親筆簽名

haa, 收到了! 即刻興奮莫名, 只有不斷傻笑.
知道有點失儀, 不過, 控制不了.

結束0315姐妹工程的會議, 獨個兒離開. 走呀走, 最後走到旺角.
蹓躂蹓躂. 經過那個上海館子, 擠滿人的電影院, 等了又等的紅綠燈 ......
逛逛街, 增加exposure, 準備隨時有意外收穫.

跳跳扭扭

昨日開始第一課funky dance. 好好玩!
http://www.funkydance.com.hk/index.html

跟著強勁節奏跳跳跳, 扭扭扭, 好快就覺得體溫上升. 雖然未至於汗流浹背, 但肯定脂肪有 break & burn. 始終第一課, 跟不上一些舞步, 跳得較慢, 未算辛苦. 不過, 許多fing手動作, 所以肩膀和手特別酸軟. 懶得去管! 總之, 個半小時, 越跳越開心. 好喜歡!

唯一不滿意是之後又大吃大喝 ... 下不為例!

街頭歌聲

又係第一個走出大門口 ... 叻!
1628就可以出閘 ... excellent!

紅隧天橋上, 一個中年(老年?)男子街頭賣藝.

天陰陰, 涼涼地, 擴音器傳來他的歌聲 ...

我又為何偏偏喜歡你 ......

明天更好

希望明天會更好!

不是終點

死在這裡也不錯的最後一句是這樣寫的:
不是終點. 起步了, 怎麼停得了?
hm ... 旅途好, 人生路也好, 一樣有意思!

關於在意, 作者認為 ...

人與人之間的感情, 不管有沒有血緣關係, 濃淡之別或許正在於有沒有存在"在意".

感情若不是濃到某個程度, 是不會有任何在意的.

有在意, 才有期待, 如果你做不到, 對方會很難過.

當你很在意對方的在意, 你們之間便必有著隱隱的牽連, 即使空間阻隔, 甚或人鬼殊途, 卻仍在彼此的心裡佔了一個位置, 莫失莫忘, 不離不棄.

what is love? 你是否在意對方, 也在意對方是否在意.

在意的同義詞就是保護; 當你學懂了保護或有心去保護一個人, 你對這個人便是有了愛.

後補照片

身在辦公室, 心還留在紅館. post幾張相, 可以更加回味!

喜歡這個賊仔look ... 頭盔look ... 一定有旅行的意義!
粉絲好 high, 又叫又跳. 我始終企了個半鐘, 都幾攰 ...

還未做到

2月22日 ... 2009的日子過得好快!

左click右click, 上到許多貞迷的網誌.
大家仍然回味著昨夜的演唱會.
重溫一幕一幕片段, 傾聽一首一首歌曲.
週日假期的時間就這樣溜走了.

我做不到 ... 繼續在網絡上游走, 漫無目的, 越走越遠.
要斷線, 要關機 ... 力不從心.
原來, 我還未做到 ......

只好繼續努力!

仍然最愛

已經優先訂票, 都只能夠坐33行. 收到門券的時候, 的確有點失望. 走進紅館, 開心許多. 原來舞台打角, 觀眾席如鑽石形. 我們的座位算不錯了. 總是例牌遲開始. 大約2035, 隨著手的預言播放結束, 陳綺貞就開始演唱第一首歌 -- 太陽. 以歌會知音, 舞台簡單乾淨就可以. 最欣賞是台後的投影. 唱太陽的時候, 後面就有太陽的畫面, 稍稍點綴, 很好. 之後, 有月亮, 有隕石, 時覺浪漫, 時覺迷幻, 再加上動人歌聲, 簡直就是絕佳享受.曾經有幾首旋律不太熟悉, 大約10分鐘, 只能客觀欣賞. 幸好, 其後, 耳熟能詳的歌曲一首接一首, 令人投入忘我. 終於, 2200按捺不住, 轉身問後面觀眾會否介意我站起來. 站著聽, 情緒和氣氛都更加高漲. 好high! 站著聽的最愛的陳綺貞演唱會, 一定是最好看最好聽的演唱會! encore四次, 大約2330, 要走了, 只好依依不捨的回家.

