一追再追

這個星期...好攰, 好眼瞓, 而且好忙, 總是還有許多工作未完成.

12月lu, 仍然有很多deadlines, 一定要急起直追!!!

不鑽牛尖

日出東海落西山，愁也一天，喜也一天；
遇事不鑽牛角尖，人也舒坦，心也舒坦。

幾有意思! 可能兩晚都十點就瞓, 今日精神好番d. 不過, 有少少唔自在, 因為覺得條裙短咗...唉, 唔係高咗, 係肥咗(>.<)

英倫少帥

真係好攰, 成日覺得眼瞓. 期待星期六晚, 希望可以痛快睡一覺!

英格蘭的新領隊會係邊個? 舒利亞?

我一定會全力支持!!!

仍然眼瞓

仍然好眼瞓呢. 幾時補得番?

簡單回顧

今日係第四日...超辛苦! 加上這三天直踩, 無mug休息, 嘩, 好眼瞓!!!

三天台北...第一天, 去咗淡水逛逛, 睇日落. 第二天, 坐火車遊平溪, 菁桐, 十分. 第三天, 到陽明山腰飲下茶. 好享受! 我寧願多看看鄉郊小鎮, 感受那種純樸閑靜. 除了最後買一些鳳梨酥, 都沒有花許多時間購物; 行過士林和西門町, 沒有大收穫, 101更加無去過. package$2059+tax$402+使費$1000, 3500玩三日都ok la.

有時間至整理d相, 遲d放俾大家睇.

出走之旅

回味三天出走之旅! 趕住瞓覺, 得閑再講.

充一充電

唔開心...因為英格蘭輸咗, 無得打歐洲國家盃. 嗚嗚......

今日, 頭隱隱作痛. 好擔心感冒...聽朝要上機嘛!!! 唔好影響狀態. 或者, 只係我太興奮緊張吧.

剛剛執好行李. 今次籌劃得好匆忙. 唔理, 點都要係long weekend去番次"旅行"! 星期日晚九點半之後會搵到我gala.

旅行意義

出去走走...就是旅行的意義!

出去走走

台北三天......

開始轉涼

真係覺得涼涼地, 凍凍地lu...

冬天到了! 十二月到了! 假期到了!

踴躍投票

自己唔去投票, 點爭取一人一票?

明天更好

好耐無去過小小意大利! 希望下次可以一起到上海吃更多美食. 其實到大陸工作真係幾好, be positive, 一定有更好的發展! 好姐妹, 撐得起自己, 撐得起家庭...proud of you two.

行山1117

在交易廣場乘6號巴士, 大潭水塘道落車. 旁邊有油站.

記得落車再拍八達通, 可以慳番d.橫過兩條無交通燈的馬路, 沿布力徑上.
全程石屎路, 好舒服.
向香港仔郊野公園進發.

覺得這些電纜好有feel...屹立於荒山野嶺之上, 默默為人服務貢獻.

沿途看見深水灣一帶景色.

行程活動之一...接觸清涼山澗水.
見到海洋公園和香港仔隧道.明明以為繼續前行就會到目的地, 點知, 又見番跑馬地, 銅鑼灣.

原來此路徑的終點係灣仔峽公園, 即係上次去香港仔水塘的入口.

沒有走去水壩那邊, 直接去燒烤場. 起爐生火, 唔掂, 真係從來未成功過.

總之最後有得燒la. 吃了一口的雞翼...皮香肉滑.
中間的香腸加魚蛋係我ge.
好滿意這件豬排, 好好味.
香港仔郊野公園燒烤場...記得當年我們也留過一點足跡嗎?
是蝶? 是蛾?

龍肉無味

放工就立刻返屋企. L前幾晚就話...姑媽, 我哋星期五食pizza. L約我, 我梗係拒絕其他約會la.


這個pizza...水準一般. 可能習慣有多d芝士, 總覺得這一款簡單咗d.


唉, 不過, 我食龍肉都無味. 我覺得牙肉浮腫, 條脷好痛, 仲有, 前兩日食魚蛋, 太熱, 辣親上顎, 可想而知, 我食嘢食得幾辛苦.

無題1115

星期四lu! 明天應該會係一個happy friday!

聽天由命

仍然要等回覆, 希望ok la.

得之, 我幸. 不得, 我命.

一點棉力

雖然機會好微, 但都盡力搵搵資料.

萍水相逢

一個有一面之緣的醫生昏迷不醒, 希望他可以吉人天相. 人, 真係好化學.

在火車遇上之前學pth的同學. 有重遇故人的感覺. 一路上, 大家都談得很開心. 不過, 最後一句"電話聯絡"有點牽強, 不禁要更正..."有機會再談".

雖然只是萍水相逢, 但一樣要惜緣.

風箏與風

帶L去數碼港放風箏. 先參加一個製作風箏的工作坊, 做好自己的風箏後, 就出去外邊的草地玩. 看著自己獨一無二的風箏飛上天, 有很大的滿足感! L都玩得很開心, 這是一個good sunday.

