板長壽司

明明話6月開始減肥, 不過, 今晚還是去了板長壽司增磅...

原來都好好味wor. 又係五點幾去到, 唔駛等, 可以慢慢食. 而且, 逐件逐件叫, 真係鍾意食, 真係想食先至叫, 唔會浪費卡路里quota. 加上跟你哋傾下偈, 又開心番d喇.

其實, 就算返回原點, 都無損失. 根本, 一直都好好過自己的日子. 昨日如是, 明日如是, 以後如是! freemale...fine!

第一round的全家幅. 日式凱撒沙律($18), 海膽軍艦($13), 赤蝦($15), 雞蛋($5), 三文魚($5)及鵝肝($15).
嘩, 鵝肝好好味呀! 薄薄小片, 唔會好膩, 煎到香香地, 油份剛剛好. 壽司送進口之前, 都忍不住割下一小角鵝肝先品嚐一下. 真係好好食!!! 再享受整件壽司, 感覺難忘, 最後要再encore.
珍寶帆立貝殼($18). 都係第一 round 的 order. 大大隻帶子, 但一樣鮮味. wasabi少吃好多了, 灑一些青檸汁已經very nice.
進入第二 round. 除了飛魚子墨魚軍艦($8)及三文魚子軍艦($8), 我們還點了以下幾款. 象拔蚌腹壽司($9, 上). 特別讚賞池魚王($18, 下), 唔腥, 最喜歡吃這種質感(唔識形容, 純屬個人意見).
燒玉子(熱, $12). 越來越鍾意這種雞蛋的煮法. 簡單食材, 不簡單的製法.
都係鵝肝. 放在這隻茄子碟上, 好似靚d. 照片, 忍不住一貼再貼. 不過, 可能飽了, 第二碟不及第一碟好味.
未嚐過這類箱押壽司, 所以特別叫一款試試. 海老箱押壽司($8), 其實都沒什麼特別, 熟蝦加蛋, 味道都算清新.
蔥粒吞拿魚腩卷($70, 8件). 我都非常欣賞, 能夠吃到質感軟軟, 脂肪均勻, 味道唔腥的吞拿魚, 感覺特別幸福. 除了鵝肝, 我覺得是第二最好吃.
炸墨魚軟骨($25), 好吃, 不過都係壽司吸引d.
璣煮鮑魚仔軍艦($13)...飽, 但覺得得意, 所以都點埋. 有趣, 但其實怪怪地, 試過就算.