再賞龍蝦

再訪龍蝦灣! 期待已久的郊遊活動, 正式打響頭炮. 第4次走這段路, 11點走到3點半, 前所未有的慢, 可能因為hea和拍照的關係吧. 的確, 今日天色不錯, 又不時有風, 碧海青天, 怎捨得匆匆一瞥, 急急走人呢?

第一站, 清水灣郊野公園茶水亭. 早餐已消化得七七八八, 先來一客三寶補充能量. 註, 魚蛋超辣.
有好多靚風箏出售. 下次都要帶L來放風箏! 當風箏遇上風 ...
正式踏上龍蝦灣郊遊徑 ...ready, go!
隆重登場 ... 我新的爬山鞋. 突然覺得它們有點像曱甴.
開始一段就是長長的石級. 上山容易下山難, 這段路其實是易走的, 照片也拍了不少. 反而最後下山那段最崎嶇不平, 吃力! 因為要小心奕奕專注走路, 一張照片都沒有呢.
對, 輕輕鬆鬆, 踏幾步, 拍幾張照. 難得景色怡人又清晰呢!
好想出海啊 ...
加個路人甲, 都沒有影響整個構圖, 証明甲都是一個可人兒.
白雲, 青山, 碧海 ...
蛛蛛網, 有些閃閃水珠.

好鍾意今日的藍天, 好藍. 加上朵朵形態各異的白雲, 令人賞心悅目. 捨不得一影再影!
其實烈日當空呢 ...
指尖右邊(微微一點黑)是一隻大鷹, 好自由到處翱翔.
不只濟洲, 不只伊豆, 香港一樣有這樣的碧海連天!
兩個小香梨, 一段難能可貴的真摰友誼.
最喜歡這張大梳化. 坐下 ... 看海, 望天, 吹涼風, 聽風聲, 是一種奢侈的悠閒享受.
開始下坡. 沿路花絮, 靠你喇. 謝謝, 為我拍下不少美麗的 snapshot!

又走到平地. 看到獨木舟, 就會想到乘風破浪 ... 人人望前莫後退.

險嗎? 其實我們(又)坐著抖抖, 好安全, 穩如泰山.
不是看石刻, 是拍攝玻璃上的我們!

繼續向前走, 終點在望. 喝一罐寶礦力, 補充體力, 兼慶祝完成是日登山之旅.
這是小妹始料不及的 ...
之後去西貢市中心, 吃個下午茶.
最後, 坐299各自歸家. 好開心, 可以活動筋骨, 可以看到幾次都看不清的好風景, 可以開始期待已久的郊遊樂. 能夠出來走走, 鬆鬆, 抖抖, 就已經是最好!

結束冷戰

結束最難捱的一個星期!
未來幾個星期都(應該)會是好日子吧!

還有, 結束與L冷戰 ...
星期三, L激發脾氣.
我當然不會姑息, 於是嚴厲斥責.
L還是不服氣. 最後, L媽要佢跟我 say sorry.
少爺只是應酬式, 敷衍了事. 我只好繼續扮嬲.
今晚踏入家門, L細細聲叫我.
我佯裝未原諒佢. 之後, 佢就不停在我身邊搞小動作.
我忍住笑, 不知幾辛苦. 最後, 必然是大團圓結局啦.

有時都幾擔心 ... 小孩子可以好倔強, 好硬頸,
不理大人意見, 自我為中心.
四歲人仔已經如此. 以後又會如何???

吃力一天

頭, 好痛!

0800-1500, 都有半個鐘吃飯,

20分鐘瑣碎活動, 如斟水, 去廁所之類.
其餘都係做做做. 好tense!

10分鐘前, 通知不用觀察.

如果早響, 就可以早些卸下部分包袱.

今次, 幾抗拒. 可能, 不太明白和認同當中的做法.

未能說服自己去做, 所以, 好難做.

放工, 去 starbucks坐坐.
挨著軟梳化,
呷一口 hot chocolate ...
終於可以休息一下!
吃力的一天. 不過,
第 7個星期,
第一次覺得辛苦,
已值得感恩.

曬著回家

早閃半日, 去個seminar.

曬著回家, 叫人高興!

如果沒有明天的觀察,

更好, 更放鬆, 更興奮.

買了一排朱古力 cheer up自己.

俾心機, strive for excellence!

不要浪費已增加的卡路里.

不可盡廢

有d唔開心 ... 星期四無端端又有d額外負擔.

總是全力以赴
保持日復一日的溫度
多少有幫助 ...

be positive! dd負擔而已, 不要前功盡廢!
對, 不可以前功盡廢!