真的好羨慕! 做自己喜歡的工作, 無需包裝, 無需妥協(我覺得), 而且, 正如她說, 想不到還會有一程飛機距離遠的人支持自己. 好喜歡這種斯文, 這種平和, 溫柔都是一種力量. 這陣子, 好想學吉他, 好想自彈自唱.

曾經想戒聽她的新專輯, 但這樣好聽的音樂, 誰捨得?

新鮮漢堡

ot完畢, 返屋企抖抖, 之後就出ntp食飯. 食飽就去睇陳綺貞!
吃什麼? 毫無頭緒. 最後, 輾轉去到連城, 行下行下就走進這個freshness burger. 都幾多人, 唔想等, 只好坐bar枱. 木椅子, 四平八穩, 就是高了一點. 幸好身手敏捷, 總算應付自如.

選了兩個套餐, 各有一個漢堡, 有個小吃和汽水. 這是薯角.
魚burger ...和風沙拉 ... 我覺得用料算不錯, 有我喜歡滑滑生菜.
豬burger, 即是明治漢堡. 吉利豬柳幾好味, 不算油, 配生菜絲, 微微咖哩味的醬油. ok.

兩個人吃了$98. 論味道, 還是mos burger較好. 開在連城廣場, 感覺格調好像次一級. 如果在ntp或一田, 店內桌椅又放得鬆動d, 應該會吸引好多.

疲倦週五

都幾攰!
希望聽日ot順順利利,
夜晚睇concert開開心心.
攰 ... 都撐埋佢!

2230, 食咗半隻乳鴿.
這幾天, 又鬆懈了 ......

再做粉絲

知道同事話可以攞到許志安簽名, 我都一樣興奮.
想了又想, 卒之, 選了02年的拉闊門券, cd 和 vcd.
真的好喜歡, 好回味這個演唱會.
又睇live, 又買聽的, 又買睇的, 證明我真係超級支持吧.
再做小粉絲, 又重拾一種青春的感覺.
少少懊惱 ... 想寫幾句支持說話, 上款點寫好呢?

又坐182, 繼續讀馬先生的遊記, 好快就返到屋企.
越睇越想去旅行, 希望四月五月真的可以出去走走, 抖抖.
要多看書! 精神食糧, 多多都不怕飽滯.

胡思亂想

有人話從小道消息知道我鍾意許志安.
於是我想到 ...
的確, 十年前好迷, 好多歌都打動我心.
可是, 這幾年淡了. 不想這樣, 於是,
我會故意令自己, 希望自己可以繼續喜歡佢.
例如, 05年去看他的演唱會, 最近又考慮買他的新專輯.
這一種支持, 其實, 是因為我仍然真心鍾意,
還是, 只不過不想自己不鍾意, 捨不得以前的鍾意呢?

可能想得複雜了.
無辦法, 喜歡胡思亂想都是我的毛病.

車厘蕃茄

夠鐘即散! 第一個衝出大門, haa, 很有滿足感!

歸心似箭, 因為實在太睏了, 好想回家睡一覺.

1700-1830, 個半鐘, 聊勝於無啦.

L兩母子種的車厘茄. 皮薄, 水份充足, 不過味道較淡.

L特意跟我分享, 普通食物都變成珍奇美點. yummy.

自製浪漫

有一點點春天的浪漫感覺 ...

幾次走出辦公室, 只見天上白濛濛一片,
所有半山豪宅都隱沒在雲霧之中.

離開公司, 天色微微昏暗, 毛毛細雨隨風輕盈降落.
聽著陳綺貞, 站在繁忙的街道上,
就算涼風襲來, 就算雨粉撲面, 就算巴士遲遲未到,
一樣感覺非常良好.

