調理脾胃

見到陳皮梅, 都知我睇中醫la...

無大問題ge, 都係嗰d成日飽滯ge感覺搞到個人唔多舒服, 諗住執劑藥清清la. 醫師話我脾胃弱, 所以消化同腸胃都差d...又因為脾胃弱, 營養吸取得唔好, 所以氣血都幾虛. 總之, 要慢慢調理wor. 女醫師講解尚算有紋路, 聽日再去把把脈la.

今朝陪L番一陣學...佢仍然要繼續學習和適應. 俾心機!

蘋果禮物

喂呀, 仍然未想做呀, 點算?! 下決心, 聽日一定要開始!! 美好時光...消逝得特別快!!!!!

L開始他的K1生涯lor. 第一日, 竟然遲到>.< 算la, 903至係真正開學日, 不過, 下不為例!!!

知道一d令我又驚又喜ge嘢......

多謝讚賞

同事們對我新髮型的意見都是正面而積極的...多謝. 好容易理解ge, 以前實在疏於打理, 所以, 只要整一整都會比之前好好多.


還要多謝各同事姐妹請我食tea...我食到美味的朱古力蛋糕呢! 熱辣辣, 軟綿綿, 濃濃朱古力漿, 再加上vanilla雪糕, 真係食多幾件都得.

聽M講, 原來有錢人傾生意, 食飯前會先飲下嘢, 講下d不著邊際ge話題. 到食飯, 大約食到第五個course, 男士就會傾佢哋d鴻圖大計, 太太們就會識趣地自動收聲, 或者攪下d dessert 咁la. 悶就係悶d, 不過做有錢人ge太太wor. 你願唔願意犧牲?

新的髮型

終於去整頭髮喇! 唔想整完負離子無得紮辮, 最後決定都係電鬈. ok la, 啱啱整完唔會最好睇ge. 希望會越來越靚la. hm...只要唔好咁辛苦, 應該可以越來越靚ge!!!

四隻眼睛

1984年11月19日, 我在這個店接到自己第一副眼鏡. 從此, 我就成為近視一族. 事隔多年, 兜兜轉轉, 我都係再幫襯佢哋. 有一點幾自豪...一直以來, 我只在六年級的時候加深過近視, 而最近一次驗眼, 度數仲淺咗tim. 希望大家都愛護眼睛...少d睇電腦, 少d煲劇, 多d休息. 就算每次只增加廿度, 但小數怕長計嘛, 小心!

兩款小炒

好耐無去大排檔食飯lor. 炒兩個小菜, 叫個白飯, 傾下偈, 幾好吖. 好, 下次食椒鹽瀨尿蝦, 食蒜蓉蒸象拔蚌, 叫埋啤酒, 講盡所有開心事!!! 以前打完波, 成班team-mates最鍾意落石塘咀和西環街市食飯. 我鍾意叫西檸雞和芙蓉炒蛋. 今晚的小菜...沙拉骨和粟米斑塊...我都喜歡.

完成考試

pth考試...發揮正常la. 我覺得比想像中容易, 希望可以順利退錢la.

當然有不少係唔識gala, 不過, 最遺憾係朗讀篇章唔係最近上堂練習那幾篇. 好在, 那一篇係我臨入試場前, 最後複習的一篇, 總算話有事前讀過la. 唔理喇, 叫做完成對自己ge諾言...學好d普通話...全力以赴, 做到最好, 問心無愧.

其實這一年學pth都有得著. 我更清楚自己的發音毛病, 可以加以改正, 我覺得自己ge pth係有進步ge. 還有那六十篇文章, 有些意義深長, 甚有啟發性. 可恨自己臨急抱佛腳, 之前太懶惰, 否則, 收穫一定更大.

下一步要練好d英文! 繼續努力!

米紙餐店

今晚繼續飯局...去rice paper食越南嘢. 越南菜, 我鍾意!!!

這間海港城分店裝修優雅d, 糅合西式同越式ge元素. 如果想坐好d位置, 記得一定要book位...我哋五點幾去到, 經理(?)都只能安排我哋坐近門口, 話要留番d好枱俾訂咗位ge客人wor. 雖然我哋不大滿意這種安排, 但之後見食物質素唔錯, 咁, 算la.

