痱滋之痛

痛, 好痛, 非常痛, 痛得不得了!!!!!

應該由上星期五開始, 原本只係三粒, 發展發展, 宜家三點連成一線, 已經成為一大笪, 痛楚程度可想而知. 可能位置喺牙肉, 影響埋左邊d牙都覺得酸軟; 可能觸及神經線, 左下顎都覺得隱隱作痛. 嘴唇變得好乾, 好似有d腫, 成日想流口水, 總之, 極不自在!!! 仲要返工, 仲要講嘢, 辛苦.

每次生痱滋都好無奈, 好無能為力, 唯一可以做ge就係...等. 有無偏方整治痱滋呢? 其實, 搽藥膏都無mug幫助, 只係有層藥膏保護住, 舒服一點點. 應唔應該置之死地而後生...在傷口灑鹽? 宜家食飯, 只可以細細啖; 食橙, 都要切到細細粒(謝謝媽咪). 刷牙, 含住啖水, 都好痛.

苦...苦...苦...

汶萊皇宮

向世界出發...汶萊.


欲望係無窮無盡, 得一就會想得二, 得三, 得四......不論物質欲望, 定係精神欲望, 都一樣.


如果不滿足, 可以繼續努力追求. 但切記, 不可攀緣, 要隨緣.

新聞兩則

honest broker--誠實的中介人(明報).

7-11的混醬事件和叮襪事件...好多年青人真係好無聊, 好無公德. 佢哋就係未來ge社會棟樑? 擔心!!!

janice my first concert

每次睇完concert, 最強烈ge感覺總會係...好想唱K!!!!!

janice演唱會...事前已聽說氣氛麻麻, 舞台設計"求其", janice仲係好肥...不過, 都無影響我ge興致. 不得不讚, 佢真係唱得幾好, 雖然聲線有少少沙, 但仍然好似cd一樣, 要知道差不多每首都係"嗌歌"wor, 仍舊handle得唔錯. 有實力, 非常欣賞!!! guest只有jill一個. 其實幾期望佢哋可以交換歌唱, 好想janice唱寧願你不知道, 應該都一樣好聽. 2245就收場, 如果可以唱多幾首, 應該會抵d.

實力除咗係天生之外, 後天苦練一樣功不可沒. 出碟前, 佢又喺公司捱咗四年receptionist. 要成功, 一定要付出. 就算真係有幸運之神, 佢都只會眷顧肯付出, 肯努力的人.

原來心亂如麻錄咗兩三個月, 以後唱K走音有得賴lu!

還期待一個concert, 就是陳綺貞的香港演出!

英文生字

雖然有點悶, 但總算快過. 0750至1715, 中間只有五十分鐘食飯, 時間太長lor. 水準? 麻麻地la. 同一個劇目, 以前ge好睇好多.

跟李局長學英文...
教院校長莫禮時昨日作供時指出，教統局局長李國章曾向教院校董會前主席葉錫安表示，一旦教院不肯接受合併安排便會被「蹂躪」（It would be raped），莫禮時隨後解釋是指教院會「無法生存」（Nonviable）。根據多本英漢字典的解釋，「Rape」的字義有暴力對待及侵犯他人的意思，包括最為人所知的「強姦」、「以暴力奪取並攜走」、「洗劫」等。另外，植物油菜花的英文名稱亦是「Rape」。(太陽報)

還記得: i will remember this. you will pay.

早點休息

好眼瞓, 要快d抖抖 !!!

落地生根

搭681, 又係瞓瞓下, 吞錯口水咳醒咗...諗起以前住MOS的日子.

原來都做咗沙田友廿幾年lu. 沙田, 地靈人傑, 好地方! 已經落地生根, 唔會"移民", 唔會移民去另一個社區! haa, 住沙田ge追求者, 一定優先考慮! http://shatin.hk/

倒數一星期, 捱埋佢! 遲係遲d, 但我自有安排:p

戇豆假期

期待...戇豆放大假!!!

