happy every day

今晚原本有d計劃, 不過, 因為狀態不佳, 都係留係屋企好. 靜都有靜ge好, 或者陣間可以做個self-evaluation, 可以諗諗未來ge目標, 可以爭取最後ge時間抖抖...要知道我2號就開工lu!

處決了...善有善報, 惡有惡報, 若然不報, 時辰未到.

你該做的是知道怎麼好好愛自己, 讓自己趨於完整, 而不是尋找一個人來填補你內在的空虛.
你就是你自己永恆的愛人, 至於他, 不過是偶然路過你的生命而已. (多謝F送我朵朵小語!)

保重身子

哎呀, 今日居然要午睡, 因為突然間覺得好凍, 好攰. 唉, 病病地係咁gala, 希望只係每月一次ge身子孱弱la.

咁又一年lu...感受最深係要小心身體. 仍然記得躺在床上抽組織的感覺...好無助, 有一種任人擺佈的感覺, 我明白點解有d病人會因為維護個人尊嚴而要求安樂死(雖然誇咗d, 但真係當時感受!). 能夠擁有健康的身體, 能夠打理自己的身體, 已經是好幸福, 其他的不如意也不是什麼大事. 有時候, 故意ge頭腦簡單反而係大智慧. 工作, 盡力而為好了. 不要為自己加添無謂ge壓力. 始終係凡人, 壓力就算無mentally或spiritually影響自己, 好實在, 自己可能已經physically中招.

眾姊妹, 遇上好人的話, 也要爭取機會發展發展. 我樂意手執葵扇...吹呀吹, 讓這風吹, hehehehe!

別要病倒

唉, 勁流鼻水啊, 有d驚wor...唔好病呀!

陪爸爸覆診, 情況幾理想. 難得放假可以跟住去, 一定爭取機會. 雖然唔多了解, 但起碼會知道一d, 更重要, 讓爸爸知道我們支持佢, 陪住佢. 我唔想再重蹈覆轍, 到真係大件事才知道存在問題. 始終, 父母年紀大了, 身體有毛病係在所難免, 佢哋可能唔識得講, 或者唔想講俾仔女聽, 我哋就應該主動去了解. um, 希望大家的父母都身體健康!

今日原本擺個陣準備開工, 唉, 實在仍然未有mood, 全日只能夠完成五份. 我明白無必要內疚, 不過, 諗到"今日唔做, 聽日都要做番", 又會感到少少不安. 無辦法la, 做得幾多得幾多la, 總會完成ge, 比起之前兩年已經好好多lu.

仲係流得好厲害呀...媽咪話我把聲有d變喇......god bless me.

1227姐妹工程

又完成一項姐妹工程! 開始ge時候, 擔心無粉紅色衫; 噚日, 就擔心會忙中有錯而有負新娘子所託. 不過, 整個過程都係開心ge, 因為可以分享朋友的甜蜜和喜悅, 又可以奉旨扮靚, 話晒都花樣年華ga ma. hehe, 開門利是最叫人開心, 不但足夠補貼set頭, 仲夠食餐飯tim.

迎接賓客期間, 我同B偷閑淺嚐一下紅酒(F, 有埋你, 我哋就可以扮落pub la!). 其實也知道自己酒量極差, 飲少少就會微wing, 不過, 難得同B對酒, 梗係珍惜機會la. 稍嫌晚宴場地較吊腳, 好在有個好人車我哋. 如果一早在九龍塘放低我哋, 應該可以早半個鐘返到屋企. 算la, 無理由再嫌三嫌四ge. 應該感恩.

