一直可愛

最後, 去咗屋企附近的A-1. 1磅蛋糕, ok la, 少吃多滋味嘛. 蛋糕ge質感唔錯, cream都幾滑, 唔錯.

預祝L媽生日快樂.

睇咗好多L細個ge相, 話要揀張帶返學wor. 超困難的工作!!! 張張都咁得意, 點揀?

第二天假

計劃好下午去買蛋糕, 知道睇唔到1330的愛情新呼吸, 於是0730就起身...睇早場. 算俾面la, 好耐未試過咁樣追劇.

新城市廣場...幾時都咁多人. 一邊行, 一邊食雪糕, 爽la. 最後都買唔到蛋糕, 只買了一小束花.

宜家有石頭食物展, 似唔似, 見仁見智. 選了三款我喜歡的甜品. 左上, 巧克力蛋糕. 左下, 巧克力餅乾. 右上, 芝士蛋糕. 右下, 最搞笑, 冰鎮杞子.

第一天假

多謝! 可以免費睇齣好戲. 好耐無這樣食飯傾偈lu, 開心. 愉快的第一天假期!!!

睇色戒, 覺得好過斷背山, 兩個半鐘好快過. 可能係文化差異, 兩個美國牛仔...好陌生lor. 相反, 抗日背景, 上海街頭, hku, 熟悉好多好多. 原本幾擔心那些至激場面, 但跟住劇情發展, 又覺得合理自然(雖然還有少少疑問點解要咁逼真).

為國家, 一班年輕人的確犧牲不少. 即時, 我問自己, 我會不會這樣做. 真的不敢想. 有一幕好感動, 就係全場人講"中國不能亡", 真係有d激動ge感覺. 愛國情懷, 出晒la!

老曹的死都深刻. 其實, 我係一邊掩面一邊偷看這幾幕, 因為我害怕看這些殘忍的殺人鏡頭. 我覺導演幾細心, 就係這班年輕人欠缺經驗, 所以老曹才死得這樣辛苦...交代得不著痕跡!

這個漢奸無想像中乞人憎. 應該同梁朝偉無關! 劇情無交代佢真係好好色, 佢對王佳芝好似都有點點真情, 有幾幕都眼泛淚光. 不過, 都要理智一點, 如果佢愛王佳芝, 都會想辦法救佢, 正如王叫佢走一樣. 色, 點都好少少ge.

終於嚐到太興的wasabi燒肉焗飯lu. hm...因為有高期望, 所以有d失望. 其實, 都唔差, 燒肉仍然有水準, 不過, wasabi汁粗糙少少, 感覺有d粉, 未能同白汁混和, 唔夠滑. 可能係下午茶餐, 飯少d, 但汁較多, 我覺得味太濃, 唔係嗆鼻感覺, 而係鹹/味精ge感覺. 或者, 下次各位share多d, 少吃多滋味la. 我都係鍾意茄汁叉燒焗飯多d.

再長一智

買張小卡片鼓勵自己: accept disappointment but never lose...HOPE.

我尊重你, 但你乘機不尊重我. 唉~~

只不過覺得高壓已久, 想稍稍緩和氣氛...只不過想跟他們有較高層次的interaction...

結果, 自討苦吃.

經一事, 再長一智.

服務太慢

可能走ge時候太曬, 可能趕住同媽咪覆診, 我個頭有d痛啊!

幾怕去仁安...好慢! 只係簡單覆診啫, 都搞我個半鐘.

係唔係我太心急呢?

還有多低

特意留在家, 完成那十多份X. 好不公平, 他們可以馬虎了事, 我卻要認真仔細.

真的擔心, 他們的質素是前所未有的差. 低處未算低.

黃金十年

中秋節快樂! 有d眼瞓, 月亮...夢中見la!

dress special day, 我機構真係有人幾special...著和服! 今日喺office影咗好多相...難得便服, 梗係影下相留念la. 最有紀念價值當然係"黃金十年"la. 十年前, dress causal day, 我和鄰居影了一張相. 十年後, 今日, 相同人物在相同地點再合照. 第一感覺...咁就十年, 第二感覺...雖然十年前後生d, 但大家都比以前更美麗動人. 好, 百尺竿頭, 更進一步!!!

明白了解

她其實不是很愛他.

道理, 早就明白. 只不過, 還是執迷不悟.

原來, 真的有這樣明知故犯的人.

誰最好命

搭火車, 見到有個人睇梗本書. 書名叫"會撒嬌的女人最好命".

喺鍾意ge人面前, 人係會變得橫蠻d. 撒嬌...在所難免.

我肯向佢撒嬌, 係佢好命至真!!!

一號風球

未試過中秋節掛八號風球.

hm...我唔介意試下ge!

家庭日日

朝早同爸爸媽咪飲茶...傾下偈, 食下點心, 幾溫馨吖. 再同媽咪逛下萬寧, 行下$6.8店, 返屋企就12點幾lu. 之後, 梗係去迎接L啦...陪佢玩ge時間正式開始!