快樂簡單

原來已經五個月 ...
倖存活下來, 好好活下去.
永記.

覺得寒寒地, 頭赤赤.
再加一個兩小時悶人會議 ...
討論你我他都解決不來的問題.
會議結束, 可以回家, 好開心.
原來快樂就是這樣簡單!

單人旅行

不太投入, 不太認真的做了一整天.
幸好, 總算達標.

今日聽到單身旅行 ...
到處飛 自己飛出去 離開了過去 爽快英勇地放開去
到處飛 置身天空裡 撥一撥頭髮比昨天進取 振作便有生趣

如果一個人去旅行, 去邊好?
我希望可以試一次. 去邊, 就視乎時間而定.
如果時間長, 我想去英國, 一定要去newcastle, 找尋舒利亞的足跡.
如果時間短, 機程一定要兩小時之內, 我會揀台灣.
坐火車, 穿山過山. hea下茶店, 狂發夢.

一問一答

昨晚好疲累, 吃完飯就躺在床上, 動也不想動.
今日L來電. 原來他有點咳, 剛看完大夫.
他帶點歉意說 ... 姑媽, 我感染咗你.
其實只不過是姑媽長期睡眠不足而已. 你沒有傳染我.
總之, 我覺得L好關心我們每一個!

整天都長駐haoting.com, 慢慢欣賞一首一首曾經忽略的好歌.

為何他會離開你 ...

誰叫你自己不會飛? 誰叫你沒火花點起?

http://www.haoting.com/htmusic/110436ht.htm

如果你愛我 ...

我想那就不是我的問題, 那不過是人與人的關係.

http://www.haoting.com/htmusic/180401ht.htm

兩首歌好似一問一答.

其實, 答案就是這麼簡單!

早睡早起

早睡早起精神好.
今晚要早早休息!
唔准再搞到3點幾. 因為
好無謂!

老師工作

1910, 在馬鐵, 聽到一個中學男生(算有禮貌地)講電話 ... 喂, miss cho呀, 我漏咗件冷衫呀, 應該喺長凳嗰度, 背心嚟ge ... 唔該你呀.
我明白, 很多老師在晚上 7 點還留校工作.
可是, 忙碌的老師的其中一項工作是
為學生收拾冷衫, 我覺得不太應該 lor.

尊重自己的決定, 正如
尊重對方的決定一樣.

甜甜早餐

有塊chocolate cookie, 有個chocolate muffin做早餐, 正! 不過, 甜了一點, 還是留在coffee break或tea time享受較好.


dr.L回贈我們一首答謝詩. 我回覆說會好好努力, 其實, 盡力而為啦. 總之, 全力以赴, 問心無愧就好了.

追逐風箏

繼續半公半私的看戲活動.

今天來一個家居0820晨早場,

觀賞 the KITE RUNNER dvd.

阿富汗背景, 講犯錯與補償.

there is a way to be good again. 有意思.

上過官方網頁, 對整齣戲有更深的了解,

對原著都有一點興趣.

media那部分最吸引, sound track好好聽!

http://www.kiterunnermovie.com/

一場空喜

低估了 ...
昨天是假期, 明天是假期, 今天不三不四!
總之, 狀態麻麻地 ... 疲倦, 眼瞓.
星期三, 我會再俾心機!

一場歡喜 ...
晚飯期間, 接到 now的 promotion call, 話
$80就可以看632英超台.
雖然只係英超, ok la, my非弗 wor.
開始登記 ... 姓名, id no, visa card no, 地址 ...
小姐, 這是私樓嗎? / 對. / 對不起, 這個優惠是不供給私樓住戶的.
嘩, 早響呀!!! 浪費我15分鐘, 時間事小, 空歡喜事大嘛!!!

今日, 不斷聽嬅麗緣. 另一首擁抱回憶都不錯.
http://www.haoting.com/htmusic/272914ht.htm
http://www.haoting.com/htmusic/272915ht.htm

週日早晨

難得週日外出吃一個美味早餐. 雖然要早起, 但都一樣享受!
之後, 逛逛ntp, 買到心儀的行山鞋, 買到價廉物美的tee, 買到急用的nite cream. 滿載而歸, 安坐家中之際, 時間還未夠3點. 以後都要善用假期的早晨!

看著這兩張飛, 更加開心滿足. 期待1101!

晚宴1004

籌備一個月之dr.L榮休晚宴終於圓滿結束.
傾傾講講, 飲飲食食, 相信大家都盡興而歸.
健康, 快樂, cheers!!!