其實之前都覺得mr. bean好無聊, 根本一d都唔好笑. 但沙士期間入戲院看了johnny english(明珠台都翻做過, 講特務ge), 全場爆笑, 我記得我笑到喊, 連mask都濕埋. 自此, 對mr. bean刮目相看.

今次故事講法國...法國, 更期待!!!

http://hk.franceguide.com/
http://www.travellife.org/viewforum.php?f=32

未做得到

說到, 未做到...

it遇到問題, 問有無人幫到我...無反應. 再問, 有無人出來幫我看看發生什麼問題...無反應. 再問, 請問有無人......都係無反應. 即時覺得好難受...識唔識, 幫唔幫, 都可以出句聲, 或者示下意. 失望? 激氣? !!!!!!!!!! 究竟係唔係我ge問題? 之前, 同樣有it困難, 另一d人會主動幫手, 好友善的主動幫手. 唔係故意比較, 但真係有天壤之別的感覺.

唔識點面對佢哋!!! 但我仲有一年時間要面對佢哋......

哈囉吉蒂

曾特首連任......

上晝去咗探亞爺, 婆婆同亞公...又上山, 又落山, 都幾攰. 加上噚晚兩點先瞓, 精神麻麻地!

下晝有個小gathering. 又係去A屋企, 睇佢d結婚相, dvd, 傾下偈, 人少少, 都ok. 不過, 搞到佢夫婿, 有d唔好意思...惡老婆, 聽話老公(風度ge表現)! 我哋順便預祝埋P媽媽的生日...happy birthday.

幸好, 大姑丈接大姑媽走, 我又可以有車坐返屋企. 要快d抖抖, 真係幾攰.

又到週末

報錯seminar...算, 照上, 當學多d嘢. 其實, 我都可以好烏龍=.=", heheeeee!

新租客問媽咪, 我係唔係讀梗大學...ha, 証明仲算青春!!! 唔好同我講mature student也可以讀undergrad...記唔記得barbra?

自我天地

李嘉誠話: 激氣嘢, 一概唔上心. 好, 要有自我平靜的天地. 說到, 做到!!!

康復得七七八八, 不過, 半夜總係會咳醒, 前晚係兩點幾同三點幾, 噚晚係十二點幾同兩點幾, 兩晚都醒兩次, 睡眠質素差咗啲lor. 或者叫媽咪煲d苦茶嚟飲飲...要徹底痊癒.

精神爽利, 迎接holiday......

明年今日

少咗一堆人...明年今日, 應該會空閑好多.

放鬆咗一陣子, 係時候急起直追...快d清埋兩疊存貨!

繼續抖抖

受藥物影響, 仍然好攰, 四肢無力...無平時閃得咁快.

一天病假點會夠呢?

一天病假

把聲仲差過噚日...既然今日工作空閑d, 返去都係伏住瞓, 不如喺屋企抖抖.

睇過醫生, 都係感冒喇, 順便問埋耳仔, 無發炎, 唔駛擔心. 共有五種藥: DEXTROCILLA SYRUP(止咳/化痰水, 有睡意), VIDACOLD(感冒, 有睡意), AMOXIL 500MG(消炎藥), LYSOZYME 30MG(消腫/化痰), PHARYNX(喉糖). 原來喉嚨發炎, 紅腫得好厲害, 所以才會變聲. 由於感冒藥令人有睡意, 所以朝早開始, 除了每次食藥嗰個鐘清醒之外, 其餘時間都係瞓, 瞓, 瞓.

唉, 其實十分期待第六日, 以為可以勁做, 可以清除存貨. 算吧, 長命工夫長命做.

仍然小病

開始變聲lu...已經食梗藥, 每隔四小時一次嗰種. 如果聽日更嚴重, 一定整番個sick leave.

應該係亞L傳染俾我. L昨日出院, 原來又係流感. L媽話亞L的脾氣勁差, 唉, 病, 就大晒咩?

非常酸痛

宜家好攰好攰!!!!! 我覺得腳, 腰, 手都非常酸痛!!!!!

