重新做好

心情異常平靜 ...
可能最大的黑雲已逐漸消散, 我覺得,
心裡明朗了, 人都變得輕鬆了,
可以坦然面對和迎接另一個新開始, 新挑戰.

前幾天, 忽然想起
知者不惑, 仁者不憂, 勇者不懼. 以此自勉.
努力, 重新做好這份工, 重新做好原本已經不錯的自己!

米飯薄餅

0829, 先上深圳走一趟. 叛逆之旅(深圳篇), 請看逃離鋼筋森林.
晚上, 團友A及團友S去睇張信哲, 我就跟BF(即係B & F)食飯.
試試ntp的北海道rice pizza ... salad好fresh, 好好 ...pasta不油膩, 味道較清淡 ...rice pizza ... 幾新鮮, 比傳統pizza light, 多吃一兩件都ok.
如果餅底可以厚一點會更好. 邊邊焦了, 口感稍硬.

粟米薯餅, 好難唔好食 ...
兩個甜品 ... 宇治金時及黑芝麻燒薯. 點解會傾斜倒塌呢? 可能是底下的番薯過熱了. 雖然有些狼狽, 賣相欠佳, 但雪糕真的香滑, 配合綠茶紅豆或黑芝麻都好好味!

努力計畫每月一動, 一起勇敢面對新挑戰!!!

我懂減壓

今日去澄, 吃我最喜歡的雜錦壽司.
$95, 真的新鮮一點, 好吃一點, 美味一點! 跳舞之前, 突然好想試試這家紅薯粉. 本身有一味餸($19), 加多味($4), 我選了腐竹和豆卜. 上枱一刻, 好後悔, 因為好大碗 ...

熱吃的紅薯粉都幾味, 彈彈的, 韌韌的, 配上小小辣的酸辣湯, 不錯.
放假, 吃喝玩樂, 是舒緩壓力的好方法!

今日下午, 浪費了 ......

安安出場

這是L給我夾的公仔. 好喜歡!
搭著ah O膊頭, 佢地好似好friend一樣.
不如以後, 帶埋兔仔去旅行先.
嗯, 兔仔以後就叫安安. 知道點解嗎?

今晚, 將個沙灘波放在我和L中間,
我們用身體迫著它, 為它放氣.
我叫L攬實姑媽, 希望可以快一點搞定.
點知, 小朋友話, 吓, 好尷尬喎 ...
小朋友, 姑媽喎, 有幾尷尬呀!!!

住家飯菜

介紹一個午飯好去處 ... 利舞台七樓的住家菜.
首先, 每人一大碗西洋菜湯. 不似有大量味精, 有住家feel.
我們三個人, 選了這三個菜 ...
最後還有糖水 ... 有南瓜蓉, 不太甜, 好吃!

試想想, cwb, 一個套餐只不過$38+10%, 非常超值啊!

如果有天

不想堆積工作, 所以
好努力繼續我的逃離鋼筋森林!
其實還有許多正經事未做,
可以拖延到下星期才開始嗎?

看到劉華牽著朱麗倩 ...
雖然我不是100%劉華迷, 不過, 真的,
都有少少理想幻滅的感覺.
當然, 仍然會尊重和支持.

希望你記得那日你聽過如果有一天,
正如我記得當日你唱過如果有一天
一樣.

下午茶餐

又去聖地牙哥酒店下午茶, 順便當是light dinner.
ribs, $48. 肉質軟腍, okok. 三文魚pizza, $58(大約). 直徑接近pizza hut的大批, 鋪上片片煙三文魚, 份量十足. 薄脆批底, 正宗意大利口味! very nice. 經典high tea, $38而已.反而這個$88的煎鵝肝顯得貴了一點. 味道可以, 只是稍為蚊型!溫馨提示, 這個餐廳是在吳松街的聖地牙哥酒店旁邊, 而並非在加士居道的新聖地牙哥酒店裡面.

繼續放下

0800的會議, 似乎早了點吧 ...
矇著眼, 遊著魂. 開會, 開會, 再開會.
我接受. 愈忽略, 愈放鬆, 感覺愈好.

下午茶之後, 輕輕鬆鬆, 逛逛街.
去商務買了一本書, 去millie's買了三對鞋.
放下金錢, 享受100%的購物樂趣.

開心, 因為還未覺得不開心.
看著大家的合照, 我想, 真的接受了.
放下執著, 捨得 ...

選擇放下, 就能活在當下.

隊友重聚

team-mates替我們補祝生日 ...

差不多兩年沒有齊team見面,

雖然少少生疏, 不過, 大家肯re-u,

這份心意已經很難得.最早結婚的W, 原來兩年前離婚了.

不禁有點唏噓. 不敢說太多, 問太多.

加上最近又失業, 希望她早日走出陰霾吧.再見到他, 和他的女朋友.

真的, 感覺比我想像中好.

其實沒有什麼大不了, 只不過繼續

安守在一直以來的最佳位置.

祝福他們.

爸媽出走

哈~哈~哈 ... 爸媽不在家!
全日上網, 整理照片, 更新網誌, 狂聽mp3 ...
不怕騷擾他們, 不用他們催我吃飯, 沖涼和睡覺 ...
想做什麼, 就做什麼. 一天兩天, 是大享受.

