大年初五

L出院度假, 星期六再返去報到.

今日, 去元朗探望S及其千金YY, haha...梗係順便逗埋d好姐妹ge利是la. 小YY好cute, 包包面珠, 鬈鬈頭髮, 翹翹睫毛, 白白皮膚, 加埋個小o嘴, 超可愛, so sweet!!! 你就好la, 又趣緻得意, 又有錫你ge daddy媽咪. 祝你快高長大, 你亭亭玉立, 我花樣年華, 我哋一齊去K去玩.

大年初四

L發燒, 入咗醫院...

我想, 我們實在太遷就亞L. 佢唔肯食藥, 我哋無晒符. 姑娘出馬, 嚴厲d, L雖然喊著嗌"姑媽"求救, 但好快就乖乖就範, 一滴不漏食晒D藥, 仲同姑娘講"唔該晒". 目睹整個過程, 我一直忍住笑. L的前後表現竟可以如此不同, 簡直係天壤之別. 作為大人ge我哋, 應該好好反思.

願大家平安, 身體健康!!!

壞壞消息

我是一個cookie killer, 看到明報這篇報導簡直晴天霹靂......

本報早前在市面購買了13個餅乾、曲奇及即食麵樣本拿往化驗，結果發現全部含有反式脂肪(trans fat)，其中以深受小朋友歡迎的樂天熊仔餅，及新年送禮常用的丹麥藍罐曲奇，反式脂肪含量佔總脂肪最高，若按世界衛生組織標準計算，一天吃19粒熊仔餅或19塊曲奇餅，攝取的反式脂肪量已「爆燈」，長期食用會增加患冠心病的風險。(明報)

大年初三

赤口...不宜拜年, 不過, 每年二叔, 三叔, 姑姐都會嚟. 晚飯時候, 我必會留守家中, 幫媽咪煮飯. 因為媽咪會為準備這餐飯而超緊張, 所以我會盡量幫頭幫尾去減輕佢ge壓力. 飯後, 當然亦由我大顯身手...洗碗, 咁媽咪就可以耍樂一番, 輕鬆一下.

下晝, 行咗個桃花陣(海運), 接咗個財神, 唱咗個開年K. 願我們的歌聲, 珠圓玉潤; 願我們, 追求者眾. HAHAHA...

梵高婆婆

趁最後幾日去睇睇, 都幾靚ga...

表姐表妹

D, W表, Y表, 我. 大半年無見, 今晚難得聚首, 講到慶起ge時候又要走lu. 聽到這些溫馨甜蜜的消息, 替你們開心高興. um...前路仲係充滿希望ge! 大家青梅竹馬, 雖然宜家各有各忙, 見面的機會不多, 但我覺得我們的感情還是深厚的. 懷念以前每逄長假期在你們家寄居的日子...謝謝你們一直以來的關愛.

大年初二

見到這棵桃花, 梗係即刻走去轉番三個圈la.

一邊扮睇畫, 一邊氹氹轉. 神不知, 鬼不覺.

D, 祝我們馬到成功!!!

豬年運程

楊天命師傅...啱聽就聽下la...不代表本人立場!
那個女主持係ex-client.

http://tv.sina.com.hk/event07/fate/index.html

最暖初一

破1982年紀錄(明報)

天文台科學主任胡宏俊表示，一股海洋氣流為華南沿岸地區帶來溫暖潮濕天氣，昨午3時零2分，天文台錄得最高氣溫25.3℃，是有紀錄以來最溫暖的年初一。對上最溫暖的春節追溯至1982年，當時最高氣溫為24.6℃。昨晨錄得的最低氣溫21.3℃，亦打破歷年同日最低氣溫的紀錄。

胡宏俊分析，昨日天氣溫暖，主要受地區內的海洋氣流影響，全球暖化等因素的影響則有待評估。他指今年農曆新年來得較遲，以西曆計算，已踏入2月中的春季氣候，因此出現這類溫暖潮濕氣流並不罕見。若按2月18日的歷年天氣資料，平均氣溫為19.7℃，但亦曾出現氣溫達25、26℃等溫暖日子。

大年初一

恭喜發財, 恭喜大家都發財!!!

祝你們萬事如意! 諸事亨通!

