鳳梨酥正

的確幾好味, yummy yummy!

三峽故事

三峽好人 ... 這類最佳電影, 不太懂得欣賞.
不過, 有時間, 我都會再看一次.

一些該拿起的要拿起, 一些該捨棄的要捨棄.
有意思.

老積說話

陪爸爸覆診 ... 情況仍然理想. 感恩!
每次到威爾斯, 都會有許多想法.
希望你, 我, 他, 大家都身體健康!

最近, L有好多老積說話. 超爆笑!
例一, 我同佢游兒童池, 佢要去BB池, 我硬要佢扶我起身, 佢就細細聲話"姑媽真係好鬼麻煩".
例二, 佢同媽咪鬥嘴, 突然會話"我唔想喺咁多人面前同你嘈".
例三, 忽然佢又同媽咪講, 話"其實我話你, 我都好心痛 ga".
例一和例二, 我都在場, L真係俾晒表情, 好似大人, 好似做戲一樣. 當然, 我哋有解釋唔好, 但實在太搞鬼, 都忍唔住爆笑一番. 佢馬上又會有點忟憎說"各位唔准再笑", 我覺得用"各位"唔多適合 lor, 不過為了尊重佢, 大家只好忍住唔笑出聲, 一齊勁震, 都幾辛苦!

四個老表

跟Y表, W表和D晚飯, 四老表聚一聚. 地點是APM 6樓, 有d似和民, 質素都 ok. 除了這4款, 還有一個泡菜+雞的石頭鍋, 不過, 忘記影相.為補祝小妹及預祝W表的生辰, Y表和D特意準備了蛋糕, 於是我們就返park central. 表姨甥小B睡著了, 無得同佢玩, 不過, 我都有"meet meet"佢塊面, "鍊鍊"佢 ge藕腿和把玩佢隻香蕉手.好多水果的蛋糕, 很好吃! A-1的蛋糕的確頗有水準. 謝謝!!!

我看奧運

終於哭了. 看程菲完成自由體操之後, 感動得流下眼淚來.

身為大師姐, 既要鼓勵照顧小師妹, 還要做好榜樣, 表現不容有失, 為國爭光, 她要揹負的壓力可想而知. 不計平衡木的失誤, 一直都只見她眉頭深鎖, 可能是謹慎小心, 但都替她辛苦. 直至成功完成整套動作後, 看到她那因為自我肯定, 滿意興奮, 如釋重負而呈現的表情和流露的真情, 我真的非常感動, 開始有淚盈眶. 鏡頭之後轉向另一邊, 所有女團成員相擁而哭, 我的眼淚就這樣流下來了.

看奧運, 我好投入呢. 前日看自由泳看得興起, 我就一邊看, 一邊扮游自由式 ... 手划得好快好快, 結果, 可能受傷了, 現在手臂還隱隱作痛. 今日, 跟L一齊扮舉重, 扮劍擊, 都幾好玩. 不過, 最得意係同L玩扮訪問. 他做金牌得主, 我就去訪問佢, 佢真係認真回答ga. 小朋友的模仿能力真強!

知道這個世界除了奧運, 還有其他其他 ... 例如捨己救人的英勇消防員, 俄格戰爭等等.

如果只有奧運新聞都幾好, 證明週圍都風平浪靜, no news is gd news.

聚首二堂

B在晚飯加入, 齊組! 旅行, 又幾時可以齊組呢? 如果真的成行, 可能跟團會好 d wor, 咁就可以改下團友花名, 笑下玩下個領隊, 跟導遊作對一番. 我哋每個都斯文優雅, 溫柔敦厚, 但只要合為一體, 就算面對強權威迫, 都絕不妥協屈服. haa, 青蔥歲月, 青春回憶, 如像昨日一樣. spaghetti house ... 蝦, 挪威煙三文魚鮮果沙律
炸洋蔥圈
醬燒豬仔骨配香脆薯角 ... 醬燒豬仔骨以多種香料及調味料醃製十多小時，再燒烤至甘香，肉質鮮嫩，滋味令人難忘。

拿破崙意大利粉 ... 青椒、洋蔥、莎樂美腸、火腿、加拿大煙肉配秘製醬汁
夏威夷式薄餅 ... 加拿大煙肉及菠蘿
放下, 然後就會遇上和擁有. 好喜歡, 謝謝!

