開心緊要

最緊要你開心...
最緊要你都開心...

簡單一點, 樂觀一點.
保持平常心, 讓一切隨緣.

有關暗戀

亞寬(明報0427)話,
你有時會覺得對方其實早已知道，不過你又會推翻自己的想法，因為你不能接受對方知道而沒有反應的事實。
他/她當你是什麼？
如果最遠的距離是你喜歡他/她，他/她不知道，比最遠更遠的，是他/她知道了卻裝作不知。

亞寬(明報0429)又話,
暗戀是可以雙向的。　你暗戀著一個人，他也可能同時暗戀著你。　
......因為雙方自尊心過大，沒有讓雙向暗戀成為真正的戀情。　你對他有好感，他也對你有同樣的感覺，早已知道。你等待著他進一步，他也在等待。你覺得如果他真的喜歡你，一定會有行動。　但他也是這樣想，若你不給他足夠的暗示，他是不會說出口。　一直下去，沒事情發生。你開始不耐煩，認為他不是不喜歡你，只是不夠喜歡，不足以讓他拿下自尊。

謹此聲明: 斷章取義而已.

唔多夠潮

詢問好多人"屈機"的意思, 結果, 不同的人有不同的詮釋. 今次, 真係覺得自己out咗, 真係要向realreal請教請教.
http://sorealreal.blogspot.com/

無意中發現這個blog. 這篇講相睇都幾得意.
http://blogazine-hk.com/hk/?p=1414#more-1414

伊朗長大

我在伊朗長大...有趣的漫畫書, 作者輕鬆地講沈重的伊朗故事. 漫畫後來更翻拍為電影, 官方網頁都幾好睇. http://www.sonyclassics.com/persepolis/main.html

一個限期

黃昏時候, 走入烏溪沙吹吹風, 吹吹水. 係啦, 應該有個限期. 我明白!

今日食嘢有d亂嚟...早餐, 麥片+三文治+小蘋果. 十點幾, 叉燒酥+少少餅乾. 一點幾, 大蕉+大量薯片+麥米甜粥. 六點, 合桃法包. 七點幾, 朱古力蛋糕+燒賣. 八點幾, 麥當當shake shake薯條+魚柳包+雞翼一隻. 好似食咗好多嘢, 全部都高卡唔飽肚.

愛你不完

提早慶祝L的舊曆生日. 少爺話想打邊爐, 好, 滿足你的簡單願望.

主打其實係黑森林蛋糕. 覺得L真係大個咗...以前, 接過我們的利是, 佢都不太珍惜放埋一邊; 今年, 接到我們的利是, 佢會好有感情的講"多謝爺爺", "多謝嫲嫲", "多謝姑媽", 嘩, 超冧. 忍不住繼續寵愛亞L...對你愛不完!!!

點點奇蹟

噚晚飲咗兩杯生水. 事緣媽咪用一個新的玻璃樽盛開水, 佢用洗潔精洗完個樽之後, 就注滿一樽水喉水, 清清d洗潔精. 後來, 食咗幾塊薯片, 口渴, 倒杯水飲. 一會兒, 再飲. 唉, 出事啦! 媽咪好擔心, 我就覺得無所謂, 因為以前都試過水樽盛生水, 結果生水當熟水飲, 一樣無事.

我能夠長大成人, 安然無恙, 其實係點點奇蹟!

開始計劃

0526開始, 可以下晝走人.
0718~0819, 都總算有一個月.
好好計劃, 善用餘暇!

卅五週年

卅五週年紀念!

特意去花墟, 買束花送給我最愛的爸媽. 媽咪喜歡花, 有花收, 佢一定鍾意; 爸爸不會買花, 我代他買, 佢一定歡迎. 始終覺得玫瑰最適合, 最令人心花怒放, 最後, 就選了這一紮!

小插曲一, 小妹經常身無分文, 今日都不例外, 付款的時候, 才發現自己無錢. 幸好, 花墟盡頭, 有一間東亞銀行, 有部銀通機, 不用走太遠.

小插曲二, 叫爸爸到門口接花, 讓他親自送給媽咪, 怎料, 他完全忘記這個紀念日, 竟然跟媽咪說母親節快樂, oh my god.

再度擾民

擾民觀察再度展開. 放過我啦...唔知點解, 今次真係好抗拒.
幸好, 還有少少令人開心ge事.

無題0420

努力!!!

過早暴雨

星期六的紅雨, 黑雨, 雖然早咗, 但心情一樣幾好. 因為...
send一個sms, 換番兩次電話. 唔理咁多喇, 想做就做.
至少, 我盡力過.

偶像拉闊

舒利亞唱live, 我梗係覺得正啦!
雖然音效差d, 但係能夠見到我的永遠偶像, 夠啦!

http://youtube.com/watch?v=5hgGd7SwZnY

放下自在

剪了頭髮! 覺得好煩, 好悶, 好想有d衝擊, 有d新鮮感, 就換個新髮型. 其實想再短d, 不過, 慢慢來, 有個截然不同的感覺已經不錯, 俾藉口自己下個月再轉新款.

一邊剪, 忍不住一邊微笑. 從來都覺得頭髮係身外物, 無需牽掛不捨. 放下自在!

速速道歉

http://www.petitiononline.com/cnncaff/petition.html

下午參加一個seminar. 講者好有heart, 講得幾有意思. 好記得佢話, wait a little longer you'll see the result.

別太cnn

http://youtube.com/watch?v=SdT-wqndPAY

忽然半天

突然宣佈, 星期五和0502下午可以走人...實在是令人喜出望外的消息!

