取笑舅父孤寒. 今日, 我終於明白, 這不是吝嗇, 這只不過是食得其所.

優雅開始

再看朵朵小語 ...

~只有祝福, 沒有期待.
~應該從這優美的眷戀裡汲取能量, 而不是任由痛苦的想念耗損了能量.
~就這樣平靜地空無, 愉快地沈澱. 然後, 再優雅地開始, 處理要處理的事情, 面對得面對的人.

好享受跟L獨處的時候. 今日, 帶L去圖書館, 去商務. 他會找他喜歡的書翻翻揭揭, 他會不斷問點解. 雖然不是每句說話都明白, 不是每樣事物都了解, 但我都盡自己所能去回應. 好喜歡L大大聲叫"姑媽" ... proud of being L's 姑媽!!!

一拖再拖

好疲累, 好疲累 ...

放工之後, 急不及待回家睡一睡. 夏日炎炎正好眠!

晚飯前去了麥記, 試試芝麻味新地. ok, 甜味適中, 不過, 還是比較喜歡朱古力新地.

走脂行動, 一拖再拖, 怎麼辦?

晚飯0703

無同媽咪慶祝, 係因為有人請食飯.

其實齋送曲奇都 ok ga. home-made ge, 好似好好食.

又有好姐妹離巢. 有較好發展, 當然替你高興, 不過, 好唔捨得呀. 友誼不會間斷, 只是換個方式開始!

提前慶祝

已取機票及酒店vouchers ... 倒數17天!

今晚提前替媽咪慶祝生日. 其實都係簡簡單單食下飯, 食下蛋糕.

A1的蛋糕幾出色, 可能因為新鮮(?), 海綿蛋糕特別鬆軟, 配上香滑的忌廉, 加上士多啤梨, 藍莓和芒果, 已經很好好食. 圍邊的白朱古力紮上絲帶, 的確幾靚, 不過, 我唔多喜歡, 因為反而較甜較膩. hee, 我都係鍾意85%可可的黑朱古力多一點.

太過鬆軟, 切幾下, 個蛋糕已經散晒. anyway, 真係幾好食ge. 媽咪喜歡cream, 鍾意生果, 所以好滿意, 好滿足. 希望你以後每一天都開心快樂, 美滿愉快!

知道幸福

7.1 ... 沒有留意慶回歸, 沒有留意遊行上街, 因為整天都待在電腦前search資料! 互聯網真的是史上的偉大發明. 雖然, 搜尋瀏覽需要不少時間, 但只要按幾下keyboard, 就找到想要的資料(大部分情況下!), 確實方便好多.

終於, 對進出伊豆各地的交通安排都算心中有數, L姨媽又幫忙訂好了旅館, 三天行程大致完成吧. F, really appreciate our effort ah!

三寸金蓮 ... 看得我觸目驚心! 我覺得好驚, 好殘忍, 好恐怖. 為了嫁得好, 所以要紮腳. 為了取悅老公, 所以堅持要紮腳. 好難理解, 但會嘗試理解. 主持人說, 可以選擇是好幸福的. 即刻想喊, 因為無論大小事情, 我還有許多選擇權, 自主權, 我其實好幸福.

新一個月, 再次提醒自己:

善待自己, 栽培自己, 肯定自己,

漂亮的活出自我.

期待赤壁

非常期待赤壁! 想進戲院觀賞大場面, 想看吳宇森說赤壁故事, 最重要, 想睇梁朝偉扮演周瑜.