Handbook for the Soul

Thursday, January 17, 2008

不勝寒冷

處處不勝寒...怕, 怕, 怕!

L媽執拾家居, 竟然撿到我四年級至六年級的作文. 看見那些粗糙的文筆, 還有極其幼稚的小孩字體, 不禁發笑. 全部都是廿多年前的作品lu.

Wednesday, January 16, 2008

退步向前

今日寒好多, 個頭都赤赤痛! 我承認, 低估了寒冷程度.

搭電車, 車頭車尾倒轉了. 電車向前行, 坐在車廂裡, 反而覺得自己一直倒後. 想起以前讀過的一首詩...手把青秧插滿田, 低頭便見水中天, 心地清靜方為道, 退步原來是向前.

向前, 可以有好多方法.

Tuesday, January 15, 2008

夢醒最痛

能夠活在甜夢當中, 多好!

夢醒的一刻好痛苦...因為返回現實, 因為又要起身去返工.

Monday, January 14, 2008

無題0114

開會至六點幾...疲累!

唔理人點解唔做. 總之, 我盡力而為, 問心無愧好了.

Sunday, January 13, 2008

追聽哥哥

可能噚晚睇完回顧哥哥的節目, 今日特意聽番佢ge寵愛album. 這是我唯一擁有的張國榮cd, 之後, 再沒有買過佢ge專輯lu. 聽"追"的時候, 居然喊wor. 不是不開心, 可能真的因為懷念而有所感觸. 噚晚的節目有播過"痴心的我", 或者, 之後搵番d錄音帶出嚟聽. 那二十幾盒帶宜家仲擺喺櫃底.

勁歌總選, 望過幾part, 只覺得嘈, 悶, 難聽, 即刻轉去新知台, 睇肥媽私房菜.

Saturday, January 12, 2008

去大埔滘

藍藍的天空, 點都要去郊外走走!

可以坐小巴或巴士, 到松仔園下車. 我們食完峰壽司, 就過去偉華中心搭小巴.

我們的目的地......

沿路有好多樹葉. 踏著這些枯葉向前走, 幾有外國feel. all you have to do is listen...風聲, 樹葉聲......

這個路徑看不到山和海, 但聽說是觀鳥和賞花草樹木的好地方. 走在這條環迴路徑上, 彷彿置身於叢林深處一樣.

忘記了我們走哪條路. 紅還是藍?

夾道都是高瘦的樹木, 滲透著點點陽光.

看到另一種樹葉. 雖然已經枯掉到地上, 但感覺反而幾浪漫.

想起長腿叔叔...這是我最後一齣追看的卡通片.

嚐峰壽司

海膽 $25

塩帶子 $25 和北寄貝 $15
三文魚 $9

火炙盛(三文魚, 帶子和鰻魚) $25
峰玉子 $12

腐皮 $9

裡面加芝麻, 特別好味.

峰蝦 $20

那堆wasabi足夠點多兩件三文魚壽司ge.

覺得肚空空, 最後都要加多碟三文魚. 真係飽飽和滿足.

Friday, January 11, 2008

又有小金豬新鮮出爐! 恭喜C & P.

放工之後, 半公半私, 看了齣戲... 聲夢奇緣 August Rush. 裡面, 充滿音樂, 無論band sound, classics, 還是普通的風聲, 天籟人籟, 總之統統都好好聽, 好吸引. 我覺得這是一個講緣份的故事...男找女, 女又找男, 子尋父母, 父母又尋子. 可以批評有關情節, 但無可否認, 因為充滿動聽的音樂, 整套戲的氣氛變得好好. 好多人激讚這齣戲, 話非常好看. 我? 只可以話幾鍾意, 幾有好感. 因為男主角叫august, 對八月人來說, 特別親切. 裡面的吉他聲讓我想起一些事; 又很羨慕他們終於在11年後相遇.

如果可以全情私人享受就好...唉, 還有些公事要跟進呢!

all you have to do is listen--應該多聽聽這個世界的聲音. 希望聽日可以聽多d草聲, 樹聲, 雀仔聲la!
http://augustrushmovie.warnerbros.com/