我的毛病 ... 喜歡自製浪漫.

平淡親密

幾個鐘之後, 又匆匆起床, 急急梳洗, 因為要去看早場 ... 親密.
宣傳語句幾吸引, 不過, 網上就惡評如潮.
明白感情是可以平平淡淡地累積起來,
可是, 在短短100分鐘裡面, 平淡的零碎片段又似乎難以惹人共鳴.
如果多一些眉來眼去, 多一些曖昧位, 整個故事應該會較有感染力.

唯一驚喜, 有幾個場景是在我屋苑大門前拍的.
幾時? 或許是深夜時份, 無人會留意吧.
anyway, 幾有親切感, 可以為電影加一點分數.

金寶泰菜

碰灰兩次, 我們決定落九龍城. 幸好, 天無絕人之路, 我們更嚐到不錯的泰國菜呢! cheers! hapi every day! 高高興興之後, 小妹咬了辣椒. 辣到跳舞!
p.s.其實你們察覺到, 問候過, 已經好ok. 精神上的支持已經足夠!

飯後閑逛是指定動作. 最後, 去飲番杯 ... 涼茶, 正式結束是日活動.

嘉道理場

0214, 再開始我們的每月一動 ... 游走嘉道理農場.
http://www.kfbg.org.hk/kfb/homepage.xml?lang=tw 不停步的走了四個小時! 活動主要是賞花消閑減壓, 步行健體keep fit, 打霧水美肌潤膚, 總之, 吸收大自然的天地靈氣.

這是羅勒basil ... 原來是紫色的, 更愛你!
F和她的花花袋一樣美 ...

穿過小徑, 爬過大斜路, 到達觀音山. 慢慢走, 靜靜想, 上了寶貴一課 ...
雨粉下的鐘花櫻桃有一點點淒美之感 ...

http://www.kfbg.org/kfb/photogallery_detail.xml?id=1537

覺得好古雅, 好寧靜 ...
吊芙蓉的粉紅色特別好看 ...

http://www.kfbg.org/kfb/photogallery_detail.xml?id=1538

haa, 只不過是這樣一小叢而已. 山下有一些是掛在樹上的.

沿路會見到這些路牌, 莫非 ...
人工培植的花卉一樣燦爛. 太陽花叫我們要充滿希望!

上鄰下里

0213, 我們和我們的媽媽 -- 昔日的上鄰下里 -- 四個人去看左麟右李.
如果多唱歌, 少一些不好笑的笑話, 整個演唱會應該會更吸引.
幸好, 都有動聽金曲, 都可以投入拍和. 更期待下星期的陳綺貞演唱會! 我們, 昔日的上鄰下里, 永遠永遠的好知己.

甜蜜0213

2月13日, 不是black friday, 是sweet friday!
餓甜數天, 今日還是被迫要吃過痛快. 朱古力啦, 朱古力蛋糕啦 ...
統統都是各位有心人的好心意, 何憂慮恐懼之有? 只有甜在心頭.
希望尚在人間, 好好把握這三年的黃金機會 ......

盡量清淡

這幾天, 集中從食物入手 ...
份量少一點, 味道清淡一點.
除了早午晚三餐+水果, 差不多沒有吃過零食.
(只吃過一片豆腐朱古力, 一粒home-made朱古力和兩粒柑桔涼果)
這個lunch不錯. 蝦河粉, 卡路里不太多吧.

我去捐血

今日我捐血 ...
上一次, 1997, 已經係12年前的青春歲月.
其實, 一直都有再捐血的念頭, 只不過今日才付諸行動.
點解? 好想去舊迎新, 徹頭徹尾,
從身上流著的血液開始, 去舊迎新!
還有, hee, 希望加快新陳代謝, 有助減肥.

整個捐血過程都感覺良好.
最重要, 好快就復原,
一點疲軟, 頭眩, 麻痺的感覺也沒有.
下班回家, 坐182, 大半程企位,
都可以左手捧住馬家輝的死在這裡也不錯,
右手(捐血手)用力抓緊巴士扶手, 左搖右擺.