水晶聖誕樹

保齡之後, 去又一城睇下聖誕樹. wow, 聖誕樹閃亮亮, 亮晶晶, 晶瑩瑩, 好靚啊. 去queen's cafe, 我叫ge玫瑰翡翠焗石斑, 真係有玫瑰味, 真係有玫瑰伴碟, 得意. 唉, 原本話今晚唔好食咁飽, 話晒聽日做姐妹, 唔靚d, 都fit d 吖, 不過......仲有五個鐘瞓, 希望狀態好d la!

bowling bowling

(圖1及2, 第一個K係我, 成績麻麻la, 不過, 都有兩個全中; 圖3, 第一及五次係我打ge, 都中九個ga.)

十幾年無bowling bowling, 技術水平還是有待提升. 如果有多d時間練習, 我ge表現一定更好. 記得中學時代"碌ling"的機會較多, 因為探姨媽ge時候, 都會同表姐妹玩幾局, 之後, 無玩過lu. 其實對球例等等, 一竅不通, 只知道將個波碌向前, 盡量打中所有樽為止. 都好玩, 不過, 都係鍾意唱K多d.

南丫一遊

去咗南丫島度聖誕. 我們先去榕樹灣, 在市集食個lunch, 再向索罟灣方向逛. 沿路有d小店, 不過同亞L一齊, 唔駛睇la. 再走...沙灘la, 家樂徑la, 最後食埋個海鮮...完成南丫島行程. 最辛苦係L媽, 不時要抱住頑皮L, 好攰ga! 最後一段路, L終於捱唔住瞓著咗, 嘩, 我幫手抱一陣, 超吃力. 已經不再係bb, 係一個人仔lu. 懷念以前任你搓圓弄扁ge LL. 宜家, 佢總有自己一套, 倔強, 不受操控. 這就是成長的代價吧. L, 願你有快樂, 豐盛的人生.

我幾鍾意南丫島, 有離島風情, 寧靜, 樸實. 除咗三支煙囪之外, 風采發電站也算是地標之一. 唔知點解, 見到這種風車, 總會覺得好瀟灑, 好有型. 其實, 風力可以發幾多電呢?

聖誕大餐

平安夜

merry xmas!!!

爸媽有節目, 我就邀請好友到寒舍小聚, 歡度溫馨ge平安夜. 大家一齊炮製聖誕大餐, 雖然味道比唔上六星級食肆, 但我哋創意無限, 本來平平無奇的食材, 都變得甚有特色, 似模似樣. 唉, 又多一樣優點tim...

平安夜應該係平平安安ge, 安坐家中, 與好友食飯, 談天說地, 已經是很好的節目...我享受.

願你每一天都平安.

自製月曆

有時間, 不如整個月曆俾自己, 好好迎接2007年.

http://www.pic-up.net/cal/calendar.php (多謝G提供資料!)

綠加藍

睜開眼睛, 看見的就是藍藍的天空, 然後想想去邊度行下. 感覺幸福.

食完早餐, 上網, 第一次同時間分別跟三個人msn. 一個中環, 一個九龍塘, 一個manchester, 只要好好運用, 電腦的確可以拉近人ge距離. 當然, 心, 還是最重要!

為了不辜負這樣好的天氣, 終於, 我去了...馬鞍山公園. 在草地上, 同亞L踢波, 跑來跑去. 平時好少時間陪佢出去玩, 放假就要爭取機會. 幾鍾意這個地方, 有任踩ge草地, 可以望海, 見到好多綠色和藍色, 好舒服.

迎接假期

終於開始喇!

今日ge派對...從未如此掃興過. 或者, 大家都有唔啱, 不過, 緣份無得強求, 順其自然la. 見到d ex-clients反而仲開心.

爭取時間休息, 玩耍, 收拾書枱, 收拾衣櫃. 工作, 盡量la.

願你也有個好假期.

拍照5

終於還袍lu...交還前ge一刻, 將件袍同帽鋪在草地上, 加上自己ge影子, "yeah"影番張相, 為整輯畢業照劃上句號! 冬日下, 在校園輕輕鬆鬆地閑逛, 好舒服. pth之前, 享受一客西多士, 準備一下篇章和短講的內容...可以這樣從容不迫, 幾好...以後可以繼續這樣從容不迫, 仲好!

hehe, 越來越喜歡坐草地, 覺得好學院, 好青春.

