己丑初六

年初一, L還是很佻皮, 穿著紅色converse, 不知幾 有型. 可惜, 當天晚上, 佢就開始嘔, 年初二就開始疴, 直至今日, 雖然沒有嘔, 不過, 都疴了3次. L無晒胃口, 食幾啖意大利粉就話飽, 幸好, 還肯飲湯, 叫做有番d水份和營養. 可能體力始終欠佳, 終日都躺躺臥臥, 從來未見過L如此疲累虛弱!

明白L係好辛苦, 不過, 小朋友, 你都唔可以恃病而亂發脾氣. 為保你的名聲, 姑媽不羅列事例, 只講一件疑似令人感動事件. 話說, 兩母子走的時候, L話無晒力, 走不動. 我見L媽都同樣疲憊不堪, 於是就幫手抱L返屋企. 下車之後, 繼續抱住L, L媽見L眼濕濕, 問佢係唔係因為姑媽辛苦抱佢, 佢感動到想喊. L竟然點頭(兼微微奸笑一下), 這一刻, 不理L的感動是真是假, 我都已經好感動啊.

醫生話這類腸病毒的康復期為3至8日, L, 今日已經是第五日, 再忍耐一下吧 ...

己丑初五

又係我哋一年一度的新春團拜, 雖然不是最齊人, 不過有X回歸, 加上一班bb新力軍, 今日都算人才濟濟. 如果有埋亞L就好啊, 佢一定好開心, 可以發揮大哥哥本色. 好, 以後會再搞小朋友活動, 等L和姑媽都可以再玩一餐!
驚喜發現 ... 小BB不但貌似可愛小僧, 更是斤兩十足, 一雙豬仔腳更令我愛不釋手!

生日快樂

happy birthday to ah B ...

花開富貴

看見好燦爛的芍藥, 除了想到花開富貴之外, 還想到我們的
花樣年華!

試嚼江南

L黃昏時分出院度假, 我就繼續我的新春活動 ... 見見我兩位好姐妹!

我們一行五人(美食四人組+小A)到ntp嚼江南來個小型春茗.

米酒雞 ...

生煎牛肉包 ...

豬肉小籠包 ...
漁香炒飯 ...

上湯小棠菜 ...
包公骨 ...
拍青青 ...

酥炸桂花豆沙湯圓 ...

己丑初四

昨晚半夜, 還是送L到醫院. 原來昨日都疴了9次, L辛苦, 爸媽都辛苦.1000, 我去接力. 情況比之前好很多, 可能打過點滴, 體力恢復了不少.

昨天, L整日躺在床上, 今日, 終於坐起來, 又不斷跟我們說話, 想走來走去. L開始變得生猛啊!
跟L獨處幾小時, 望住L, 覺得他長大了. 有時候, 他的說話, 他的動作, 十足大人一樣. 有時候, 又覺得他仍然好小朋友, 仍然好bb. 我在想, L你大個會變成怎樣. 想呀想, 想得太遠了, 最緊要此刻你快快復原 ...L永遠是我們的寶貝, 我們會陪伴你面對所有所有 ...

己丑初三

L今日有d進展, 不過, 都係好小好小ge進展. 仍然有點擔心!
探L, 見到佢成塊面"粒"晒, 雙眼都顯得大咗.
更加輪廓分明, 更加似鬼仔 ... 唔恨呀.
只希望L早日康復.

到ntp逛逛, 商務是必到之地.
買了一本書. 喜歡橙色封面, 喜歡佛家智慧 ... 新一年, 要聰明伶俐!

己丑初二

這是表姨甥小B ...原本想帶L去拜年, 兼且跟小B玩,
誰不知L腸胃炎, 上吐下瀉.
聽L媽講, L個肚仔"粒"晒.
哎呀, 姑媽好心痛啊!!!

身體健康 ... 好重要!

己丑初一

年年歡樂, 歡樂年年 ...
恭喜發財!
去探亞嫲, 跟她拜年.
二叔, 三叔, 姑姐, 加上我們, 幾家人聚首一堂,
又好似回到小時候一樣.
雖然大家交流不多, 不過, 血濃於水的感覺還是實實在在的.

爸媽不在家, 我又可以享受一下
自由自在的私人空間 ...

迎接好運

我們是真正沙田友!

上次新年倒數去中央公園.

今晚逛年宵去源和路球場.

聽說沙田的牛年運勢都不錯,

地靈加上人傑, 希望2009可以行個好運啦!

已經清除所有文書工作,

這個假期只需要計計數, 按按計數機.

輕輕鬆鬆, 開開心心, 安安樂樂 ...

財源滾滾

預祝財源滾滾 ... 是財源, 非裁員.

看新聞透視, 講幾個金融海嘯下都堅持不裁員的老闆.
不約而同, 他們都說雖然08年經濟倒退,
不過, 海嘯前的十個月,
其實他們都一直盆滿砵滿, 只有最後兩個月虧蝕.
而且, 開業以來, 真正錄得負盈利的, 不過是一兩次,
既然公司從來未蝕本, 就應該保著員工的飯碗, 負起社會責任云云.

