大功告成

搞掂喇! 請各位多多指教......

http://ko2007.blogspot.com/

仲未搞掂

唔濟呀, 我整咗成日都只係完成美食篇jar, 仲遇上不少技術問題tim.

好無奈呀!!!!!!!

我回來了

finally back home la...my home sweet home ~3~ 起身ge時候, 正做梗城市論壇, 一邊睇"皇后", 一邊吃美味brunch...保育Vs發展, 程序Vs人情, 如何取得平衡?

結束濟州首爾之行lu. 幾驚自己唔舒服, 噚日又喉嚨痛, 又發熱, 又骨痛...返屋企之後, 飲咗涼茶(媽咪每次都煲定等我返嚟飲>3<), 又一路食住感冒藥, 宜家好好多lor. hooo, 放心d.

一如以往...我哋ge旅程係"行"出嚟ga, 猛烈太陽之下, 上山下海, 從日出走到日落, 係好攰, 但係令人回味. 呀...其實都有d突破, 可能因為濟州ge的士唔貴, 我哋都搭咗好多的士, 次數分分鐘係我喺香港ge總和. 仲有, 我哋又試過借問路為名, 實際博搭順風車為實, haa, 兩次成功tim!

食, 當然無懈可擊la...韓國有關方面, 可以考慮邀請我哋擔任佢哋國家ge美食大使! 餃子, 冷麵, 拌飯, 湯鍋, 炒年糕, 魚生, 烤肉, 糕點, 傳統茶......真係款款都好味wor. 不過, 可能味道辛辣, 最後兩日我都開始喉嚨痛lu. 痛住都食, 證明真係好食lor!

都買到幾件鍾意ge衫, 同埋, 最重要係the face shop ge洗甲水. 想知道the face shop是否在香港全線關閉, 無見過好耐lor. 好多朋友都去過韓國, 所以沒有買許多手信. 下面ge相和分享, 就當係手信送給你們!

撲一個空

盡最後努力, 帶埋凳子排隊, 試下有無得睇清明上河圖, 不過, 有d失望, 都係緣慳一面. 以下有個電子版(出處已無從稽考), 慢慢欣賞補數吧.

http://s661tang.myweb.hinet.net/river.htm

小妹今晚出發喇, 29號再見!

捨不得你

替你開心! 以後, 身心康泰!

不止是同事, 是朋友! 看到你對大家的臨別贈言, 真係有d想喊. 那些情景的確值得我們回味, 懷念和珍惜. 對, 依然存在, 繼續存在!!! 不過, 雖然話仍會再玩再見, 但係, 真係唔捨得ga!!!

以後, 在XXXX, 無你對我噓寒問暖, 無你帶我睇灣仔亞伯, 無你贈我幾句中醫常識, 無你同我講波, 無你俾報紙我睇俾薑茶我飲俾餅乾我食, 無你ge字字珠璣和默默支持......我一定唔多慣, 要慢慢適應.

我會努力gala.

P.S. 以後只要Man U 唔係同紐卡素同場作賽, 我一定幫你支持佢哋.

我放假喇

終於到今日喇!!! 品嚐完1號為我哋準備ge mini lunch buffet, 我哋ge假期正式開始!!!!!

整個人都輕鬆晒...唔駛再衝衝衝(暫時)...搭182返屋企, 悠悠閒閒, so free.

~~我愛假期!~~

執完行李lu. 今次, 希望可以好似d明星咁輕便上機, 所以將背囊都塞入喼裡面, 只要一個薄薄腰bag就搞掂.

聽晚出發喇!

兩個一蚊

收到一個假五蚊! 單睇一面, 摸上手, 都唔覺得有問題. 睇真d, 先知係兩個一蚊. 請看看第三幅相, 兩面都係洋紫荊ga. 點解d人咁奸詐?

最後倒數

今日不斷"執輸"...當日行一善la.

其實, 應該開始執行李lor. 不過, 仲未放假, 未有holiday feel, 執唔落wor.

倒數最後一天!!!