過埋聽日, 可以抖抖喇......

中期收爐

last two days la!

等放假...期待新開始, 然後重新開始.

多謝同事, 多謝大姑媽同我影相. 今日ge$40都俾得抵d.

風雲人物

欣賞下我條頸巾la!

件袍要租多兩日...打電話去問, 一個職員話五點前還, 點知其實四點半就收工. 喂, 要我白行一趟, 兼累我租多兩日, 罰$120 ga! 唉, 好la, 話唔捨得, 即刻可以擁有多幾日, "幾好" >.<

今日又有d激氣事...知道係唔值得, 不過, 就係中正盲點, 始終忍唔住. 可能係我唔啱, 將佢哋同往日ge比較. 可能係我貪心, 總希望佢哋好似往日ge對我那樣好.

其實朝早ge心情都好好, 就係這一點點不順利, 搞到今日總係差dd...

FORGET IT!!! 能夠當選"person of the year", 算la ^o^.

天人合一

雖然, 早d去可能會無咁背光, 但宜家反而有d特別!

唔捨得件袍tim......

拍照4

多謝G帶住病同我影相, 希望今日曬一曬, 出一身汗, 你就可以早日康復. 還要多謝你的溫暖牌頸巾, 迷彩圖案+廿年友誼, super!!! 暫時最鍾意這張相, 完全係我哋以前照相ge pose. 影ge時候唔覺, 影完就即刻記起. 不知不覺......

天氣好好...藍藍天空高掛我的夢.

拍照3

天氣都算唔錯, thank god. 我哋影咗成三個鐘, 在香港公園裡面走來走去, 都幾攰呀! 這兩年, 一邊工作, 一邊讀書, 交功課的時候, 的確幾辛苦. 好lor, 總算捱過lor...congratulations!!!

記起當年undergrad ge時候, 我哋幾個中學同學都有去香港公園影相. 可惜, 我部相機居然失靈, d相全部模模糊糊, 叫人失望. 幸好, 都有其他相機補飛. 想不到若干年後, 再度重臨舊地. 今次d相都幾靚. 相靚, 人靚!

錦上添花

放心...15度, 都夠暖. 希望明天有太陽la, 有下一場畢業照啊.

嫁個有錢人, 老公又有錢, 又錫自己, 的確幾令人羨慕. 世界還有幾多個這樣的童話呢? 這是命水和緣份的問題. 可以有緣相遇, 有緣相識, 就是無緣相愛, 可能就是無命水去擁有這段緣份. anyway, 見到有情人終成眷屬, 的確特別開心. "億元婚禮"的重點應該係婚禮, "億元"只不過係錦上添花.

多謝An請食餅...請多d賺多d. 好, 下次要輪到我喇.

媽咪送了第一份xmas gift俾我...就係barbie毛毛被. 溫暖, 身和心.

十年

終於凍喇! 會凍幾耐呢? 唔駛擔心, 長大了, 唔會再凍到喊.

just 3 working days to go jar...xmas holidays! 雖然話要玩盡d, 不過起碼有3疊X喺手, 始終有d負擔>.<都要盡力而玩. 光陰似箭, 日月如梭, 假期瞬間即逝, 珍惜!

前晚夢到舒利亞會嚟香港...原來係麥馬拿文訪港至真. 記得96年淋住雨喺大球場睇英格蘭對好易通, 後面ge foreigner打氣嗌"go go England", "go go Steve". 足足十年lu, 當時舒利亞都未係必然正選, 到歐洲國家盃, 老舒就大放異彩, 成為神射手, 厲害厲害.

我每一個十年......

畢業照

多謝C送ge迷彩鉛芯筆, 跟你的豹紋襯到絕.