工作坊. 前面有各國特色風箏展覽.
我們的製成品. 材料很簡單...紙, 竹篾, 膠水, 顏色筆. L都做得到! 叻叻!
其他風箏一......

其他風箏二...好似魔鬼魚.
坐在草地小休一會.
放風箏, 只要有風, 好難不成功!

或許, 順其自然吧. 無風, 休息, 有風, 即刻起飛. 待人處事, 相同道理.

最佳禮物

雖然只係應酬三個單位, 但都搞到六點.

星期六的cwb特別熱鬧. 走在繁華街道上, 高興終於完成一星期的工作. 去了shopping...買書俾L. haa~$127都幾抵. 其實都甚少送禮物給L. 衫? 佢媽咪已經係好好ge形象顧問. 玩具? 除了佢姨媽專程從日本寄回來之外, 好多只從照片見過佢ge姐姐和aunties都會送俾佢. 或者, 姑媽的愛已經係最好的禮物.

順應自然

L的三歲半生日. 原本打算買蛋糕慶祝, 兼獎勵他完成禮貌小天使的任務. 不過, L媽入院檢查, 只好順延計劃. 希望無事la.

今日不太想工作...覺得積累太多, 無論怎樣做也做不完, 於是放棄. 容許自己有一陣子拖延心態, 懶惰到某一個極點, 我又會積極努力. 或者, 真的太相信順其自然. 我相信莊子, 順應自然, 無論事物如何紛繁, 也可應付裕如, 本性無傷, 天年盡享.

明天又要早出晚歸...好好休息.

崇高致敬

L媽又勁胃痛, 陪佢睇醫生. 仁安提議入院照內窺鏡, L媽即反建議明晚才入院, 說擔心L返學云云.

唉, 做父母, 無論自己怎樣不舒服, 還是記掛著子女.

向各位負責任的家長致敬!

alibaba

份份報紙都講alibaba! 這是一個怎樣的世界?

芝麻開門...8000已經不錯了!

無題1106

也许我一直害怕有答案 也许爱情仅在风里打转
离开释怀 很短暂又重来
有时候自问自答
我不要困难把我们击散 我责备自己那么不勇敢
遗憾没有到达 拥抱过还是害怕
用力推开你我一人留下
有一束光 那瞬间 是什么痛得刺眼
你的视线 是谅解 为什么舍不得熄灭
我逆着光却看见
那是泪光 那力量 我不想再去抵挡
面对希望 逆着光 感觉爱存在的地方
一直就在我身旁
我以为无路后退 反复证明
这份爱有多不对 背对着你如此漆黑
忍住疲惫 睁开眼 打开窗
才发现你就是光芒

因為有趣

回頭已是百年身...一個日本老兵的侵華回憶錄. 裡面有一句幾恐怖: "明明白白, 幹這些事根本不是為了拿情報, 因為有趣才幹呀."

因為有趣, 所以殺人...令人心寒.

努力積極

俾心機, 好快又一個禮拜!

重出江湖

闊別K場三個月, 今日終於可以再展歌喉. 唱了許多sammi, 一邊欣賞她上次演唱會的幾個造型, 一邊高唱她的悅耳金曲, 享受. 唱歌, 永遠是我的最佳娛樂和減壓良方.

去一壽司, 我喜歡點brad pitt卷和燒玉子. 有一點期待淳壽司. 不過, 最懷念的還是峰壽司, 好想吃腐皮壽司...腐皮包著芝麻和飯, 出色!

所謂濃湯

麥當當推出忌廉蘑菇粟米湯. 宣傳照片好吸引...不過, 我覺得貨不對辦. 雖然味道可以, 但這款忌廉湯好稀, 而且散買要$9, 個碗比魚柳包大丁點而已, 有d貴. 魚柳包都要$12.8...一切都靜悄悄地加價.

畢業學生

又係影畢業相的時候. 有一個朋友讀城大, 都係今年畢業. 祝你順利成功, 永遠永遠支持你!!!

迷彩萬歲

強烈的holiday mood! 最低15.4度, 都唔算好凍, 我ok. 可能凍凍地, 有d新鮮感, 可能今日工作比較輕鬆, 所以心情都幾好.

朝早見到你的迷彩衫, wow, 簡直眼前一亮. 多謝你粉墨登場, 親身演繹那種樸實中又帶點活潑的青春氣息. 還有, 讓我試穿和拍照, 滿足我想擁有但未能擁有的欲望.

十一月了

正, 紅綠豆沙加芝麻湯圓!

天氣轉涼, 可惜, 總覺得之後又會回暖, 無意欲換季! 其實, 已經十一月, 凍是好正常的. 不過, 反常了幾年, 開始忘記十一, 十二月的冬天是怎樣了.

對, 又一個月! 眨眼就十一月了. 根據過往經驗, 這個月是感覺最忙碌的(註: 根本每個月都忙, 只是十一月感覺上最忙). 希望順順利利, 好快就可以計劃聖誕!!!