真係病呀

出唔到聲呀!

無頭痛, 骨痛, 發燒, 傷風, 咳嗽(touch wood!)...只係出唔到聲, 應唔應該睇醫生呢?

逛金魚街

今日都幾順利...唉, 宜家投訴文化好厲害, 萬一有什麼差池, 俾人喺forum談論, 上埋報紙就唔好la.

搞掂之後, 即刻趕去會合亞L. 我哋今日行金魚街, L媽, 媽咪在附近逛逛, 我同亞L就去睇金魚, 龜龜, 貓貓, 狗仔, 兔仔, 龍貓, 倉鼠, 差唔多行咗兩個鐘, 跟住再去新世紀的遊樂場玩. 好攰呀...話晒噚晚都成兩點先瞓嘛!

可能唔夠瞓, 宜家聲都沙埋. 食藥lu, 真係唔想病, 希望聽日無事la.

我的假期

我的假期...20/7-15/8...希望只係今年係咁, 希望最多只係四年一次...希望自己可以突然光榮引退!

上晝off, 下晝都要返去開個會...算la, 總會有唔好彩ge時候. 之前, 先約好去翠園飲茶. 見番M, 佢囡囡好得意, 真係幾羨慕佢唔駛做, 唔駛再喺這個機構, 這個界別工作. 我哋? 繼續買六合彩lor, 等奇蹟出現!

會議結束, 一定要輕鬆輕鬆一番. 去警察會所唱K, 音響設備

當然無ceo咁好, 但傾下偈, 互相支持鼓勵一番, 都不失為一個好地點. 仍然嗰句: 奇人奇事, 盡在XXXX.

之後, 再去寧記打邊爐...是日活動正式結束. 幾個鐘之後, 又要起身返工. 希望一切順利!

年糕春卷

鄰居林太送了這款甜品給我們品嚐. 用春卷皮捲住年糕, 炸至金黃即可. 外面脆卜卜, 裡面煙煙韌, 都幾好味, 有創意.

有媽咪在家, 睦鄰關係唔會差.

巴黎鐵塔

time square前面有巴黎鐵塔?

今日講得失. 我舉例...暑假好想去法國, 就算最後去唔到, 都唔會介意, 因為這陣子參考過不少遊法國ge資料, 都算大開眼界, 又因為有一個目標, 變得有盼望, 日子都易過好多. 等ge過程, 其實什有得著, 最後, 去到, 當然好, 去唔到, 來日方長la.

雨過天晴

雨過天晴! 天藍得好靚, 山綠得好靚.

我有d攰, 無平時咁靚.

我懷念的

我放手 我让座 假洒脱

谁懂我多么不舍得

太爱了

所以我 没有哭 没有说

遲來一步

遲來的紅色暴雨......

媽咪煲咗綠豆沙...唉, 又要食...

保持鎮定

不得不讚, 爸爸煮蟹真係幾好味. 噚晚, 又炮製咖哩蟹, delicious!!! 噚日都食咗好多好嘢, lunch同G食小巴黎, 兩個人shared香茅豬扖濛, 雞豬串燒, 同凍檬七, 每人$25, 超抵, 超滿足!

唉, 我又覺得自己肥咗喇>.< 上星期開始, 覺得個肚脹咗好多, 覺得自己好肥, 個心覺得好唔舒服. 我又擔心, 係唔係因為XX病, 搞到腹脹. 俾多兩個禮拜自己, 再唔掂, 真係要去check check.

兒時金曲

電視片集《變色龍》主題曲

曲：黎小田 詞：盧國沾

人生與命運 原是一天百變 成敗有如一個轉面 莫記當年

就算甘願平淡過一生 或者遲早心中有悔 有日我欲語無言 那現實何嘗改變

難拋棄夢幻 無奈講聲再見 明白到埋首怕見現實 未免可憐

讓我今後面對名共利 或者遲早心灰意冷 有日我若再回頭 笑望著人寰轉變

麗的亞視

噚晚, 同媽咪睇麗的亞視半世紀演唱會, 我哋都幾enjoy wor.

八點三開show, 11點半結束, $100, 抵la. 雖然我年紀輕輕, 但對好多劇集ge金曲, 都好有印象, 唔單止記得歌名, 仲記得歌詞, 可以一邊聽, 一邊唱和. 聽到大內群英, 天蠶變等, 好自然就會拍和, 上次聽janice都無咁多拍和位! 葉振棠唱得好聽, 其他都唔錯, 劉海威唱IQ成熟時ge時候, 我都不自覺手舞足蹈. 日後出卡拉ok碟, 我都想唱女仔版的殘夢(劉雅麗翻唱)和青春三重奏(余安安翻唱).