聚首一堂

承蒙各位的厚愛, 暫時放下老公仔女啦, 暫時忘記前日及昨日的旅途疲累啦, 陪小妹唱唱K, 吃吃飯. 我哋癲癲傻傻, 傾下笑下, 已經好開心. 簡單就是美! 有你們, 連沒有(某些)幸福都不介意!
謝謝你們!


左起, madam, 少女1, 少女2, 少女3, 少女4. (設計圖片)
金曲回顧之一 ... 已失落於runme shaw樓下......
金曲回顧之二 ... 盡在不言中......
金曲回顧之三 ... 一個人的我依然會微笑!
金曲回顧之四 ... 心是灰色的, 我是透明的, hahaha ......還有許多許多, 不過, 一定少不了愛的故事上集 (choir 版)!我哋真係好投入, 除了演唱之外, 琴師A的指法更是一絕!

壽司定食

不會特意幫襯澄 ... 證明今日要返敝公司執下手尾.
或者這樣說, 我只不過是順便, 因為真正目的係跟同事食飯.
難得不用趕, 可以慢慢影. 這就是我平時最常叫的sushi set($90). 今日的前菜包括這款蘿蔔絲 ...
還有例牌的沙拉 ...
滑嘟嘟的蒸蛋 ...

主菜就是這七款壽司 ...
味噌湯 ...
最後是tea/coffee或雪糕. 我必定選雪糕, 今天, 是綠茶味(不要芝麻和紅豆, 想延續日本回憶!).

不忘是忘

不忘是忘(明報, 0811)
想盡快忘記一個人，最佳辦法是告訴自己，此生此世也不會忘記他。　
要相信他會長留你的記憶之內，每分每秒都會想起，日後必須這樣過日子。　
有了心理準備，人自然變得堅強起來，舊情難忘，依然正常生活，根本不會構成騷擾。有這信念，就能抵擋情傷。

不會忘記, 只會祝福.

簡簡單單

Happy Birthday!
新一年, 新開始. 加油! ^_^

母子禮物

今日L和L媽參加親子蛋糕製作班, 做了這兩個cheese cakes.
我當是我的b'day cake ga la! 一款攪勻材料 ...
一款無攪勻材料 ...
兩個都好好味! 他們兩母子還送新電話給我, 好喜歡.
其實一家人, 好朋友就不要破費, 一切心照, 盡在不言中!

首天奧運

奧運開始, 我的暑期運動計劃也應該開始了. 走了5轉小山, 之後到城門河畔逛逛, 現在, 腳仍然很酸痛. 舉行馬術比賽期間, 城門河都有警察(?)在氣墊船上戒備. 我還看見聖火在燃燒.

看了不少項目 ... 單車, 舉重, 射擊, 鞍馬, 排球, 足球, 羽毛球, 游泳和盛裝舞步. 期待明天的女子雙人三米跳板跳水決賽.

J & T 的小金鼠昨天出世, 080808, 恭喜恭喜.

讓我做東

今晚去了 Todai. 因為L姨媽從日本回來, 為答謝她的幫忙, 就想請她吃吃飯. Buffet選擇較多, 又可以走來走去(取食物), 相對輕鬆點, 不會太拘謹. 最後選了Todai, 經濟實惠(始終有6個大人wor). 唉, 之後有少少後悔, 因為Todai是比較日式的buffet, 似乎稍欠特色.

我吃了許多, 以下只是我的部分食物. Parma ham ... 長腳蟹, 個個人都話必食, 但我覺得一般而已.
天婦羅, 芝士焗生蠔, 芝士焗大蝦.
其實不打算吃壽司, 無謂浪費quota, 不過看見海膽幾像樣, 又吃了兩件.
這個烏冬不是我的, 見幾靚, 影一影.
芝士焗龍蝦 ... 要排隊啊.

除了多款小cake之外, 還嚐了蜂蜜蘆薈, 雪糕, 薄荷芝士 ...
朱力慕絲, apple crumble, 小小朱力 ...
香蕉pancake
梳乎厘
今晚吃了許多, 吃得太多, 之後都幾辛苦. 難得高興, 算, 豁出去! 跟L姨媽傾傾上次日本之旅, ok. 至於他的日裔男友, 我不懂日文, 只知道見面講konnichiwa, 收禮物後講arigato, 拜拜就講sayonara. 其實大家都沒有很多交流, 只是間中一兩個簡單英文, 少少微笑. haa, 我好想講"還我釣魚台"呢!

終於開幕

北京奧運開幕了!

