盛世如花

噚晚好眼瞓, 八點就瞓一轉, 九點幾起身沖完涼, 大約十點再瞓過. 總之, 好攰.

今日好d, 不過剛才ge pth非常悶, 加強咗我下堂(最後一堂)唔返ge決心. 返到屋企, 媽咪話唔應該唔返, 應該有始有終. 好, 我返...C, 記得等埋我! 原來, 我ge特強責任感係遺傳ge.

都好, 希望下星期可以影下d洋紫荊. 今晚行上本部ge時候, 見到幾棵好靚ge洋紫荊, 紫色的, 白色的, 好奪目. 正值考試季節, 洋紫荊la, 杜鵑la, 開得特別燦爛. 還有木綿, 噚日就見到一棵紅紅的木綿樹...紅綿盛放, 天氣暖洋洋...haha, 識這幾句歌詞, 証明你ge年紀都唔細lu~.~ 唉, 這兩天還是陰陰寒, 我仲係覺得好凍wor!

好消息!!! 有得退稅, 可以免兩季差餉, 算係幫補幫補la. 增加稅收ge最好方法係俾我中六合彩, 我俾多多博彩稅又點話!

出土文物

下晝去個seminar, 最大得著梗係可以早d離開la, 仲有個bonus, 就係可以免費睇一個專題展覽. 對這些出土文物都幾有興趣ga, 話晒都有幾千年歷史, 係幾千年ge緣份wor, 要珍惜. 歷史...時間...幾千年後ge今日會係點呢? 我ge物件會唔會成為幾千年後ge出土文物呢? 雖然seminar去到五點至完, 遲過平時放工時間, um, 都值得.

坐小巴, 差d被飛出座位...想起一件往事.

起爐愉快

起爐日...達標! 好開始!!!

爸媽去拜年, 今晚自己搞掂. 享受一個人喺屋企ga...食幾多就食幾多, 聽歌就聽歌, 睇電視就睇電視, 熄燈就熄燈, 總之, 想點就點, 自由. 當然, 他們在家也好. 我愛爸爸和媽媽, 我愛我的家>3<

天氣仍然陣陣涼, 就是乍暖還寒吧. 請各位保重身體...尤其那些每逢放假才發病ge姐妹最叫人擔心! 大家要身體健康!!!

不少朋友對我的西貢之行很感興趣. 不妨click入這個link睇睇, 仲有幾次魚目混珠ge機會!
http://www.lcsd.gov.hk/healthy/diary/b5/mydates.php

作好準備

今日天氣反而幾好 :p

祝你我開工大吉.

萬事唔駛心急, 只要三點九走到就得!

上班精神, 夠鐘走人!!!

大年初七

人日, 人人生日! happy b'day! 今晚, 我們跟J拜年.

行完山, 就先去準備火鍋的材料. 以海鮮作主打, 都幾豐富ga...有花蟹, 螺片, 帶子, 桂花蚌, 珊瑚蚌, 象拔蚌, 生蠔, 三文魚片, 各式各樣的丸類和水餃... 最唔好意思T唔食海鮮, 佢唯有狂攻牛肉. 好飽好飽!!! 永遠眼闊肚窄, 幸好, 吃剩的都可以留下...不可浪費食物! 飯後, 還有壽桃包...一起吃壽包, 一起慶生辰. 圓滿, 滿足.

祝J一家三口健康快樂, 快快加添新成員!

魚目混珠

謝謝K為這篇日誌命名為"魚目混珠">3<

我們倆參加"我的動感日誌--遠足交野樂". 這是康文署舉辦的活動, 旨在鼓勵都市人多做運動. K和我都沒有事先報名, 只是"跟大隊", 總之, 人行我行--魚目混珠.

今日的活動地點是西貢龍蝦灣. 我們先乘91巴士到大拗門公園小食亭, 然後再轉康文署專車到清水灣郊野公園"集合報到". 當然, 我們沒有報名, 不用報到, 只有"陪等". 大合照後, 一行百幾人浩浩蕩蕩正式出發!

是次活動的官方介紹: 全程約4.5公里, 約3.5小時, 行程有上下坡, 山徑略為崎嶇, 視野奇佳. 的確, 山路有一點點難走, 不過, 我們的體能絕對能夠應付. 風景也應該很好, 不過, 今日天氣麻麻, 視野朦朦朧朧, 有點可惜. 如果風和日麗, 藍天碧海青山, 一定正! 好, 之後一定再去. 其實全程最多兩小時, 都ok, 不太吃力.

我準備下星期再"魚目混珠"! 都市人, 要多做運動啊!!!

寧願不知

1000:961...無辦法, 這是社會的問題.