第一樣, 同佢砌lego. 我哋一齊睇圖, 佢砌下一塊又一塊, 真係整咗架手推車(相片後補). 雖然係好簡單, 而且兩個車轆都係我幫忙搞掂, 但係其餘部分都係L自己砌. 叻叻!!!

第二樣, 唱歌跳舞. 我哋一齊睇碟, 一齊跟住唱(跟唔到較多), 一齊跟住跳. 要不斷跳, 不斷fing手fing腳ga, 簡直係舞動全程!!! 三點幾, L就小睡lu~~

四點半起身, 第三樣, 踩單車. 只要係平直路, L都可以踩得好快...追死我lor!!! 算la, 順便當跑步! 幸好, 之後經過公園, L去玩下, 我都可以抖抖. 最後經過一間電單車鋪, L話...姑媽, 我買單車俾你! 佢ge意思係我無單車, 只可以跟住佢行, 佢唔想我攰, 想我都可以一齊玩. 太感動, 太sweet, 太冧喇!!! 之前, 佢都話買戒指俾佢媽咪, L媽超開心, 我明白點解喇. 都係嗰句, 只要唔扭計, 唔發脾氣, L真係超正, 超可愛. L, 錫晒你!!!

晚飯後, 去咗一個中秋晚會. 行下咁la, 因為非該屋苑居民, 無得玩攤位遊戲. 最後, 玩下sirsir, 就返屋企食雪糕睇電視lu.

世事如棋. 我都要勇敢積極走每一步. 多謝L陪我走這段難行的石卵路!
參加這個晚會的原因是觀賞L的師兄師姐的表演. L也會有這樣的表演機會嗎?L舉手上台玩遊戲. 已經勇敢許多了...繼續努力!L玩滑梯...我跟媽媽拍影子照片.

好好休息

又到星期五! 抖一抖, 鬆一鬆.

感恩...這三個星期都算快過和易過. 感覺良好.

好快又一個月, 加油啊!

蝙蝠俠到

11月會見到batman!

期待...因為11月會輕鬆好多!

周中小璧

hapi 25th b'day to :-) 原來:-)都有生日.

星期三, 小break! 今晚dinner開心愉快...希望v能夠成為一個好護士!

周而復始

第四日係最辛苦ge...由0810開始直踩到1720, 日常例行工作加埋三個大小不一ge會議, 當中只有1155至1310係free jar!!! 好喇, 捱完又有好日子過lu~.~

一切都係周而復始.

多謝L姨媽的手信. 我們很喜歡吃這款香蕉蛋糕! 以前是普通的黃色蛋糕, 今次卻是朱古力蛋糕, good good!

仍然灰濛

仍然灰濛濛!

煙霞蔽天

灰灰濛濛...空氣質素唔多好.

稍失預算

唔好意思, cova計劃唔成功, 只好轉移陣地. exp係有d保證ge...這個西柚大蝦soba, 仲有埋芒果, 甜甜酸酸, 清涼爽口, 正. 兩款果汁都好, 三莓莓和rosemary. 我喜歡rosemary, 有蘋果, 有橙有西柚, 加埋rosemary ge陣陣幽香, 覺得舒服鬆弛.

最後再去queen's cafe食件cake...blueberry cheese cake, 石板街切餅, 栗子蛋糕. 細件咗好多ah! 傾下傾下, 都坐番夠本! 要幾多錢至肯拍色戒? 唔係錢ge問題, 係梁朝偉ge問題!

陽光遊戲

上星期明明好舒服, 無咁熱. 不過, 我哋一約行山, 太陽就爭住出嚟同我哋玩遊戲. 唔緊要la, 雖然熱d曬d, 但係可以舒展筋骨, 出汗排毒, 都有益身心.

部分展品

超越時空

我趕時間做咩? 睇木乃伊lor. 1630-1800, 個半鐘, 時間的確緊迫少少.

好多展品都有幾千年歷史, 好珍貴啊. 那些遠古時代ge外國人, 怎樣也想不到自己的器物會在2007年展現於香港人眼前. 他們的智慧和技藝, 真係令人讚嘆. 見到好多金項鍊, 金首飾, 有些足足有四千年歷史, 第一個感覺: 好靚呀.

當然有睇木乃伊la...與三千年前的古人接觸, 感覺好奇妙. 人+事>>時間>>歷史, 一切都會過去的, 所以, 無謂執著. 看到那些古埃及的展品...不幸的木乃伊蓋板, 內臟罐, 亡者之書...更加想去埃及, 想去金字塔, 想睇獅身人面像!!!

還記起上次的貓貓木乃伊, 那個扶手電梯, 那個臨時爽約的壞紀錄......