原本plan咗今日又影下相, 不過, 天氣差, 延遲lor...希望之後好天la. 其實, 開頭無打算影咁多, 總覺得今次畢業只係一件小事, 始終不及undergrad咁重要, 咁刻骨銘心. 不過, 既然俾咗錢租, 不如影盡d la, 而影ge過程當中, 又的確幾開心. 趁青春, 留倩影嘛, 跟好朋友留多d歡樂美好ge回憶. 好想同S和A影ga, 不過要你哋兩個媽咪山長水遠入嚟, 又打擾咗d.

睇番同爸爸媽咪影ge相, 佢哋笑得好開心. 你快樂, 所以我快樂. 之前ge辛苦, 都係值得ge!

1213, 我想起南京大屠殺. 如果我係當時ge南京人民, 我會點呢? 現在的所謂煩惱都變得微不足道. 更要珍惜, 更要感恩. 祝願世界和平.

日出光滿天

兩面睇la...係要調節心態ge. 不過, 如果想過得開心d, 如果想過得有意義d, "唯有積極"都係另外ge辦法. 既然自己身在其中, 我就更加不要心如止水; 既然大前提都係想將事情做好, 我就會嘗試繼續合作. 唉, 當然更希望對方自動自覺la! 仍然會做番自己ge本份, 因為我要問心無愧.

我有我天地...工作只係人生的一小部分, 生活還應該有其他其他......

振作

星期一...自然疲倦!

工作仍然堆積如山, 不過, 唔會迫自己一筆清. 一來, 根本無可能; 二來, 就算清完, "d工作係會繼續嚟". 盡力而為la!

同一號開會, 感覺ok ge. 我會反思, 最重要, 希望有關方面都反思. 其實, 的確覺得自己馬虎過以前, 覺得dd有心無力. 唔知呢, 宜家想快d有新開始, 希望2007年係好開始. 再度燃燒!!!

今晚亞L請食飯, 慶祝姑媽畢業, 多謝. L, 記得以後要還番D飯錢俾媽咪啊!

拍照2

之後有第二場...同B和F進駐cu.

可能太陽伯伯趕住收工, 稍嫌光線不足. 只係喺cc未圓湖一帶活動, 我哋喺草地上瞓下, 跑下, 跳下, 喺大樹下自拍下, 一樣影得投入, 影得開心. B, 出年到你lu wor!

分手前, 我哋kushi kushi(救心). 好, 再努力一陣, 又可以玩喇.

hehe, 唔駛食朱古力, 一樣心甜...當然, 有, 就更好la. 謝謝>3<

拍照1

多謝K, 及J, T, 小A一家三口同我影相, 分享我的喜悅.

我哋揀咗中央公園, 除咗地點方便之外, 我哋仲可以重溫許久以前(form 3), 在這裡拍照留倩影的情懷. 仍然有瀑布, 有拱橋; 仍然有我哋幾個好姐妹! 咁又咁多年lu...forever young.

特別多謝T...每張相都要影3次, 的確煩咗d.

中途見到一對男女旁若無人的當眾親熱. 本想post佢哋ge照片, 但為免污染我ge網誌, 都係決定打消這個念頭. 唉, 光天化日之下......

happy graduation

graduation monkey終於可以跳出包裝袋lu, 佢笑得好開心:p :p :p :p :p

美麗鮮花, 可以係人送ge; 花樣年華, 要靠自己創造.

抖抖抖

這個星期終於完lu (~.~)! 唔係話好辛苦, 不過, 真係衝衝衝, 有d攰lor. 星期一至星期五, 除咗噚日去發展, 可以遲d起身, 喺屋企都仲係天光之外, 其餘每朝都天未光就出門口, 天黑才返到屋企...好似變番初出道時候, 早出晚歸咁樣. 算la, 準備中期結算, 係辛苦d ga lu, 好, 捱埋佢!!! 未來兩日, 抖抖抖.

宜家有少少緊張, 唔知聽日會點呢?

多謝bt請食餅...祝你長請長有.