現在氣溫是攝氏25度. 今天是天文台有紀錄以來最溫暖的年初一.

願以後每一天都感覺溫暖.

送犬迎豬

年三十...終於完成這個香豬豬擺設. 可愛!!!













我都有封利是ga! 俾出去ge, 就此三封. 收番嚟ge, 就要越多越好!!!

K歌回憶

張惠妹推出了她的10年情歌精選album! 有許多我的(K歌)回憶...

原来你什么都不要: 第一首識唱a-mei ge歌.
哭不出来: 無論mtv或演唱會版, 一樣深刻...必唱!
剪爱: 其實我一直都唔識唱, 因為總有S和F搞掂.
蓝天: 唱過一排啫, 宜家都唔多記得, 但記得有個大提琴.
别在伤口洒盐: 山東回憶.
解脱: 朋友失戀, 一定唱這首歌俾佢哋聽. 演唱會版正d, 令人有開個唱ge感覺.
听海: 好聽, a-mei在海邊雙手舉起一個貝殼, 少少鬼ge感覺.
其他......

仲有一首"爱永远不会消失", 我好少唱, 但這首歌曾經令我感動到喊.

http://www.haoting.com/musiclist/ht_a42ad107c334962a.htm

新年佈置

去新城市行一轉, 想買件衫襯我條迷彩褲. 不過, 沒有收穫...隨遇而安.

讓大家看看我屋企今年ge新年佈置. 仍然, 媽咪全權負責, 一腳踢搞掂. hehe, 我都有幫手貼"恭喜發財"ge匾額ga.

許多朋友仔都飛lu, 祝你們旅途愉快. 豬年再見.

沒有反應

收爐lor!!! 上晝好充實, 五個鐘直踩, 都好順利, 唔難應付. 下晝自己執拾一下(年廿八!), 上上網, 等等等, 夠鐘即散. 好lu, 可以迎接cny喇!!!

重溫明報ge作家專欄, 看到阿寬的"他沒有反應":

女人向男人示愛，他沒任何反應，開心或不開心也沒表現出來。
後來，他只問﹕「你是何時開始對我有這種感覺的？」　女人很想知男人為何會這樣。　
我應說得坦白些。一般男人，即使不愛一個女人，只要他有點喜歡她，或覺得她有一點吸引力，都渴望與她親近。　他事後或許會後悔，覺得不是真心喜歡一個女人，絕不應隨便接受她，但他還是會先犯錯，再後悔。　這解釋了為何男人那麼喜歡看女人，甚至可與完全無感情的女人上床。　
女人向男人示愛，男人無論如何也會開心，因這一剎那，他自我升值了。　
他為何沒反應？會有很多原因，例如他真的覺得她一點吸引力也沒有，或理性地考慮到對她不認真會有什麼後果。　男人很少斷言拒絕一個女人，也不想轉彎抹角用其他藉口推卻她的愛意。　
沒反應是男人最常對女人使用的反應。　他問她何時開始喜歡他，代表他這時自我中心得很。　她的示愛令他自我增值，他好想知他在什麼時候做了什麼讓她迷戀，獲知答案，他可以更清楚自己的魅力所在。　他至少是個頗自戀的人。　若只以他對她沒反應而推測他根本不喜歡女人，未免武斷，那不是唯一的可能。　
不管他是否喜歡女人，他此刻不接受她，是不移之實。　
她想在示愛不果後再約會他，不知會否很尷尬。　對男人來說，肯定不會覺得尷尬，視乎女方會否有不自然的感覺。　被愛始終是一種光榮，只要求愛者言行不帶來騷擾，男人會對她的愛慕表示尊重。

兩件瑣事

或者係自己放大咗個問題嚟睇, 今日又感覺良好許多.

情人節...都好甜, 因為食咗好多朱古力. 不過, 有段小插曲...我有四個clients可能食得太多朱朱力, 有d仲要係自己整, 唔多衛生, 結果佢哋分別痾咗一次, 一次半, 同兩次, 有關方面什至擔心食物中毒. 聽到之後, 我都有d擔心, 因為我都有食佢哋d朱力, 幸好, 宜家都無mug事!!!

今日去影印, 竟然跌咗個八達通套去影印機後面. 好緊要ga, 有舒利亞ge便服照喺入面嘛!!! 我幾經辛苦, 又用長間尺, 又踎低, 先可以liu留出嚟. 好在!!!

