難得知音

晚飯@Teppan, 都幾好食. 首先是飲品, 巨峰提子雜果soda(左), 石榴雜果soda(右).
簡簡單單, 食件火焰三文魚壽司.
鐵板蒜香野菜, 有少少黑椒粉, 味道不錯.
這個店的主打是鐵板, 所以又點了明石燒海鮮燒餅 ...
用料主要是魷魚吧, 餅面再加一些蟹柳絲, 這樣就叫海鮮, 似乎名不副實. 不過, 味道的確幾好, 可能是個人特別喜愛這類燒餅吧. 最愛還是這幾款! 左起, 茄子串, 甜薯串及南瓜串. 茄子是必然鍾意的食物, 南瓜甜甜的, 都很好. 不過, 最出色的是甜薯 ... 清新的薯香, 燒得脆脆的薯皮. 一邊吃, 一邊有幸福的感覺.這是牛舌串. 眼見就幾吸引, 不過, 朋友就話有點過熟.幾開心, 食下傾下, 又三個鐘.

難得又多一個知音人.

早日康復

朝早出門, 非常秋天. 涼風送爽, 醒神.
不過, 中午烈日當空, 溫度又急速上升.
撐著傘出去走走, 熱, 都感覺良好.

去做一個mammography檢查, 原來都有一點點痛.
放心, 只不過循例驗身.

檢查後, 跟朋友坐坐聊聊.
其實, 及早抽身, 總好過繼續坐以待斃.
希望她快快痊癒.

這個黃昏

趕著回家看安全返航. 這個黃昏, 終於順利回到地球了! 窗外景致都顯得特別吸引奪目! 匆匆回家, 忘記是日活動的主要任務, 唯有另擇吉日吧. 謝謝禮物, 好喜歡.
請坐言起行! 今晚, 都有游水. 游呀游, 都幾凍. 未來日子, 天氣會舒服一點吧?!

遊科學園

遊逛之前, 去MOS burger食個lunch. 這個蝦 burger 配 wasabi 沙律醬, very good la!
蝦蝦, 都算足料. wasabi更起畫龍點睛之效.少不了的粗粗薯條, 加埋可樂, 成個set都係$37, 抵過triple O好多好多! MOS啱我口味多d.原本想去西貢, 不過, 想起同事話科學園值得行行, 所以就臨時更改行程. 在大學火車站轉272k, 一會兒就到達科學園. 見識下d風水格局, 想想點解會用咁多錢. 其實, 風水點識呢. 不過, d buildings就幾cyber, 有d科學feel, 科技feel.好曬! 我哋都出去海濱長廊遠眺彼岸風光.這邊是馬鞍山 ...那邊是大尾篤 ... 有個釣魚翁路過 ...
有單車徑 ...
遠處有個小竹林 ...路邊種了不少這樣的小花 ...
有個不小的水池/人工湖, 放著音樂, 不時噴水. 旁邊有食肆, 各國美食, 都算應有盡有, 幾多選擇. 可以坐裡面, 有人為冷氣. 可以坐外面, 有自然空氣.清澈見底, 涼快無比.在河畔一桌椅坐下, 欣賞你的新相機. very good photos wor.這兒都算是一個寧靜舒服的地方. 在秋高氣爽的日子裡, 踩單車好, 逛逛海濱長廊也好, 倦了, 到池邊食下嘢, 坐下, 傾下偈, 幾好!

成功一步

順利踏出第一步, 安全要緊, 終於可以稍稍放心.

報紙評論說, 有個歐洲航天專家話太空有一半人口是中國人, 因為除了三個中國航天員之外, 還有三個不同國家的太空人在太空站內活動, 意指中國的航天成就始終比不上歐美國家.

中國人, 要爭氣! 每個人都在自己的工作崗位上努力, 團結一致, 就不會被人看扁. 希望航天員安全回航, 國家可以探月成功. 希望再沒有毒奶粉, 假......

翟志剛早前接受訪問, 有兩點幾有意思. 第一, 你有可能達成所有最高目標嗎? 第二, 機會只會留給有準備的人.

等待明天凱旋而歸!

笑看星塵

預計太空人將於明日下午4時半出艙行走，開始中國人首次太空漫步。(明報)我想知, 踏出機艙,

會不會聽到聲音, 會不會有光, 會不會有風, 會不會有氣流 ...

宇宙浩瀚, 我, 好渺小. 唯有笑看星塵變!

安全順利

有決心, 有能力在太空走出中國人的第一步 ...

神七升空, 祝願成功, 一切安全順利!

勇敢向前, 大步大步走下去.

我存在在

7點半, 不願再睡, 決定到網海暢游.
一邊online, 一邊工作, 效率是意料中的低.
不要緊, 輕鬆自在最重要!

今日狂聽梁靜茹 ...
風箏有風 海豚有海
我存在在我的存在
所以明白 所以離開
所以不再為愛而愛
自己存在在你之外
http://www.haoting.com/htmusic/187066ht.htm

東北烈風

終於8號 ... 會唔會太早呢?
走在cwb, 都幾平靜.
入到沙田, 開始感受到風雨.
屋企樓下, 簡直係10號風球.
希望刮下風, 落下雨, 以後天氣就會舒服d啦.

無金滿庭, 好大機會去魚翅城.
被拒絕, 或許都是一件好事. 因為
你才有機會遇到更好.

大失預算

繼續焗熱, 不只難捱, 簡直難受!!!

大失預算!
本來一切準備就緒, 落好訂,
金滿庭忽然又話無房.
任何解釋都係掩飾!
時間緊迫, 可以點解決呢?

