鬼節快樂

hapi halloween! 我的節目是ot...看崑劇表演. 主題是人鬼情, 好應節.

其實, ot機會可能會越來越多, 只要能力所及, 又不是太過份, 我都願意豪俾你ge. 為了令ot工作變得更有意義, 我們應該善用之前或之後的時間, 整d開心位俾自己. 所以, 放工, 我們就出發, 先去rice paper食飯, 食餐好, 獎勵獎勵.

下個ot job應該係1110, 要好好計劃當天的節目!

不會上當

落咗隧巴, 行去紅磡火車站, 有個女子從後拍我. 聽咗佢幾句之後, 我梗係唔理佢la, 走人. 這個時候, 一個途人好緊張走過來, 問我有無事. 佢話, 佢睇住嗰幾個人, 一直指著我, 認為我是志在必得的獵物. 這個時候, 我反而有d驚. 那位途人補充, 可能係我睇落斯文和純良wor.

我想知, 為什麼揀我? 難道覺得我夠愚蠢會上當? 我又會想, 其實那位途人會是同黨嗎? 佢會一邊跟我搭訕, 一邊迷魂我嗎?

這個世界, 越來越多壞人, 大家小心.

綠豆冰冰

唔知媽咪仲會整幾多次呢?

有毒朋友

感到疲勞, 沮喪, 無自信? 會否由身邊的朋友導致? 美國近期流行"有毒朋友"(toxic friends)一詞, 意指那些令人精神受困擾的朋友, 這種"友誼"比戀愛關係更難處理, 皆因情侶不合可以分手, 朋友卻難言徹底絕交. 當地逾一萬名心理學家及輔導人員開辦了教人處理"有毒朋友"問題的課程, 多本講述"有毒朋友"的書籍近期成為暢銷書, 一位精神病學家更指出, 其90%求診者均有被朋友引起的問題困擾.(am730)

開始, 覺得有點誇張, 慢慢, 我信有可能. 與人相處, 永遠是高深學問.

激斜旅程

cafe O之後, 我們從灣仔走去香港仔. 今次路線的起點: 環保軒. 都易搵, 從修頓走入太源街盡頭, 對面就係. 由此出發, 沿著旁邊的斜路上即可. 大約五分鐘後, 就到灣仔峽道. 少少樓梯之後, 就係更斜的斜路.
多謝你為我拍攝沿路花絮. 一邊上斜, 一邊影相和睇相.
捕捉一條光柱...
幾辛苦...玩自拍, 順便坐坐抖抖.
將欄杆鐵枝垂直咁睇, 會容易d感受那種斜度.

途中遇上小蛇一條.
走了三十分鐘大斜路, 終於走完灣仔峽道. 不遠處會見到灣仔峽公園, 附近還有警隊博物館. 警隊博物館都有幾多嘢睇, 不過, 時間關係, 只有匆匆掃視, 下次要再睇過!
灣仔峽公園旁邊就係香港仔郊野公園入口.
開始行水塘. 一層層ge山景, 我最鍾意.
五分鐘後, 清楚指示我們要去的上水塘的方向.
其實落斜仲辛苦...唔係攰, 而係膝蓋承受太大壓力. 我宜家仲軟軟地, 唉, 年紀大lor.

走半個鐘, 就去到水壩. 為影宏偉的堤壩照片, 我們又走去最低處. 落樓梯, 唔少得la. 我影你...
你又影番我. 都係你部機ge顏色靚d!
點樣可以再影好d呢?
由上面望番落去...
欣賞下香港仔水塘的景色...
這個峽好靚啊! 香港市區都有這樣的自然美景.
多謝...除了雪梨, 還有許多許多.

旅程結束, 往香港仔方向走, 遠望堤壩, 一樣宏偉.
順便一提, 離開郊野公園落香港仔大街那段路, 一樣極斜, 總之, 宜家膝蓋都攰攰地. 上星期走龍脊舒服好多好多. 不過, 能夠享受一下行山樂, 一樣開心!!!

Cafe O

原本想去灣仔flying pan, 點知temporarily closed. 行下行下, 結果搵到這間cafe O. 這個店不太大, 都算坐得舒服. 就快halloween, 都係d南瓜佈置la. 我們選了兩款oll day breakfast.第一款是triple O. 這款"早餐"有tea or coffee, 我們就share. 可能係脫脂奶, 少咗香滑ge感覺. 我ok, 飲得好安樂呢.
有三隻雞蛋(似得少少), 三片多士, 香草蕃茄, 蘑菇, 煙肉和香腸. 香腸有黑椒味, 唔錯. 最出色係左邊碟右上角ge蕃茄醬, 有d蕃茄肉, 好似自己整過, 有d誠意. 不過, 我覺得$98貴咗d. 好似flying pan抵d.