被金滿庭拒絕, 才可以遇上更好的魚翅城.
無論食物質素, 或是員工服務, 都算是水準之上.雞湯中鮑翅 ... 每人一小窩, 窩藏魚翅一梳梳.
39頭吉品鮑扣澳洲海參 ... 未懂得欣賞鮑鮑, 但就很喜歡軟軟腍腍的彈彈海參.
翡翠明蝦玻 ... 大蝦爽口, 蘸上少許芥辣, 更加美味.
碧綠麒麟花膠 ... 配以金華火腿的花膠, 味道變得剛剛好.
清蒸海石斑 ... 都好味道, 卻不是非常突出.
當紅炸子雞 ... 已經好飽, 不過, 至愛出現, 決不放過. 皮脆肉嫩, 好!
瑤柱蛋白炒飯 ... 粒粒米, 不錯.
魚湯米線 ... 相對失色.
豆腐花, 綠豆沙或紅豆沙.
18個小壽包(送) ... 蓮蓉餡, 少許鹹蛋黃, 香軟好吃.
bow-tie 蛋散(送) ... 這裡的馳名食品, 的確鬆化, 甜而不膩.
鮮果大拼盆 ... 豐富, 完美終結.

願 dr.L好好享受退休生活, 我們都早日坐擁退休之福.

小康可盡意品嘗. 總之, 享受人生!

晚飯1003

一王三后的飯局! 眨眼, 小A已經會跑會跳, 自己食飯. 歲月催人.

想吃 thai 菜, 所以試試這個 i thai.

軟殼蟹芒果米紙卷 ...
小A's choice ... 炸蝦餅
青咖哩雞 with 蒜蓉包 ...

味道濃郁, 配菜毛茄和青豆很好吃.
我的第一目標 ... 金邊粉. 我想起mango tree, 好想飛去bangkok.
多謝J請食飯, 多謝K請食滿記. 大家都大喊要減肥, 好, 一齊努力!

忘記歸還dvd, 本星期第二次喇!

再談崇拜

風箏有風, 海豚有海,

點解還要留守那個不屬於自己的位置?

"崇拜"就這樣教曉我一個道理 ...

天下之大, 我有我容身的地方.
我存在在我的存在!

釋然, 似乎又放下一點點.

不要太快

又一號風球!
如果慢慢颳, 星期一最接近香港就無所謂.
期待以久的敘會 ... 良師, 好友, 美食 ...
不要臨時告吹就好了.

招架不住

原本想去ntp逛逛, 不過L來電, 輕聲問道 ...

"姑媽, 你知唔知我想你過嚟帶我去踩單車?"

不問我好不好, 而是問我知不知他怎樣想.

嘩, 招架不住!

L媽生日. 可惜, 她病了. 未有慶祝活動, 只能協助L製作生日卡送給媽媽.

難得知音

晚飯@Teppan, 都幾好食. 首先是飲品, 巨峰提子雜果soda(左), 石榴雜果soda(右).
簡簡單單, 食件火焰三文魚壽司.
鐵板蒜香野菜, 有少少黑椒粉, 味道不錯.
這個店的主打是鐵板, 所以又點了明石燒海鮮燒餅 ...
用料主要是魷魚吧, 餅面再加一些蟹柳絲, 這樣就叫海鮮, 似乎名不副實. 不過, 味道的確幾好, 可能是個人特別喜愛這類燒餅吧. 最愛還是這幾款! 左起, 茄子串, 甜薯串及南瓜串. 茄子是必然鍾意的食物, 南瓜甜甜的, 都很好. 不過, 最出色的是甜薯 ... 清新的薯香, 燒得脆脆的薯皮. 一邊吃, 一邊有幸福的感覺.這是牛舌串. 眼見就幾吸引, 不過, 朋友就話有點過熟.幾開心, 食下傾下, 又三個鐘.

難得又多一個知音人.

早日康復

朝早出門, 非常秋天. 涼風送爽, 醒神.
不過, 中午烈日當空, 溫度又急速上升.
撐著傘出去走走, 熱, 都感覺良好.

去做一個mammography檢查, 原來都有一點點痛.
放心, 只不過循例驗身.

檢查後, 跟朋友坐坐聊聊.
其實, 及早抽身, 總好過繼續坐以待斃.
希望她快快痊癒.

這個黃昏

趕著回家看安全返航. 這個黃昏, 終於順利回到地球了! 窗外景致都顯得特別吸引奪目! 匆匆回家, 忘記是日活動的主要任務, 唯有另擇吉日吧. 謝謝禮物, 好喜歡.
請坐言起行! 今晚, 都有游水. 游呀游, 都幾凍. 未來日子, 天氣會舒服一點吧?!