還有變色龍都令我好有親切感, 因為小妹從小就喜歡唱歌, 話說有一次我又喺巴士唱變色龍,唱呀唱呀, 太大聲, 連司機叔叔都要轉頭看看車尾發生咩事, 搞到爸媽好尷尬. haa, 佢哋宜家仍然經常提起我這件兒時往事呢.

上萬佛寺

忽發雅興...到萬佛寺走走.

人物: 媽咪, 亞L, 我.

萬佛寺標誌: 佛塔.
還有觀音, 四面佛, 眾多羅漢......
喜歡這副對聯.
少不得的山水豆腐花.
行完萬佛寺就去搵爸爸同L媽飲茶lu......

兩小禮物

今日(今個星期?), 攰攰攰! 好疲累, 無mug精神...眼皮好重, 眼睛好攰, 好像睜不開一樣. 唔知係心情影響精神, 還是精神影響心情, 對一切都提不起勁. 既然有多多存貨, 狂做lor, 分散一下注意力都好. 感覺仍然不太良好, let it be la......

噚日講ge小禮物...這是ex-client從北京買來的飾物盒. 算是瓷器吧, 白底藍色花, 鑲個金邊, 很喜歡. 當然, 那份心意最難得, 今時今日, 更難得.

這是亞L送的. 佢噚日去Mc-Dondon, 見到桃紅色ah-O, 就話要換俾姑媽. 乖仔!!! 佢都幾孝順, 對我哋好有心. 亞爺換洗肚水, L會幫手; 有嘢食, 一定嗌爺爺食. 嫲嫲整親手, 即刻去呵嫲嫲, 叫亞嫲小心; 又幫亞嫲蓋被. 抵錫!!! 我無陪亞L睇書, 無特別栽培佢...我不是稱職的姑媽???

偶然加班

這兩天都成五點半至走, 無計, 存貨太多.

幸好, 走ge時候, 仲見到藍天. 算la, 返屋企, 就可以全情投入...同亞L玩.

收到兩份小禮物, 一份亞L送, 一份ex-client送. 開心.

晴朗天氣

超好天!

可能噚晚落過大雨, 好多煙霧灰塵都唔見晒. 今日, 天好藍, 有陽光, 但唔覺晒, 清清涼涼.

正是秋高氣爽ge感覺. 不過, 宜家係四月. 唉, 天氣反常...

環保, 你我的責任. 有幾多, 做幾多!!!

文藝滋養

完成最後六小時, yeah! 可能自己攰底, 覺得今日特別悶.

真係好耐無睇過文學作品, 無睇過文藝書籍lu. 人都好似變得乾乾的.

滋養, 幾時都需要, 幾時都是必要的!!!

例牌疲倦

小休復活, 例牌有d眼瞓. 我明白, 我接受.

噚晚睇埋金像獎至瞓, 今日攰d, 都係意料中事. 頒獎禮歷時三小時, 又有不少冷場, 做觀眾ge都幾慘. 氣氛真係幾悶...我已經10:30才開始睇, 都要捱成個鐘, 至等到梁朝偉出場. 其實, 他的戲, 看得不多, 不過, 好鍾意睇佢, 鍾意佢謙謙君子, 溫文有禮, 大方得體的風度表現! 相對而言, 反而較支持他的唱片, 我有朦朧夜雨裡的cassette, 有佢3隻cd.

你是如此難以忘記...

兩齣好戲

終於睇咗mr. bean. 雖然無我想像中咁好笑(我目標係笑到喊嘛!), 不過, 一樣睇得開心. 睇住d法國景色, 好有放假feel. 想像自己一樣坐火車...由里昂車站去康城...見到黃色花田...見到康城海灘......正!!! 其實, 去邊都唔重要, 有得放大假就好了, 我一定知道點樣可以fun fun fun.

下晝重播甜蜜蜜...好鍾意這齣戲, 每次重播都不會錯過! 如果兜兜轉轉, 最終都可以一齊, 付出十年時間都值得. 相見, 相識, 相知...離別...重逢相遇, 再相見......這就是緣份. 十年前, 香港, 一個來自廣州的向左走, 一個來自天律的向右走; 十年後, 紐約, 兩個重遇. 喜歡這齣戲, 因為睇到那種難得的緣份.

有緣千里能相會, 無緣對面不相逢. 緣份由天定, 做凡人, 隨緣惜緣, 就好了.

再龍蝦灣

遠眺清水灣...

跳崖前一剎...

行下山...再走魚目混珠1的路段.

唔知係自己狀態麻麻, 還是今日空氣質素唔多好, 總之, 行ge時候, 特別吃力. 雖然無落雨, 都有d太陽, 但能見度極低, 又係視野模糊一片. 唉, 即係又要搵日去多次la!

去多幾次都好...一邊行山, 一邊傾偈, 有益身心. 平時工作忙碌, 成日匆匆忙忙, 最好去下郊外, 睇下山, 望下海, 聽下風聲, 蟬鳴鳥語, 呼吸一下新鮮和自由的空氣. 人都醒d!!!

