當年今日

十年前, 今晚, 我哋成班傻婆出咗去迎回歸. 你哋仲記唔記得?

最開始係約喺中環等, 諗住去???BBQ, 但係落好大雨, 計劃告吹. 後來, 唔知點解, 去咗沙田新城市, 夜晚去咗食日本嘢. 打算去睇煙花, 但時間尚早, 結果, 決定"遊火車河", 搭火車入羅湖, 再出番紅磡, 之後沿海旁行, 開始放煙花lu. 夏天, 熱住睇煙花, 感覺好難忘. 行下行下, 好似去到廣東道, 大電視播放彭定康d女喊ge片段. 12點之後, 唔知點解又去番港島, 因為無車, 我哋喺北角攔截一架電車, 最經典一幕, 當然係"F, 你嘔呃?". 最後, 4點幾, 去咗尖咀華樊睇侏羅紀第二集, 好刺激, 好多幕都要大嗌. 睇到6點幾, 落好大好大雨, 淋溼晒. 返屋企沖涼之後, 瞓覺. 迎回歸活動正式結束.

空間跳躍得幾厲害, 係好無聊...不過, 我哋見證咗港, 九, 新界各處的迎回歸情況. 這是香港重要的歷史時刻, 這是我哋難忘的青春回憶. 十年喇!!!

文學老師

她是我的文學老師miss T. 教我ge時候, 佢應該都係初出道, 宜家, 已經phd畢業, 今年轉職到cu. 佩服佩服.

我哋食lunch加埋做interview, 總共傾咗五個鐘, 話題都係圍繞工作和母校ge變化. 享受, 因為跟老師傾偈, 自己好似又變番學生, 唔駛扮大個, 扮成熟, 扮有見地, 唔駛顧忌一言一語, 壓力都少d.

元朗壽司

我, K, J同T, 算唔算係美食四人組呢? 今晚目標係田中! 腐皮壽司, 蟹子沙律手卷, 三文魚腩手卷, 鹽燒三文魚頭, 蟹子沙律, 燒茄子, 小雜錦刺身, 大雜錦壽司, 珍寶帶子壽司, 三文魚壽司, 結帳$520. 樣樣都大大件, 簡直飽到上口腔!

menu, 歡迎日後作參考之用.

大約七點三, 都幾多人, 規定最多食45分鐘. 其實幾唔公平...兩個食$100又45分鐘, 四個食$500又45分鐘...如果可以慢慢食仲好.
食咗這個好似甜筒size ge三文魚腩手卷, 再加兩個麻包袋(腐皮壽司),

再加一個魷魚蟹子壽司, 我差不多要投降lu, 只好轉攻其他刺身和燒物.
我覺得d海膽好食wor, 有一種鮮甜ge味道, 一d都唔腥.
這盤壽司好壯觀, 好似一群魚游向T那邊.

片三文魚大過我個手機......
鰻魚都長過個手機......
帶子大過個$5銀......
散叫ge三文魚壽司, 塊魚差不多有隻手咁長......

藍天黑雲

右上角有架飛機...好想飛啊!

週年午餐

我機構舉行年終午餐...越來越接近尾聲lu! 知道夜晚仲有下場, 已經就住就住, 不過, 都係好飽. highlight其中四道菜......

原本諗住唔影, 無謂阻住同事食la. 但見到這味餸, 覺得好靚, 都係決定影低. 有大隻蝦仁, 滑滑ge蛋白, 再加點綠色作點綴, 顏色好吸引. 味道都唔錯.

紅棗糕...有紅棗蓉, 好強烈紅棗味. 香軟, 暖暖地, 甜度適中. 越食越想食!
濃郁薑味ge糖水, 內裡有元肉, 蓮子等等, 幾特別.
生果拼盤...無mug特別, 不過, 紅色, 橙色, 黃色, 好sharp.

兒歌智慧

遇見以前的經濟科老師, 談了一會. 對, 91152, 畢業十四年lu!

同亞L睇thomas, 有首歌叫patience is a virtue, 我好鍾意, 裡面ge歌詞簡直係大智慧!

don't get too excited
just try staying calm
thinking for a minute
saves you so much harm
everything around you
is rushing here and there
life can be so simple
if you make time to spare

if you're in a harry
take the time to think
what's the point of rushing
if you're on the brink
go a little slower
someone else can leave
take the time to rest
that's what engines need

http://youtube.com/watch?v=heGuZxWjNOg

取得平衡

同個client傾偈...走ge時候, 原來已經五點九lu.

以前唔開心, 我都唔鍾意講. 不過, 大大下, 我反而prefer講出嚟. 可能, 我知道身邊的確有好多好朋友, 我唔想佢哋擔心, 俾佢哋知道發生咩事, 佢哋就唔駛左猜右度. 而且, 唔開心ge時候, 面口少不免會難睇d, 唔想佢哋硬食我d黑面, 講出嚟, 我覺得對自己對好朋友都公平d.

以前, 我都唔鍾意話自己唔開心, 因為我覺得唔開心即係失敗. 其實, 唔開心係結果, 唔係原因. 開始要學習承認自己的負面情緒. 不過, 揹得起, 放得低. mm, 我會俾自己唔開心...一陣咁多la. 亞Q d諗, 成日都開心, 無得比較, 又點知咩係開心呢!

同佢講咗好多次"平衡"...無平衡, 就無得持續發展...互勉之.

我愛壽司

好開心, lunch食板前壽司! 懷念以前的壽司杯......

