懷舊活動

今天好開心, 可以狂唱4小時. 我們唱盡80時代至今的金曲, 快的慢的, 抒情的激盪的, 可以唱, 可以跳, 可以嗌, 太好喇!

一直都好想試星座冰室 . 在美麗華附近走了半個圈, 終於找到!桌椅, 小階磚 ... 充滿懷舊色彩!

紅豆冰($14). 吃慣了雪糕紅豆冰, 覺得淨以糖水為主, 味道有點寡 ...可取的是紅豆都幾大粒, 可以加分 ...
主菜是蕃茄麵. 我們都選了蕃茄湯+炒蛋+出前一丁($23) ...

抱有期望, 卻有少少失望. 開始, 味道尚可, 覺得幾清新, 不過, 出前一丁的湯底幾濃, 蕃茄味越吃越淡, 反而覺得味道越來越鹹. 姐妹, 好懷念小西天的西紅柿麵, 還有韮菜餡餅 ...

不要緊, 要勇於嚐試. 今天, 唱個K, 吃個茶餐廳, 節目好college feel, 覺得自己年輕了, so nice.