精打細算

好鍾意睇L計數, 手指仔撥下撥下個小算盤. 得意!!! 精心打算盤, 細心算數學.

又有希望

星期一就特級疲累, 因為
有一樣煩人的工作, 無辦法!

蘇民峰話明年是紅鸞桃花年和財運年,
寒命人的逆運亦接近尾聲,
因為2010至2015都是木火流年,
對秋冬出生的人最為有利.

又有新希望!!!

特別好友

謝謝你一直以來的支持與鼓勵 ...
be with you always ...

如果有一天 戰爭與饑荒充斥全個地球
別害怕 你心我心 手與手連成一線
為你可分憂 好朋友

不是很瘦

跟三月新娘子試衫 ... 12點幾至5點, 足足搞了半天.
許多婚紗, 許多晚裝, 令人眼花繚亂. 新郎禮服就簡單得多.
少少煩, 多多開心, 值得值得.

我都選了伴娘裙.
幫我試衫的姐姐話 ... 嘩, 你好瘦啊.
從來都未覺得自己瘦過.
唉, 其實只係頭大身細, 上瘦下肥而已.

there is a way to be good again ...
keep fit, 漂亮的活出自我, 都是其中一個方法.

也是辦法

there is a way to be good again ...

與家人共享簡單美食, 也是一種方法.

兩母子再合作, 再奪佳績. 恭喜恭喜.

馬場跑步

為了表示支持, 為了鍛鍊身體, 放工之後, 去馬場跑步. 感覺非常良好 ... 天氣舒服, 一點也不吃力, 眨眼, 就跑了45分鐘. 雖然只是微微流汗, 但聽到自己的喘息聲, 我知, 應該有 break & burn!

運動過後, 特別開心. 大約六點, 攤下草地, 影下趣怪相.

我們一邊跑步, 另一邊, 好多人在練波, soccer啦, hockey啦. 好似回到u的時候, 放學之後, 去sandy bay練波, 覺得自己又變得後生年青一樣.
there is a way to be good again. 運動, 就是其中一種方法.

初嚐金雀

lunch @金雀餐廳, 因為想感受一下花樣年華和2046的懷舊氣氛. 忌廉湯, 裡面有一些雞絲, 都算幾香濃. 其實想吃多士, 不過, 忘記改單.粟米龍利柳意粉. 如果意粉用茄汁炒炒會更加好味. 粟米+白汁+魚, 根本是絕配, 好難唔好食. 湯+main dish+飲品, 盛惠$50. 之前以為環境會昏昏暗暗, 神秘浪漫. 不過, 午飯時間, 人客好多, 侍應好忙, 我哋又好趕, 就沒有認真欣賞和感受那種花樣年華和2046的氣氛. 或者, 有機會, 夜晚再試試這兩個套餐, 可能會有feel好多.

第一千篇

the 1000th post!!!
眨眼, 已經是第一千篇.
handbook for the soul 讓我紀錄, 重溫, 反思 ...
跟你們分享快樂, 找你們分擔憂愁.

雖然我是X世代, 不過
每日一誌已經成為我生活的一部分.
沒有做任何backup. 如果有一天,
突然所有都消失了, 我應該承受得起.
因為, 有些道理, 已經確切明白.

無題1111

走在通往紅磡火車站的行人天橋之上,
忽然默唸起這幾句 ...
實迷途其未遠, 覺今是而昨非.
悟以往之不諫, 知來者之可追.

從來, 要怨的, 都只是怨自己一個.
yes we can ...
我肯做, 我一定做到!

對待回憶

冷鋒會持續多久? 未換季, 簡單方便, 披一件薄絨褸就算了.
無懼寒冷, 絲巾會圍著這雙肩膊 ... 我ok的.

擁抱回憶? 好的, 擁抱. 壞的, 捨棄.
戀棧過去, 追憶從前, 感觸以往, 淚流有用嗎?
揀一套戲, 賞一次雪, 偷一個吻, 都好過念掛.
http://www.haoting.com/htmusic/272915ht.htm

白雲藍天

這兩晚都早抖, 分別係9點半和10點就上床瞓覺. 今日8點幾就自然醒, 一邊吃早餐, 一邊瀏覽新聞, 一邊聽歌, 結果還是磨到12點才開始工作.

效率奇慢, 中途, 看了一集流行東京, 介紹江丿島, 嘩, 好懷念呀! 好想去旅行! cebu之旅又要再延期, 希望5月真係有得去啦.