過埋聽日, 終於放假!!! 清晒d貨尾lu...咁短ge假期, 一定唔做嘢!!!

有緣無緣

唔識面對佢地!!! 我覺得自己表現差咗, 我覺得自己有負那認真和投入的一群. 好耐未試過有這種無能為力ge感覺. 鬱住鬱住, 個心有dd唔舒服. 與人相處, 的確講緣份.

有緣千里能相會, 無緣......

happy early valentine's day...

學會接受

有d行家開始放假lu=.= 算, 學會接受! 保持冷靜, 我有我對策!!!

學會接受, 許多許多自己唔想接受ge真相......

我的生存之道.

追求者眾

last 4 working days of 狗年...未來四日, 要清晒所有存貨. 年年有餘? no way!!!

媽咪開始封利是lu. 有幾個利是封寫住: 珠圓玉潤, 追求者眾. hahaha, 我即刻mark咗, 叫媽咪用這個封入利是俾我. 利利是是嘛!!!

玄學家話今年桃花位喺西貢, 赤柱, 淺水灣(只記得咁多). 幾時去行番轉?

眾姐妹, 努力喇:P

雪中百合

返到屋企, 聞到一陣油漆ge"香氣". cny就快到喇! 每逢年尾, 媽咪就會做督工, 要爸爸修葺修葺牆壁和家俬...原來爸爸又開始油灰水lu. 爸爸係這方面ge"專家", 佢覺得米白色最好, 多年來, 我哋屋企都用"雪中百合"這種乳膠漆. 微微天拿水味, 唔太濃, 又有少少花香, 正!!! 好鍾意這種氣味, 因為有裝修和搬新屋的感覺. 實不相瞞, 我有輕微"high天"癮!

有少少唔開心...想知道一些自己唔會問點解和唔會知點解ge答案...自討苦吃.

小小收穫

走一轉香工, 好容易行你幾個鐘!

多鈕孖襟杏色外套: $70

創意無限

曾蔭權在2月1日宣布角逐連任時說:「我會做好呢份工！」，如果換轉是其他行業或者其他人，應該會這樣說吧:
地盤佬﹕「我會鑽好呢個窿！」
氣功師﹕「我會發好呢次功！」
八達通公司﹕「我會整好八達通！」
天文台﹕「我會測好呢個風！」
整容醫生﹕「我會隆好呢個胸！」
鐘表師﹕「我會整好呢個鐘！」
廚師﹕「我會爆好呢碟蔥！」
麻將腳﹕「我會碰好呢隻東！」
╳╳公司的專業員工﹕「我會五點九就鬆…… 」
換轉是一些政治人物又會點講？
民主黨﹕「我會凡事都反中。」
孫明揚(房屋及規劃地政局長)拆走鐘樓，送去堆填區﹕「我會送好呢個鐘。」
網上世界確實創意無限。(明報)

忽然之間

噚晚, 忽然之間, 腰骨左邊ge地方開始痛. 腎有事? 冷靜d, 可能係

1. 扭傷自己唔知.
2. 神經痛.
3. 又過一個月ge訊號.
4. 坐姿不佳...傷咗.
5. 連續好多日著高跟鞋, 又唔知自己行得快...又係傷咗.
6. 噚日著住對高鞋由新城市行番屋企...都係傷咗.

希望快d無事la!!!

K, 享受假期, 俾身體同心靈休息一下. 好快, 你又要捱gala XP!!!

迷彩禮物

L的姨媽送了這個迷彩喼給我. 好鍾意啊!!!

幾時用得著呢? 好想快d去旅行......

立春之後

好鍾意第六日! 空閑d, 人都輕鬆d, 心情都好d.

開始回暖lu...唔駛冰, 唔駛寒, 唔駛臃腫, 唔駛影響情緒, 舒服好多好多好多!

記得買六合彩, 六千萬wor. 真係有咁多? anyway, 可以過一個肥肥地ge金豬年就好lor!!!!!

超級笑話

一個30幾, hormone imbalanced ge中年女士, 同一個20幾歲ge男士拍拖.

好鬼好笑lor!!!