不過, 仍然很享受打squash^o^每一聲擊球聲都叫人振奮. 雖然球技已經今非昔比, 但同C對打, 就好似昔日練波一樣, 佢打cross-court, 我打back-hand...好多難忘的回憶! 以前練波, 打三個鐘實在係家常便飯, 之後, 或會趕小巴搭車返屋企, 或會成team人落石塘咀, 落西環食飯.

鍾意squash, 因為平時集中練習, 對壁狂打, 可以減壓, 可以忘記游思妄想; 比賽時候, 敵我二人同困一室, 鬥過你死我活, 可以學習如何面對壓力, 如何沈著應戰.

與一班team-mates建立了超過10年的友誼. 雖然我們再沒有common goal, 但希望大家都各自努力...團結搏盡.

雖然小病

既然聽日要ot, 今日梗係玩盡d!!!

打羽毛球, 宜家仲好攰lor. 不過, 運動不可少, 而且, 攰即代表真係有出力...拜拜卡路里! 打完波, 我們去對面ge大排檔食嘢兼抖抖. 這檔茶餐廳幾出名ga, 聽講發哥都去幫襯. 我們叫了豆沙西多士和咖吔麥多, 水準唔錯. 好似話沙嗲牛肉公仔麵和炸豬排都好味, 有機會再試試. 九龍城, 多嘢食, yeah!

之後再唱個K...都盡興ga. 我哋唱twins, 唱janice, 唱jill, 其實我哋係xxxx ge twins, hahaaaa! K後去食飯, 選了一間喺諾士弗台ge俄羅斯餐廳. 除了羅宋湯同俄羅斯有關, 其他食物都只不過係一般西式食品. 味道唔差, 不過, 無mug驚喜啫. 氣氛就幾好, 有一對唔知係唔係俄羅斯ge男女週圍唱歌, 可能會嘈d, 但一齊柴哇哇, 都算好玩. 仲有一個ice bar, 你可以喺入面凍住飲杯嘢, 幾得意ga.

香港精神

不要被這張相片誤導, 以為好悠閒, 其實內裡好忙, 無論食ge做ge, 都好趕. 講求快, 講求效率, 不就是香港精神嗎?

我們1853踏入澳奶. 伙計哥哥破例叫我哋等等, 唔好叫住. 當然遵從, 乘機坐多陣(今次目標係留20分鐘以上). 差不多五分鐘後, 落單. 1859, 開始食lu. 期間, 只覺得自己被嚴密監視, 當我只剩一條意炒, 一口炒蛋, 就可以看到伙計哥哥蓄勢待發...收碟, 再寫飲品, 準備幫我哋埋單走人. 唔計落單前的等候時間, 我們全餐食咗22分鐘. 完成目標!

一直想數下有幾多伙計, 不過, 佢哋無時停, 從不手軟...眼花繚亂, 真係數唔到. 工作如此忙碌, 的確幾辛苦. 雖然有時或會忙中有錯, 或會粗手粗腳, 粗聲粗氣, 但佢哋尚算敬業樂業, 盡忠職守. 佢哋都有個共同特點: 皮膚都白白淨淨. 入職條件還是飲得澳洲牛奶多? he, 我從中搵到一個矮小版陳鍵鋒tim!

享受澳奶的食物, 感受澳奶展現的香港精神. 在一個快忙趕的時空裡面, "閑"其實係奢侈品.

原來已經

原來今日已經星期四, 太好了!!!

不知不覺...時間真係過得好快. 好快就放假!!!

更加恐怖

忌: 加班工作!!!

生吞牙刷, 恐怖...屈得就屈, 仲恐怕!!! 過咗去就算, let it go.

lunch食韓國野, 夜晚食日本嘢(元氣壽司), 暑假可以食法國嘢嗎?

多謝G的禮物:P

再俾心機

忘記背後, 努力面前!!!

得不償失

正式宣佈, 今年夏天, 無得早放lu... (>_<)

"夠鐘走人"的信念更加強烈!!!

其實, 你更加得不償失.

