需要時間

成日都好忙, 無mug抖過...需要時間適應, 需要時間做番d未做ge工作!

歲月催人

今日探亞爺, 順便去埋亞婆亞公度, 咁星期五就未必再出lu.

約埋二叔, 三叔和姑姐幾家人. 探完亞爺之後, 總會在樓下開餐. 看清楚, 原來不單止爸爸, 其實二叔, 三叔都老了不少. 真的, 所有長輩都老了, 我哋一班後生都不再小朋友了. 歲月催人.

p.s.終於搞定幾疊X...其他嘢, 聽日再衝過!

少少內疚

朝早去個簡報會, 下午跟L踩單車, 夜晚出去食個飯. 又係做唔到嘢...點搞?

少少內疚.

預咗這兩天會音訊全無. 算啦, 解釋唔到, 無謂諗點解.

天真朋友

跟小M和G去shakey's pizza. 忘記帶相機, 沒有相片參考. 整體而言, 味道ok, 不過size幾細, 以後姐妹們去傾偈食飯就最適合.

後生仔好多嘢講...我喜歡這樣天真的朋友!

幾時可以

假期所剩無幾, 卻還有好幾樣工作未完成, 點算?

今晚跟C及其男友食飯...印尼餐廳的確幾有水準, 露天位置好舒服.

幾時可以2+2咁食呢?

處之泰然

真係, on-line就做唔到嘢!

hee...我都唔介意ge!

毓民麵家

可能無叫到最馳名ge食物...牛肉麵, 覺得質素都係一般.

少少失望. 不過, 都多謝你聽我成餐飯亂up一通^o^.

時菜一碟($12)

家鄉魯肉麵($33)

私房冷麵($35)

另外, 還要謝謝C的意見和K的關心!

首次出鏡

去探望可愛bb小M. 我哋玩按摩, 玩唱歌, 好開心.

你就好la, 有咁得意ge囝囝!

你係本網誌第一個真正出鏡ge人物, 恭喜恭喜!

all or nothing

未擁有, 已經害怕失去, 甚至可能已經失去.

all or nothing...你會怎樣選擇?

輕微冷親

可能朝早冷親, 之後就開始好凍, 凍到震, 又開始腰骨痛.

即刻添衣, 食感冒藥, 宜家尚ok.

唔好病呀! 放假更加唔可以病!!!

未知之數

藍營勝出...都算意料中事吧.

可惜, 我的許多許多, 還是未知之數!!!

父子二人

好開心, 因為我又成功帶L出街. 跟L手拖手逛街...好自豪, 好享受.

我們去了M家, 參加小朋友派對. 主人家為小朋友準備了雞蛋和顏料, 我們可以製作復活蛋. 不過, L實在太沈迷thomas車車, 結果, 姑媽出馬...haa, n年未搞過這類小勞作! anyway, 多謝M的款待!之後, 帶L去cwb探爸爸班. 兩父子話去玩具反斗城, 我沒有興趣, 就乘機上金百利逛逛. $500, 折上折, 買了三對鞋. 一直, 我都喜歡買鞋多過買衫, 許久沒有這樣痛快掃貨了.

原本, 答應L坐叮叮, 坐船, 不過, 因為大家各有戰利品, 各有點疲累, 最後都係坐680歸家. L靠著我睡著了, 我想起小時候, 他爸爸也是這樣靠在我身邊. 永遠疼錫你們兩父子!

勇敢面對

我要勇敢...面對以後的有或無.
the biggest failure of all is you don't try.

開始假期

今天做義工, 服務對象是一些唐士綜合症, 自閉和弱智的小朋友.

增加了對這類弱能人士的認識. 雖然付出一些時間, 但其實自己也甚有得著.

還等著我

終於last day, 明天開始放假!!!

唉...還有兩個單位各三疊X等著我.

不要敗輸

唱得好好聽. 有幾句好感動.
http://youtube.com/watch?v=HYaWl5-v5-M

留學記趣

行下小山, 活動一下筋骨. 共走了三次, 有氣喘, 有出汗, 算做過運動吧.

在公園看到一個婆婆穿著畢業袍, 抱著畢業啤啤熊, 跟女兒和孫女拍照. 替她開心, 所以我也駐足鼓掌, 說了一聲恭喜. 最後, 還替她們影一張全家福. 我明白, 影畢業相, 真係幾開心!

今日八點就起身, 再睡不著, 看了留學記趣. 作者分享她在北師大做研究生的生活點滴. 我想起許多許多, 當年的片段好像逐格逐格重現一樣. 好懷念!!! 還有另一本留學記趣(奧地利), 希望盡快搞定. 書, 實在看得太少, 與他相比, 更覺慚愧.

