都算溫暖

市區最低8.5度...著夠衫, 算溫暖, 好!

今晚及明日多雲，有一兩陣雨。天氣寒冷，晚間市區最低氣溫約9度，新界再低兩三度。明日最高氣溫約13度。吹和緩北至東北風。

隨後數天天氣持續寒冷。

連冷七日

連續七日寒冷警告! 這兩天, 刻意禦寒, 盡量做足保暖措施, 所以還抵得住. 始終買不到一條合適的長褲, 唯有繼續做好打底功夫la. 明天10度, 怎樣也要撐下去!!!

年卅晚前都不會回暖, 保重.


hapi b'day to B. 因為我是大姐姐, 所以很愛弟弟(我的自傳1984.9.1).

已經溫暖

跟雨雪災民相比, 我其實已經好幸福, 好溫暖.

紅色餐廳

噚日出街的決定很明智...感受過昨日的陰寒, 今日真係相對無gum凍. 聽講週中又會凍d...我好驚.

今日開始擾民觀察, 原來都會早一日通知. 有d唔開心同壓力lor, 我覺得整件事可以做得好d, 令人覺得舒服d lor. 我感覺好d, 效率都高d la. 唉, 都唔知佢點諗!

講下食la...上星期五去咗red cafe食lunch. ok wor...裝修簡單, 有pasta, 焗飯等等, 都幾多選擇. 叫一個main dish, 再加$10可以有埋湯和飲品, 都係60幾蚊. 唔錯. 當日我選了車厘子煙鴨胸焗紅米飯(最後圖), 除了汁多咗d濃咗d之外, 整個配搭都幾好. size都啱啱好, 唔會好飽. 不過, 同事的spaghetti和蝴蝶粉就幾大碟, 可能只係焗飯較的骰罷了.

抖擻振作

唔要再呆下呆下, 決定去NTP逛逛.

我想親身感受一下外面寒冷的天氣, 測試自己是否完全康復(好傻!). 我想買禦寒衣物, 希望可以真正保暖. 快d回暖la! 我真係好怕這種又冰又寒ge天氣!!!

croquant...嚴格來說, 不是麵包, 是合桃加糖加酥餅的一款甜點心. 今次終於買嚟食, 或者, 少吃多滋味, 一個人食晒好似漏咗d.

令人無奈

好無奈...我又病!

噚日, 頭極痛, 人極凍. 心知不妙, 所以回家後立即重施故技...大被過頭, 希望一覺醒來就無事. 可惜, 事與願遺, 身在被窩裡, 頭仍然好痛, 上半身好熱, 但下半身卻怎樣都冰冰冷冷. 八點幾起身, 就同媽咪講好辛苦(L媽都覺得好笑, 平日點都頂住ge姑媽也會好似小朋友一樣). 再探熱, 原來38.1, 輕微發燒. 想到外面寒冷的天氣, 實在不願走出去看醫生. 於是食些退燒藥再瞓.

宜家瞓醒一覺, 頭不太痛, 只是整個人都好疲累. 相信今日又係終日卧睡在床. 不想看醫生, 總覺得沒有咳, 沒有傷風, 沒有喉嚨痛, 只要多休息就自然會好.

2008開始, 已經病了三次, 真的無奈, 一來病真係好唔舒服, 二來我覺得好浪費時間, 因為休息, 工作也好, 玩樂也好, 什麼都做不來. 唉, 我只想身體健康......

誰的晚餐

誰的晚餐?

無端擾民

無端端又整d observation, 好擾民lor!

明明諗住疊埋心水等放假ga ma!!!

忽然病了

噚日脫稿, 因為小妹忽然病了.

其實起身已覺得唔妥...週身骨痛, 完全唔想伸直個人, 好似俾人打一餐咁. 出街, 就覺得凍, 覺得寒. 心知不妙, 已經問同事攞康鈣C和感冒必理痛, 的確係好d. 不過, 下晝又熱到要撥扇, 之後又再變寒變凍. 返屋企, 食完飯, 睇完天氣報告, 食完感冒藥...瞓覺! 未夠7點就瞓!!! 瞓到10點幾, 原來出了一身汗, 於是換衫兼食多一次藥, 瞓到今朝又再起身返工. 幸好, 總算無mug大礙.