戀愛婚姻

好靚! 好想到瀘沽湖走走...haa, 與走婚無關!

現在在中國境內大概有四萬個摩梭人。二千多年來，他們都聚居於雲南與四川邊境的瀘沽湖旁。瀘沽湖可以說是摩梭人的故鄉，世世代代的摩梭人都生活在湖邊的大小村落。這裡，就是傳說中的「女兒國」。聚居瀘沽湖的摩梭人，是現存中國最後一個母系社會。這裡沒有我們熟悉的婚姻制度，男不娶、女不嫁，情人之間無婚姻、財產及子女的束縛，女人可以自由自在，談一世戀愛。(引錄自向世界出發)

女兒國的女人要辛勤工作, 要擔起成頭家, 幾辛苦, 男人都絕不幫手. 女人幾辛苦, 只要晚上聽到男人一聲慰問, 知道男人知道自己辛苦, 就已經心滿意足. 戀愛大過天! 一個嫁去女兒國的外來女人卻忠告其他人, 選丈夫, 要選體貼自己, 照顧自己的. 愛情好似變得次要了.

戀愛, 婚姻...始終遙遠過瀘沽湖好多好多.

必有我師

又完成6小時的課程. 唔算難捱, 自己唔叻, 去到邊都學到嘢(雖然好快又會唔記得晒).

有個講者引述了一個故事...好多人聽完一個seminar之後都嗌悶, 學唔到嘢, 浪費時間, 但有個人有另一種想法. 這個人說, my listening to him is an act of love. i loved him because i percieved him to be a person of great value worth attending to. and i loved myself because i was willing to work on behalf of my growth. 幾有同感...我都好少走堂, 好少早走, 因為總寄望下一秒會明白, 會學到嘢.

另外有一句幾inspiring: 要對人生有盼望, 感興奮.

剛剛打完壁球, 攰. hahaa, 這個假期都幾健康充實!

簡單是美

又去香工逛逛...大家都有d失望, 因為無想像中咁多嘢睇. 不過, 各姐妹都根據自己的style, 成功購入一些戰利品. 我, 當然堅持原則(my style)...唔係最抵, 唔係最鍾意, 唔買! 隨緣la, 有緣自會遇上. 雖然空手而回, 但仍然盛興而歸. 看見你們買得開心, 我也一樣開心

我的購買慾一直不強(人所共知la). 學生時代, 沒有收入, 當然少買嘢. 不過, 宜家雖然話晒有份糧(唔多!), 但買嘢仍然好謹慎. 除了因為本身慳家, 擁有節儉的美德之外, 最大ge原因係, 唔想有多餘ge嘢, 覺得要環保.

簡單過日子...生活簡單就是美, 心靈簡單就是美.

馬拉松完

終於...睇完馬拉松lu!

最大感受係, 母愛, 的確好偉大! 照顧一個孩子, 要付出(犧牲)時間, 心機, 耐性, 青春......一生不離不棄, 付出同收穫, 未必成正比, 但她(們)還是繼續無私奉獻. 還有, 一邊睇. 一邊好想跑步. 好多人都鍾意長跑, 佢哋都好努力地練習長跑...支持你, 永遠.

http://www.rthk.org.hk/culture/movie/20050630_342_32550.html




幾鍾意曹承佑...不過佢80年, 太細喇. 聽講相思光年(love phobia)都幾好睇, 希望以後可以睇番la.

出去逛逛

見番多d陽光, 好想出去曬一曬. 行城門河, 行西田, 行商務...零車錢, 零消費, 但100%滿足.

死而後已

士不可以不弘毅，任重而道遠。

仁以為己任，不亦重乎﹖死而後已，不亦遠乎﹖

溫家寶解釋，這幾句說話，意思是說，曾蔭權為港人福祉，以及為港人謀利益的責任十分重大，他要為香港人的繁榮隱定，獻出自己的一切，直到生命最後一刻，這條路非常遙遠，這就是任重道遠的含意。(明報)

與其等人為自己獻出一切, 不如自己為自己獻出一切.

我要為自己充實和快樂的人生努力, 死而後已.

蛋糕咖啡

閑逛一陣, 我哋去tea...Ali Oli Bakery Cafe.

我最鍾意睇嘢食, 原本只諗住睇下d靚麵包, 靚cake, 點知, 實在太吸引, 最後決定都係...食! 麵包好味, 有raisin, 有seeds, yummy. 叫咗三款cake: chocolate decadence cake, mango cheese cake和bannoffie pie. 最正係bannoffie pie, 白色好似cream狀ge物體好滑, 唔太甜, 加上香蕉, 同埋厚厚ge麥維他消化餅底, 簡直係絕配, 仲好味過個chocolate cake.

