痱滋之痛

痛, 好痛, 非常痛, 痛得不得了!!!!!

應該由上星期五開始, 原本只係三粒, 發展發展, 宜家三點連成一線, 已經成為一大笪, 痛楚程度可想而知. 可能位置喺牙肉, 影響埋左邊d牙都覺得酸軟; 可能觸及神經線, 左下顎都覺得隱隱作痛. 嘴唇變得好乾, 好似有d腫, 成日想流口水, 總之, 極不自在!!! 仲要返工, 仲要講嘢, 辛苦.

每次生痱滋都好無奈, 好無能為力, 唯一可以做ge就係...等. 有無偏方整治痱滋呢? 其實, 搽藥膏都無mug幫助, 只係有層藥膏保護住, 舒服一點點. 應唔應該置之死地而後生...在傷口灑鹽? 宜家食飯, 只可以細細啖; 食橙, 都要切到細細粒(謝謝媽咪). 刷牙, 含住啖水, 都好痛.

苦...苦...苦...