漢堡包

同C慶祝生日...去到APM, 正懊惱唔知食mug, 壽星女提議食漢堡包, 於是我哋兩個就去了MOS. 這是一間日式漢堡包店, 係整個food court最受歡迎的店, 人最多, 排長龍. 我就覺得都係好普通, 只係個包好味d. 雖然這餐生日飯好似寒酸咗d, 不過, 能夠滿足b'day girl ge生日願望, 我都算做件好事la.

其實, 都想叫埋其他team-mates, 不過......

仍然忙碌

努力...我知終點在望!

忙碌

Good Luck to You

原本諗住今日停稿一天, 實在太忙了.

不過, 我的同事太好lu, 要在此再多謝佢哋. it's really a surprise! 真的開心, 真的感動. 好公平ge, 我機構的確有唔少問題, 但我的好同事就無懈可擊. 等我中勁d ge六合彩la, 我就可以帶埋你哋走.

祝我好運! 祝你都好運!

珍惜每一天

完成唔到自己ge目標, 惟有喺lei幾日努力番la. 宜家真係一放假就唔多想做嘢, 好!!!

凍喇, 著多件衫lu. 之前熱咗太耐, 又覺得自己好似耐寒過以前, 好恨快d凍. 不過, 這兩天出街, 俾d風吹到震震下, 都唔多好受. 我都係鍾意暖d, 20度會啱我多d. 聽朝會有幾寒呢? 緊張.

今日去探亞嫲...想到生老病死的問題. 明白這些都是人生必經的階段. 珍惜每一天.

終於大尾篤

可能起身著唔夠衫, 凍親, 有點頭痛. 吃了止痛藥, 希望聽朝起身無事la.

最後改了去大尾篤BBQ...仲好, 近好多嘛. 1227的婚禮, 兄弟姐妹及工作人員的陣容的確鼎盛, 簡直人才濟濟. 不得不佩服A的辦事效率, 要好好學習. 希望真係幫到手la...不過先要諗下粉紅色衫, 有d難度ga.

大尾篤真係幾好. 有海景, 有雲石爐, 雲石櫈, 雲石枱, 有日落鹹蛋黃, 交通也方便. 七年前去過, 計埋我, 四個同事入去踩單車和BBQ. 還記得一邊食一邊飲紅酒, 超寫意. 宜家, 佢哋都已為人父, 已為人母lu. 我呢? 仍然係集可愛和高貴於一身的單身貴族lor!

有好多人都在這裡踩過單車......

又到星期五

上次仲諗SF會唔會去畢業禮, 原來佢26號就生咗lu, 恭喜佢做新媽咪. 越來越多人係工作至最後一刻就生...SF的maternity leave在27號才開始, 同事Y都好似係第一日maternity leave就生lu...都好吖, 十個星期都可以陪住bb, 可以見多幾面.

放工, 見時間尚早, 去新城市走了一轉. 終於見到我ge dream boots, 沒有我ge size, 試38號就大咗d, 算lor, 唔駛買. 其實真係幾鍾意, 不過成千蚊, 唔係咁捨得買; 宜家擺明唔啱, 唔駛再心大心小, 都好! 好多事, 係唔係都要嘗試? 只有試過, 啱又好, 唔啱又好, 人才會心息呢?
行返屋企. 行城門河好舒服...又諗番以前每日行路返學, 行路放學的情景. F6之前, 我哋會5個人夾分坐的士回家, 最記得一句: 唔該轉彎過燈位落, 咁樣的士就唔會跳錶, 每人都只係夾1蚊! 快過和平過搭巴士.
始終想食珍珍薯圈...一邊行一邊食, 輕輕鬆鬆, 優遊自在. 一定要俾d位自己輕鬆下!!!

太平飽飽

去太平館慶祝K的生日. K, 祝你1201生日快樂...終身美麗!

