桃花盛放

與L同樂

跟L玩了大半天! 有靜有動, 活動全面.

在家砌lego...這些lego是我和他的爸爸的兒時玩具. 許多年沒有碰過這些積木, 今天砌砌砌, 竟然欲罷不能. 仍然喜歡建洋房, 仍然享受砌lego的樂趣! 左起: 爺爺, L, 姑媽.

花了差不多一小時砌這幢中古時代建築物!

到公園踢球和踏單車...需要付出不少力氣, 現在還有點疲累!!! 頗欣賞L的腳法...hee, 希望他能成為黃金左腳!

pizza express 2

高興又可以一聚! 多謝你選pizza express, 我又可以試下個新menu. 這是新菜色...焗蘑菇baked mushrooms. 蘑菇釀入mozzarella芝士, genovese香草汁和白汁.($58)
其實唔識食cheese, 我估兩款蘑菇面的芝士都一樣. 不過, 左邊的芝士較軟身, 味道淡一點. 右邊的, 可能焗耐d, 質感較硬, 混合了香草汁, 味道濃一點, 鹹一點.

parma帕爾馬薄餅($120)...prosciutto ham, ricotta芝士, parmesan芝士配以混入parmesan及rosemary的大麥糊餅底(polenta base).

薄薄的火腿, 好似好多, 但一點也不膩.
未有菜wor, 所以叫了這個蔬菜千層寬麵lasagne giardiniera($98). layers of spinach pasta filled with grilled peppers, broccoli, mushrooms, courgettes翠玉瓜, aubergine茄子 and bechamel sauce白汁.不能忽略的甜品...banoffee tortino芭樂菲果撻($45). italian tart baked with banana, almond, caramel and marsala wine sauce finished with mascarpone.
真係好好味, 是這裡最好味的甜品!

點點懷念那一年我們去NZ, 睇螢火蟲, 住farm house, 爬冰川......

煎釀三寶

會合E之前, 有點餓. 本來想食串燒賣, 但見到煎釀三寶, $5四件, 即刻忍唔住. 宜家更注意飲食, 常常諗自己夠唔夠蔬菜, 所以選了兩件青椒, 兩件茄子, 希望有d補充la. 連食嘢都多咗考慮, 好似有d壓力lor. 根據我的卡路里表, 五件煎釀三寶有219kcal. 我食四件, ok la.

何謂特累

特級疲累是也. 可能因為星期五, 可能因為連續幾日五點九就自然醒. 雖然我都六點起床, 但瞓多十五分鐘好好多lor. lunch之後, 都忍不住要伏一伏, 抖一抖. 就算好心人請我食粒godiva, 都只能一刻興奮開心, 之後還是沈下沈下. 直至三點九, 小妹才再精神一點. 好, 又過一個星期!

只要習慣

今日12度, 唔凍. 凍慣咗就唔凍.

痛, 唔緊要. 痛多幾次, 痛慣咗就唔痛.

凍和痛, 其實都係好事.

有好過無

真係共享經濟成果? 共渡過時艱, 宜家有得減稅, 退稅, 免差餉, 雖然數目不大, 但都樂意照單全收ge. 其實無認真留意整份預算案, 聽日要睇番d報紙至得.

1. 向繳納薪俸稅的納稅人一次過寬減75%的薪俸稅及個人入息課稅，上限為25,000元。
2. 寬免2008至09年度全年的差餉，以每戶每季5,000元為上限。
3. 向每個電力住宅用戶戶口提供1,800元的電費補貼，電費將會從該筆錢按月扣除，直至扣完為止。

我想吃糖

希望財爺派ge糖合我心意la. 甜甜蜜蜜, 個個都想ga! 皆大歡喜最好.

告一段落

藥, 還有一次. 希望真的可以告一段落.

這一生也在進取, 這分鐘卻掛念誰......越聽越好聽, 好感動.

雨絲來過

你的雨絲情愁, 我的聽說愛情回來過......

http://www.haoting.com/htmusic/25064ht.htm

終於等到

星期六, ot日, 後日可以休息, 算la.

我的clients開始搏殺喇, 可以見少佢哋幾面. 太好了!!!

離開, 其實係另一個害怕的開始.

另一佳品

今年收到許多美味曲奇，太好了！

喜歡的, 已經擁有不少. 少一個唔少.

http://www.haoting.com/htmusic/101580ht.htm

兩個記招

兩個截然不同的記招:

i would like to apologise...i am sorry...

因為無私, 所以能夠坦蕩, 能夠磊落.

壽司棒糖

美麗的壽司棒棒糖. 好喜歡, 謝謝.L願意做模特兒, 卻輕描淡寫說, 唔好影到我個樣. 難道佢知道這張相的用途?

花花世界

覆診之後

覆診之後, 自然浮起...我不要做弱質病人...我只想身體健康......

再俾d時間自己, 仍然無改善, 才考慮那些治標方法吧.

以後唔帶書, 唔帶報紙, 限時五分鐘.

http://www.union.org

not bad news

唔緊要la, 我哋遲d再去, 俾多d時間d yen變番平d!

星期六行上萬佛寺, 可能走斜路, 小腿扯得好緊, 宜家仲有少少抽住痛. 我要做番多d運動!!!

唉, 只不過開工幾日, 舊疾又復發. 緊張? 我心情ok, 但身體真係有所影響lor. 煩.

朱力新地

多謝俾埋d朱古力醬我.

又峰壽司

今日1230去峰壽司, 等十分鐘咋! 太喜歡sushi喇, 雖然跟之前重複, 都要post出嚟, 令自己開心d!!!

三文魚($9)

玉子($9)

峰蝦($20)

海膽($25)及北寄貝沙律($12)

腐皮($9)

峰鰻魚($25)
有筷子咁厚 !
芝士薯蓉($20)
細細粒, 好好味.

百瀧晚餐

214已經想去百瀧, 掛念番茄湯, 掛念心太軟. 多謝我的好姊妹...知道我鍾意和想食, 就處處為我著想, 所以K完之後, 我哋就去百瀧食飯.

鮮蝦蕃茄石窩湯($35)...酸酸地, 濃濃的蕃茄味, 熱烘烘, yummy.
石燒鮮蝦帶子墨汁意大利飯($72)...雖然盛在石窩上, 黑鼆鼆, 看不清楚賣相.
不過, 好好味啊! 雖然石燒, 好似石頭窩飯, 但用了墨汁, 濕濕地, 唔會好乾好硬. 裡面有蝦和帶子, 又有紅椒, 翠玉瓜, 茄子, 各種粒粒, 加埋少少沙律菜, 多d口感. 好重要, 面頭有幾片薄薄芝士, 好香, 豐富了清淡的味道. 我覺得比其他pasta好.
我的甜品是特濃朱古力雪糕蛋糕($38)...我想試特濃蛋糕, 結果, 蛋糕只是莎莉蛋糕的同類. 雪糕是咖啡和vanilla, 少少失望, 應該有朱力雪糕嘛!
K的甜品是熱情朱古力布甸($38)...今次做得很好, 焗得脹卜卜, 又無爆開, 一落匙羹, 熱辣辣的朱古力醬不斷流出, 加埋雪糕, 一凍一熱, 美味程度, 可想而知!!!

我幾鍾意這裡的食品, 正中我的口味, 又有八五折card. 不過, openrice就惡評如潮.