閒情逸致

唔好辜負d好天氣, 點都要出去逛逛...加埋亞L陪著, 正! 只要有時間, 有閑情, 有good company, 去邊都一樣開心.

好鍾意睇樹...春夏秋冬, 各有姿態. 望住這幾棵樹, 我想到珍惜. 十年樹木, 百年樹人.

仲有, 唔好為一棵樹, 放棄整個森林!

做好份工

我會做好呢份工...好似真係簡單咗d, 英文仲差, i'll get the job done, 我唔明有咩好lor. 唔應該當作口號或承諾, 根本做好份工係人應有ge責任. 好喇, 開始lu, 香港越來越多好笑嘢!!!

仲有一個星期零四日...進展理想.

一世責任

返到屋企, 原本只想靜靜上網, 抖一陣. 亞L卻在房門外叫我, 點捨得唔同佢玩呢! 好佩服佢人仔細細, 就記得thomas, edward, henry, gordon, james, percy(左至右)...名la, 號碼la, 樣la, 可以match得好準確. 唔好低估d細路! 栽培兒女, 係父母一生ge工程. 唉, 我就無勇氣承擔咁大e責任喇.

聽到關於姓氏ge介紹, 突然想起豬韓一家...又有d掛住d好姐妹!

急起直追

原來我慢咗好多, 要急起直追......

pth之前, 食了一份奶油多和一碟薯條, 勁肥膩, 勁飽滯. 放學之後, 打定電話諗住叫媽咪唔駛再為我準備食物, 點知佢反而話應該食d番薯糖水, 潤一潤, 無咁熱氣. 唉, 幾時都有食嘢(增肥!!!)ge理由!



收到菲仔仔ge來信...佢特意寫信多謝我送xmas card及stickers俾佢. 從來未見過佢寫咁長ge信, 跟以前只見字母不見英文字ge信相比, 實在進步不少. 好開心!

生日快樂

HAPPY BIRTHDAY TO AH B!!!

身體健康, 工作順利.

令人費解

一個大約三十四歲ge女子ge經歷: 十七歲產子, 食丸仔, 販毒, 經常進出戒毒所, 經常玩自殺, 對一個利用自己的女人死心塌地, 令自己的父母和女兒擔心......

花樣年華...點解會選擇這條路? 難道以後幾十年都咁過?

永遠偶像

望見床頭三個舒利亞Q版公仔, 突然好想知道佢退休後ge生活係點樣.

好耐好耐無見過佢, 當然有d掛住la.

希望佢快d做領隊, 我就可以一睹佢在球場邊ge風采.

ha, 最好先帶英冠聯賽ge球隊, 我就可以在無線收費電視睇佢.

永遠的足球偶像! 其實做fans, 都可以好優雅, 高貴, 好有思想, 好似小妹gum.

就當佢係一個偶像lor, 永遠支持, 永遠關心......

香港吉蒂園

A的新居...

奇怪的夢

噚晚發咗一個幾特別ge夢--我...閃...電...結...婚!

完全唔記得新郎哥喺點樣. 亦唔記得我哋喺識咗兩個星期定兩個月. 不過, 我記得當時ge心情其實係十五十六, 肯定唔係開心興奮ge...

証明, 有, 又煩, 無, 又煩. 所以, 有, 又開心, 無, 都開心.

舊戲重溫

這齣戲...我是編劇, 導演, 演員和唯一的觀眾.

偶爾重溫, 輕鬆一下, 可以.

時候到了,

就要返回現實.

養生古方

蘇東坡有一個養生長壽的古方, 藥只有四味: 一曰無事以當貴, 二曰早寢以當富, 三曰安步以當車, 四曰晚食以當肉. 要多多注意自己的情志, 睡眠, 運動和飲食啊!!!

這幾天的確稍為空閑...不過, 暗湧在後. 算, 我尊重自己的決定.

簡單的一個, 兩個, 三個emails...極無聊, 亦吸引.

一言為定

打算這個星期好好休息, 試下夜晚唔做嘢, 十點前瞓覺.

有精神, 才有力氣衝, 衝, 衝......

互相勉勵

我的感覺

遺失追尋

遺失(朵朵小語)

失去的滋味不好品嚐, 你悔恨著自己如此粗心大意, 才會造成這般過錯.
其實, 你知道嗎? 並不是你遺失了它, 而是時間到了, 它必須離開你了.
人也好, 物也好, 再喜歡的人, 再心愛的東西, 與你之間的緣份都是注定的.