響螺壽司...響螺大大片...爽滑...鮮甜...好味道!!!
板前蝦壽司...蝦身晶瑩剔透, 甜美...正!!!
三色魚生飯...三文魚, 三文魚子, 海膽...絕配!!!
魚生飯係定食, 仲有湯和酥炸野菜餅.
三文魚子軍艦...圓珠珠甘香肥美, 嘩!
甜番薯, 類似拔絲ge凍甜品...完美結束!

計好多數

全日都低頭督計數機, 對住電腦入數...頸超攰, 眼超矇. 算la, 總算喺deadline前一日完成!

走ge時候, 差不多六點, 仍然陽光普照. haa, 可以完成工作(其實仲有少少), 唔駛"戴月荷鋤歸", 心情都係愉快ge. 聽日上晝off, yeah!!!

book咗三間首爾guest house, 希望快d有回覆la.

韓國之旅

祝媽咪舊曆生日快樂!

俾咗錢lu...濟州+首爾八天. 0721-0728, 五日四夜package價值$5170, 我哋再加三晚酒店.

好期待今趟韓國之旅...藍色, 綠色, 烤肉, 魚生, 冷麵......

星級廚師

又係發生喺法國...有d想睇!

是日晚餐

好鍾意食粥! 今晚當飯食, 順便清埋d糉.

濟州幾點

睇咗幾個鐘...濟州...這些都是我想去的地方......

漢拿山...不過, 路途好似幾崎嶇......

天地渊瀑布
城山日出峰
龍頭岩
龍渊...喺龍頭岩附近, 順便去埋la

法菜九式

仲要趕住同好姊妹食飯ga...搭地鐵, 居然唔記得轉車.

我哋去咗德福ge C'est Bon, 補祝B的生日. 想食得高貴d, 所以選了法國菜. 7:30開始食, 慢慢享受九道菜, 我哋差不多食到10:30, 真係成三個鐘wor.

一開始就有這些麵包...有芝麻的好香, 加埋牛油, 好味.

(1) 香煎法國煙鴨胸配香橙蜜糖汁

(2a) 焗釀蟹蓋配香草薄荷汁

(2b) 凱撒沙律

(3) 香煎法國Rougie鵝肝配野莓汁

(4) 香草蟹肉蕃茄湯
(5) 西柚雪芭
(6) 蒜香橄欖油煙肉意粉
(7a) 香煎石班柳配番紅花汁
(7b) 炭燒澳洲羊仔鞍配露絲瑪利醬 (7c) 炭燒牛柳配牛肝菌汁
(8a) 芝士蛋糕
(8b) 暖心朱古力蛋糕配雲呢拿雪糕
(9) 咖啡或茶

其實每道菜的份量都唔多, 但食下食下, 都好飽...雪芭, 甜品特別好味道. 今晚, 三個消費$820, 都唔算貴lu. 好想試下那些真係貴夾唔飽ge法國菜...真係好食d? 真係好feel d?

特效不痛

噚晚掛住瀏覽旅行資料, 夜咗瞓, 朝早起身, 頭有d痛...今日工作密密麻麻, 無mug抖抖ge機會, 頭不斷隱隱作痛...耀眼太陽, 狠狠照住敝機構, 每次經過corridor, 曬得好辛苦, 頭繼續痛...堅持當無事, 唔食藥, 一心想快d做埋d嘢...閃!

不過, 三點五十幾分, 領導話要proof-read文件...結果, 我睇到六點三至睇完. 原本諗住, 只係睇上次改咗ge嘢, 點知, 睇睇下, 原來有d行有d字係無咗ga...嘩, 越睇越頭痛啊...終於要食特效必理痛. 不得不讚, 真係好有效, 即刻好好多.

年年有餘

噚日心情唔多好, 今日無事lu. 放番d噚晚爸爸生日食飯ge相. 無論餸菜還是蛋糕, 都"年年有餘", 好!

另外, 原來舒利亞都去咗法國度假, 我哋果然心有靈犀! 不過, 我的法國之旅要延期. 或者, 出年至啟程la.

大家快樂

爸爸同好姊妹ge生日...祝你們快樂健康.

我都要快樂, 開開心心.

端午龍舟

端午節! 烈日當空, 拖住亞L, 第一次去現場睇龍舟. 亞L見識多d, 同時間, 我都見識多d. 多謝L, 其實, 你令我越來越進步!

龍舟競渡...同亞L一齊嗌"快d快d"(pic by L)

亞L求救...好攰, 抱我, 真係好攰!

台劇之夜

今次無去ceo, 去咗greenbox. 都ok喎, 只係唔多習慣無私人廁所. 我覺得d歌係多d, 不過, 音響要再好少少. 食物質素都唔錯, 唔會有特別驚喜gala, 但係都食得睇得...唱K, 食都係其次.

今晚係台劇之夜. 可能小M同C都勁煲劇, 點了許多許多台劇歌曲. 嘩, 超多飛輪海...我唔多識lor. 唔知點解, 對煲劇無mug興趣. 印象中, 只係睇過long vacation和love generation. 前者ok啦, 可能因為姊弟戀感動唔到我, 不過, 我超鍾意love generation. 松隆子好鍾意木村, 願意為他付出所有所有. 付出ge同時, 卻不覺得對方跟自己同樣付出, 佢因而唔開心. 自己唔開心ge時候, 佢又討厭自己斤斤計較. 原來, 越愛對方, 反而越令自己唔開心.

也許...相愛很難......