或者, 應該先解決自己的問題...
http://www.haoting.com/htmusic/132869ht.htm

大年初五

L出院度假, 星期六再返去報到.

今日, 去元朗探望S及其千金YY, haha...梗係順便逗埋d好姐妹ge利是la. 小YY好cute, 包包面珠, 鬈鬈頭髮, 翹翹睫毛, 白白皮膚, 加埋個小o嘴, 超可愛, so sweet!!! 你就好la, 又趣緻得意, 又有錫你ge daddy媽咪. 祝你快高長大, 你亭亭玉立, 我花樣年華, 我哋一齊去K去玩.

大年初四

L發燒, 入咗醫院...

我想, 我們實在太遷就亞L. 佢唔肯食藥, 我哋無晒符. 姑娘出馬, 嚴厲d, L雖然喊著嗌"姑媽"求救, 但好快就乖乖就範, 一滴不漏食晒D藥, 仲同姑娘講"唔該晒". 目睹整個過程, 我一直忍住笑. L的前後表現竟可以如此不同, 簡直係天壤之別. 作為大人ge我哋, 應該好好反思.

願大家平安, 身體健康!!!

壞壞消息

我是一個cookie killer, 看到明報這篇報導簡直晴天霹靂......

本報早前在市面購買了13個餅乾、曲奇及即食麵樣本拿往化驗，結果發現全部含有反式脂肪(trans fat)，其中以深受小朋友歡迎的樂天熊仔餅，及新年送禮常用的丹麥藍罐曲奇，反式脂肪含量佔總脂肪最高，若按世界衛生組織標準計算，一天吃19粒熊仔餅或19塊曲奇餅，攝取的反式脂肪量已「爆燈」，長期食用會增加患冠心病的風險。(明報)

大年初三

赤口...不宜拜年, 不過, 每年二叔, 三叔, 姑姐都會嚟. 晚飯時候, 我必會留守家中, 幫媽咪煮飯. 因為媽咪會為準備這餐飯而超緊張, 所以我會盡量幫頭幫尾去減輕佢ge壓力. 飯後, 當然亦由我大顯身手...洗碗, 咁媽咪就可以耍樂一番, 輕鬆一下.

下晝, 行咗個桃花陣(海運), 接咗個財神, 唱咗個開年K. 願我們的歌聲, 珠圓玉潤; 願我們, 追求者眾. HAHAHA...

梵高婆婆

趁最後幾日去睇睇, 都幾靚ga...

表姐表妹

D, W表, Y表, 我. 大半年無見, 今晚難得聚首, 講到慶起ge時候又要走lu. 聽到這些溫馨甜蜜的消息, 替你們開心高興. um...前路仲係充滿希望ge! 大家青梅竹馬, 雖然宜家各有各忙, 見面的機會不多, 但我覺得我們的感情還是深厚的. 懷念以前每逄長假期在你們家寄居的日子...謝謝你們一直以來的關愛.

大年初二

見到這棵桃花, 梗係即刻走去轉番三個圈la.

一邊扮睇畫, 一邊氹氹轉. 神不知, 鬼不覺.

D, 祝我們馬到成功!!!

豬年運程

楊天命師傅...啱聽就聽下la...不代表本人立場!
那個女主持係ex-client.

http://tv.sina.com.hk/event07/fate/index.html

最暖初一

破1982年紀錄(明報)

天文台科學主任胡宏俊表示，一股海洋氣流為華南沿岸地區帶來溫暖潮濕天氣，昨午3時零2分，天文台錄得最高氣溫25.3℃，是有紀錄以來最溫暖的年初一。對上最溫暖的春節追溯至1982年，當時最高氣溫為24.6℃。昨晨錄得的最低氣溫21.3℃，亦打破歷年同日最低氣溫的紀錄。

胡宏俊分析，昨日天氣溫暖，主要受地區內的海洋氣流影響，全球暖化等因素的影響則有待評估。他指今年農曆新年來得較遲，以西曆計算，已踏入2月中的春季氣候，因此出現這類溫暖潮濕氣流並不罕見。若按2月18日的歷年天氣資料，平均氣溫為19.7℃，但亦曾出現氣溫達25、26℃等溫暖日子。

大年初一

恭喜發財, 恭喜大家都發財!!!

祝你們萬事如意! 諸事亨通!

現在氣溫是攝氏25度. 今天是天文台有紀錄以來最溫暖的年初一.

願以後每一天都感覺溫暖.

送犬迎豬

年三十...終於完成這個香豬豬擺設. 可愛!!!













我都有封利是ga! 俾出去ge, 就此三封. 收番嚟ge, 就要越多越好!!!