下定決心

L原來中咗流感...無得醫ga, 只有飲多d水, 休息多d, 靠自己打低d病毒. L, 飲水la, 快d好ga!

開始了為期十課的pth course. 盡下力la, 825就考試喇. 真係要惡補, 真係要用功lor.

倒數兩天.

快快康復

這幾天L都唔舒服...噚晚發燒, 入咗醫院. 希望佢快d好番la.

姑媽好心痛呀!!!

溫馨回顧

今日, 2:30-5:30, 足足三個鐘啊. 我的星期日, 就這樣蹉跎了. 算la, 倒數四天!

噚晚睇番黃山之旅ge相...勁鍾意這一張. 爸爸, 媽咪, 我三人一齊睇日出, 一齊迎接朝陽. 我覺得好溫馨, 好溫暖.

**著咗條新裙仔, L見到我, 居然問"你做mug咁著?"...證明亞L平時都好留意我~.~!!!

媽咪偶像

現時天氣: 天晴酷熱局部地區有一兩陣驟雨.

天氣展望: 隨後數天天晴炎熱。

唔想出街, 除咗因為熱之外, 其實真係想抖下...小妹聽日還要開工呢! 原先諗住煲番兩集harry potter, 點知媽咪話想睇華仔...結果就睇番劉華2001年演唱會. 歲月不饒人, 六年前ge劉德華的確後生d. 這個演唱會真係幾好睇, 那一part拉丁舞確係幾吸引, d歌又選得幾好, 勁吸引...我媽咪la, 咁我都鍾意ge. 同媽咪講, 不如11月ge演唱會睇最貴ge飛, 嘩, 媽咪即刻笑逐顏開, 開心興奮程度, 比得上上次隔住電視熒幕睇胡總同劉華握手六秒那一幕.

我都欣賞劉德華...勤奮上進, 努力不懈, 最重要, 媽咪一見佢就笑嘛.

倒數五天

黑色星期五? 金色星期五至真...好曬啊!

有個好日都無聯絡ge朋友, 叫我幫手講幾句, 介紹佢ge世侄女加入我機構. 嘩, 超級好笑la, 你估我升咗做最高領導人咩...我仲係SP...small potato咋wor...何德何能去推薦人呀? 十年年資算係長, 不過喺我機構, 仍然係好green(青春, 謝謝)ga咋.

覺得自己今日都有善用時間, 完成咗三樣工作, good.

15, 16, 17, 18, 19...20 go, go to jeju and seoul!

倒數六天

明年係817? hooo, 好彩係星期日. 如果真係817, 我可能會即場喊, 同埋真係要考慮下跳槽lu.





講番d開心嘢, 今日買咗條裙, 我好鍾意, 媽媽又激讚. 多謝你的好介紹.





試咗ben & jerry另一味道ge雪糕...朱力味道當然好食, 加埋nuts, 正, 不過, d朱古力真係一塊塊, 好似食chocolate bar, 感覺好肥lor...如果係chocolate chips, 應該會夾d好d!!! 唉, 天氣熱, 食雪糕真係舒服好多!!!

盡力而為

好熱, 好曬...噚日天秤意外ge死傷者一定好辛苦.

12, 13, 15, 16, 17, 18, 19...last 7 working days.

現實, 改變不來, 我盡量善用這些日子, 希望時間變得充實d, 有意義d.

haa, 盡力而為la.

危機訊號

去咗金滿庭farewell同事.

唔影食物喇, 不如, 影下個磅, 警惕下自己仲好!

最後衝刺

攞咗機票lu...呵呵~.~

諗下去邊, 諗下食mug嘢, 買mug嘢......

旅行ge樂趣係由plan行程開始!

宜家幾辛苦, 都捱埋佢, yeah.

冰冰乓乓

去完小巴黎, 就返會所打乒乓球. 嘩, 冷氣好凍, 打完一個鐘, 對手仍然係冰凍ge. 我宜家都流梗鼻水...聽媽咪講, 即刻食番d感冒和傷風藥打底, 希望聽日無事la.