追尋(朵朵小語)

有一天, 你可能實現了你的夢想, 那樣很好, 因為你終於可以嚐嚐站上頂峰的滋味.
然而你也可能始終得不到你想得到的, 那樣也很好, 因為這樣你就永遠不會有得到以後隨之而來的厭倦.
不論結果如何, 你都應該這麼想: 得到了, 是一種幸福; 永遠得不到, 也是另一種幸福.

衝衝抖抖

今日早, 午, 晚三餐都喺外面搞掂, 宜家覺得好飽好飽. 都算輕鬆ge, 睇完戲, 放工之後就去香工--香港涉谷逛逛, 跟同事姐妹傾下偈, 總算衝衝衝之後, 可以抖啖氣.

仲有三個禮拜零三日, 努力!!!

又有怪事(醜事!)發生...究竟關邊個事? 奇趣事情, 盡在XXXX.

無題0118

與一個ex-client食飯...她成熟了, 有自己的看法和見解. 總之, 長大了.

不得不認老......

今日捱完兩疊, 仲有三疊喺手...如果係樓, 你話幾好.

聽日睇場戲輕鬆下!

無題0117

雖然還有許多未完成, 但按部就班, 下星期應該可以搞掂.

這幾天, 不斷想起"我的生存之道"......

遺忘昨日 便能記得明天

名言一則

登泰山而小天下...人的視點越高, 視野就越寬廣.

回復正常

聽日回復正常喇...五個禮拜, 咬緊牙關過埋佢!

新開始, 重新開始.

面對現實

看過小欣月的故事...替她難過, 替她的父母痛心. 我們已經好幸運, 好幸福.

今日差不多十二點才起身, 最大原因係想逃避. 故意遲d起身...梳洗完, 看看報紙, 然後食午餐, 再睇志雲飯局, 再上陣網, 好la, 再無藉口, 唯有開工. 覺得自己有d衰......

有d命運, 遲早光臨, 逃命要緊.

應該面對現實!!!!!

我們的生存之道

休息咗一日...聽日一定要開工!

沒法可 哭出姻緣 總可笑去幽怨
如我想清醒再生存 醉一次便算

我們的生存之道!

視像成功

今晚成功lu, 可以視像msn. yeah!!!

今日特別眼瞓, 超疲累. 放工唱個K, 同姊妹食下飯, 玩下無限聯想, 幾開心. 搭車ge時候, 就會發現自己原來已經聲沙兼喉嚨痛...樂此不疲!

十年如一日.

視像失敗

賣咗個web cam. 本打算同L視像msn, 不過, 可能安裝失敗, 無得睇. 希望盡快搞掂! 我用部web cam影了這張相, 都幾清ga.

科技, 真係日新月異; 人, 的確要與時並進. 我哋要進步. 如果知道泥足深陷, 就要即時抽身.

小心駕駛

朝早搭巴士有個小風波: 司機叔叔突然在東隧巴士站停車, 好氣憤問我哋, 佢揸車有無時快時慢, 時左時右, 因為有個先生叫佢唔好"恰眼瞓", 佢要我哋班乘客做証, 否則有人投訴, 佢就連工都無. 為免耽誤其他人ge時間, 有位亞姐勸佢話, 算啦, 對唔住呀, 唔好阻到其他人; 而嗰位先生都息事寧人道歉...事件總算平息.

其實, 你無時快時慢, 時左時右, 並不等如你無"恰眼瞓". 為保飯碗, 你反應過激亦可以理解. 不過, 真係希望你多多休息, 保重身體, 無數大好青年ge寶貴生命就喺你手. 你, 小心; 我, 平安. 拜託拜託!

我等候你

節錄自徐志摩的我等候你:
枉然, 一切都是枉然, 你的不來是不容否認的實在.

能夠幫助自己的, 只有自己.

霜凍警告

12度都可以著褲lu...不過, 唔覺得暖咗, 嗰種寒同冰ge感覺好厲害. 原來, 霜凍警告!

下晝又有d頭痛. 點解?

偶然...邂逅

最近聽華麗邂逅, 反而想起偶然.