K歌回憶

張惠妹推出了她的10年情歌精選album! 有許多我的(K歌)回憶...

原来你什么都不要: 第一首識唱a-mei ge歌.
哭不出来: 無論mtv或演唱會版, 一樣深刻...必唱!
剪爱: 其實我一直都唔識唱, 因為總有S和F搞掂.
蓝天: 唱過一排啫, 宜家都唔多記得, 但記得有個大提琴.
别在伤口洒盐: 山東回憶.
解脱: 朋友失戀, 一定唱這首歌俾佢哋聽. 演唱會版正d, 令人有開個唱ge感覺.
听海: 好聽, a-mei在海邊雙手舉起一個貝殼, 少少鬼ge感覺.
其他......

仲有一首"爱永远不会消失", 我好少唱, 但這首歌曾經令我感動到喊.

http://www.haoting.com/musiclist/ht_a42ad107c334962a.htm

新年佈置

去新城市行一轉, 想買件衫襯我條迷彩褲. 不過, 沒有收穫...隨遇而安.

讓大家看看我屋企今年ge新年佈置. 仍然, 媽咪全權負責, 一腳踢搞掂. hehe, 我都有幫手貼"恭喜發財"ge匾額ga.

許多朋友仔都飛lu, 祝你們旅途愉快. 豬年再見.

沒有反應

收爐lor!!! 上晝好充實, 五個鐘直踩, 都好順利, 唔難應付. 下晝自己執拾一下(年廿八!), 上上網, 等等等, 夠鐘即散. 好lu, 可以迎接cny喇!!!

重溫明報ge作家專欄, 看到阿寬的"他沒有反應":

女人向男人示愛，他沒任何反應，開心或不開心也沒表現出來。
後來，他只問﹕「你是何時開始對我有這種感覺的？」　女人很想知男人為何會這樣。　
我應說得坦白些。一般男人，即使不愛一個女人，只要他有點喜歡她，或覺得她有一點吸引力，都渴望與她親近。　他事後或許會後悔，覺得不是真心喜歡一個女人，絕不應隨便接受她，但他還是會先犯錯，再後悔。　這解釋了為何男人那麼喜歡看女人，甚至可與完全無感情的女人上床。　
女人向男人示愛，男人無論如何也會開心，因這一剎那，他自我升值了。　
他為何沒反應？會有很多原因，例如他真的覺得她一點吸引力也沒有，或理性地考慮到對她不認真會有什麼後果。　男人很少斷言拒絕一個女人，也不想轉彎抹角用其他藉口推卻她的愛意。　
沒反應是男人最常對女人使用的反應。　他問她何時開始喜歡他，代表他這時自我中心得很。　她的示愛令他自我增值，他好想知他在什麼時候做了什麼讓她迷戀，獲知答案，他可以更清楚自己的魅力所在。　他至少是個頗自戀的人。　若只以他對她沒反應而推測他根本不喜歡女人，未免武斷，那不是唯一的可能。　
不管他是否喜歡女人，他此刻不接受她，是不移之實。　
她想在示愛不果後再約會他，不知會否很尷尬。　對男人來說，肯定不會覺得尷尬，視乎女方會否有不自然的感覺。　被愛始終是一種光榮，只要求愛者言行不帶來騷擾，男人會對她的愛慕表示尊重。

兩件瑣事

或者係自己放大咗個問題嚟睇, 今日又感覺良好許多.

情人節...都好甜, 因為食咗好多朱古力. 不過, 有段小插曲...我有四個clients可能食得太多朱朱力, 有d仲要係自己整, 唔多衛生, 結果佢哋分別痾咗一次, 一次半, 同兩次, 有關方面什至擔心食物中毒. 聽到之後, 我都有d擔心, 因為我都有食佢哋d朱力, 幸好, 宜家都無mug事!!!

今日去影印, 竟然跌咗個八達通套去影印機後面. 好緊要ga, 有舒利亞ge便服照喺入面嘛!!! 我幾經辛苦, 又用長間尺, 又踎低, 先可以liu留出嚟. 好在!!!

過埋聽日, 終於放假!!! 清晒d貨尾lu...咁短ge假期, 一定唔做嘢!!!

有緣無緣

唔識面對佢地!!! 我覺得自己表現差咗, 我覺得自己有負那認真和投入的一群. 好耐未試過有這種無能為力ge感覺. 鬱住鬱住, 個心有dd唔舒服. 與人相處, 的確講緣份.

有緣千里能相會, 無緣......

happy early valentine's day...

學會接受

有d行家開始放假lu=.= 算, 學會接受! 保持冷靜, 我有我對策!!!

學會接受, 許多許多自己唔想接受ge真相......

我的生存之道.