打開menu, 發覺甜品不俗, 決意一定要留肚. 精挑細選, 選了下面三個菜. 兩款飲品分別係紅莓石榴梳打(raspberry guava soda)和橙香桔子梳打(orange calamansi soda).
椰香蝦乾柚子沙津(pomelo, lime juice, peanuts, coconut and dried shrimp salad)...柚子肉, 大大粒, 配上花生和微小蝦米, 令人覺得唔係食梗生果咁簡單...啱晒已經回磅ge我.橙香烤亮鴨配蓮霧, 石榴, 香草, 牛油菜(orange lacquered roast duck with wax apple, guava, herbs and lettuce)...去rice paper, 當然要試下rice paper la. 烤鴨本身唔係好肥膩, 再加埋其他生果香草蔬菜ge配料, 味道變得更加清新. 自己包俾自己食, 有得玩有得食, 可以滿足你兩個願望.
香茅咖哩青口(wok fried mussels in green curry-lime leaf and lemongrass broth)...好好味呀. 青口肉質肥美, 青咖哩味道溫和, 兩者配合得天衣無縫.
白咖啡蛋白餅-雲呢拿香煮梨(white coffee meringue-chocolate ganash and vanilla poached pear)...軟軟ge梨, 香滑ge雲呢拿, 鬆脆ge蛋白餅, 口感非常豐富. 伴碟的朱古力內有乾坤...有咖啡豆, 苦與甜對比, 提升整個甜品的味道層次.
french kiss 紐結糖雪糕脆甜餅-杏仁脆糖-紅莓雪葩(shortbread sandwich with nougat ice-cream, almond praline and raspberry sorbet)...名子已夠吸引. 紐結糖雪糕好出色啊, 加上sorbet, 酸味與甜味的cross-over. 這兩個desserts都very nice, 令人感覺幸福, 好像有彩虹包圍自己一樣.
好滿足啊...上佳水準ge越南美食, 令人回味無窮ge巧製甜品, 喻意財源滾滾ge精美錢包...謝謝!

tst: 3151 7801 銅鑼灣: 2890 3975 九龍塘: 2265 8615

全力以赴

全力以赴, 做到最好...pth la...keep fit la...之前瘦咗ge都返晒嚟喇.

想到那些應該做但未曾做未想做ge文件...我煩啊!

滾瓜未熟

多謝關心...我會努力gala!

好難煲呀

真係好多嘢讀...真係搞唔掂...點算?

三年前, 我送咗一張小卡片俾自己, 上面寫著這幾句說話:
if you try, and lose, at least you can learn something. the biggest failure of all is you don't try.

再攞出嚟, 鼓勵下自己.

i'll try my very best.

永不華航

第二個會...1330-1500...快好多la, 咁先似樣gama!

睇到噚日華航ge新聞, 咪話唔驚. 如果我哋10月真係去台灣...華航, 俾都唔坐lor!!!

繼續煲瓜

817大會之後, 今日開始(較)小會.

第一個...1330-1700. 無mug特別感覺, 因為預咗咁耐. 希望聽日嗰個會快d la.

唔理喇, 眼前目標係星期六ge考試. 努力!!!

新壽司貼

新
壽
司
貼
紙
!!!!

都
有
d
手
感
ga
!!!!

可愛壽司

好可愛的壽司玩具!!! 好精緻...雖然個軍艦無得玩, 但係其他卷物都可以切開, 三舊手握壽司又可以拆開飯同魚, 最搞鬼係d黏貼淺綠色, 好似wasabi.

哎呀, 雖然有溫習, 但係都進展不大. 下星期六考喇...盡力而為la.

無題0817

一句遲來的生日快樂, 一聲加油, 一次讚賞......

多謝你.

新的呼吸

揭盅喇...20, 21, 24下晝, 29 whole day, 30上晝. 上述時間, 唔駛搵我喇. 深呼吸...面對新挑戰!