許多事情都只係偶然發生...偶然見到那片雲, 偶然碰到那艘船, 偶然遇上他...

特別喜歡第二節: 你我相逢在黑夜的海上, 你有你的, 我有我的, 方向; 你記得也好, 最好你忘掉, 在這交會時互放的光亮!

如果, 注定係唔同方向, 那麼, 遇上係偶然, 分開係必然. 放唔低ge, 可能就係那一刻ge光亮而已. 記得也好, 忘記也好, 最緊要唔好為難自己. 一刻比唔上一年, 一年比唔上一世, 但, 一世就代表永遠嗎? 其實, 擁有過, 已經不錯.

銀河上華麗邂逅......我都記得跟你互放光輝的協奏.

喬遷之喜

恭喜恭喜, 恭喜bt新屋入伙之喜! 主人家本身ge福分, 加上我地ge超級人氣, 風生水起, 肯定, 富貴逼人來.

多謝主人家ge豪情款待. 我地由入屋食到走人, 仲又食又拎, 太豐富lu, 飽到我宜家成點都未瞓得. 不過, 全靠打邊爐食得飽飽, 我喺街都唔覺得凍. 總之, 多謝.

有個安樂窩, 多好!

火車頭

應承L, 起身就同佢玩車車, 所以九點起身就履行諾言.

開心L這幾天乖番d. 唉, 你唔扭計, 真係好可愛. 姑媽真係好鍾意你ga!!!!!

會有幾凍?

仍然有d頭痛, 可能真係作病, 可能真係唔夠瞓. 振作呀!

有d擔心聽日...唔好咁凍, 我會好難受!!!

願我可以學會放低

唉, 咁快又一個月, 個頭好隱隱作痛; 唔係大痛, 係不斷ge小痛! 人都無mug心機!

1345至1700, 連續同三個parties傾嘢, 諗嘢, 講嘢. 頭又痛, 又無得做原本應該做ge嘢, 唔係幾開心lor. 聽日成個下晝都無埋gala, 希望五點半前有得走la.

唔係咁鍾意1月4號. 0104好似一個魔咒...不其然會回憶想起, 不其然會黯然神傷.

幸好, 痛和傷都有一個限期.

初春石鹸

今日攰過噚日! 正常ge, 第二日lor wor.

pth考試要報名喇...都未準備, 點考? 好, 俾多d時間, 又會唔會準備?

一個星期時間考慮!

這兩天覺得飽飽滯滯, 個心有d唔舒服, 感覺極不良好>_<.

多謝C的禮物...初春石鹸-香豬豬.

愛得及時

2007年的第一個工作天...攰與忙.

都睇埋叱吒至瞓, 兩點上床, 六點起身, 狀態麻麻地都預咗. 好在clients開始搏殺期, 尚叫做可以抖抖, 原本想清下存貨, 但又要準備其他工作, 忙忙地, 總之, 充實la. 目標: 放學即散. 兩個星期好快過, 要善用"餘閑"!

睇叱吒, 主要想溫下06年ge歌. 其實唔多鍾意佢地偽公正, 佢地dj偽有型. anyway, 愛得太遲確實係2006年ge好歌.

HaPPy nEw YeaR

百尺竿頭, 更進一步!!! (多謝K的ah O月曆!)

今日起身, 感覺良好, 老土d, 就是充滿朝氣! 睜開眼睛, 再沒有病ge感覺, 覺得幾精神. 看見藍天, 慶幸自己尚有機會去看這個世界, 唔理係隔著玻璃窗去睇, 還是玩著睇. 總之, 有得睇就一定好睇.

見到媽咪走出客廳, 我哋大嗌一聲新年快樂, 然後我都起身lu. 原來媽咪準備炮製美味早餐...通心粉. 我出街一定唔食通心粉, 但媽咪煮ge就超好味. 2007年的第一餐是如此叫人滿足. 幸福.

我覺得係好好, 好好, 好好ge開始!

我希望世界和平, 希望爸媽BLLL和我的朋友都安康快樂. 我希望我可以繼續正面樂觀去看, 去想...

唔知這首歌講mug, 不過, 一邊聽, 一邊搖, 開心!!
http://www.haoting.com/htmusic/132867ht.htm

新年禮物, 不只是這首歌, 還有那種快樂的感覺.