第二款是O my gosh. 這個pancake好厚好軟, 邊邊焗得脆脆地, 加草莓, 加香蕉, 配雪糕, 又凍又暖, 好味. 每人食兩塊都係太飽, 四個share會好d. $76, ok.

我們後來遇上rosemary. 因為佢哋幾多人, 店員請我們坐過一張枱, rosemary都識有禮貌地講句thank you. 佢真人纖瘦好多, 一d都唔"大份", 無mug化妝, 感覺純d, 總之完全唔會覺得佢係super model.

http://www.cafeo.hk/

終身學習

參加一個關於當代中國政治制度的講座. 認識太少, 實在應該惡補惡補. 而知也無涯, 希望有更多時間和空間, 我想多學習多了解啊!

也有不少學生參加這個講座. 對他們的表現, 我卻不敢恭維. 禮貌和尊重, 應該從何教起?

願媽健康

同媽咪返仁安覆診. 都係要小心飲食, 保持良好的生活習慣, 大約一年後再檢查la.

不過, 有件事幾激氣. 媽咪04年已經入去check過一次, 原來有脂肪肝, 但係從來無醫生同我哋講過. 喂, 好在宜家無事啫. 雖然唔關這個主診醫生事, 但我都忍唔住全程黑面和態度惡劣. 這個醫生都好似有d驚, 於是好好人咁話, 以後我哋有咩唔明白, 都可以打電話問佢. 仲有, 佢前幾次收$500醫生費, 今次自動減價...$400咋.

惡d, 好d?

回復正常

back to normal!

唔駛interview, 即刻鬆晒. 無預期的興奮, 好自然, 又繼續默默耕耘, 趕快完成那些應該做但一直未做的工作. 其他人高談闊論, 我卻無意加入. 不投入? 不關心? 我想, 我只不過沒有這方面的好奇心吧.

總之, 完成, 就好了. 希望佢都一切順利.

鬆一口氣

希望今日中咗, 聽日就唔駛interview la. 正正經經扮清楚扮明白咁答問題係我ge弱項wor!

唔知嫦娥1號去到幾遠呢? 我個心飛到好遠lor......

終點在望

應該到我喇啩...終點在望!

又繼續等

原本報咗名睇張愛玲展覽...唔記得要on duty...無得去lu.

聽日肯定無我份. 疊埋心水等後日. 總係有d唔自在...快d la!

假期結束

其實, 都好似無mug嘢好準備. ok, be myself.

四日假期, 就此完結. 希望過埋下星期, 唔理結果如何, 都可以輕鬆番d la.

需要勇氣

多謝各位小朋友的關心.

有時候, 關心真的需要勇氣.

間接關心, 可能, 已經是最好.

登上龍脊

天氣唔錯, 走龍脊! 到筲箕灣地鐵站轉9號巴士($6.5)或去石澳的小巴($10) , 有少少塞車, 大約二十分鐘, 在大潭峽懲教所下車, 見到石澳郊野公園入口標誌, 沿樓梯上即可.初段山路平坦易行, 樹木陰翳. 幾舒服.
偶爾一點崎嶇不平.
ready...兩心四腿攀龍脊!
登上龍脊, 可以看見大浪灣......
再向前行, 有哥爾夫球場......

烈日當空, 影子好清楚!
再清d更好...山可以綠d, 海和天都可以藍d!
沿途有蝴蝶伴著飛舞. 見到好多豹紋蝴蝶.

第一次放video...360度環視.

話說站在打爛埕山頂, 更覺此處山勢起伏, 狀如巨龍撲向柏架山, 故此地亦稱龍脊.

我們從大潭峽上, 再走向土地灣. 遠處是石澳海灘.
開始落山. 多數係石屎路, 不過, 有時都會有碎石沙路. 小心.
又見到蝴蝶. 用微距都影得幾清楚!
石澳道係終點. 個天藍藍地, 襯起個路標都特別靚. 最後遇上白花油王子, 佢都幾親切, 主動跟我們打招呼. 註: 佢真人好樣好多.
my good company話食麵, 我哋就即刻落中環羅富記. 每人一麵, 再例牌加個炸魚球, 之後飲罐寶礦力...又再次充滿力量喇.

搭680返屋企, 夕陽陪伴歸家. 好, 聽日開始做嘢!

是次路線參考http://www.traveler.com.hk/