一個人, 真的懶得去開爐煮食.
每次媽咪都會為我準備糧餉. 今次,
早餐(1010) ... 兩片紅豆麵包(留一半明天再吃),
午餐(1240) ... 一碗炒飯+芋頭蕃薯西米露,
零食 ... 珍珍薯圈+椰子糖一粒,
晚餐(1820) ... 一碗炒飯+芋頭蕃薯西米露(明天午餐會照舊!).
還有雪糕, 合桃酥, 豬肉乾, godiva, 不過, 我忍口, 要走脂!
還有西柚, 火龍果, 不過, 懶得去切, 寧願不吃.

這個時候, 就會覺得自己都幾馬虎.
這個時候, 就會知道自己有多依賴父母.
爸爸, 媽咪, 你們對我好重要好重要啊!!!

清理垃圾

想練習早起, 於是8點起床. 睜開眼睛, 外面是好藍的天,
有幾片輕飄飄, 軟綿綿的雲朵. 感覺非常良好!!! 返公司參加一小時會議, 順便清理(清除!)幾年的無謂文件.
一口氣, 統統掉進垃圾桶, 爽! 其實, 丟掉一些無謂的念頭,
感覺都會一樣痛快, 如釋重負.

忽有所想

新一年, 最緊要, 順其自然.
不要因為一些小事而庸人自擾.
塵世間, 對人, 對事, 對物, 就是講求一種緣份. 得之我幸, 不得我命.
世事無常, 今日的有, 可能是明日的無, 今日的無, 可能又是明日的有,
所以無需介懷, 無需執著, 無需苦惱.
每件工作都可以是學習, 每個路人都可以是朋友.

他們怎樣想, 它們怎樣發展, 我控制不了. 只知道

全力以赴, 沒有害人傷人, 沒有生事犯事, 就已經問心無愧.

努力走脂

原來有兩個蛋糕, 結果又食又拎, 帶一個回家, 與家人分享 ...
好好味! 明天開始, 我要努力做 ... 走脂派!

增磅少理

八月是我既愛又恨的月份 ...
假期, 生日, 固然開心,
不過, 經常聯誼, 經常被請吃飯, 增磅不少, 實在令人擔心!!!
話雖如此, 美食當前, 還是開懷大吃,
好為明天參加悶人會議的自己打打氣.

眼仔碌碌的凍蟹, 肉多膏鮮, super yummy ... 小妹負責 ... 包的腐皮卷. 餡料豐富, 爽, 甜, 清, 美味無比.
醉豬手 ... 豐富膠質, 多吃多漂亮, hee.
蠔豉肉鬆生菜包 ... 好 fresh. 用山東的餅皮包著吃, 又是另一種吃法.海鮮粥 ... 用魚骨熬湯煮粥底, 再上蒸蟹後留下的蟹汁精華, 加蝦, 加魚, 加瑤柱, 鮮甜程度可想而知.還有自家製的手打魚蛋, 真材實料, 無與倫比.
主人家還送上土耳其手信 ... pashmina. 好喜歡.wow, blueberry cheese cake ...
希望新一年, 大家工作順利, 輕鬆d, 開心d!!!

盼再出發

行行逛逛, 飲飲食食, 講講笑笑 ...
就這樣, 跟我的好姐妹完成了兩天逃亡叛逆之旅.
期待跟你們, 向世界任何一處, 再出發!!!

最後勁玩

叛逆逃亡之旅即將展開 ...
再度忙碌之前, 最後玩個痛快!

牛終放下

從前都幾喜歡鄭嘉穎, 可惜現在他形象花花弗弗,
一直都幾喜歡看王喜, 可惜現在他好像肥了走了樣,
所以沒有追看烈火雄心, 只有媽咪錄播的時候看幾眼.

今晚的大結局卻幾緊張 ...
他們被困火場, 我看得毛管打顫, 直至阿牛獲救一刻, 才舒一口氣.
情節可能是煽情, 可能根本是無可能, 不過, 劇集而已, 算啦.

看到阿牛終於放下, 選擇june, 看到他們擁抱, 流了一滴眼淚.
對, 不應該執著, 世界好大, 還有好多值得欣賞, 好多可以選擇.

總之好玩

回來了 ...
今天, 必然地整理相片, 重溫旅程.
好辣的韓食, 好洶的波浪, 好闊的草地,
好開心的笑容, 好強勁的跳躍, 還有
好多年的知心密友. 總之, 好玩.
其他點點滴滴, 留在網誌再分享.

祝福台灣的災民. 願上天保佑你們.

開心的事

吃生日蛋糕的確是一件好開心的事 ...

預祝生日

很少離家度生日. 趁機會, 先感謝各位
一直以來對小妹的包容和關愛 >3<
Wish us all the best ...

快樂泉源

今晚, 起程喇. 7 天釜山+首爾 with my gd gd OLD buddy.
出發前, 到帝都酒店(沙田)來個 lunch buffet.
4大1小, $600. 食物都 ok不錯!!!
朋友, 家人, 永遠永遠是我的快樂泉源 ...