The Verandah

緊接婚禮是在The Verandah舉行的西式婚宴, 我幾欣賞, 有情調, 可以延續一種浪漫氣氛. 拾級而上, 兩旁是玫瑰花和洋蠟燭. 餐桌一字排開. 燭光柔和...L食完頭盤已經想瞓覺. 我就好鍾意這種氣氛!
食物當然重要. 之前也想到這餐廳見識見識, 聽聞這裡的dessert buffet比cova更好. 今次的食物都唔錯...grilled scallop and peppered mango salad with curried vinaigrette.

cream of white mushrooms garnished with roasted pigeon breast.
fillet of seabass cooked in parchment paper on glazed broad beans with semi-fried tomatoes.
trio of asian creme brulees with a medley of mixed berries in coca brandy snap basket.
petits fours.

Y表大婚

30.12.2007...Y表大婚! 都算天公眷顧, 天氣都ok, 不算太寒. 真的替表姐開心, 嫁得有情郎. 願你們永遠甜蜜愉快!

不要寒冷

流鼻水, 少許疲累乏力, 丁點喉嚨痛...作病呀! 唔好玩la, 放梗假ga. 有些擔心, 明天衣衫較單薄的到淺水灣吹風, 希望無事la. 天氣轉冷, 大家都要多穿衣. 有個ex-client叮囑我不要因為寒冷天氣影響心情...好有心啊! 原來, 我的怕冷形象的確深入民心.

咁又一天

28.12.2007...

咁又一day!!! 放假一星期了, 做過mug嘢? 好好休息lor...非常重要呢! 可能自己太易滿足, 完成了噚日20份ge目標, 即刻覺得要獎勵自己...抖抖. 其實我仲有好多疊未開始呢!!!

物以類聚, 容易滿足, 又點止我一個? 今晚, 簡簡單單打邊爐, 有充滿韓國回憶ge湯底, 加上d蜆, 瀨尿蝦, 腐竹, 豆苗, 菇菇, 味道辣中帶甜, 不知食得幾開心高興. 其實, 唔駛搵好多錢(當然俾我另計la), 最緊要有時間有空間有好朋友, 我的假期一樣過得寫意愉快.

暗裡著迷

真係幾好睇wor. 暗裡著迷...劉德華有佢ge超凡魅力, 真係會令你覺得佢靚仔, 總之, 各樣各樣加埋, 你會覺得佢好正. 這樣高質素ge港男實在買少見少lu, 難怪各界女士都咁欣賞佢la. 又叫又跳又高唱拍和, 我把聲有d沙, 條頸有d攰喇! 期待除夕夜的倒數! 其中兩個造型.
最後一首歌.

自訂目標

準備今晚睇劉華!

好期待...我媽媽.

我? 要搞掂20份!

生疏不少

跟C壁球一小時. 超攰...有點擔心未來幾日會肩痛腰痛手痛!

球技生疏不少, 要好好練習!

老所有老

merry christmas!

聽媽咪講, 亞嫲想見我, 所以今日去咗探佢.

亞嫲認得我, 記得我個名, 記得我做咩工, 記得我係佢個孫, 不過, 佢唔記得我係邊個生. 姑娘問亞嫲, 我係唔係喺街執番嚟, 亞嫲就好肯定話唔係, 話我係我亞媽生ge. 但係我亞爸亞媽係邊個, 佢就唔記得lu.

願所有老人家都可以安享晚年.

聖誕快樂

我請各位見證, 我願以你...們為我永遠的好朋友, 永遠祝福你們.

聖誕快樂!

喜添金鼠

23.12.2007......

補祝生辰, 再祝聖誕, 並賀新禧!

好開心會有小金鼠...靈巧, 活潑!

愛遊西貢

23.12.2007......

假期一定要出去動動! 鍾意去西貢, 交通方便, 又有嘢食, 又有嘢睇, 最啱我哋幾個hea精. 雖然只係食下車仔麵, 食下滿記, 都一樣開心滿足. 抖抖, 暫時忘記d繁重工作!

苦中作樂

苦中作樂(1)......先作懊惱狀-->然後唔好阻我












苦中作樂(2)......究竟有幾高-->生命成可貴(其實似掟你落街多d)

陸續有來

宜家仍然超疲累! 都已經瞓到12點, 但同L玩層層疊, 仲係好攰...好少唔想同L玩ga ma. 可想而知, 過去幾個月幾辛苦. 長假期...要好好休息!