好飽呀! 有湯, 沙律, 瑞士汁肉片炒粉, 瑞士雞翼, 燒乳鴒, 小蛋糕, 熱飲及...人..頭..疏..乎..里! 每次都話減肥, 不過, 每次都一樣叫好多. anyway, 生日飯係應該飽飽ge! 許多好朋友都係12月生日, 仲有節日, 假期, 飲宴, 一定成日出街食飯lu. 小心小心.

本應想買對boots, 卻遇不上我的目標. 慳番d lor. 見到好多金色ge衫, 鞋, accessories...都想一一擁有...不過銀兩有限. 無可否認, 宜家係鍾意金色, 盲目地喜歡金色. 不過, 請注意, 只限於顏色, 要送禮物ge話, 我都係鍾意鑽石多d.

咁都得

最後幾個都出戰喇! 唔駛再練喇! 雖然唔係出好多力, 不過都付出唔少時間ga ma...心情輕鬆唔少, 本應想買包珍珍薯圈獎勵自己, 可惜, 沿路走了幾間7-11和ok都見唔到. 算la, 慳番d卡路里!

宜家d人真係好自我中心. 我機構對面ge民居, 竟然有人寫信兼影埋相俾一號, 請佢考慮轉換外牆ge顏色, 因為白色太反光, 令他們朝早飽受"反射之苦".

唉, mug嘢事都可以發生......

開始聖誕佈置lu

一返屋企...wow, 媽咪已經佈置聖誕lu. 好似早咗d, 不過, 快d有節日氣氛都好. 聖誕樹係聲控ge, 大聲叫或大力拍手就會著燈, 亞L不斷嗌佢識得ge人...爺爺, 嫲嫲, 姑媽, 媽媽, 爸爸, TY, HC, 哥哥...佢好開心, 見到佢開心, 我哋都好開心!

明明好攰, 返屋企之後, 輕鬆好多, 放鬆好多. 我愛我的家!!!

講真, 少了時間空間同你哋溝通, 都有d唔開心ga. 仲有, 見到d clients呆呆滯滯, 都好懊惱, 已經好盡力去做, 許多仍然打盹, 心不在焉...我要再反省嗎?

肝鬱

這是上次講肝鬱ge剪報, click大d嚟睇, 參考參考.

今日都有d鬱>.< ...去博物館, 因為有一group人被安排參加導賞團, 他們於是無mug咗時間睇應該睇ge嘢. 我驚佢哋無得睇, 就逐塊展板影相, 希望佢哋點都有d嘢睇番la. 最後真係只剩五分鐘, 不少人已經嗌晒, 有兩個一邊趕住抄資料一邊嘈. 我好聲好氣講: "唔駛抄喇, 已經影咗相, 不如趕快看看其他展品la"" 這兩個人唔啋我不特止, 仲黑住面走開. 我罄喇...叫佢哋返轉頭, 問佢哋做mug咁ge態度. 佢哋狡辯話唔知我同佢哋講, 好自然, 我話"對唔住lor, 無嗌你哋名同你哋講嘢", 然後即刻走. 宜家反省, 我覺得自己無好好控制情緒, 不過, 當時真係好嬲好嬲. 我最憎人無端端俾黑面我睇, 我無做錯事wor. 我諗我因為這件事起碼鬱咗30分鐘.

以前覺得你對人好, 人就一定對自己好. 工作多年, 其中一個深刻體會係以上看法其實只是自己一廂情願. 要慢慢學習, 自己一心一意為人付出, 別人不領情, 也不要失望和上心. 總之, 我問心無愧.

其實咁樣算唔算斤斤計較呢?

藍天與白雲

整個星期陰陰沈沈, 今日算係最長時間好天ge一日lu. 有個藍天, 有d一笪笪ge雲. 其實我最憎這種雲, 不過, 好耐未見過白雲lu...照殺la, 一樣有開心ge感覺.

忽然又見到飛機飛過...假期...旅行...希望暑假真係可以去法國la.