捐血救人, 自己開心.

戀情人傘

品嚐翡翠

星期三, 又係小碧時間, 大家見下面, 傾下偈, so good.
如果食完飯都唔覺得飽滯, 更加係excellent呢!
小籠包, 瑤柱雙蔬, 手抓餅都好ok ...

去到擔擔麵, 似乎有d出事, 好易肥啊. 我哋ge口味, 的確係不太相同. good, 好姐妹, 一定唔會爭 ...
多謝你的豆腐朱力, 好味. 還有, 幫我選定今期的閱讀內容 ... 馬家輝. 很歡喜, xiexie.

肥胖憂慮

真係覺得好肥. 唉, 點算好?

心情都不禁有所影響.

並非要求好瘦好瘦,

但真的討厭塊面圓咗, 個肚脹咗, 條腿粗咗ge感覺.

肥胖憂慮症 ...好嚴重!

己丑十五

正月十五 ... 就當這些是來自日本的情人節禮物吧!

無題0208

繼續努力!!!

不再呆坐

傾一小時長途電話,
丟掉十幾本不會再看(甚至從未看過)的書本,
到城門河跑步 ...

星期六不去街, 一樣可以輕鬆悠閒, 開心快樂.
不要再待在電腦前呆坐 ...
吸取過教訓, 一定不會重複犯錯.
說到, 做到!

今昔對比

晚飯之後, 跟幾個舊同學見見面.
有兩個足足十年沒見了.
再重聚, 覺得他們都成熟許多 ...
以前的喪婆都變為今日的賢妻良母.
他們傾偈, 出位又搞笑之餘, 都有不少語重心長的說話.

似乎, 原地踏步的永遠只有我.

己丑初跑

再跑馬場 ... 5000m, 40分鐘, 有進步.
真的重了, 胖了, 累贅了許多許多,
很介意, 非常介意, 介意到不得了!!!
back to 108 before 315?
不理是否期望過高, 總之盡力而為吧.

好多人腸胃炎啊. L, 爸爸, 同事 ...
大家都要小心, 勤洗手, 細菌病毒咪入口!

諸事大吉

開工大吉! 心情都ok, 比自己預期中好.
以前復活節後的渴望返工心態(因為返一日又少一日),
居然今日就開始出現. 好, 不逃避, 勇往直前!
己丑年開始了, 應該樣樣都會好.

間中都會下棋, 今日更旗開得勝, yeah!!!

獲得豁免

今日去抽任陪審員 ... 假期變相提早結束!
第三次喇, 已經不再感覺新鮮.
原來有三宗cases, 兩宗販運危險藥物, 一宗企圖強姦.
所以去完一個court, 又去一個court, 最後要1145至走得.
我有無被抽中呢? 44個人抽21個陪審員, 咁大機會 ...
中咗啦. 係第二個court, 企圖強姦案.
當時聽到名之後, 只好走上前, 然後
may i be excused ... 即時呈上我的豁免申請信.
法官大人真係豁免我, 不過, 我擔心會在不適當時候再被傳召.
其實, 有機會都想做一次, 增廣見聞啊.
不過, 最好係廣東話啦, 今日聽英文, 真係好費神, 辛苦好多.

要看得開

無奈, 又如何?

看完奇幻逆緣, 有一點點感覺 ...

人生下來, 就注定未必事事如意,

可能我們會不忿, 會詛咒命運之神,

但到最後都會看得開 ... 要樂觀, 要積極!

最近, 喜歡看戲. 以下宣傳語句幾吸引, 不知道電影質素又會如何?

L 好多了

L好很多了! 開始回復本來狀態 ... 大叫啦, 跑跑跳跳啦. 終於可以放心一下!!! 只有感恩, 希望不會小器啦.

原本打算去跑步, L又話要去, 結果跑步變步行, 減肥計劃一再延遲, 無奈.