黑色綿羊

今日發展完畢, 就去time square物色禮物, 發現有這樣的一個展覽. d公仔好得意, 幾可愛, 因為趕時間, 無細看. 不過, 好替作者高興, 可以擁有一個屬於自己的作品展. 這就是她的創作生涯, 甚至是她人生中的一點成就. 我呢? 我的成就是甚麼?

甜美葡萄

晶瑩的圓波波...媽咪剝皮的紅提子. 咁好ge媽咪, 梗係勁錫la. 爸爸都錫, 暗錫啫.

出院lu. 話個胃有丘門羅旋菌...可能因為咁樣會胃痛. 應該食埋抗生素就無事, 遲d再覆診, 希望真係無事la. 其實仁安都ok, 不過, 五點半話出院, 結果七點半至走得, 我覺得效率慢d lor.

英格蘭返來lor, owen返來lor, go go england!

媽之體檢

都係話媽咪有膽石, 膽固醇偏高. 希望知道埋聽日ge報告, 確實無其他問題, 我就可以放心.

可愛頑皮

開始看一本書: 教好小頑皮.

以靜制動

好快又堆積如山, 好快又有三疊喺手lor.

以平靜心情面對各項挑戰!!!

Montague

Transferred use of a surname, deriving from the French place name meaning "pointed hill". Montague was the surname of Romeo's family in Shakespeare's "Romeo and Juliet".

昔日點滴

算唔算懷舊日呢?

翻播逃學威龍, 睇咗少少. 當年都有去戲院睇, 記得係會考放榜之前一晚, 當係輕鬆下卦. 其實會考放榜唔多緊張, 因為諗自己都應該有得原校升讀ge, 只擔心成績唔夠理想, 比其他同學仔差啫. 結果, 不幸言中...係升到中六, 不過, 差過好多人lor. 我中四中五都考第一ga ma, 面對自己張成績單真係眼淚在心裡流, 為保持形象, 點都忍住ge. 番到屋企, 對住媽咪就開始眼濕濕......

聽番好多舊歌...捨不得你, 終身美麗, 默契, 不拖不欠, 如何掉眼淚, 如果我們不再見...好多回憶.

仲有聽王菲. 好自然, 就會揀你快樂所以我快樂那隻cd. 記得這隻cd係喺第一年出道ge九月出ge, 我常常一邊行一邊哼裡面ge歌, 當時仲有閑情吧. 超鍾意第九首...最後兩句"為什麼, 為什麼", 有意思!

紙上彩虹

一副新鏡

今日過開去飲茶, 順便攞埋副眼鏡. 幾滿意...長方形膠框, 係我鍾意ge紫色. 你攞咗未? 可以同你再去ga.

笑中有淚

1022那個星期至嚟呀...正式宣佈我們去台灣的希望泡湯了. 唔緊要la, 十月之旅變為十一月之旅啫. 仍然, 有希望, 有寄望, yeah!

今晚同佢哋食晚飯, 再去滿記. 聽佢哋數番以前ge搞笑嘢和激氣嘢, 真係笑中有淚...成長經歷! 可能又會一年後先再見面, 大家各自努力吧.

情迷埃及

傳說有詛咒伴隨, 令鐵達尼號沈沒的"不幸的木乃伊"木蓋板, 已經運抵香港, 下周五至12月2日在香港藝術館公開展出.

一定會抽空看看! 那一年, 我們一起欣賞"埃及珍寶展"......

可以一齊去埃及, 多好!!!

只差一點

噚晚發咗一個夢, 幾開心. 不過, 印象越來越模糊了. 可能, 返回現實世界, 重投工作崗位, 繼續自己的生活, 人就自然會清醒番. 要記起的, 也只可偶然再想起.

亞L好識享受. 食完飯之後, 我同佢玩得好攰, 佢就攤起sofa, 請爺爺嫲嫲幫佢按摩. 佢真係用"按摩"這個詞語, 仲話: 爺爺lay隻腳, 嫲嫲lay隻腳. 好叻分配工作lor. 寵愛與寵壞, 只是一線之差.

媽咪book咗仁安做check-up, 下星期三入院. 希望無大礙la...始終有少少擔心.

應改未改

L今日都無喊啊...太好lor...佢仲話其他小朋友喊, 有d家長都讚佢乖. 唔知聽日又會點呢?

這兩天都早d閃. 我都唔想ga>.< 根本就唔夠電腦用, 只好帶埋d嘢返屋企做.

最急需改善ge地方, 永遠係最被人忽略ge地方.

順順利利

好開心...因為聽聞L返學幾合作, 無喊. 我哋全家人都好開心! 宜家反而擔心聽日, 唔知會唔會一樣順利...唉, 養兒一百歲, 長憂九十九.

放下成見, 今日見番佢哋, 感覺良好wor. 總之, 自己放鬆d...少d期望, 少d失望. 無理由因為佢哋ge表現影響自己ge表現, 而且, 唔應該辜負其他可愛的少數!(註釋: 可愛即可以愛的意思)