差不多到中國進場的時候, 我們才開始看直播. 中國運動員進場, 我都不禁鼓掌支持. 看著火炬手在場內傳聖火, 心情已變得興奮. 再看見李寧升上半空, 飛跑去燃點聖火, 我更覺激動. 因為當時鳥巢頂部不斷投射出的祥雲火炬的圖案, 就好像打開祥雲火炬捲軸, 我們可以重溫過去傳聖火的片段, 經過風風雨雨, 聖火終於順利傳到北京. 那一刻, 覺得好欣慰. 祝願今屆奧運成功!

好可惜, 今晚預錄失敗, 未能重溫開幕式的精彩片段, 或許又要靠youtube喇.

千襾壽司

今晚去咗tst新太陽廣場的千襾壽司. 六點半, 我就看著心經講記, 坐著等team-mate C. 食物質素 ok唔錯, 不過, 我會排佢在板長及峰壽司之後. 幸好, 人不太多(至少我無需等位), 我哋兩個人坐sushi-bar, 慢慢食慢慢傾, 都唔怕阻住人做生意.
http://hk.myblog.yahoo.com/sushi-corner/article?mid=146

始終最愛壽司. 好想再去築地啊 ......

Fight well

The most important thing in the Olympic Games
is not winning but taking part;
the essential thing in life
is not conquering but fighting well.

安全要緊

開始睇奧運! 中國加油!
今晚直播女子足球, 都幾好睇, 好耐未試過嗌波喇!
尖叫, 大嗌, 拍手 ... 都唔怕嘈醒爸媽, 爽!

眨眼, 北京奧運開始. 93年申辦失敗的場面, 仍然歷歷在目.
這些年來, 國家迅速發展, 希望今次一切順利啦.
香港是協辦城市, 小妹又身處沙田, 安全最重要呀!

只好延遲

原本密謀跟姐妹K去轉三日兩夜的陽光海灘之旅, 不過, 機位好緊張, cebu之行唯有延遲. 對, 不是取消, 只是延期, 希望未來幾個月可以有一個 long weekend, 讓我實踐這個出走計劃.

在電腦前, 又坐了一整天. 胖了, 可能就是因為這個原因.
唉, 就算bikini未能出籠, 也不能放縱自己. 走脂! 走脂!
我要走脂!

清爽許多

晚晚夜瞓, 今日又6點起身, 唔係好習慣. 會議期間, 頻頻打呵欠.
搞完公事, 去咗剪頭髮. 清爽許多.
解釋得清楚d, stylist終於明白我的意思, 剪出一個較符合我要求的髮型.
應該為部相機拍拍照, 好多相都係佢影 ga.

港男選舉

第一次看港男. 其實, 一直對此都沒有興趣, 只覺得一班香港男士在台前, 在女士前, 在電視機前搔首弄姿, 幾無聊, 又覺得一班香港淑女見到男人就尖叫, 儀態盡失, 幾難睇.

今日, 嘗試放下有色眼鏡, 就覺得自己無需那麼認真. 就當是一個for女性觀看的娛樂節目就好了. 參賽者想參加, 他們全力以赴, 做到最好, 已經值得尊重, 家家有求啫. 至於那些現場女觀眾, 她們尖叫失控都可能是想搞搞氣氛, 又或者, 她們想投入d, 開心d呢.

基本上, 我都有一邊看一邊笑. 例如笑d港男扮型, 笑伍姑娘吸氧氣, 笑d前港姐無晒賢良矜持, 笑個盛年冠軍無眼 ... 一個娛樂節目啫, ok la

大致完成

大致完成, 歡迎大家瀏覽欣賞, 分享我們的喜悅.
http://ko2007.blogspot.com/

聚一聚舊

日本之行, 遇上了十年沒見的中學同學.
今日, 相約tea 1 tea. 期間, 腦海不斷浮現她當年的癲狂相.
又係十幾年前的事了 ......

pokka cafe的什麼什麼紅豆多士. 焗脆的法國麵包加上custard和紅豆. 如果少 d custard, 多 d 紅豆, 味道應該會清新一點.

戀愛戰爭

女人的戀愛戰爭(明報, 0730)
這一代的女性，得到幸福，不再如以前般從一堆追求者中選擇，是必須主動出擊。　
幸福不會送上門，好男人從天而降的機會實在太低。　
在新一代女性面前，極可能是一場又一場的戀愛戰爭。

不好戰的我們怎辦?

原來, 又八月了!
生日快樂. 34天日本之旅愉快, 順利, 平安.