追求者眾

last 4 working days of 狗年...未來四日, 要清晒所有存貨. 年年有餘? no way!!!

媽咪開始封利是lu. 有幾個利是封寫住: 珠圓玉潤, 追求者眾. hahaha, 我即刻mark咗, 叫媽咪用這個封入利是俾我. 利利是是嘛!!!

玄學家話今年桃花位喺西貢, 赤柱, 淺水灣(只記得咁多). 幾時去行番轉?

眾姐妹, 努力喇:P

雪中百合

返到屋企, 聞到一陣油漆ge"香氣". cny就快到喇! 每逢年尾, 媽咪就會做督工, 要爸爸修葺修葺牆壁和家俬...原來爸爸又開始油灰水lu. 爸爸係這方面ge"專家", 佢覺得米白色最好, 多年來, 我哋屋企都用"雪中百合"這種乳膠漆. 微微天拿水味, 唔太濃, 又有少少花香, 正!!! 好鍾意這種氣味, 因為有裝修和搬新屋的感覺. 實不相瞞, 我有輕微"high天"癮!

有少少唔開心...想知道一些自己唔會問點解和唔會知點解ge答案...自討苦吃.

小小收穫

走一轉香工, 好容易行你幾個鐘!

多鈕孖襟杏色外套: $70

創意無限

曾蔭權在2月1日宣布角逐連任時說:「我會做好呢份工！」，如果換轉是其他行業或者其他人，應該會這樣說吧:
地盤佬﹕「我會鑽好呢個窿！」
氣功師﹕「我會發好呢次功！」
八達通公司﹕「我會整好八達通！」
天文台﹕「我會測好呢個風！」
整容醫生﹕「我會隆好呢個胸！」
鐘表師﹕「我會整好呢個鐘！」
廚師﹕「我會爆好呢碟蔥！」
麻將腳﹕「我會碰好呢隻東！」
╳╳公司的專業員工﹕「我會五點九就鬆…… 」
換轉是一些政治人物又會點講？
民主黨﹕「我會凡事都反中。」
孫明揚(房屋及規劃地政局長)拆走鐘樓，送去堆填區﹕「我會送好呢個鐘。」
網上世界確實創意無限。(明報)

忽然之間

噚晚, 忽然之間, 腰骨左邊ge地方開始痛. 腎有事? 冷靜d, 可能係

1. 扭傷自己唔知.
2. 神經痛.
3. 又過一個月ge訊號.
4. 坐姿不佳...傷咗.
5. 連續好多日著高跟鞋, 又唔知自己行得快...又係傷咗.
6. 噚日著住對高鞋由新城市行番屋企...都係傷咗.

希望快d無事la!!!

K, 享受假期, 俾身體同心靈休息一下. 好快, 你又要捱gala XP!!!

迷彩禮物

L的姨媽送了這個迷彩喼給我. 好鍾意啊!!!

幾時用得著呢? 好想快d去旅行......

立春之後

好鍾意第六日! 空閑d, 人都輕鬆d, 心情都好d.

開始回暖lu...唔駛冰, 唔駛寒, 唔駛臃腫, 唔駛影響情緒, 舒服好多好多好多!

記得買六合彩, 六千萬wor. 真係有咁多? anyway, 可以過一個肥肥地ge金豬年就好lor!!!!!

超級笑話

一個30幾, hormone imbalanced ge中年女士, 同一個20幾歲ge男士拍拖.

好鬼好笑lor!!!

閒情逸致

唔好辜負d好天氣, 點都要出去逛逛...加埋亞L陪著, 正! 只要有時間, 有閑情, 有good company, 去邊都一樣開心.

好鍾意睇樹...春夏秋冬, 各有姿態. 望住這幾棵樹, 我想到珍惜. 十年樹木, 百年樹人.

仲有, 唔好為一棵樹, 放棄整個森林!

做好份工

我會做好呢份工...好似真係簡單咗d, 英文仲差, i'll get the job done, 我唔明有咩好lor. 唔應該當作口號或承諾, 根本做好份工係人應有ge責任. 好喇, 開始lu, 香港越來越多好笑嘢!!!

仲有一個星期零四日...進展理想.

一世責任

返到屋企, 原本只想靜靜上網, 抖一陣. 亞L卻在房門外叫我, 點捨得唔同佢玩呢! 好佩服佢人仔細細, 就記得thomas, edward, henry, gordon, james, percy(左至右)...名la, 號碼la, 樣la, 可以match得好準確. 唔好低估d細路! 栽培兒女, 係父母一生ge工程. 唉, 我就無勇氣承擔咁大e責任喇.

聽到關於姓氏ge介紹, 突然想起豬韓一家...又有d掛住d好姐妹!