A的囝囝昨日出世了, 恭喜恭喜. 金豬bb, 陸續有來. 要提升香港人口素質, 靠你哋喇!

捱到今日

haa, 終於捱到今日, 好攰啊!

好眼瞓, 唔講住.

好好休息

好好休息!

有一點點

還有兩天! 可以放鬆一下! 不過, 不太興奮, 因為這個假期要清貨, 還要做! 可能今次揀先甜後苦...無辦法, 要尊重自己的選擇. 我只希望, 我不會再逃避, 解決問題的方法就是去著手解決問題. 如果坐以待斃, 跟擲嬰少女有分別嗎?

這陣子, 又想多了. 有點無聊! 有點無恥! 好無用!

終成眷屬

有情人終成眷屬...係一件叫人開心ge事!

無題1217

明天可以便服, yeah!

還有4天...放假!

陽光路上

綠色字, 襯晒你la.

終於試到西田的food court! 質素的確唔錯. 幫襯咗三間...匹工房秀吉(Hideyoshi), 燒烤屋和峰壽司. 燒餅+鱆魚丸+炒麵($32)...鍾意鱆魚丸有薑, 鱆魚亦算大粒, 唔會齋係粉...燒餅味道唔算濃, 也好. 燒帶子($18)+魷魚三文魚($25)...帶子幾大粒, 三文魚好滑, 燒得啱啱好. 峰壽司($35)...唔知點解, 真係覺得好食d. 這個lunch, 滿足! 之後, 出去唱個K.

這個金色房間...wow, 眼前一亮. 我們唱了不少學生時代的K歌金曲. haa, 好喜歡陽光路上, 每次唱都覺得好開心...together we share forever more......

無題1215

搞掂! 第一, 二名的確幾好, 但我覺得我哋好過第三名lor. anyway, 完成第一, 比賽第二, yeah!

我哋叫咗個外賣, 當小型慶功. tea time, 我去ou食咗個紅豆燒餅. 其實最想食西多士, 居然無散叫, 硬要人食埋XX粉或者雞翼, 嚴重抗議!!!

無題1214

聽日去比賽lu...快d搞掂, 快d完la.

其實練習過程唔係最辛苦, 最慘係搵人嚟練. 今年, 能夠集齊人馬練習的次數, 真的少之又少. 就算今日, 都只有十五分鐘係齊人. 比賽...靠自己lu. 算, 過埋星期一, 完埋d小組, 我就無駛再聽再練lor. haa......

坐以待斃

講下擲嬰少女...其實這類事件時有聽聞, 除了家庭關係和性教育的課題可以討論之外, 青少年做事不顧後果和坐以待斃的心態都令人擔心. 無理由不知道自己懷有身孕! 只知一時歡愉, 不理後果. 明知道紙包不住火, 到瓜熟蒂落之時, 一切都掩飾不來, 都不去解決問題, 尋求協助...這是什麼心態? 逃避現實! 坐以待斃! 可憐那個小嬰孩就成為犧牲品.




知道「orz」是什麼, 卻想不到它可以有這麼多的變化.
orz(小孩) OTZ(大人)
Orz(大頭的) or2(屁股特別翹的)
益r2(閉起眼睛很痛苦且咬牙切齒的臉)

盡力而為

時間唔夠用, 點算? 今年特別趕, 點解?

盡力而為吧.

都算有心

收到L送給我的xmas card. 開心開心!

乖, 都算有我心!

辣味雪糕

雪糕, 好好味. 但好奇怪, 有一點點辣.

媽咪話, 可能剛搽過油, 手碰到匙羹, 所以......

都不減toasted almond的吸引力.

反腐敗日

今天是國際反腐敗日. L有幸被抽中(每班三個), 可以參加有關的嘉年華會. 開始的時候, 要乖乖坐著, 雖然有表演欣賞, 但都幾悶. 之後, 嘉年華會正式開始, 充實好多. 除了替亞L排隊玩攤位遊戲, 我都爭取機會見識見識...

我都有坐這電單車. 好開心, 可以稍稍滿足我想做警察的希望. 好奇怪, 好想別人叫我madam.

我們跟幾隻緝毒犬照相. 牠們都好乖, 有紀律, 是真正的angels.

wow, 這枝槍好重. 不用開火, 都可以感受它的威力.