唉, 一冷一熱, 乍涼還寒. 小心為上!!!

必薩餅乾

幾得意的pizza餅乾. 香脆, 有d似薯片.

不做草莓

唔想L做草莓! 台灣把上世紀八十年代起出生的青少年標籤為「草莓族」，取其溫室培育、貌美鮮嫩、一捏就破的特性。「草莓族」中的「老一輩」，今天已經到了讀大學或投身社會工作的年紀。他們的上司不少在網上吐苦水，指他們喜愛享受，自我中心，側重自己權益，缺乏體貼寬容，受到責難先覺委屈和哭泣，疏於自省解決錯失。(星島)

今日陪L去賣旗(一陣啫). 幫我賣支旗...hee, 雖然有時怕醜d, 但佢都算落力. 叻仔!

還有點寒

仍然陰陰寒...

喺屋企打邊爐, 便宜, 舒適. 吃了許多許多, 好飽!

太飽!!!

不勝寒冷

處處不勝寒...怕, 怕, 怕!

L媽執拾家居, 竟然撿到我四年級至六年級的作文. 看見那些粗糙的文筆, 還有極其幼稚的小孩字體, 不禁發笑. 全部都是廿多年前的作品lu.

退步向前

今日寒好多, 個頭都赤赤痛! 我承認, 低估了寒冷程度.

搭電車, 車頭車尾倒轉了. 電車向前行, 坐在車廂裡, 反而覺得自己一直倒後. 想起以前讀過的一首詩...手把青秧插滿田, 低頭便見水中天, 心地清靜方為道, 退步原來是向前.

向前, 可以有好多方法.

夢醒最痛

能夠活在甜夢當中, 多好!

夢醒的一刻好痛苦...因為返回現實, 因為又要起身去返工.

無題0114

開會至六點幾...疲累!

唔理人點解唔做. 總之, 我盡力而為, 問心無愧好了.

追聽哥哥

可能噚晚睇完回顧哥哥的節目, 今日特意聽番佢ge寵愛album. 這是我唯一擁有的張國榮cd, 之後, 再沒有買過佢ge專輯lu. 聽"追"的時候, 居然喊wor. 不是不開心, 可能真的因為懷念而有所感觸. 噚晚的節目有播過"痴心的我", 或者, 之後搵番d錄音帶出嚟聽. 那二十幾盒帶宜家仲擺喺櫃底.

勁歌總選, 望過幾part, 只覺得嘈, 悶, 難聽, 即刻轉去新知台, 睇肥媽私房菜.

去大埔滘

藍藍的天空, 點都要去郊外走走!
可以坐小巴或巴士, 到松仔園下車. 我們食完峰壽司, 就過去偉華中心搭小巴.

我們的目的地......

沿路有好多樹葉. 踏著這些枯葉向前走, 幾有外國feel. all you have to do is listen...風聲, 樹葉聲......

這個路徑看不到山和海, 但聽說是觀鳥和賞花草樹木的好地方. 走在這條環迴路徑上, 彷彿置身於叢林深處一樣.

忘記了我們走哪條路. 紅還是藍?

夾道都是高瘦的樹木, 滲透著點點陽光.

看到另一種樹葉. 雖然已經枯掉到地上, 但感覺反而幾浪漫.

想起長腿叔叔...這是我最後一齣追看的卡通片.

嚐峰壽司

海膽 $25

塩帶子 $25 和北寄貝 $15
三文魚 $9

火炙盛(三文魚, 帶子和鰻魚) $25
峰玉子 $12

腐皮 $9
裡面加芝麻, 特別好味.
峰蝦 $20

那堆wasabi足夠點多兩件三文魚壽司ge.
覺得肚空空, 最後都要加多碟三文魚. 真係飽飽和滿足.

請多聽聽

又有小金豬新鮮出爐! 恭喜C & P.

放工之後, 半公半私, 看了齣戲... 聲夢奇緣 August Rush. 裡面, 充滿音樂, 無論band sound, classics, 還是普通的風聲, 天籟人籟, 總之統統都好好聽, 好吸引. 我覺得這是一個講緣份的故事...男找女, 女又找男, 子尋父母, 父母又尋子. 可以批評有關情節, 但無可否認, 因為充滿動聽的音樂, 整套戲的氣氛變得好好. 好多人激讚這齣戲, 話非常好看. 我? 只可以話幾鍾意, 幾有好感. 因為男主角叫august, 對八月人來說, 特別親切. 裡面的吉他聲讓我想起一些事; 又很羨慕他們終於在11年後相遇.