一向都無煲劇習慣, 不過, 最近幾鍾意睇無線收費電視播ge"愛情新呼吸". 最先係因為有方中信所以睇, 但睇睇下, 覺得感覺非常良好...有時代感, 尚算明快, 劇中一而再, 再而三ge偶遇, 令人覺得冥冥中真係有安排, 全部都係緣份信徒嚮往ge情節. 同時, 你會替靜惠著急, 點解咁好ge明正唔揀, 偏偏要諗住徐凱. 其實只係睇咗四集(每星期播兩集), 知道後面會有其他人物的感情線, 希望唔好阻住靜惠, 明正同徐凱ge主線la, 希望繼續好睇la. 主題曲和片尾曲都好聽wor.

官方介紹: http://www.cts.com.tw/prog/a/a0066/
劇情mv: http://www.youtube.com/watch?v=M2K_Wk68nVQ
主題曲: http://mymedia.yam.com/m/1361575

有點煩悶

有點煩悶......

希望他早日康復.

無形鼓勵

今晚去Fat Angelo's...又係italian food, 莫非今年ge飯局主題係意大利? 無夾過, 完全係不謀而合.

每次跟他們吃完飯之後, 都會覺得好安慰...那一點點心意就好似替我打氣一樣. 請恢復自信...你一定做得到!!!

八月獅子

食咗幾餐飯, 咁又變番112...加易減難, 太唔公平!!! 出去跑步...即刻感覺良好d...畢生事業, 唔懶得!!! 接到Y表的喜訊...更加有短期keep fit的目標. 替她開心^o^!!!

happy b'day to alan. 以前好傻的想過, 舒利亞813, 許志安812, 如果有個人811, 咁就可以連續幾日都係鍾意ge人生日. 之後更傻的想, 811感覺上遲過自己好似細過自己, 不如801好d. 無可否認, 對於八月ge獅子座, 我係特別有好感的.

意菜六式

多謝E賞面陪我共進意式晚餐. 唔計上次廿週年飯局, 我哋成年無見, 無詳談lu. 好, 一齊努力, 各方面都努力!!!

今次選了九龍富豪酒店的zeffirino ristorante. 因為有buy one($438) get one free的coupon, 所以就試試這裡的6-course set dinner. 上過有關網頁看看
http://www.regalhotel.com/Regal-Kowloon/Main/Restaurants---Bars/Zeffirino-Ristorante.aspx, 講到好似好出名, 睇到好似幾高貴. 好, 就嚐嚐有幾好味la!
本著早d食ge原則, 訂咗六點鐘枱. 去到, 一個人都無. 見到d裝修格局, 跟介紹的差不多. 都幾鍾意整個環境, 舊舊地幾有feel, 圓拱形天花幾特別.首先送到的是麵包...加醋加橄欖油係特別好食. 我哋都添加咗d麵包一次, 證明真係幾好味.
(1) 意大利巴馬火腿配香瓜(italian parma ham with cantaloupe melon)...一向對這類"cold cut"無mug興趣, 不過, 今次d火腿唔會好乾好硬, 相反少少濕潤, 鹹淡適中, 啱啱好.
(2) 意式鮮大蝦配香橙蔬菜沙津(fresh shrimps with rucola salad and diced orange)...蝦都幾爽, 配沙津, 夠fresh...都係好鍾意意大利生菜!
(3) 鮮蟹肉南瓜忌廉湯(pumpkin soup with fresh crabmeat)...第一個感覺...好甜. 不過, 唔係糖ge甜味, 而係海鮮, 蟹肉的鮮甜味...不錯(4a) 特色大通粉配鮮蝦, 煙肉及櫻桃蕃茄(rigatoni pasta with bacon, prawns and cherry tomatoes)...我覺得麻麻, 長通粉ge texture有d硬, 配煙肉令味道較濃, 唔多夾.
(4b) 特製意式雜肉雲吞配香草忌廉汁(ravioli with minced meat and vegetable in creamy pesto sauce)...食唔出d雜肉, 不過, 香草味道十足, 個sauce比較出色.
(5a) 香燒鴨胸配甜酒燒汁(grilled duck breast with marsala wine)...可能我喜歡燒鴨多d, 總覺得這種製法差dd.
(5b) 香煎鱸魚伴帶子配芥末白酒汁(fillet in crust of herbs with scallops in white wine mustard sauce)...這個魚好味好多, 面頭焗得好香好脆, 裡面仲係比較嫩滑, good good!
(6a) 傳統意大利軟芝士蛋糕(traditional italian tiramisu in "zeffirion" style)...幾好, 軟芝士真係幾creamy, 手指餅浸得剛剛好, 唔會覺得太濕, 輕d酒味我鍾意. (6b) 野莓凍批配雲呢拿汁(wild berries cold cake with vanilla sauce)...食到飽飽地, 有個酸酸地ge凍批fit晒. 味道清新, 即刻覺得鬆d, 無咁heavy.
精選甜點(petit fours)及茶...例牌無糖檸檬水, 感覺上可以幫助消化. 那些曲奇和朱古力, 更加有畫龍點睛的效果...鬆脆ge曲奇, 香濃ge朱古力...我仍然好難忘!!!