三花過海

行程好緊湊, 上山下海...過尖咀吃飯.原本想吃鼎泰豐, 不過, 超多人.

轉去亞士厘道, 某大廈二樓的越南餐廳. 新張期內, 送春卷, 另指定飲品半價.

冬蔭公...跟泰式不同, 這款較creamy, 加一隻大大地的蝦, 好味. 辣d.

柚子沙律
豬排撈濛.
青咖啡(豬肉)+蒜蓉包

環境, 服務都ok唔錯,可以再去.

三花上山

聽從dr.L的指示, 我們從hku爬上山頂. 三花出發! 沿大學道, 直上校長官邸.
過馬路之後, 上一段小樓梯, 再向右上.
行呀行, 見到一隻松鼠, 完全唔怕人, 繼續享受玩(?)和吃(?)的樂趣.

旭龢道開始, 山頂為終點.

鳴謝F替我拍攝!

沿途飽覽維港景色, 不過, 朦咗dd.

走得很舒服...邊行邊講邊呻邊笑. 減壓良方.

dr. L的半山豪宅, 很久沒有踩場了.

憑欄遠眺......

尺寸千里，攢蹙累積，莫得遯隱.

有用地圖.

快到終點, 看到一個肥美的鬼B. 好想影佢正面, 可惜失敗.

山頂有不少人放狗, 有兩隻鬆獅好可愛. 這是其中一隻, 懵懵地.

疑似學生

恭喜B終於取得畢業證書! 重訪hku, 有幾個XX中學的學生, 想訪問我們, 了解一下大學生的生活如何. 以為我哋係大學生...幾咁值得高興!!!

繼續就好

14.3.08...繼續就好.

繼續等候

今日幼稚園和小學開始停課. 希望只不過是提前放復活節, 大家都身體健康.
我還是等待319!

平淡也好

噚晚瞓得唔好, 成晚醒. 點解呢? 好似係一d好多年前ge感覺.

開始歸於平淡嗎? 也好.

可以延續

可以延續. 很好!!!

希望永遠

1330之後, 開始好開心.
或許只是曾經擁有. 都好!!!

為了不做

看見kelvin接受訪問, 講以前收到影迷的來信, 我即刻會心微笑, 畢竟是十多年前的往事了. 我想知道, 除了C和我之外, 其實他還有幾多個粉絲呢?

今日天氣好好, 如果去行下山就好lor. 我, 就只有一邊睇碧咸, 一邊做嘢. 算吧, 做是為了不做. 我想到thomas有首歌好有意思......
http://hk.youtube.com/watch?v=S8Nsbah3uXE

飽繼續食

tea buffet之後, 返沙田跟K, J & T會合. 去ucc, 原本只想坐坐傾下偈, 點知都係食好多. 這個車厘茄salad由我一手包辦...擺和食.

main dish 1...海鮮湯意粉(白汁).
main dish 2...海鮮茄汁意大利飯.

main dish 3...牛肉咖哩焗飯.

K, 資料如有錯誤, 請提我更正.

慶祝三八

慶祝三八...L, L媽, 媽咪和我一齊去excelsior食tea buffet. 我自己覺得一般, 食物種類都ok, 不過, 普普通通, 而且都幾多人, 幾迫.

因為有coupon, 所以只要加一大($148)一小($128)的價錢就可以埋單. 之前或許覺得L俾128唔抵, 不過, 雖然人仔細細, 但我都唔係食多佢好多, ok la.

週六早晨

很喜歡cu, 有許多路讓我走個痛快. 今天更開心, 因為目的地是逸夫書院, 比本部還遠. 爬斜坡, 看見慢駛兩個字, 覺得好有意思, 有一些啟示. 走到中段, 通常都會轉乘電梯. 可以快d, 兼可以休息一下.
代表春天已到, 代表考試季節重臨大地.
可能還早, 走在人跡稀少的大道上, 更覺自由自在. 欣賞自己, 懂得享受和能夠享受這種閑逸.

大約半小時, 終於到達目的地.
早餐...陽光, 微風, 媽媽三文治, 清水, 報紙, 好滿意, 好滿足.

泰菜小聚

幾個同事, 跟小M聚一聚.

行harbour city時, 見到嘉亨. 大美人, ok la, 不過, 我更留意亨亨, 他比我想像中瘦和老. 反而想到Isabella和Richard. 真唔真呢?

聚會地點是金不換, 整體而言, 食物味道, 環境, 服務都算不錯. 喜歡那幾款甜品, 甜度適中.