絕不介意

不能再逃避, 開始我第一個要工作的星期天.

1500-1800, 進展尚算不錯.

晚飯後, 去游水.

有段時間, 整個泳池只有我一個泳客.

不斷游游游, 爽, 痛快!

有時候, 我覺得媽咪錫L多過錫我.

例一, 昨日帶L去科學館, 媽咪為我們準備一些乾糧. 臨走, 媽咪千叮萬囑, 叫我將麵包留給自己吃, 不用分給L. 我滿心歡喜之際, 原來, 因為麵包是隔夜的, 所以媽咪叫我吃好了, 讓L吃不會隔夜的餅乾.

例二, 今日, 媽咪買了一些蛋糕仔, 叫我品嚐一下. 小妹一向喜歡這些糕點, 以為媽咪特別為我而買的時候, 卻聽到"預先準備一些, L下午就有茶點吃 ... ". 原來, 我只不過是託L的鴻福.

更多例子, 不勝枚舉. 每次, 我一定扮無奈, 扮呷醋.

輸給L, 無所謂, 絕不介意 ~^o^~!

科學館遊

同L去科學館玩. 已經十幾年無去過, 知道有個深海珍奇的展覽, 諗住L鍾意睇魚就帶佢看看. 不過, L就無mug興趣, 寧願去常設展覽廳走走玩玩多d. L第二次到科學館, 可能有好多嘢玩, 佢幾鍾意. 可惜, 我對這些科學知識的興趣不大, 認識不多, 否則一定教L多d, inspire佢多d.

終於做了博物館通行證, 好, 以後帶L去睇多d, 自己又睇多d! 的確, 近年有不少精彩的展覽, 要擴闊自己的眼界!

下個目標係太空館. 神七下星期發射, 將會實現國家首次太空漫步. 期待, 開始緊張!

我的短髮

今天還有生日飯食, 還有生日禮物收. 不捨我的b'month, 因為過的多是悠閒的日子! 不再介紹我的sushi-set. 看看同事的三文魚及三文魚子飯($95) ...
還有雜錦魚生飯($95) ...
發展完畢, 剪頭髮!
只是修剪一下, 不過地上都已經滿是我的煩惱絲.
每次離開salon, 心情都會特別輕鬆, 特別好.

忽然, 想起這首歌 ...
我已剪斷我的髮, 剪斷了牽掛, 剪一地不被愛的分岔.
長長短短, 短短長長, 一寸一寸在掙扎.

短髮, 可以大刀闊釜, 無須掙扎.
其他, 都可以果斷灑脫就好了.

L做攝記

大家好耐無見過L lor hor ... 無扭計, 唔發脾氣, 仍然好可愛!

繼續酷熱

酷熱天氣警告. 敝機構, 焗熱曬! 我雖然耐熱, 但都覺得難捱啊.
怎樣也好, 繼續在自己工作崗位努力. 最重要, 問心無愧.

期待1101 ... 陳綺貞演唱會. 失而復得, 謝謝你.
如果一切都可以失而復得, 多好.

食大閘蟹

食蟹唔做蟹!

美味的橙黃色!

食得很滋味!(by L)

無題0916

一點不開心.
整晚都睡得不太好.
點解還要為難自己?

還有幾大

long weekend 完結 ...

俾心機, 再努力, 放假唔駛等除夕!

好快又到週末. 加油.

左邊的人字拖是我的, 右邊的converse是L的(有1隻手指鬆動).

小孩子的腳板還可以有多大呢?

中秋賞月

最熱中秋? 吃過晚飯, 我們提著這兩個燈籠, 到馬鞍山公園賞月. 坐在草地上繼續開餐. 除了水果和芋仔, 當然還少不了月餅. 我最愛雙黃蓮蓉月!
氣氛好好. 許多家庭都扶老攜幼, 前來慶中秋. 草地上都坐滿人.
天上. 人間. 但願人月倆團圓.
草地很舒服, 除鞋放鬆一下 ...

然後躺下來 ...
最無拘無束, 舒適輕鬆的看月亮, 曬月光 ...

T @Cova

一年前的計劃 , 今天終於完成! 預祝中秋, 更重要, 預祝你的生日!
tea buffet @ 利園cova. 原來, 都不是想像中多人. 大約1430去到, 只有兩三個人等候. 1445就可以入座. 坐下, 先送來一杯果汁.第1 round, 吃鹹點. pizza和puff, 都幾出色. 其實都急不及待吃了一小件朱力cake, 不過, 無影相.
第2 round, cake time! 朱古力, 最喜歡.
環境典雅, 食下cake, 傾下偈, 已經是不錯的享受.
間中, 侍應會送上三文治, 小pancake. 這是第3 round, 已經開始飽, 開始膩.

最後, 出了兩款新蛋糕, 不過, 只能切下小片品嚐. 再吃一件煙三文魚三文治, 幾片菠蘿, 正式完成是次增肥活動.
咖啡好似好香滑. 片片檸檬, 清水不加糖.
最後邊就是食物區. 面積不大, 但不斷更新食物, 食物款式都比我想像中多. 鍾意這裡, 可以跟好朋友共度悠閒週末!
再去看mamma mia!(http://www.mamma-mia-themovie.co.uk/main.html) . 希臘小島, 清澈海水已令人神往. 好度假feel. 少少誇張和搞笑的劇情, 加上不斷的abba歌曲, 睇得幾開心. 好鍾意sophie和她的好姐妹, 以及donna跟她的老朋友的幾段戲. mamma mia! ia a celebration of old friends.