豪吃薄餅

美食四人組又出動...今晚食pizza都食咗八百幾蚊, 好豪lor, 多謝晒!!! 這是亞士厘道ge pizza express...環境設計簡單, 不過, 都坐得幾舒服, 唔會太嘈太靜, 食飯傾偈啱晒. 聽聞預約咗都可能限坐兩個鐘...真係咁受歡迎?焗四色芝士麵包...看到"四色"兩個字, 我真係以為這個包有四種顏色. 話說係用四種芝士焗製而成...唔係好識食d芝士, 不過, 熱辣辣, 有d香香軟軟ge芝士喺面, 已經好好味lor.

波多里路蘑菇包...蘑菇好鮮嫩, 好滑...最欣賞卻是那些意大利生菜!
雞肉凱撒沙津...羅馬生菜都好新鮮...圓圓的是焗麵包球. 加d雞肉, 整個沙津無咁齋, 不過, d銀魚柳比較鹹.
燒雞肉薄餅...有dd黑椒, 我覺得少許辣. 這裡的pizza唔花巧, 多是番茄+芝士+少少其他配料. 正宗口味?
松露菌薄餅...比較喜歡這個pizza, 可能鍾意菇菌類, 而且無肉, 覺得清淡d, 健康d. 事實上, 這樣配搭的確幾好味...i like it!!!
野菌意大利餃...屬pasta類別, 食ge係餃皮吧, 野菌餡料雖然並不多, 但配埋蘑菇汁, 野菌主題非常鮮明la.

這個時候都好飽lu, 不過, 眼闊肚窄, 都係想試埋desserts. 第一款係tiramisu...酒味和甜味都適中, 我覺得咖啡味可以加強. 都有三年無整過這種甜品lu~.~芒果芝士蛋糕...芝士感覺好充實, 加d芒果, 少少酸, 可以平衡一下cheese cake ge甜膩, 好似無咁heavy.
朱古力蛋糕...以為好勁, 其實只係輕飄飄ge朱古力蛋糕...反而有少少失望...不過都好, 無咁飽, 無咁滯.
芭樂菲果撻...都係有d pizza feel, 只係轉咗係香蕉, almond同cream cheese. 用香蕉做甜品其實都有品質保證, 加埋almond, 味道出奇地夾. 四款甜品當中, 最令人有驚喜!
如果唔食desserts, 價錢都算ok. 每款cake>$50, 我哋都食咗二百幾蚊, 總之, 多謝你們. 下次, 去邊呢? 開始搜集資料!

http://www.pizzaexpress.com.hk/

三三不盡

333333333333333333333333333333333 lu!

鮮果蛋白脆脆...蛋白蛋糕夾朱古力果仁蛋白脆, 拿破崙及什果. 我覺得好好味wor...軟軟ge蛋白蛋糕清清地, 無咁膩...脆脆ge拿破崙餅底, 好鬆, 加埋朱古力, 正...勁多ge什果, 令到整個蛋糕ge味道更加豐富, 有生果的清香, 鮮甜. 我超喜歡, 多謝!!!!!

一切照舊...願望成真!