悠悠閑閑地飲杯茶, 食件餅, 傾下偈...放假, 仲想點?

桂林米粉

星期六去了西貢走走, 不, 其實係食食至啱. 第一站係龍記桂林米粉, 其特色係中藥豬骨湯底. 雖然話中藥底, 但一d都唔藥, 仲幾好飲tim. 米粉都好味, 爽滑可口. 可以一餸, 雙併, 三併, 四併, 總之, 自由配搭. 我選了墨魚丸, 韮菜餃, 生菜. 聽講話牛mug牛mug都好好味, 我唔食牛, 無試到. 三併, $24, 便宜la. 謝謝J和T的介紹.

乒乒乓乓

與G乒乓一小時...haa, 球技(自己)比想像中出色. 運動細胞仍然相當活躍!!!

都喜歡睇乒乓比賽, 球來球往, 好快, 好刺激. 其實, 打乒乓波都不容易, 既剛且柔, 太細力就唔過網, 太大力又會離枱. 雖然活動範圍唔大, 走動好似唔多, 但可能速度快, 要好集中, 向前向後, 向左向右, 都幾攰. 攰, 即係消耗熱量, 好!!!

一個解脫

接到一個令人唔開心ge消息...

唔知應該講什麼安慰說話, 只希望她好好保重. 如果問題解決不了, 這個結果, 對她, 對她們, 會是一個解脫嗎?

仍然有d沈重!

不妨一試

多謝bt的推介! http://fate.sunfate.com/New_10YearLove/10YearLove.asp

我仲試咗八字愛情童話, 單身密碼大解析和塔羅牌. 結果如下:

童話角色: 任勞任怨的灰姑娘【慈悲寬厚，菩薩心腸】
<<仙履奇緣>>講述著一位善良女孩，受到繼母與姊姊的虐待，最後受到仙女幫助，終於與王子過著幸福日子的故事。如同故事裡的灰姑娘，妳行事低調、不喜歡出風頭。妳有著一顆溫暖包容的心，即使對方曾經令妳傷心，妳也會在事過境遷之後原諒對方，不會耿耿於懷。相較於物質生活上的追求，妳更重視精神層面的充實與自在，因此，對於世俗名利往往選擇淡然處之。
你欣賞～【勇於冒險，攀上魔豆的傑克】
勇於闖出自己的一片天，沈著應付各種挑戰的男性，最令妳欣賞。白手起家的男性，尤其令妳印象深刻。所以，勇敢攀上魔豆冒險的傑克，與妳最速配！

社交生活越精采，熱鬧過後更落寞；想要抗拒誘惑，卻也不甘寂寞。
獨自一個人的時候，總是感到孤單；兩個人的時候，卻開始懷念自由。也曾經想過隨便找個對象作伴，但事到臨頭，卻仍舊無法從中獲得真正的"幸福感"。 經常對感情產生懷疑，是單身的妳，感到寂寞的最大原因。
寂寞孤單指數: ★★★★
消極暗戀指數: ★★★
錯失良緣指數: ★★★

你抽到的是 << 隱士>> 正位
你在平時對任何事都可以侃侃而談，但唯獨遇到感情這方面的事情，你就整個人畏畏縮縮的，你是一個愛在心裡口難開的人，處理感情的態度是既小心又謹慎，在喜歡的人面前是不會輕易表現愛慕之意，你總是將把這份愛意藏在心底深處。

緣慳一面

諗住睇0950 ge戇豆放大假, 點知買唔到飛, 白行一趟, no, 白行半趟, 因為我可以搭返循環線巴士返屋企. B, 要你都白行一場, 唔好意思. 我哋付出咗精神和時間, mr bean, 一定非看你不可!!!

假期, 梗係出去逛逛, 增加exposure嘛. 行下MK, 左hea右hea, 都好似去咗旅行一樣. 祝F一路順風, 旅途愉快, 滿載而歸!

黑色苦茶

開始第一日ge假期...起身都一點lu, 睇完午間新聞就刷牙洗面.

噚晚飲埋黑色苦茶, 希望痱滋可以快d好番la. 可能係清熱ge苦茶, 搞到我瀉咗幾次. 呀, 定係食咗嗰四杯雪糕出事呢?

活動花絮

上車...出發lu!探訪鎮園之寶...貝貝!
貝貝...睇唔到個頭wor!
另一邊, 清楚見到佢擘大口!
開始行lu...總之盡量殿後!
其他人仲好留心!
可以逐瓣食, 好似橙 ge朱古力!
入去觀鳥...shh!
有雀飛過!

多謝anutie...yummy!
浮下浮下...
其中五道菜, 唔錯!
第二場...
留我做個垃圾, 長留戀於你家......
五十億年前係塵, 五十億年後係地球...

靚花花...
再嘈, 插你對眼!
靚蝴蝶...