這個星期應該好易過!

亞坤kaya

收到來自新加坡的手信...咖吔.

既然有咁多麵包, break ge時候就急不及待嚐一嚐.
不過, 都係配多士, 加多層牛油正d. 帶番屋企再慢慢食!

三月草莓

上個月, 好多人去摘草莓. 時間啱, 好好味!

timing, 好重要.
今晚六合彩有5000萬, 你買咗未呀?

預祝派對

希望以後每月都有這樣的b'day k party!

預祝你生日快樂, 唔駛生日, 都天天快樂!

都是進展

下午, 坐在天星碼頭, 聽一個電話, 看一份報紙. 之後, 去ifc的Le Goûter Bernardaud下午茶. 我嚐了hot chocolate和一件檸檬味的macaron, 香濃與清新的味覺組合. 你們選的蛋糕也一樣好吃. 以後都要有這樣的悠閒下午!

http://www.legouter.com/store/

其實, 發展僅此而已. 我都高興, 因為今天又輕鬆許多. 原來, 還有情緒自主權, 感覺真好.

任何發展都是我將來的進展!

靜觀其變

聽到許多分析和意見. 謝謝. 再肯定, 我有很多好朋友!

可以勇敢面對. 不用擔心, 希望只是小事一樁.

回味剛才的峰壽司和綠茶雪糕...

仍要繼續

同意...life must go on!

今天我勝

今日才知道自己的dividend rate少過其他姐妹. 敝機構只有17.09%, 但你們卻有20.92%, 相差好遠wor...唔該我哋d投資顧問醒目d la!

當我考慮應該點做ge時候, 電話響lu...今個回合, 我贏.

終於離開

叫我講感受? 有好多唔好ge感受, 點講?

有好多嘢真係好難講出口. 還未有足夠勇氣...

我在我的世界不能犯規.

如何放下

亞寬話(0328, 明報), 有兩種情況是可以讓我們放下一個我們以為放不下的人，第一種是讓時間慢慢沖洗，有天我們會驚覺很久沒想起某個我們以為一生也忘不了的人；另一種，是這個人的位置，被另一個人取代了。

星期日下午ot, 感覺點都唔會良好. 不過, 聽到d令人開心ge說話, 算la. 明天last day, 好快可以重光lu. 怎樣做結案陳辭呢?

跌親縫針

L跌親, 要縫針, 姑媽好痛心!!! L話, 我無頑皮, 我唔小心跌親. 又有d感動位...例如自己整親, 都有叫媽媽唔好驚; 到醫院, 雖然喊住縫針, 都識得聲聲唔該. L, 錫晒你!

今日已經回復正常...識得迫我同佢玩泥膠, 玩車車. 三個幾鐘, 好攰lor. 雖然疲累d, 但絕不介意.

泰菜0404

首先, 多謝好姐妹的關心! 不用擔心, 發展還算順利...其實有你(們)在身邊, 我也一樣感恩和安慰.

美食四人組又出來覓食, 今晚多埋小A和小金鼠, 六個人更加熱鬧. 我哋沙田人都係去ntp, 今次揀泰菜...simply thai. 整體而言, 質素不錯. 可能我喜歡東南亞美食, 所有食物都很對味.

酸辣柚子沙律 spicy pomelo salad($48)...不用配雞或蝦, 清清地, 已經好好食.
海鮮喇沙湯米線 seafood laksa with vermicelli($60)...很喜歡新加坡式喇沙, 湯好好味.
軟殼蟹米紙卷 soft shell crab tempura rice paper rolls with bitter sweet orange dipping sauce($66)...其實炸軟殼蟹都幾好, 不過, 食兩件就膩了一點.
蕉葉焗雞沙嗲 chicken satay in banana leaf with satay sauce($48)...個人較喜歡串燒沙嗲, 印尼餐廳的好吃好多.
馬沙文咖哩牛腩 massaman curry with beef brisket($66).
椒鹽鮮魷. 酸辣汁 salt and pepper squid with sweet chilli dipping sauce($44)...我覺得ok, 不過, 幾多, 食極都有.
泰式雞肉炒飯 chicken fried rice thai style($60)...一般水準, 沒有深究.
香蕉布甸. 蜜香脆糖雪糕 sticky banana pudding with honey comb ice cream($36)...少少似香蕉蛋糕加雪糕, 幾好. 如果tea-time想食dessert, 這會是不錯的選擇.
心. 泰. 軟朱古力餅 simply thai chocolate cake($38)...心太軟好難唔好食, 不過, 椰子雪糕唔多夾, 好似用vanilla啱feel d.

但願明白

怎樣也好, 謝謝你的意見, 你的安慰, 你的關心.

其實, 揮別錯的才能和對的相逢. 你又明白嗎?

繼續運行

新一天人生繼續要運行...互勉之.

昨日看專欄, 知道獅虎叫liger, 虎獅叫tigon. 動物混合體...搞mug嘢?
"人獸混合體"面世, 更加有點不寒而慄.

風裡笑唱

朝早不太順利...miss 咗680, 白白等多十分鐘, 平日無所謂, 今日又凍, 有風又有雨, 仲有兩疊好重ge X, 好無奈. 到公司, 被1號召見, 因為有d好不小心ge mistake, 我自己都接受唔到, 雖然對方態度還ok, 但錯得太唔小心喇, 好唔抵. 之後, 又俾紙界損手, 痛.

中午之後, 好好多lu. 風裡笑著風裡唱......