公和小吃

食完齋, 出去唱個K...不要讓我一敗塗地, 輸得更多woo......

返屋企前, 打算再坐坐, 就去公和歇一歇. 其實幾鍾意吃豆腐, 唉, 宜家食少好多啊. 雖然沒有飲豆漿和食豆腐花, 但都點了兩款有豆腐的小吃.

第一款是炸芝士豆腐雲吞($15)...雲吞裡面係豆腐, 芝士好少好少. 幾得意, 不過, 油咗d.

第二款是煎釀東江豆腐($12)...豆腐係幾滑, 魚肉就值錢lu. 原本想食生菜魚肉, 點知老細話鯪魚肉貴咗, 唔賣. 宜家有四小塊喺面, 無加價, haa, 我抵咗.

萬佛齋菜

噚日太攰, 雖然照樣浮游網海, 但居然忘記了這個blog...第一次!!!


為咗揾路行下, 活動下, 結果上了萬佛寺...食齋. 都係食為先! 芋頭魚超好味, 永無失手. 羅漢齋就蚊咗d, 好似其他菜色吸引d. 宜家每位$50, 可叫一餸, 粥飯任添.

友情慶節

多謝蜜糖1號又陪我度過一個情人節! 祝快快可以四人或六人(加埋J & T)一切自家慶祝, 唔駛食埋d一式一樣ge套餐...simply thai.

starter...soft shell crab rice paper rolls / fresh mango rice paper rolls / merr-go-round mini crisp tarlets. soup...double boiled shark's fin soup with crabmeat and chicken in a young coconut.main dish (1)...swimming in pairs ~ grilled sea bass and salmon with fresh baked coconut cheese broccoli.
main dish (2)...thai grilled lobster with herb crust infused with thai lemongrass, turmeric and ginger rice.
dessert...bling bling chocolate plate -- cocoa jewellery box with cocoa jewellery.
souvenior...lindt chocolate.
找數$500! 以後這些日子, 我會叫人提前慶祝, 或者屋企搞掂. 錢, 可以用得更有價值ge!

不捨初七

噚晚瞓得好舒服, 好溫暖!!! 不過, 聽日又要早起lu >.< !

我要努力, 因為完成唔到目標, 唯有之後急起直追.

期待319!

豐收初六

跟各好姐妹見面拜年, 好開心, 感覺溫馨!!! 收穫甚豐...收到你們的利是特別歡喜, hee, 利利是是嘛! 我和L一齊多謝大家!!! 我會努力...向更多人拜年, 分分鐘出年無得逗, 仲要俾ga嘛. 如果有埋大姑媽, 我哋香港區就齊人lu. 唔知加拿大的C和新加坡的X宜家點呢?

飽唱初五

年初五喇!!! 還有兩天就要開工大吉喇! 今日, 預先見下幾位美女同事. 好多謝你們分別請食lunch, 請唱K和派大利是. haa, 我是大贏家...對, 其實能夠認識你們, 我已經是大贏家.

lunch地方是珀麗酒店(rosedale)33樓的skyzone. refreshing & healthy buffet lunch($118)...自助沙拉, 餐湯及甜品, 另有三款主菜選擇. 下面是我自取的一碟, 超喜歡parma ham, 捲著蜜瓜, 少少意大利醋, 真係好美味! 其中一道主菜...grilled sirloin steak with roasted vegetables & red wine sauce.
我選了這個...pan-fried sea bass fillet with miso butter sauce. 我記得之前吃過一款魚, 肉質好滑, 外脆內軟, 所以今次encore.
不過, 今次有少少失望, 魚肉不及上次嫩滑, 可能是另一種魚吧.
甜品有兩款蛋糕, 有麵包布丁, 有紅豆沙, 雪糕, 還有這個綠茶奶凍.

跟住去咗糖街ceo, 我覺得這盞燈幾靚.
媽咪見到這張相都話: 快d換咗部電話la, 你嗰部幾豬標! 我覺得我的手機夠特別就真!

http://www.rosedale.com.hk/en/dining/skyzone.php

咖哩初四

跟咗幾個ex-clients去重慶大廈lunch. 其實之前都同d姐妹去過, 不過今次試另一間. 傾下讀書ge嘢, 講下藝人不雅照片事件, 我哋一坐就三個鐘. 我覺得佢哋真係好乖, 好有心, 真係好抵錫.
首先叫飲品...lassi dilkhush($13)及mango lassi($20), 前者是原味乳酪, 後者有芒果味(無影相). 這是prawn masala($58), 除了十足的香草味之外, 它的辣味都較厲害, 味道較濃.aloo paratha($18)...有薯仔的薄餅, 蘸咖哩汁最好!
這是bhindi masala($35)...一種長條型的豆, 口感滑滑地, 加洋蔥, 青椒, 是一款素菜.tandoori mixed grill($65)...印式烤煮方法, 有魚, 有雞, 有不知是什麼肉的香腸. 我就稍嫌太乾身, 肉質有點硬.
garlic nan($14)...nan就是常見的印度薄餅, 加garlic, 特別香. 其實我哋都有叫黃薑飯, 不過, 我都係鍾意nan蘸咖哩汁多d.
chicken tikka masala($46)...最後上的一道菜, 可能飽了幾分, 可能都係差不多ge咖哩, 所以覺得無mug特別.
可以咬下這些香草, 去除口腔的咖哩味. 不過, 我會揀食香口膠多d!