鮮蝦撈濛...清淡d, 無香茅豬扒濛咁肥膩, 適合要留quota ge我!
越式拼盤...最好味係蝦波波!

多謝你的手信, 日本之旅的點點滴滴, dvds和韓國資料!!!!!

七七紀念

2007.7.7...西方人話係幸運日子.

今日, 七十週年紀念日. 希望世界和平.

協作活動

開完d好悶ge會之後, 要整d節目, boot up番自己, 我哋決定...collaborative shopping同埋collaborative eating. 要好好設計816之後ge節目!

誠意推介

jaspas真係幾抵, 無論食物, 環境, 價錢都叫人滿意. 相信係我哋繼以前澄之後, 另一個必然飯堂. 仍然未有新menu, 不過, 食物還是很吸引.

至鍾意食這些滿是新鮮菜葉ge沙律, 加埋橄欖油, yummy.
魚柳煎得好香, 魚肉仍然好滑, 加上薯條, 無可抗拒.
識飲識食ge同伴都話這個羊膝有水準, 證明的確好味道.
我試這個pasta...沒有花巧配搭, 長通粉內充滿濃濃ge番茄醬, 實而不華.
pancake加雪糕, 不過, 都係鍾意之前ge蛋糕多d.

菲國囝囝

我個菲囝囝! 我諗佢唔介意我post佢張相ge...

剛剛14歲, 5呎1吋高, 93磅重. 明年升second year, 應該係中二吧.

努力...佢...我...都要努力!

********************************************

L為咗一盒蒙牛, 好敷衍咁攬我一下...好傷心呀!

美好時光

這兩個星期返工都好眼瞓. 在這些相對清閑的日子, 每晚都忍不住到網海浮游, 終於搞到十一點幾至瞓. 唉, 照樣六點起身, 唔多夠瞓, 眼好攰!!!

其實, 這段日子係真正的美好時光. 我唔介意, 仲要好好享受tim.

世上只有

我愛媽咪!!! 願你生日, 明日, 後日, 每一日都快樂! 真的, 你快樂, 所以我快樂. 希望明年今日, 由我煮, 咁就唔駛又出街食. 經過lay個月, 我肯定, 我係鍾意食住家飯多過出街食ga.

美心ge楊枝甘露蛋糕...面頭鋪滿芒果的確好吸引, 不過, 兩層楊枝甘露好薄, 蛋糕好厚, 我覺得好齋lor, 係好清淡, 但係些少cream都無, 無mug birthday cake feel lor.

跳降落傘

同亞L去維園睇跳傘. 天公造美, 不過, 好熱. 本來想入草地睇, 但人太多, 又有樹遮住, 最後都出番去足球場睇. 都有觀賞價值, 不過, 最好睇都係亞L拍手滿足ge表情. 其實, 佢都只係間歇投入, 反而話要去側邊ge滑梯玩. 開始ge時候, 驚佢睇唔到, 又抱佢, 又俾佢騎膊馬, 我宜家都好攰!!!!!

不是付出

睇完波, 過天后食飯. 有許多食肆, 許多選擇. 多謝你們的好介紹, 最後去咗Poppy. 裝潢簡簡單單, 但好舒服, 燈光柔和, 有一種溫暖ge感覺. 一邊聽住煙花聲, 一邊享受美食. 食物質素都唔錯. 兩個pasta都好味, 其實本身明明好飽, 可能用橄欖油, 有好多車厘茄, 感覺fresh一d, 食下食下, 一樣全部食晒之餘, 都唔覺得好滯. 這是memu. 我喜歡粟米忌廉湯! 微微焗熱ge麵包好食!
略溼ge天使麵, 唔會太油膩.
番茄汁配田螺, 味道好夾, 感覺清新.
肉眼扒...無試味, 不過, 都好吸引.
最後係coffee or tea. 一邊飲, 一邊傾. 多謝你哋ge意見, 帶我從另一個角度去想, 我會慢慢調適gala. 願你們永遠幸福愉快.