不是老闆, 沒有想過經營公司的困難.
他們的話卻令我醒一醒.
去年, 的確有不愉快的時候.
撇開那些所謂不開心, 其實還有許多快樂.
就算真的蝕比賺多, 再想想之前幾十年, 蝕過幾多次呢?
一場海嘯, 不, 只是一場小雨, 覺得不高興又有什麼不妥?
不要, 無需要, 看輕自己.
抬起我的頭來 ...

萬年孤寂

亞寬(0123明報)話 ...
逃避的男人，如非深愛，宜及早遠離，免得日後經歷大事時，他的逃避行徑損害更大。

不斷聽萬年孤寂.

好多錯配 ... 你愛她, 她卻愛他.

點解愛一個不會喜歡自己的人?
點解等一百歲都要繼續等下去?
最諷刺是, 始終你亦不喜歡我.
關心你 欣賞你 珍惜你 等不到你.
http://www.haoting.com/htmusic/311340ht.htm

團年晚飯

團年飯, 簡簡單單, 叫個盆菜算了. 終於可以享受cny假期喇!!!

未來十日, 少少工作, 其餘時間, 無樂不作!!!
開開心心迎接我的桃花紅鸞年.

太陽出來

陳綺貞出了新碟, 一定會狂聽!!!
http://www.haoting.com/musiclist/ht_6c3acf595a8f0d01.htm
期待0221 ...

明天就是最後一個鼠年工作天.
已經好努力將負擔減到最少,
今年, 不能奢求零負擔.
以後, 一定不會重複犯錯!
知錯能改, 善莫大焉.

晴朗天空

rest in peace ...
彌撒上, 聽著在晴朗的天空下, 好感觸.
勵志歌曲, 永遠百聽不厭.
在悲傷失意困惑懊惱的時候,
更是叫人振作勇敢的聲音和力量.

為了看obama就職, 昨晚1點半才睡覺.

加上今日流了幾行眼淚, 中午過後,

開始眼澀和頭痛, 總之, 好想合上眼睛, 好好睡一覺.

holiday mood已經出籠, 不過, 還要努力 ...

盡量減輕新年假期的負擔!

在晴朗的天空下
將開眼中 一扉暖暖的窗 驅走這赤地裡的荒涼
從大地頭上 初昇的朝陽 照出一個永遠方向
懂得愛心 知道怎麼分享 不枉愛過活過這一場
誰亦是同樣 奔波於驕陽 人潮從來沒有築牆

一早決心 將我愛笑的心 感染這世上愛哭的人
曾立下宏願 可不可都能 唱出真正壯闊聲音
關心眼光 彷似最美的燈 終於會照亮遠方的人
如未盡全力 怎麼可消沉 能抬頭凡事也可能

人和人年和月都太類似 無論怎麼都只活一次
晴朗的天空中找到生息的真義 人才能無悔舊時
在人潮和圍牆下只要願意 憑著一雙手總是可以
晴朗的天空中 跨過彼此的疆界 連潮流亦會轉移

紅豆力滋

繼續努力, 做應該做的事, 不做不應該做的事!

紅豆味百力滋 ...

幾香紅豆味, 不過, 稍甜, 吃幾枝就要停一停.

當然頭痛

整整一個星期睡眠不足,
極度頭痛, 都是理所當然的.
今晚, 我會早點休息, 不工作, 不上網.
應該愛惜自己, 善待自己!!!

未必時刻意識, 其實分秒隨形.
別再為他流淚 ...
http://www.haoting.com/htmusic/311957ht.htm###

最長加時

1400出門, 2230返到屋企, 這次週日ot似乎長得有點過份.
雖然都有兩個半小時free, 不過, 還是選擇返公司做做做.
唉, 還有許多許多許多 ...

好欣賞這個晚餐 ... 蕃茄香蒜醬三文治.
裡面有蕃茄, 芝士, 羅馬菜, 香蒜醬, 蕃茄乾和羅勒,
非常適合努力抗戰中的我!

嚐夜上海

三花終於再聚喇 ... 之前, 大家輪住病. 結果, 聖誕無見, 新年又無見, 新曆開年飯都變為舊曆團年飯.
為隆重其事, 我們選了hong kong hotel的夜上海. 我喜歡這個幾風情的名字, 喜歡裡面黑黑暗暗的風情感覺. 小妹要減肥, 所以都盡量點清淡的菜.

甜品不錯. 除了傳統的八寶飯和酒釀丸子, 我們還點了黑芝麻布丁加花生雪糕, 好回味呀.

今餐好豪 ... 不是計錢(每人$240), 而是計卡路里!

我要繼續努力 ... 減減減!

L 去賣旗

亞L去賣旗 ...
雖然會被拒絕, 但L還是鍥而不捨, 希望將所有旗賣出.
L媽和嫲嫲都好落力幫手, 似乎只有姑媽冷眼旁觀.
怎樣也好, 我會精神上無限量支持你啊.