回暖初三

到我出動同d好姊妹拜年lu... 有太陽, 稍稍回暖, 所以特意走走城門河. 冬日陽光, 特別溫柔可愛!!! 行過中央公園, 見到幾隻福娃, 其實佢哋都幾得意. 終於2008, 終於北京奧運lu.












跟J拜年, 想不到有意外節目...見識那些藝人不雅照片. 唔講疑似喇, 根本就呼之欲出. 搞咩呀? 只可以話, 早知今日, 何必當初! 當然, 我哋ge重點始終係拜年. 收了人家多年的利是, 始終有d唔好意思, 好, 我努力, 希望我擺喜酒快過你擺滿月酒!

美味曲奇

Jenny Bakery的曲奇! 之前食過已覺得超美味, 想不到這個cny可以收到這樣的佳品. 謝謝M姨! 這是一盒四款的4-mix($60). 4味是牛油系列，包括咖啡、鬆牛油、脆牛油及提子燕麥4種口味. 一打開盒就聞到一陣陣咖啡味......
好鬆啊!!! 聽M姨講, 每人限買4盒, 早上9點幾就要排隊攞籌, 佢好似排咗幾日至買夠送禮之用. 我想試埋鳳梨酥, 都好好味wor.
http://www.jennybakery.com/

咁快初二

煲咗兩齣戲...珠光寶戲(priceless)和相思光年. 前者是法國片, 可以延續我對法國的憧憬和嚮往. 後者是韓片, 因為曹承佑而想睇. "十年追逐, 八年等待, 物換星移, 不改對你的思念..."花了十八年, 最後都係唔可以一齊. 愛只是回憶.

今晚L見到我抱住表姨甥小B, 居然唔開心. 好明顯係呷醋la. haa, 證明我都有d份量!

冰冷初一

年初一喇, 希望快d大地回春! 新年進步, 各方面都進步! 要踏實, 不要作過多無謂的遊思妄想. 愛己如愛人, 對人好, 對自己都要好!

豬尾拾趣

團年飯? 前幾晚食咗. 今晚食pizza! 海鮮鮑汁三重芝心批...雖然有三重芝士, 但唔覺得太heavy, 反而有青瓜, 粟米, 少少雞肉, 薄薄鮑片, 清清地, 加埋wasabi汁, 正. L整的小勞作...祝大家鼠年行好運!!! 連環影咗好多張自拍照片...非常健康, 絕對適合各方人士欣賞.

我是大寶

其實想早d起身, 但被窩暖烘烘, 好自然就瞓到11點, 再蜷伏一陣, 12點起床. 原來媽咪已經抹好窗和出街買嘢兩次...覺得自己越來越懶惰, 以前都會幫下手執拾, 陪媽咪辦年貨, 買花等等, 宜家卻mug都懶理. 有爸媽在身邊多好, 有(爸)媽的孩子像個寶!!!

疑似藝人不雅照片事件的啟示...做事要三思, 謹慎, 萬一有什麼差池, 後悔莫及, 抱恨終生!

收拾凌亂

主要工作是執拾房間...勁多信未睇, 書枱超亂, 單是手動碎紙, 都搞咗我成個幾鐘. 還有好多嘢要執, 要清理呢!

聽番好多許志安...那一期的許志安真係幾好!
http://www.haoting.com/htmusic/12538ht.htm

意外收穫

照完腸, 因為清除晒d廢物, 成個人輕晒, 噚晚只有108!

不過, 今日食番嘢開始, 又覺得不斷擺嘢落肚. 個心又d唔舒服...

放鬆心情! 緊張都會有所影響!

triple O

haa, 終於買到條燈芯絨褲. 有富, good!

今晚的團年飯係triple O的burger. 我選了veggie burger combo. 顧名思義, 這個burger是一個素burger. 加薯條和汽水, $63. 其實我只得兩個選擇, 除了veggie burger, 就只有chicken burger. 都ok la, 那塊餡都好味, 好似有d洋蔥, 蘑菇, 糙米...(唔記得其他)做成, 加埋d汁, 生菜, 番茄, 味道幾夾. 我鍾意個包, 微微脆面, 質感鬆軟. 略嫌個burger太大, 首先個口要張得好大, 其次, 好快好飽, 食唔晒d薯條. 之前, d人激讚薯條, 我反而覺得一般, 可能真係太飽, 少吃才會多滋味. 下次去, 應該要share, 應該可以食得更開心.

my good companies的mushroom burgers.http://www.tripleo.com.hk/

事事暢通

噚晚入咗仁安. 不用擔心, 沒有大礙. 長篇故事, 有機會再講.

因為要照腸鏡, 0700, 姑娘就叫我飲一杯瀉水, 之後再飲三大杯水. 晨早飲四杯水, 都幾辛苦. 0845, 再來一次, 更辛苦. 不過, 為準備, 無辦法. 照腸過程, 當我問醫生是否開始注射麻醉藥之後, 我就開始瞓覺lor, 完全唔知發生咩事. ok la, 腸道無mug問題.

大家都知我有XX之苦...希望新一年, 大家都事事暢通la.