5點幾望出去, 好靚啊. 天氣涼涼地, 最好就係出去走走. 不過, 工作堆積如山, 無辦法. 望到一個奇景 ... 較低的厚雲向左走, 較高的薄雲向右走. 向左走, 向右走, 它們最後會相遇嗎? 可能今日聽過心動, 反而想到, 白雲纏繞著藍天 ...

原來盡興

朝早去seminar, 下午帶L去維園參加藝術嘉年華.
嘉年華會幾熱鬧, 可惜我哋遲咗, 好多workshop都full晒.
而且, L少對滑梯, 鋼架, 拍肥皂泡似乎更有興趣. 唉, 有點掃興.
不過, 見到L跟其他小朋友跑來跑去, 玩得好開心, 笑得好開心,
咁都ok啦, 原來盡興, 最緊要L高興啫.
搭巴士返屋企, L伏在我大腿, 枕著我的手睡著了. 感覺超正.

還有, 終於食咗wasabi魚柳包. 好好味, 一定要encore!

穿山越嶺

當你在穿山越嶺的另一邊, 我在孤獨的路上沒有盡頭 ...

無限放大

明天是hapi friday,
今天, 心就已經飛去next next friday ...
海洋公園嘛! 要開始計畫當日行程, 要玩得開心d!

好怕11月... 特別忙, 特別趕.
有得開心, 就要開心.
如果不過是微微開心,
都要將丁點開心感覺無限放大.

好的放大, 壞的縮小.
我做得到.

改變改變

obama 終於可以發表他的勝利演說,
yes we can ... 幾有型, 好似幾有感染力.
不懂政治, 不過對他卻有莫名的好感,
年青, 擊敗hillary, 第一位黑人總統,
可能他也是一個八月獅子座.

討厭美國, 所以特別贊同要 CHANGE.
希望美國可以變一變, 變得不再乞人憎.

9月的立法會選舉, 因為想要 change,
在我的選區, 我的功能組別, 我都投了新人一票.
改變, 改變, 改變 ... 要改變的還有許多許多.
改變, 改變, 改變 ... 要改變某些景況, 還有好遠好遠的路要走.

烹飪原則

去峰, 替朋友補祝生日.
傾得好開心 ...
你可以慢慢炆, 我就要猛火煮.
材料可能唔難搵,
但都要鍾意食先會開火呢!

繞樑三日

就是這一個造型 ... 剛中帶柔. 至於歌聲, 柔中帶剛, 繞樑三日.
開始, 加多個花環, 坐著靜靜地唱九份的咖啡店, 都好正. 說回來, 今日, 好攰. 不但眼瞓, 更是體力貧乏, 簡直有舉步維艱的感覺.
少一日休息, 的確差一點點!

展望十一

11月展望 ...

有一日要發展, 有一日去海洋公園.

還有, 嘗試再啟動每月一動.

12月xmas, 1月cny ... 長假期, coming!

俾心機呀.

最愛演唱

最愛演唱會!!!
她, 以歌會友, 觀眾都為欣賞她的音樂而到來吧.
開始, 她頭戴花環, 穿著白色長裙, 自彈自唱 ...
這裡的景色像你 變幻莫測 ...
之後, 好歌一首接一首. 中段, 忍不住要站著聽.
動人音樂, 不禁令你我他都手舞足蹈, 投入拍和.
看著她彈結他, 演繹自己作曲作詞的作品,
好有型, 好瀟灑. 我羨慕
她可以做自己喜歡的工作,
唱自己喜歡的歌, 玩自己喜歡的音樂,
她懂得寫曲填詞, 創作感動人心, 道出是許多人心聲的作品.
如果懂得彈結他, 我就可以跟志同道合的人交流.
最後 ... 離開你的我不管過多久, 還是會寂寞.
演唱會正式結束.

都有兩項批評. 一是遲了25分鐘開始. 另外,
為了看清舞台, 坐著的時候, 我們都要45度轉身. 不太舒適.

OT 1101

今日要ot. 算吧, 主要節目還是陳綺貞演唱會, 順便返工而已.
除了這個期待以久的演唱會, 撇開ot工作, 今日都幾充實.
因為一件小公事, 8點就到cwb. 匆匆搞定之後, 就去吃一個早餐.
皮蛋瘦肉粥+油炸鬼. 好味, 知足常樂! 九點未夠, 決定先返公司清理舊債. 三疊大 files, done!
ot 活動, 不是太繁重. 盡快離開, 趕去德福會合.
晚餐吃池記. 水餃雲吞麵+炸鯪魚球. 忽然想吃, 就吃. 隨心所欲, 好!等開show, 有白茶, 又有至愛薯圈.完成部分工作, 享受悅耳音樂, 品嚐簡單美食, 不錯.