Forever Big AL

http://www.youtube.com/watch?v=InJHDFeY3Io

Hey Hey Shearer Hoo Ha
I Wanna Knowwww How You Score That Goal
Hey Hey Shearer Hoo Ha
I Wanna Knowwww How You Score That Goal

Hey Shearer

突然想起舒利亞, 於是到youtube睇睇, 發現好多好片^o^, 太好lor!!!

http://www.youtube.com/watch?v=u2JDKG1BDiE (hey shearer)

http://www.youtube.com/watch?v=uVfHjIivGuc&mode=related&search= (highlight)

中山甘棠

參觀孫中山紀念館, 對孫中山個人, 對其革命事業, 天下為公的博愛精神, 都有更深入的了解. 其實, 甘棠第美輪美奐, 一樣吸引.

原來甘棠第位於堅道附近, 以前返學, 根本無留意過這座瑰麗堂皇的大宅. 弧形陽台有希臘式巨柱承托, 其外觀如一般西式建築物, 但遠遠就可以見到陽台的金屬欄杆, 金色的獨特花卉圖案, 甚有氣派.

最鍾意白廳. 這是款待賓客的地方, 以白色為主色, 有吊扇, 有水晶燈, 還有鋪上金箔的牆身和天花...白色加金色, 高貴中帶點清雅. 連接各個樓層的柚木樓梯, 都有大大的彩繪玻璃窗. 光線微弱, 有點陰森, 不過, 拾級而上, 更加有二三十年代的感覺(也想起宋慶齡故居, 又有北京回憶). 一般人的夾萬是一個箱, 何甘棠的夾萬卻是一間房, 牆身足有一尺厚, 厲害.

聽說何甘棠跟日皇有交情, 所以香港淪陷期間, 甘棠第得以免受破壞. 住在這裡, 感覺會如何?

杜鵑花開

理工大學的杜鵑花, 都幾靚...

地球形成

大約50億年前, 銀河系裡彌漫著大量的星雲物質. 它們因為自身引力作用而收縮. 在收縮過程中產生的漩渦使星雲破裂成許多"碎片". 其中, 形成太陽系的那些碎片, 就稱為太陽星雲. 太陽星雲中含有不易揮發的固體塵粒. 這些塵粒相互結合, 形成越來越大的顆粒環狀物, 並開始吸附周圍一些較小的塵粒, 從而使體積日益增加, 逐漸形成了地球星胚. 地球星胚在一定的空間範圍內運動著, 並且不斷地壯大自己. 於是, 原始地球就形成了. 原始地球經過不斷的運動和壯大, 最終形成了今天的模樣.

開始看十萬個為什麼. 以上一段文字簡單解釋地球是怎樣形成的. 塵粒? 50億年前? 我覺得這是難以想像和不可思議.

人, 好渺小. 八年時間, 又算是什麼?

讓我取暖

有d凍, 想浸番個溫泉!!!

凍夠喇!

終於完成

pth...完成喇, 以後要靠自己lu!

last 4 weeks

凍...唔覺得難受. 算la, 最多凍埋呢一兩次. 原本以為今日嗰幾個鐘會好難捱, 又ok wor. 飽滯ge感覺開始消散. 同L唱歌跳舞, 好玩好開心.

三月應該易過ge...0310去博物館, 0318(希望可以)去魚目混珠, 0325有成班好姐妹ge gathering, 0331睇janice, 0404去戶外發展...都算每週一動la, 有盼望, 有希望!

感覺不好

早餐只吃了一半, An請ge蛋糕仲未想食, lunch又要特地整檸檬水飲...唉, 飽飽滯滯, 感覺不良好! 噚晚夜咗瞓, 今日好睏, 感覺不良好! 見到佢哋, 重複一d重複又重複ge說話, 感覺不良好!

幸好, a new day will begin......

正月十五

芝麻湯圓...yummy! 初一至十五, 實在吃得太多. 積極努力, 變番110!

中央公園

行完山, 再同L睇龜龜魚魚. L開心, 我都開心.

picture by L...佢話要幫人影相wor.