如果可以全情私人享受就好...唉, 還有些公事要跟進呢!

all you have to do is listen--應該多聽聽這個世界的聲音. 希望聽日可以聽多d草聲, 樹聲, 雀仔聲la!
http://augustrushmovie.warnerbros.com/

積極待假

覺得自己好productive lor! hee, 其實, 只不過清理d應該喺2007年前完成ge工作啫. 對cny有少少寄望, 希望可以少d工作負擔la.

唔知呢, 開始有等放假的感覺(積極ga)!

再下一城

自問好努力, 所以今日又搞掂一疊.

少少成就, 可以彌補點點唔開心!

密密清貨

好努力去清d存貨...不過, 聽日又有新ge嚟.

唔理喇, 做幾多得幾多la

很喜歡蠔

明明好番好多gala, 但係一返工, 又自然無咁舒服. 點解? 早日康復, 你和我!










媽咪喺流浮山買了一些金蠔, 今晚趕快烹調炮製. 一個煮法係加蒜泥蒸, 另一個煮法係香煎. 蒸的仍然保持鮮味, 煎的就十分香脆. 以前小朋友時候非常討厭吃蠔豉, 直至廿幾歲的某個新年竟突然喜歡, 真後悔自己以前唔食, 食少了十幾廿年. 快d新年la, 蠔豉炆東菇炆海參, 正!

很喜歡蠔!!!

舒服好多

今日再瞓多d, 飲多d暖水, 舒服好多lu!

應該真係好番la.

無題0105

無辦法, 帶病在身. 瞓醒, 晚上, 跟她們re-u. 去了旺角的上樓, 食上海菜. 最得意係後樓梯的職安健博物館, 我哋都有參觀一下. 如果狀態好d, 應該可以更盡興. 收到大大張xmas card, 多謝她們的心意.

無題0105

舊天星與皇后! 好自然地上前, 提起相機影一影. 可能遲了, 但至少, 也算感受過. 點解去完大會堂, 不直接搭地鐵, 硬要走去康樂大廈, 坐天星小輪, 然後經過文化中心, 再轉火車? 可能都只不過是同樣理由.

感受維港上空的陽光, 享受一件紅豆燒餅, 幾寫意. 不過, 我其實有點頭痛, 回家後, 我又午睡兩小時.

壽司襪子

又好鼻塞, 少少呼吸困難. 其實, 係開始收鼻水, 就快好lu!

壽司襪子, 謝謝!!!

順心如意

新一個工作天, 希望事事順心, 樣樣如意.

早有禦寒準備, 都ok. 不過, 天氣寒冷, 真係臃臃腫腫, 連頭髮都唔想梳理.

我一定唔做冬天新娘. 最好八月結婚, 大家都八月生日仲好.

新的希望

噚日除了食飯和食藥之外, 全日都係瞓. 感到有點慚愧...我病就可以大覺瞓, 媽咪病卻要繼續打理家頭細務. 無私付出...應該怎樣回報呢?

2008年又過咗兩日lu. 希望新一年, 我會有智慧, 勇氣和力量去面對各項挑戰.

PHENERGAN 25MG(收鼻水, 敏感), EUROTAPP(收鼻水),

FELPENOL 500MG(感冒/止痛), BECHLOMIN(敏感),

AMOXIL 500MG(消炎藥), LYSOZYME 30MG(化痰/消腫),

PHARYNX(喉糖)

倒數零八

噚晚跟劉德華倒數. 時間過得好快, 前幾晚先坐過對面, 咁快又除夕倒數. 每人派一支螢光棒, 整個紅館變得好靚. 一齊倒數, 的確熱鬧開心d. 可恨自己狀態唔好, 否則一定更盡興.

新年快樂

新年快樂!!! 今日, 九點半就起身...去睇醫生. 小妹的喉嚨勁痛, 勁鼻塞, 無la, 感冒la. 好lor, 終於全家人都睇晒醫生lor. 新一年, 要身體健康!!! 真係, 最後兩日要全力休息