遇上L的女同學仔.
她的爸爸說, 原來你就是 ...
之後, 這個uncle更走過來跟嫲嫲耳語.
原來小女孩話大個要嫁給L.
小朋友, 究竟你是天真還是老積呢?

可以放好

又有人覺得我肥咗. 要行動喇!

如果未放下, 可以先放好.
有一點點意思 ...

冰冰寒寒

總覺得今日冰冰寒寒, 可能是連續兩晚夜瞓的後遺症!

快快回暖吧! 好想狂做運動, 減走那些贅肉和脂肪!
的確胖了 ... 走路的時候, 感覺最明顯.
騙到別人, 也騙不過自己.

脆弱時候

仍然好凍! 幸好, 風比昨日細, 可以放心走那段路.

踏進辦公室, 文件繼續堆積如山.
再想到周日晚上的超級額外ot job, 就更覺得有點不是味兒.
大大小小的準備功夫浪費我不少寶貴時間,
再返回座位, 望著自己凌亂不堪的小方桌, 唉, 無奈.

或者, 不應推卸責任.
明知是緊張關頭, 昨晚還是沈溺網海.
說到, 未做到. 有點介意!

總之, 今日有好多非常脆弱的時候 ...

開心小事

今日好凍! 朝早走去車站那段路, 好大風好寒. 逆風而行, 戴著帽都於事無補, 只好舉起am730擋住面前的凜冽寒風. 低著頭向前走, 好戲劇性, 竟然撞到燈柱. 好好笑!

am740收到S的電話, 提我陳綺貞演唱會開始訂票. 太好了, 之前知道會有0221紅館演唱會, 已經一直密切留意. 0900, 開始打電話, 直到1050, 打第75個電話, 終於打通了. 最愛陳綺貞演唱會! 可以再欣賞, 再回味, 好開心!!!

放工, 去揾小M玩. 已經係一歲零兩日大的bb. 祝你健康快樂, 平安幸福. 大個仔再著套錫絲兔, 企定定跟姨姨合照呀.

無題0112

寒冷 ... 還抵擋得住!

原來好快又放假. da-da-da-da ......

活動簡介

沿途檢查站簡介
CP1
由東涌東薈城名店倉露天廣場起步，穿過行人隧道及天橋，轉入東涌路，然後經黃家圍進入鄉郊小徑，穿過果樹林到達石門甲村公所前的檢查站。 (長3km, 上升20m)
CP2
離開石門甲檢查站，開始沿水泥小徑上山，兩旁樹影婆娑，右方傳來淙淙流水聲，一片寧靜。當轉入地塘仔郊遊徑，此段山路較多石級，到達東涌道後需沿車路上行，由於進行道路擴建工程，必須慢行及小心車輛。檢查站設於伯公坳鳳凰徑第三段入口上行不遠的涼亭。 (長5km, 上升380m, 下降100m)
CP3
登香港第二高山鳳凰山，須由300多米上行至934米，沿途無樹蔭，多陡直石級，極費體力。在山頂飽覽四週景色後，下山盡是高而直的石級，到達匯豐銀行慈善基金戴維斯旅舍檢查站時已越過最艱辛的路段。(長5km, 上升560m, 下降380m)

CP4
離開匯豐銀行慈善基金戴維斯旅舍檢查站，經大佛廣場至昂坪市集，然後進入昂坪棧道，到達彌勒山纜車轉向站便是第四檢查站。(長3km, 上升30m)
CP5
離開檢查站，接行昂坪棧道，在棧道上不妨與纜車乘客揮手打招呼，並欣賞國際機場和四周優美景色。為安全計，棧道內不宜奔跑，請依照工作人員指示，並顧及棧道上其他遊人安全。走完千多石級便到達平地，過侯王橋後便是設於東涌戶外康樂營門前的第五檢查站。(長4km, 上升50m, 下降560m)
終點
由第五檢查站出發，途經侯王宮及逸東村後直趨東薈城名店倉終點。(3km)

http://npcw.yha.org.hk/route.htm

走昂平四

其實有想過坐360返東涌算了. 不過, 不走棧道, 太可惜喇. 所以, 還是走下去. 這一段, 輕鬆!

360就在你頭頂 ...
可能我們歇得太久, 到check point 4, 我們聽到工作人員話 ... 卒之到喇.

一行六人 ...
繼續攀山越嶺, 中段, 有一條好斜的樓梯.

這個媽媽更揹著小寶寶 ...
有時候, 一步一驚心 ...

走這條棧道, 好有成功感!

還要越過下一個山頭呢 ...
真的走了很遠很遠 ...

其實只有Y報名參加, 她還是想趕去check point 5蓋印.
到喇, 我都一樣做得到!
Y, 亦即是我們一組, 是最後去報到的參加者. 工作人員終於完成工作, 可以休息. 有勞!
由東薈城出發, 再返回東薈城, 我們共用了8小時26分36秒.
今日, 很開心很開心很開心! 2009, 要擁抱快樂!

***昂坪市集 > 昂坪棧道 > 東薈城名店倉